龍苑中菜廳

營業中

休息中

母親大人生日，想搵個decent D既地方食晚飯，原本想試尖咀滿福樓，點知攪到一肚氣（詳情見另文）。朋友介紹不如試龍苑，點知出乎意料地好，絕對值得推介。約三日前book，請佢寫張八個人食、唔要翅既菜單look look。佢瞬即辦妥ｆａｘ到，計有：（前菜）乳豬件、鴨舌、腐皮卷、干燒茄子、（主菜）海參瑤柱羹、西蘭花螺片帶子、豉油皇焗澳洲大花蝦、清蒸海杉斑、古法鹽焗雞、鮮冬菇扒豆苗、單尾長壽伊麵、另壽包同雪耳炖萬壽果。實際得來唔失禮，留埋間房俾我，仲先後兩次打電話跟進菜單同到時間，相當有交帶。晚飯當日，為免有甩漏，我早了十五分鐘到，發現一切早準備就緒，侍應哥哥一早stand-by，到人齊上菜，一切有條不紊，非常企理，節奏掌握恰到好處。菜色份量同味道十分理想（事實上我們還臨時加了個人），四款前菜均十分美味，絕非一般灘到凍晒的行貨，鴨舌係我所食過最正既。大花蝦名副其實地大，一人一隻要動用刀叉品嚐，肉質鮮美，同煮的蔥更是精華所在。海杉斑要用精彩來形容，火侯剛剛好，肉質富彈性，魚味濃之餘完全不腥，好食到停唔倒口。鹽焗雞嫩滑可口，雖然非骨位略淡，不過我還是寧可淡好過咸，西蘭花對老人家來說稍硬，我就ｏ

多年前到此晚膳，一嘗王倉與冰糖燕窩。及後多年再訪，發覺其鳳吞翅(雞腿釀翅) 和鹽焗雞出色非常。是夜重臨卻十分失望。雞不入味、亦冇雞味、牛柳用soda ，一塊無味肉、鮑汁雞粒飯，汁『獻』太多，似泡飯。從前超值$78 鳳吞翅不見了，也懶得再加餸。曾經美麗，長留心底；今非昨是，就此算吧！當真花開堪折直須折，莫對無味雞嗟嘆！

今日叔叔請食飯,提早慶祝中秋節. 四人點了..-涼拌海蜇: 爽而香辣.有丁點過油.-沙薑雞(半隻): 肉嫩,有雞味,味道剛好,不點沙薑醬亦好味.-羊扒(4件): 用蒙古烤羊香料,不帶半點油膩,肉質鮮嫩.-豉油王中蝦(4隻): 重豉油香,不錯.-椒鹽沙甸魚(4條): 我本身怕沙甸魚,但今次一點也不腥,還很香口,好味.-紅酒燴牛尾配花卷: OK.肉夠腍.但我覺得過甜了點.-豉汁帶子蒸豆腐: 用山水豆腐,帶子鮮嫩.-上湯莧菜: 普通.沒有唐閣的好.+ 白飯x3, 可樂x2.整體來說幾好味,但一半菜式帶fushion,用刀叉食.而我筷子功力麻麻,但還是較喜歡傳統廣東式.招呼方面,有位侍應伯伯十分殷勤,體貼.是次叔叔請客.

細個同屋企人常來,都ok la.星期日飲茶,平日食晚飯,一個月都有10次嫁.起碼阿媽叫我去食飯,話去龍苑,我唔會反對law.我地屋企人結婚同喜慶,唔係龍苑就係佢地下面個宴會場地.其實酒店來講,佢地d裝修真係算肉酸,樓底勁矮.但係媽咪daddy鍾意,食開有感情掛,我畢業後同朋友食飯都會來.但係就食一次,扣分一次.食既都仲ok law,但係招呼個d人個個都好似做開茶餐廳咁,無咩禮貌,唔叫唔願郁咁,好似好好招呼個d就假到...... 依家連感情分都用哂啦.............真係最後一次啦, 媽咪daddy都改左去new world la.食左都有12-13年啦.....好唔開心law.bye-bye la

工作伙伴請客到龍苑午宴, 聽說龍苑的食物水準高, 真的十分期待冷盤的海哲頭十分爽脆, 冰涼的感覺令人吃得十分痛快, 拍黃瓜則不夠入味, 味道過淡, 大大扣分.蝦餃包得精緻靈巧, 蝦肉新鮮又大粒, 水準之作, 燒賣肥肉太少, 以致口感太硬, 只一般, 义燒酥十分太件, 大得有點過份, 酥皮鬆化但饀料不足, 還是海景軒的好吃得多每人一客杞子燉瑤柱雞湯, 味道清甜, 雞味濃郁, 湯入亦有大量湯料, 喝得出有瑤柱金華火腿的湯, 十分美味. 想不到廣東酒樓竟然會有泰式食品, 雖有點格格不入, 但這一客青咖哩茄子, 帶有十分泰國風味, 金不換的香味加上青咖哩, 放於中式煲仔內, 熱燙的味道真令人很難忘!瑤柱濃雞汁炒麵, 雞汁很香濃, 味道不錯, 但是汁太多, 麵又煮得太腍, 以致麵都變得太腍身, 没有口感, 如果麵可以煮好一點會理想得多. 部長推介的新菜式為香煎沙甸魚, 以新鮮沙甸加少許咖哩粉及鹽煎香, 沙甸魚皮脆脆的, 十分香口, 肉質雖比罐頭貨色的好, 但是都是帶點梅梅的感覺, 咖哩味的帶點香辣, 不過唯一失敗之處就是吃完之後, 口腔內的魚腥味極度強勁!!!!Service來說, 酒店的一向都

酒店價錢，茶樓水平，非常不值。

星期六同媽咪黎飲茶.叫左xo醬炒蘿蔔榚,叉燒飽,9菜餃,魚香茄子餃同綠茶桂花榚.全部都好好味.炒蘿蔔榚既面有少少脆口9菜餃既蝦好彈牙綠茶桂花榚好滑好正反而叉燒飽同魚香茄子餃無乜特別(但都好味)有membership's card打左7折.要120蚊.

