龍寶酒家

營業中

休息中

七點幾入座打邊爐已經好多食物無哂，第一張單黎得一半，之後落單好耐先黎食物。落10樣野食，上得4樣，湯無哂水無人加，連自己想搵壺水都難。服務態度一般，食物質素又差，以後唔會再食

乳豬 $88一隻/一蚊一隻雞，一臺只可以揀其中一樣，我地揀左乳豬。黎到雖然唔熱，但個皮仲好脆，多幾大舊，唯一唔好係要自己切。蠔餅蠔好大隻，初頭以為好足料，啖啖蠔，之後發現原來d蠔分配得好唔平均，有幾塊啖啖蠔，但竟然有幾塊會完全無料，有人會無蠔食。甜品叫左3碗紅豆沙，幾重陳皮味又唔甜，好適合老人家食。8個人叫左7個餸加3碗糖水， $800 埋單都算幾抵，另外仲會俾$30拍車資助，附近幾個停車塲拍邊間都得。

我和外子每逢到葵青劇院看表演，都會先到劇院旁邊的湘川滬吃晚飯，時間可較鬆動。但昨晚去到發覺該店已結業，只好在附近另找地方，看到地鐵站內龍寶酒家廣告，就去試試。兩人各要了一盅六十八元的元貝螺頭燉大鮑翅，湯料豐富，有螺頭、瘦肉、小元貝及兩大塊排翅，可惜湯不鮮美，若能加些金華火腿，可添口感。我們也要了一碟特價燒鵝，$22四分一隻，極平宜，但肉質分明是燒鴨，幸好味道還可以。另外我們再要一碟蝦醬鮮尤炒通菜，$85大大碟，菜多，鮮尤數片，可能廚房只是灼熟材料，再加少許蝦醬撈撈，完全不像炒菜。甜品是兩個小蘋果，因趕觀劇，只好帶走。

同長輩慶祝生日，多數都係揀食中菜，呢間龍寶算係舊式少少嘅酒樓，不過估唔到夜晚都幾多人嚟食。雞似鹽焗，雞肉滑。鐵板桶蠔，蠔夠大隻，表面輕輕炸過脆脆地，不過蠔無乜味，而且煮得太耐好實身。燉湯好多料，好濃，好味👍🏼👍🏼其他餸味道都正正常常。

今日母親節，媽咪想話去葵芳間龍寶試下，於是我地打完麻雀之後就出發去晚餐冇訂位既情況下等咗大約半小時，都比預期中快雖然環境就一般畢竟依間野都有啲歷史，但係服務都可以接受，由落單到上第一道菜大約用咗三十分鐘，另外食物既價錢亦都化算，不過價錢係+13%，最後埋單都唔平，不過依度都算有比較多海鮮可以選擇上湯龍蝦伊麵 （一隻）$118伊麵份量偏少，大約一碗半既份量龍蝦新鮮，爽口彈牙好厚肉元貝螺頭鮑翅 $68/1超級抵食份量超大，食完已經飽咗一半好足料，螺頭瘦肉金華火腿都煲林哂，原粒元貝，兩大舊鮑翅，湯底非常入味，不過略嫌鹹咗一啲蒜蓉粉絲蒸蟶子皇（四隻）$148聖子蒸得太耐，所以比較難咬不過尚算有啲鮮味，粉絲亦都夠多西蘭花珍珠帶子 $108西蘭花口感啱啱好而且入味，不過帶子就一般太過軟林最後每人跟一個生果，不過竟然係蘋果好小有

收工收到媽子電話同埋個地址，話今晚出街食。心諗做咩咁突然平時都係我撬佢先會出去食，今晚竟然咁有興致？黎到先知原來表姐黎左香港，所以媽子就想同佢洗塵。都啱嘅，因為真係好耐無見了。前菜小食係啲青豆果仁等香口零嘴，如果係南乳花生就好了因為更香脆同醒胃。呢啲平時返工食得太多了，有啲食膩了。第一道係蒜香骨。炸得好乾身但肉唔算好柴，不過嫌蒜味唔太出俾蜜糖味遮蓋左啲。之後係一蚊雞。無錯，真係一蚊而已。雖然得半隻（其實係視乎人數而定）但味道真係唔錯。雞肉滑嫩而且有雞味，又有啲啲五香粉點綴幾好食的。燒腩肉。叉燒双併，呢個係有啲失色的，腩肉其實肥瘦均勻而豬皮都夠脆，但叉燒好硬入面都是乾的。雖然蜜汁有起到滋潤嘅作用，但都救唔到幾多。蒸石斑魚還是什麼的。鮮味十足，條魚蒸到啱啱熟所以魚肉仲係非常嫩滑同鮮甜，沾上少少豉油好快就清剩得返魚骨了。酒樓嘅蒸魚水準永遠都係屋企做唔返一樣的。最後係高湯浸小白菜，白果出奇地好食，一啲苦咊都無而且煙韌。但白菜本身唔算甜主要係靠上湯個味提出。所以都係中規中矩嘅作品。飯後果係原個紅蘋果。一日一蘋果，醫生遠離我，但洗得唔係好乾淨。成餐飯大家同表姐有傾有講咁，八卦下佢近況等等。耐無見真

