龍邦燒味小廚茶餐廳

營業中

休息中

每次去到都係排隊排哂長龍，尤其而家無晩餐堂食，大部分人都斬料回家，真係好誇張⋯⋯😅————————-呢間燒味真係經常食，而且佢哋嘅燒昧的確唔錯，食燒味，配埋酒，真係一流———————-🟫燒腩：我最鍾意食呢到嘅燒腩，真係燒得唔錯，拎到返屋企D皮一樣脆卜卜、肉質也是我喜歡吃的質素和口感👍————————🟧燒鴨：香噴噴熱辣辣，皮脆肉嫩滑，加埋酸梅醬，惹味又滋味，睇見已經口水流😋———————🟥叉燒：嘴刁刁的我，食叉燒就梗係要食肥叉，相信識得食肥叉嘅人就知道點解要食肥叉，那種又有口感又帶一點筋部的位置，吃落又爽又嫩，簡直就係滋味無窮🥰————————雪凍枝日本黑糖梅酒➕🧊冰飲，配合燒味，又係匹配到一流👏👍黑糖梅酒配燒味越吃越覺好美味開心🥳⋯⋯就係咁簡單————————

經YouTube 陳x琳介紹全港最好味叉燒，對我e個叉燒迷膽粗粗去試下，中午時間排左半個鐘，叉燒拼切雞飯，叉燒肥瘦可以，普普通通，切雞全雞胸，結論好一般唔值排半個鐘，去敏x冰廳食黯然叉飯好過!!!

我有一個好鍾意食叉燒既屋企人。網上有段短片評比香港最好味叉燒(香港島區, 希望可以整返個九龍區), 龍邦燒味得到好高評價。(第一名既係新桂香, 好想試下, 但位置太唔方便我地, 希望之後有機會。)龍邦燒味原來幾受歡迎, 非常貼地的港式茶餐廳格局, 當日大概下午5點到達, 等候既客人也不少(定佢地同我一樣因為睇左條短片)。我地點左乳豬三寶飯(燒肉同燒鴨)加一隻鹹蛋同一盒淨叉燒。店員態度非常好, 笑容滿面。三寶飯 - 最有驚喜乳豬, 拎返屋企再叮熱食, 層皮都仲脆架。燒肉同燒鴨也不錯, 入口鬆軟入味。鹹蛋就一般, 偏乾, 顏色有點帶灰, 唔太新鮮。叉燒 - 望落去好靚, 油油亮亮半肥瘦也有燶邊。入口蜜味充足, 偏甜濃味。但我個人覺得瘦肉的部分不夠鬆化彈牙, 偏乾硬。整體黎講, 龍邦燒味食物表現還算可以, 食得出佢地使用新鮮既食材, 肉味濃, 完全沒有騷味。

燒味可以話係廣東菜嘅精髓，同樣嘅做法、同樣嘅食材，只要調味有少少唔同就可以做到唔同嘅風味。燒味當中自己最愛叉燒同燒腩仔，前者啖啖肉，後者肉厚而帶骨香，連骨嘅肉其實係好滑溜。今日自己好貪心想食埋乳豬，所以叫咗個乳豬三寶飯（$65）跟例湯。乳豬-外觀上碟切到好幼身，以為好少好吝嗇，但其實總量都唔小。放落口皮脆，有肉味，雖然薄身，但絕對唔係骨多過肉。預期之外，正燒肉-外觀係行貨，瘦多過肥，似自己最唔愛嘅沙梨督。入口完全改觀，無肥肉但絕對唔鞋口。以為咸死，又居然幾香。皮脆肉滑，贏呀叉燒-外觀唔肥唔瘦，不過好似無乜蜜糖色，量少。入口同視覺感覺一樣，有啲失望。有甜度不過唔夠蜜糖味菜乾豬骨湯-料多，不過無乜燒骨味，例湯唻講都算佳

之前看 YouTube :有個節目講，雪姨＋鄭嘉穎老婆話D野好正！今天去試吓！嘩，有冇講錯，义燒還可以，我地叫左义鷄米,义鵝飯，D鷄是昨天買剩的灰灰黑黑，义鵝D皮硬過條鐵，米粉好大碗！但冇味，好似水一樣，好得人驚，真係冇下次，D人講話好食真係聽吓就算啦！不要太認真！好在不是太貴就算啦！鄭太重話佢最喜歡！

朋友話上環有間燒味掂好得， 咁茶實中環都有好多間勁掂 ，一樂， 龍記，華豐，都非浪得虛名。 不過既然呢間雖說上環，其實都唔算起遠，就去會下佢啦！星期五下午2點半到，茶餐廳格局， 入面座無虛席！ 咁既時間，竟然要等位 好彩等左大约10分鐘就入得叫左兩個飯，四宝加雙拼，$5x 幾個餐包野飲，唔算特別平，不過入面d侍應幾好人，同大家有講有笑！朋友建議叫燒肉，話係鎮店之宝，大家睇相估下係點答案係.....脆爆啦！ ！！！個皮堅脆，勁過18歲 卜卜脆！！今次証明朋友係無介紹錯！