My mom & I go there for lunch few months ago, dim sum & service is bad, always need to wait for quite long for refill of water. The decoration is too old and need to renovate. I don't know why there are still so many people go to this restaurant for lunch. I will not go again.

由於見到電視推介煲仔飯好似好好食，所以早幾日同班朋友來食晚飯。結果發現煲仔飯質泰只屬非常一般，而且價錢頗貴(約＄120一煲)，飯不香且太少，非常不值。後來叫侍應煮飯焦，卻煮得又冷又無味道，很難吃。另外叫了４樣小菜，味道還算不錯，但份量實在太少，一個砂煲只盛有1/4的。這次晚飯每人用了約$150，但完全不飽肚，令我們需要再到附近茶餐廳醫肚。這差勁的晚飯破壞了我們一班朋友歡樂的聚會，所以再也不會來了。

與家人及男友來過兩次飲茶,其實呢度裝修有點殘舊,畢竟有番咁上下年紀,幸好每次黎都唔算多人,坐得尚算舒適啦.點心水準普遍中上,最欣賞各款腸粉,幾乎滑過我塊面,正! 另外椒鹽白飯魚都好好味,碟底一點也不油,廚師炸野功力似乎好到家呢~埋單有折(因媽媽是會員)4個人around$320

因為飲食男女介紹, 便興致勃勃的去試一試所推介的兩款甜品!1. 日本南瓜珍珠露- 甜品是把南瓜挖走中心, 再加其他配料一齊煮, 所以等候時間會長啲. 好入味, 感覺上沒有另加糖, 只靠南瓜本身的糖份去煮. 雖然說是兩人份, 四個女仔去試都夠食. 因為原個上, 最啱鍾意食南瓜嘅人.2. 綠茶桂花糕- 好清, 但係好特別; 跟一個桂花汁, 好好食.其他小菜都不錯, 但此行是為咗食甜品, 很值得!

以酒店水準，環境算麻麻。檯與檯之間都幾迫，可能接近新年，多左人食團年飯的關系。燒腩肉: 用上新鮮的豬仔，肉質好淋、好有豬味，兼且冇乜肥肉，不過略嫌燒肉皮薄左啲海蜇素鵝: 普通芝痳蝦: 蝦夠爽且大件。佈滿芝蔴的蝦半浸在酸甜的檸檬汁中，蝦身再鋪上一片薄薄的檸檬，食落好開胃，不過略嫌唔夠蝦味鼓油淋雞: 有雞味，中規中矩什菌炒斑塊: 斑塊都算新鮮小塘菜: 好甜

尋日中午時份，同老細接埋兩個班星加坡佬一齊食Lunch，一向吝嗇的老細問我附近有咩好食。既然問我，我就話當然要去食好d，唔好失禮人。我就叫佢不如去呢度啦，就下d 坡仔，唔駛人地四圍走，初頭老細唔係好願意，又話貴又話乜，最後都被我說服成功。落到去，老細左兩支十年的古越龍山的花雕叫人開。開瓶費一百蚊一支，酒店算係咁啦。但老細竟然同個部長講話貴，差d想講埋價，仲比個部長的眼神歧視一番，唉，呀老細，慳都唔係慳呢d啦。講番野食，點了幾碟點心，整體唔錯，蝦餃皇及魚翅燒賣都做得有水準，大大粒餡料幾足。另外亦叫了幾碟燒味類，其中蜜汁叉燒就是當餐最高評分之作，蜜汁塗滿叉燒面層，叉燒所染紅色鮮紅帶粉，賣相一流，叉燒也燒得平均而不，實屬佳作。還有一提是個坡仔點了一條14的東星班，盛惠$480，見到老細個樣都想笑，佢想慳都唔得啦。條魚蒸得剛剛好，沒有蒸過龍，魚肉能與骨蒸到剛剛能分開就是最好的蒸魚時間。埋單千二蚊，差唔多啦老細。

中午時和朋友食一個中式午餐, 不知是否巧合, 每次都幾近乎坐在同一位置午飯, 而這次亦沒有例外. 還是坐在同一張台.先開了一壺龍井, 茶味清香, 朋友點了一客蟹粉小籠包, 但賣相似燒賣唔討好, 而且欠缺蟹粉味道. 再來菠蘿咕嚕肉, 仍然係水準之作, 粉薄香脆, 菠蘿香味道討好, 肉質偏瘦; 蒜香糯米骨, 糯米水份偏多排骨味亦只係一般; 最後一味冬菜蒸東星班頭腩, 魚肉新鮮香滑, 但部份魚鱗尚未去清, 而且冬菜味有點太強, 搶去了魚肉鮮味. 整體上表現有點退步, 而且價錢偏貴~

有一段時間無食過龍苑, 水準仍然不錯,北京鴨, 十分脆二度生菜包都幾好味.白切肉, 即蒜泥白肉咁, 都OK, 不過都係鐘意觀唐雲南風味O個D.中式牛柳, 牛柳本身肉質幾好, 不過汁料一般.鹽焗雞, 幾入味只係唔夠滑, 不過都好鬆軟.爉味飯, 爉味香口,飯質OK, 不過好大煲食唔到底.故撈肉, 用波羅殼上, 幾特別~ 而且D粉厚薄適中, 但似乎多汁左DD 個皮唔脆.蔬菜粉絲, 幾多銀茸, 而且唔多油