趁復活節假期，約埋屋企人一家三口出去食個飯。6點半黎到酒樓唔洗等位，超正！ 酒樓係媽媽話要食，因為佢想食水魚煲。菜牌都幾多野食，又多優惠，就算假期都係加10-20蚊，都抵食！ 不過後尾埋單先發覺，原來唔止加10%服務費，而係13%，咁收錢法好似有啲奸！ 三個人叫左四分一隻燒鵝、炒白菜仔、水魚煲、焗芝士澳洲龍蝦配e麵底。埋單$750，其實都抵食嘅！ 抵讚嘅係龍蝦好新鮮，啲肉一啲都唔林，同埋真係要放入焗爐焗，所以都好乾身同好香芝士味！

星期日度度都要等位，行遠少少黎到龍寶飲茶，唔洗等，叫左幾籠點心醫肚，有咸水角、明蝦角、蝦餃、燒賣、牛肉、叉燒蝦腸粉、煎堆等等等等，點心上枱全部都熱騰騰的，連炸物都係上枱出煙的，值得一讚。蝦腸粉既蝦好大隻，腸粉皮都唔算太厚，可以叉燒腸併蝦腸，一次過試晒兩款，唔錯！明蝦角可以encore，蝦肉滿滿的，足料抵食，其他蝦餃、燒賣、煎堆就中中庸庸，無咩特別，但侍應服務認真差，幾個侍應係客人面前大大聲聲係到講晒粗口係到嘈，我地枱有小朋友係到個個聽住佢地嘈交，影響食客心情，如果志在飲個中茶的話又唔洗等，都勉強可以既！

星期日靚太一家去了龍寶海鮮酒家吃晚飯。龍寶的位置交通方便，在地鐵站和大型巴士站的旁邊。酒樓有2個入口。馬會左邊的入口，樓梯較斜。如果有老人家，建議拐個彎由正門進入。正門有電梯哦。但平時電梯是靜止不動的，有人步近才運作的。靚太家一行5大人1小童 點了五餸一湯。名醬秋葵牛柳條HKD＄85/碟靚太最愛這碟餸之前靚太頗抗拒食秋葵因為層口水黏稠滑傘傘，淡貿貿但此碟餸廚師用秘製醬炒香令秋葵微，香口惹味醬汁有點兒似極品XO醬秋葵鮮嫩爽口，尺寸選擇了細條的秋葵，沒有炒過龍，份外鮮嫩。牛柳條鑊氣十足。選用牛柳，比牛肉更嫩滑。肉質林滑不痴牙。火候十足，香口惹味。蠔皇北菇鮑螺片煲HKD＄108窩鮑片螺片應該是罐頭的，但味道尚可。價錢合理。這個價錢沒可能要求要真鮑吧。北菇炆得很”林”滑，每隻都很大隻，肉質既厚且軟滑。生菜吸盡蠔皇味。整體來說不錯。野生大海花班 HKD$438/1條約2斤侍應捧花斑來時我們以為上錯菜。全檯都很驚訝上了1條十幾人份量的花班。是約3斤幾重，落單2斤的魚怎麼變了3，3斤半？肉質也鮮嫩。建議用2支筷子隔開魚和碟，以免食得慢，魚的背面被熱碟熱到過熟。1斤灼海蝦/HKD$138/1碟約1斤肉

中午時段 媽媽剛好放工 隨便吃一吃😂走左去龍寶嘆個靚茶 叫左我至愛嘅乳鴿即叫即炸 送上枱時香氣十足乳鴿並不細唷 而且幾多肉 肥鴿一隻外皮炸到十分香脆 肉質嫩滑又juicy 有咬口而且油唔算太多 好好食👍🏼👍🏼👍🏼 另外叫左碟豉椒涼瓜排骨炒麵喜歡勁苦嘅涼瓜 咬落十分爽口 正炒麵一半係脆卜卜 另一半佔了醬汁後變林混在一起吃時口感特別豐富👍🏼👍🏼👍🏼不過略嫌太油 吃到一半時 油已經聚底😪😪😪

龍寶有两間分店, 一間係葵芳一間係深水埗, 2間都不時會去, 平時飲茶既多, 晚飯都唔係成日食...  今晚同4姨餞行就去食晚飯喇! 途中發生左一段小插曲, 話說約食飯個時淨係話'龍寶', 4姨就以為係深水埗個間, 當我地去到點解搵極都搵唔到張枱個時, 打電話先發現其實係葵芳個間...  真係一個大誤會呀!!!  好彩都係搭幾個站, 即刻搭車都好快...今次無叫到$1既雞呀, 鴨呀, 龍蝦之類...  叫左個套餐...個拼盤都幾大碟幾多野食, 燒肉脆卜卜最好食!蒸蝦好新鮮喎! 又大隻喎! 平時懶剝蝦既我都食左好幾隻!反而呢個炸蝦就麻麻喇...  炸野已經好易入口, 不過呢個炸得太硬太乾...  似咬緊舊硬野多過食野...呢個西蘭花炒肉就正正常常, 有菜梗係食多D!呢條多寶魚好大條呀!!! 肉質尚算新鮮, 幾好食架!最麻麻就係呢碗羹, 唔知點解都幾腥下... 就算落左醋加胡椒粉都仲係腥腥地... 飲左2啖就無再飲...燒春雞就肥左少少...  通常酒樓既雞, 都係雞脾稍為好食D...比較唔錯都可以話係個壽包喇!!!  熱辣辣拎出黎就即刻食, 軟軟既外皮再連埋香口既蛋黃! 唔錯!最尾糖水都