三點食 燒味 兩餸米線，點左燒肉肥叉，聽聞好出名好好食，所以就黎試下。跟杯熱好立克，$43。燒肉同肥叉都各四件。燒肉係凍左，但咬落個皮都係脆既。肥叉既調味幾好味。兩樣食落都唔錯。不過個米線既湯底好重味精，食完個口會唔舒服。係幾大碗，有條菜，係幾有誠意的。整體，燒味係OK，但唔會話特別覺得好想再食。

呢間龍邦茶餐廳，係我返工經常幫襯嘅，係我日常嘅早餐之選，除咗因為佢近公司，鍾意❤️佢食物同埋價錢都夠貼地，而且呢度本身有自家製燒味，就算早餐都可以食到佢嘅叉燒， 唔係到到都食到！⭐️佢嘅早餐套餐只係$32，已經有叉燒通粉、餐包、煎雙蛋、凍奶茶 。～我好怕食啲好瘦嘅叉燒，因為口感好柴！呢度叉燒肥瘦適中，所以食落口感好嫩滑，通粉嘅湯底用上雞湯，所以食落唔會有一陣味精味👍見到幅相都知個餐包有幾巨型，食落好鬆軟，係我最鍾意嘅牛奶拉撕麵包✨呢個價錢呢個價位😋回頭率100分😍

今日午飯時間突然間想去食燒味，所以去了這間在上環核心地區的燒味舖。每次去這裏都會點乳豬三寶飯因為其乳豬十分高水準及平民價錢。$65就可以有乳豬及另外兩款燒味。但通常我會叫佢小飯同埋走汁因為佢啲汁你係比較鹹如果太少飯就會比較咸。另外你亦都可以選擇飲老火湯或者飲熱奶茶等飲料。

呢間位於上環地舖嘅龍邦燒味茶餐廳，地點方便，容易搵，同上環地鐵站口A2，都係距離2分鐘左右！呢度嘅早餐真係好抵食，$32已經有一個早餐，凍飲都係加兩蚊！🌟沙嗲牛肉公仔麵～沙嗲味香濃，仲食到少少花生粒添，牛肉亦夠滑，唔會老😊，好難得係公仔麵都煮得啱啱好，麵質好好👍🌟跟餐配牛油餐包和火腿奄列～好欣賞佢個牛油餐包，牛油味香濃，而且仲係拉撕麵包，我本身對麵包比較要求高嘅人，都好鍾意❤️以中上環呢個價位來講真係好抵食👍

有時放工或者午飯時間都會來這間燒味舖食佢嘅拿手乳豬三寶。因為覺得佢嘅乳豬三寶飯價錢實惠又有一碗湯同一條菜感覺比無菜的燒味飯健康。通常我會叫乳豬肥叉燒鴨，然後就會有乳豬醬姜戎同埋甜醬三種醬。感覺好滿足。如果例湯是白菜豬肉湯的話我會叫佢多啲白菜唔要豬肉，因為燒味飯已經很多肉。不過例湯就覺得稍微多了了味精。所以要注意一下。同埋最好叫佢小醬油，因為佢一般會放好多醬油如果一家以上三種醬料就會很快把飯食完之後又會覺得有點咸。

🔺星洲炒米 $42😋指數：🌕🌕🌕🌕🌑◽️好香呀，又夠味 放lunch好肚餓 食到呢個味道令我感到好滿足 因為其實星洲炒米要煮得好食都唔係話真係咁易 試過有啲又有燶味 有炒到啲米粉碎晒 。 呢間唔會 而且啱啱好個 辣到對於唔食得辣嘅人來講都冇問題令我驚喜嘅係估唔到蝦都有幾多粒下啲蝦冇臭味亦都唔覺得係梅嘅啲肉 40幾蚊有呢個質素 係上環來講真係好高質啊 難怪每次經過都見到咁多人排隊啦裏面有洋蔥同埋叉燒都好好食 個size切得岩岩好容易入口 一定會來再食吖

很久沒有到來，在龍邦燒味叫了乳豬飯，配甜醬一流，乳豬皮脆，又不太肥，實在是不俗。不過，午餐時間很多人光顧，若不是今天見少人了，也不會進去。整體來說，偶然進去一試也可

聽聞龍邦燒味小廚荼餐廳滴燒味系附近比較出面噶，我就好奇去試試。果然好食，就隨便叫左個燒肉雞腿飯，燒肉不會太肥，剛剛好，燒得好香，食落去好香口，雞腿肉也好嫩口啊，兩個肉都好入味，份量都超級足，我覺得就食菜都夠曬飽了，就價錢有小小貴，不過好食系甘噶啦。

去開上環都會想食呢一間龍邦燒味小廚茶餐廳，因為貪佢近地鐵站，座位都闊落坐得舒服仲有湯送！我次次都會嗌叉燒油雞飯多飯配凍檸茶Total$53+$2蚊凍飲，高質又抵食！叉燒有得嗌肥叉瘦叉，油雞又有得嗌雞髀，總之你有乜嘢要求你即管開聲，佢哋都會盡量滿足你！如果你撞正佢新鮮出爐既叉燒，嗰種入口即溶嘅感覺令你一試難忘有時經過撞正新鮮出爐我都會買半斤叉燒外賣返屋企加餸油雞方面配蔥油係基本，龍邦勝在佢油雞嗰塊皮都好好味又唔肥，次次食完都會好滿足！總括嚟講呢間都係一間性價比高嘅燒味店，比起例如太興呢啲連鎖店，呢度贏好多條街！