龍城冰室

營業中

休息中

咁啱今日去咗旺角行街，正值午飯時間都有啲肚餓，所以就決定咗去一間冰室食午餐。呢間冰室嘅地段其實都幾方便，非常之近地鐵站。焗芝士牛脷飯平時我就好鍾意食焗飯嘅，所以見到餐廳有提供我當然會試吓。今次就叫咗焗芝士牛脷飯，睇落個賣相都幾好。熱辣辣唔錯咁喎。牛脷嘅份量都幾多，而且食落口感軟腍，好容易就切得開。另外白汁嘅味道都好濃，熱辣辣嘅焗飯配埋芝士食好開胃。炒蛋治炒蛋治我都好滿意。唔單止炒蛋夠香滑，調味都好足夠，多士切口都非常整齊。雜果賓治去得冰室就梗係要叫返杯雜果賓治，雜果嘅份量好足夠。再倒埋7喜落去，個賣相真係好好睇。飲落個配搭都非常唔錯，絕對值得一試。如果大家都鍾意食冰室嘅，就唔好錯過呢間餐廳啦。

今晚凍凍地想食暖笠笠的晚餐見到龍城冰室，餐牌有酸菜魚吸引咗我入去🥳點左dinner set 有湯送 可以揀左中湯或西湯西湯係羅宋湯我就揀左中湯合掌瓜粟米甘荀煲豬骨好足料及入味的老火湯😋到今晚主角：酸菜魚🐟超驚喜😍冇諗過咁大碟香料辣椒都好足夠 魚的份量都唔少食落酸酸辣辣 好惹味配飯一流真係比得上出邊酸菜魚店但佢的價錢只係$85仲要送湯 送飲品CP值高好難得係一間茶餐廳裏面食到酸菜魚 仲要係好食❤️飲品我就加左特飲 +$9雜果賓治夠特別 飲完又有d雜果食 值得試😊之後見到佢有個麵包corner忍唔住叫左個酥皮蛋撻食 $7仲係熱辣辣好脆口 忍唔住買多個明天做早餐😋正整體食物唔錯 上菜快加上地理位置真係好方便旺角D出口一出就係👍🏻會想再encore

外賣叫早餐，一個鐘都味出到單，打去外賣app同餐廳問咩事啦，外賣app還好會幫你跟，個餐廳接線唔答話咩都唔知，睇都唔幫你睇，同餐廳講叫個早餐成個鐘後重係準備中，餐廳方面係完全唔會幫你睇係味甩左單，只係會推卸責任錢就比左，都好好禮貌咁同餐廳講返甩咗單既問題，重要收線時候聽到比餐廳員工極不禮貌地粗口問候，態度極之惡劣由落單到送餐體驗極差，員工連甩單都唔識跟進，7點落單9點都味送到，極之不推薦

喺度食過幾次早餐，食麵歺都OK。一試招牌冰火菠蘿油出事。個菠蘿包係完全凍㗎，點樣溶舊牛油。最後我只食了菠蘿包。（阿姐好大聲咁話，可以用微波爐幫我叮返個包😅😅）招牌喎！

🎈食物：🌕🌕🌕🌕🌕叫左個C餐，魷魚公仔麵，炒蛋腸仔，火腿芝士牛角包，飲可樂，樣樣麵好出色，41$ +3$可樂，好抵食😍😍😍🎈環境：🌕🌕🌕🌕🌑環境都乾淨，一個人要搭枱，有隔版隔住，同有位放袋，唔錯既😁😁😁🎈服務：🌕🌕🌕🌕🌑留意番只收現金，記得帶錢食野😂，出菜率都好快😁😁😁🎈回購：🌕🌕🌕🌕🌕由於又平又好食，下次再黎旺角食早，想試埋其他，正😁😁😁

今日經過旺角，入咗龍城冰室，一去到龍城冰室，都係比較出名嘅。我坐低梗係要食下佢個常餐，揀咗魷魚麵，因為魷魚唔係好多地方有得食，而且佢嘅魷魚好新鮮，同埋個汁夠辣，我就叫咗嚟試下啦。上到嚟啲魷魚果然一樣好彈牙，好好味，另外個餐仲配埋個奄列，真係好好食，個蛋同啲火腿配合得好好，熟度又岩岩好，吾錯，又吾貴！另外仲叫咗個芝士流心西多士，28蚊，即叫即炸，好香脆，而且佢上面加咗牛油，牛油嘅份量可以自己調教，因為佢上碟嘅時候牛油係未溶得曬，所以可以自己筆走一塊都得，我當然喜歡多牛油啦，間唔中邪惡一次都唔過份喇！又平又好食，又大份！旺角食堂好地方！