見今日咁凍, 晚上6:30同父母去龍寶打邊爐, 上次去都無咁差, D野食係黎得慢但至少都有, 今次坐低叫佢開茶 (老人家要飲熱茶), 叫左3次先有人黎, 仲同我講, 汽水啤酒自己攞, 我話 "開茶"呀, 佢先話6點幾係得一個侍應負責火鍋枱 好啦, 都算開左茶, 第一輪叫左既野食都算有黎, 但豬肚一陣臭屎味 , 明顯無洗乾淨, 都算啦, 咪唔食囉三個人食左45分鐘先叫第二次都好正常丫, 點的野大部分係菜類、菇類、少少魚, 都唔係過分丫, 等左半個鐘有多都未黎, 同一個阿姐講, 佢話幫我追再等15分鐘都無, 再大聲D叫第二個阿姐, 隔離枱都話叫左無野食黎, 咁佢寫低枱號話追, 好似好認真咁再過15分鐘都係無, 我同父母趕住九點前去電話舖辦手續, 無理由要人坐係度無野食等佢咁耐, 再叫返第一個阿姐, 佢話追左, 見我火起, 佢終於都部長黎幫手 部長一臉唔耐煩咁過黎, 我話點解等左45分鐘有多D野食都未黎, 食2小時黎過一次咁大把, 叫左第三次仲係咁, 佢一D 都無唔好意思, 只係話你有咩野未黎, 重新寫過, 我叫廚房比你咁我問我落左張單呢？佢話唔見左啦 , 我話唔見左做咩問到第三次都

今日係愚人節，亦都係復活節假期嘅最後一日，所以就約埋一班好友去食餐好嘅....我地8點半先去，所以唔駛等位就有枱啦龍寶做緊$1雞、$88龍蝦同$1奇妙鴨。我地今晚有6人，可以俾$1就有1隻雞。隻雞大大隻，仲好有雞嘅鮮味添。之後我地仲叫左咖哩金薯牛根腩煲最鐘意就係食佢D薯仔，好淋。雞湯木耳浸菜苗喱碟普通無咩特別，但起碼唔會好咸。炸鳳尾蝦$36，抵到爛。蒜香一字排龍寶嘅一字排有好多種類可以選擇，全部都好香好夠味。最後因為白飯$12，所以決定叫碟大嘅糯米飯$96喱碟食過3次，唔算好好味但都唔差。最後仲有生果-大橙一人一個，好甜個人覺得係度食飯好過打邊爐，又平又大碟，最緊要係味道唔錯添!

晚上7時我和朋友食火鍋一坐下去柸有污垢,叫服務員黑口黑面.寫了單比服務員,等25分鐘冇野食,叫服務員睇下我叫D野,佢就叫我等等,等到我發脾氣問他大約一個鍾,佢先拿有一點野食,寫左好多野冇黎,問服務員叫我再寫,寫左冇黎!

一家四口第一次來這裡食飯, 我都叫左我細佬book位架啦, 佢又話唔駛, 話應該無咁多人食哂啦, 今日星期一應該冇乜人掛? 點知七點半去到, 門口都有一堆人, 諗住有排等, 點知都係等左 15 分鐘倒, 算 ok 啦, 但係上到樓上, 見到有幾張吉台架.... 坐低左之後, 環境都ok, 一般舊色酒樓/飯店咁既格局, 侍應都係一般舊色酒樓/飯店咁既侍應......不過態度唔錯, 我地張台對到正風口, 吹到我地頭暈, 咁我地就話唔坐呢張, 如果冇台我地寧願落去再等過. 咁跟住佢地又搵到張角落頭位 (同隔黎台逼逼地) 比我地, 咁都冇所謂, 唔好吹到正就ok, 搞左一輪 d 侍應都冇話唔耐煩咁, 都仲同我地有傾有講睇過哂食評先黎既, 我地叫左 d "聽聞" 係必叫的.....一蚊鹽焗雞 ---- 同一般鹽焗雞無大分別,SIZE亦差不多,不過一蚊真係超級抵食砵酒焗生蠔 ---- 本來我叫薑蔥生蠔, 因為我本身好鐘意食薑蔥, 點知呀姐話... 叫砵酒啦, 呢個好食好多架, 仲話 75% 的人都叫砵酒架! 咁我地就信佢啦, 哈哈, 點知真係好好食喎, 個面有少少香脆, 蠔味濃郁, 裡面仲有汁 j