呢間餐廳成日都見到有人排隊今日喺附近經過見到唔係好多人排緊就決定今日試試佢入邊嘅環境以冰室來講都算大同幾靚（無咁老餅）餐牌嘅嘢食都一樣 有好多選擇除咗菠蘿油同泡飯之外同埋石鍋飯、台式飯嗰啲特別啲嘅嘢一間餐廳就可以滿足一家人唔同嘅飲食要求唔使猜包剪揼決定去邊間餐廳🤣我今次就揀咗佢喺牆上邊推介嘅台式招牌醬香牛脊骨飯嘢飲方面呢間冰室都比較多選擇平時最多都係檸樂嗰啲雜果賓治，其實而家比較少餐廳有可能都係得唱K先有得飲所以今次叫雜果賓治🍹台式招牌醬香牛脊骨飯真係好大碟 同埋有好多肉蘿蔔都好大舊 份量唔少唔洗怕出街食飯唔夠菜食啲肉同蘿蔔食落好稔同入味呢個醬有啲腩汁嘅感覺 係好食嘅撈飯一流下次可以試吓其他嘢食或者係萬惡嘅菠蘿油

呢個舖位，由金舖變咗做冰室，有蒲開旺角嘅人一定好有感受。😎呢間龍城冰室有幾間分店，今次開到嚟旺角就試吓佢啦😆😆😆今日係平日晚餐時間，都算幾爆場係門口等咗兩分鐘執好枱就入得伙記炒哂檔咁，係好道地嘅香港茶餐室嘅速度🤣🤣🤣🤣晚餐一般$70-$80左右旺角呢個位呢個價都係理解嘅，同埋見佢都唔係啲咩普通一般料。佢啲扒餐有湯有餐飲都係一百蚊前後，咁又唔算貴喎🧐🧐🧐見好多人買飽，睇嚟係招牌。一上枱仲咋咋聲，好正今次我就試咗個照燒雞扒鰻魚配照燒汁跟意粉。好大塊雞扒同大半條鰻魚啊～～～味道都ok，唔使點汁都好味👍🏻軟淋得嚟有口感，一百有找算唔錯意粉量都唔少，細食人士要小心啊～～～做人最緊要惜食啊💪🏻

今日黎左新之城轉角位呢間冰室食野，主要想食佢個招牌菠蘿油，黎到已經見到出而大排長龍買佢地既新鮮出爐麵包，所以我就入左入坐低食，呢度地方超大，坐位又夠闊，選擇又多，有鐵板餐，燒味，小菜，湯飯，常餐，全部都係港式，仲有勁多人買既港式麵包。我地叫左個招牌海鮮湯龍躉泡飯，冰火菠蘿油，同兩個酥皮蛋撻。招牌海鮮湯龍躉泡飯-好足料，有勝瓜，菇，雲耳，當然唔少得龍躉，一碗齊晒湯菜肉主食，方便又好味，湯底好似龍蝦湯咁，幾鮮味，魚肉爽口彈牙，個湯我地都幾乎飲晒。招牌冰火菠蘿油-超巨型菠蘿包夾住塊靚牛油，菠蘿皮脆得黎咬落唔會散晒，好味又夠晒邪惡。啲人排晒隊買包真係有原因。招牌酥皮蛋撻-個蛋撻仲熱熱地，有蛋香，唔會好甜，酥皮夠鬆化。

旺角呢間龍城冰室，大大間，環境好，地理位置方便，一出地鐵站就到，喺新之城隔離就係，而且價錢非常大眾化， 又唔使加一， 簡直就係超正！今日我同老公去食嘢， 兩個人食都大概一百蚊左右， 我老公嗌咗個雞髀薯條餐 ，而我就食咗個乾炒牛河。先講個炸髀，真係好大隻呀！而且炸得好香脆，皮薄肉嫩，薯條係粗嘅曲薯條嚟，好好食 ，即叫即炸， 呢哋屋企真係煮唔到㗎！ 份量都夠，我老公食完都覺得飽。與我個乾炒牛河分量更加多， 而且好好食， 炒到每一條河粉都分明嘅，牛肉份量都多，先6十幾蚊連飲品，全日供應，晚上真係抵食啊！呢間咁方便，價錢又平，下次一定會再嚟食！

啲員工唔擾做咁，又串，服務態度非常差食物品質好一般，價錢又唔係平啲野食出問題叫極無人理行到埋黎聽完啲問題就直接收走果碗出問題既野食，仲用超串既語氣叫你揀過第二樣換過都廢事，直接叫你揀，揀唔岩就咪食食完呢次，受完啲氣都令人唔會再想回頭幫襯

是從旺角開咗呢間茶餐廳之後每次經過都會睇佢個麵包櫃，款式都幾多並唔係一般嘅菠蘿包、雞尾包，而系加入咗自家製嘅元素。試過佢嘅黑松露雞批，估唔到都幾出色餡料多，脹卜卜，但係比較油膩。今次係第一次堂食入到去覺得超擠迫，同籠屋冇乜分別。客人太多店員太少舉左多幾次手都冇人理，終於落咗單上彩速度都好快。焙茶麻糬朱古力包 $11麵包大大個，不過咬落去都係空氣包放咗一段時間所以麵包同餡料已經分離，朱古力唔算好多所以都唔係好甜，其實都想講吓依家嘅甜品唔好下下都放麻糬，都要睇佢夾唔夾囉。所謂嘅焙茶基本上係完全冇關係，試過就算。熱奶茶$20溫度足，色澤均勻，味道香濃有水準。

有時我瑞士雞翼撈公仔麵🐔都會係度買下麵包🥖係唔錯既，尤其係個黑松露雞批🥧係特別嘅，第二度食唔到😋😋我多數都係外賣，因為成日都見到要排長龍，難得今日唔使排，咁就入去食下啦，終於可以試吓佢其他食物啦🍜🍜😍😍茶餐廳來講佢都算係環境唔錯😉話晒新裝修👍🏽坐得舒服冷氣又夠，食物選擇款式多😊而且出餐快👍🏽👍🏽完全做到港式茶餐廳嘅風格😬😬去茶餐廳梗係要食常餐啦😋😋平時多數都係炒蛋，方包🍞呢度竟然係火腿奄列，丹麥多士🤩🤩🤩實在太開心🥰我同朋友一人叫咗一個餐😎分別係秘製香辣魷魚公仔麵🦑🍜同埋瑞士雞翼撈公仔麵🐔🍝火腿奄列，丹麥多士🍞奄列蛋夠滑，超多火腿👍🏽丹麥多士外脆內酥軟😋😋好味😋秘製香辣魷魚公仔麵🦑魷魚爽口而且入味，唔太辣，醬汁嘢味👍🏽公仔麵軟硬度適中😉都係一個唔錯嘅選擇😆瑞士雞翼撈公仔麵🐔瑞士雞翼超入味，甜甜地配埋個汁撈麵冇得輸😬😬個人比較鍾意食硬面😆呢個對我來講非常好😋😋如果唔鍾意食硬面嘅朋友記得一定要叫佢煮耐少少😛😛凍檸茶🥃仲係傳統嘅方法用緊原片檸檬🍋👍🏽茶味香濃☺️整體來講都算唔錯位😀於九龍區價錢又唔算話太貴😊最緊要食物質素好👍🏽

#ftf_旺角快靚正抵食冰室地點方便，選擇多元化，價錢抵食又親民~下午茶時段店舖都人頭湧湧，之前經過見到餐廳啲麵包已經大件又靚仔，今日決定下午茶食完正餐再試埋佢！🤣鮮茄焗豬扒飯 $55⭐️⭐️⭐️⭐️⭐️性價比極高，大件夾抵食！係厚切豬扒，極軟腍，豬扒表面粘左蛋漿再煎香，然後再焗，濕潤度剛好。而層滿佈芝士同鮮茄醬，洋蔥同蕃茄、菠蘿等配料都算有份量，飯係炒底，粒粒分明唔會太水太淋，撈勻配料食，開胃又滿足！朱古力 （凍飲+3 ）⭐️⭐️⭐️味道偏淡，姐姐好好已經同我換過一杯，雖然濃味左，但睇圖都色水較淡。芋頭QQ軟包 $9⭐️⭐️⭐️⭐️⭐️包控表示很滿意，性價比極高！芋泥軟綿，中間仲有麻糬，但口感並唔係煙靭嗰隻，係比較軟身，麵包口感鬆軟，類似日式軟麵包咁，平時作為煙靭控都大愛！榴槤菠蘿包 $14⭐️⭐️⭐️⭐️榴槤餡料分量十足，味道都算香濃，不過菠蘿皮就唔算話太香脆。焙茶朱古力QQ包 $11⭐️⭐️⭐️中間嘅朱古力餡料有啲似金莎嘅味道，偏甜，裏面仲有麻薯，麵包口感相對冇芋頭軟包咁軟綿，比較乾身，焙茶味唔算話好突出，我覺得似抹茶味多啲，哈哈！但$11性價比都算高！芋頭麻糬QQ包會再encore!走嘅時候已經發現已清空，好彩食到

平時一直幫襯開銅鑼灣分店，經過想買個包。短髮侍應有見到我，兩手Fing Fing 無野做掛住打牙鉸，仲扮望唔到。而且叫極都唔應機。😒係咪生意唔憂做？定唔樂意賣包俾顧客？