齒來香蛋卷 (已搬遷) 新店位置

曾在這區打滾多年, 不過好像還沒來過買蛋卷, 乘近日回校之便, 找了上來。店子乃一般街坊餅店陳設, 不過店後便是製作各式香脆蛋卷的重地! 幸運的話會見到店員在捲蛋卷呢! 先來幾款招牌貨品:1. 鮮椰汁短蛋卷 ($15) - 厚身短蛋卷, 捲得結實得來入口卻又鬆化, 也不會吃到一地是碎, 好! 蛋味比椰汁味重, 還有些牛油香味。有點膩口, 宜淺嚐, 不過一開始吃就停不了了。2. 鳳凰蛋卷 ($15) - 正常版椰絲芝麻餡的鳳凰卷, 不過餅皮內多了黑芝麻, 一言以蔽之, 正! 皮薄餡靚是也...餅身比蛋卷的薄, 摺的工整, 質感輕盈, 椰絲和白芝麻也很香的。3. 肉鬆鳳凰卷 ($15) - 外皮跟鳳凰蛋卷沒分別, 裡面是少量豬肉鬆, 吃來沒有前者狼狽。我自己較喜歡這個版本, 因為有點鹹味令它沒有那麼滯口, 多吃幾件也沒問題。店內阿姐不算特別熱情, 不過會同熟客打下牙骹; 她們說周末都幾多區外人特地來買蛋卷的。

我今經過, 聞到好香~~~ 就忍唔住去買啦..... 入到去, 見到好多野食, 唔知揀咩好~老闆娘即刻不停狂Sale 我買野, 勁叫我買檸檬夾心餅, 我覺得係冇人買先叫我買.. 因為好明顯佢出名既係蛋卷類嘛.....最後佢仲sale 我買兩包蛋卷... 我就話我一個人食唔到咁多, 買一包夠啦...我唔係咁鍾意佢太硬銷啦....買左鳳凰蛋卷(椰絲沙糖味)~~ 傳統d~~ 真係好鬆化~~ 好有蛋香~~ 好多椰絲和芝麻~~ 唔會太甜~~ 味道和質感也是上等~!不過真係太貴啦..... $15 一包, 得10小塊.... 我唔係太喜歡d蛋卷太易碎,就覺得唔值~如果試下都okay gei~ 唔會常買~~

今日我兩點鐘去到想買蛋卷食, 但係要等陣先..冇所謂啦! 因為新鮮熱辣既蛋卷佢正在整緊..我仲買埋我最鍾意食既雞蛋餅....其實, 店女面有好多唔同款式既中式小食, 但係得我一個人食, 所以要下次先可以試喇~~椰汁蛋卷一袋 ( $15 ) : 可能太熱放入袋, 所以唔夠脆, 但係都好好食, 因為充滿蛋香同椰汁香~~ 仲有, 都幾鬆化同唔太甜~~ 雞蛋餅 ( $6 ) : 好好食呀~ 脆卜卜~仲好香雞蛋味, 又唔會過甜, 仲好似有小小蜂蜜味, 超好味~~

這家蛋卷店總是傳出陣陣的蛋香, 十分誘人. 這個芝麻肉鬆蛋卷十分鬆化, 蛋香之餘亦有芝麻的香味, 兩者味道十分協調. 肉鬆份量不多不少, 真的很出色. 新鮮製作的蛋卷相信防腐劑也不會比大品牌的多吧.

偶然之下發現這家看似老字號的中式餅店(其實是被那大大個"蛋卷"字樣的掛牌吸引)最愛酥鬆和重牛油味餅食的我當然立即飛入去看個究竟HAHA除了蛋卷鳳凰卷杏仁餅(一大堆澳門手信類)外還有我喜歡的芝麻花生糖很想買的不過剛巧不夠現金-3-最後只買了一包剛封口的芝麻短蛋卷蛋卷很重椰子味,甜度尚可接受最有趣的是每條蛋卷也是不一樣的:有些很脆卜卜,有些則較軟,應該是放涼未夠耐雖然吃到不一樣的蛋卷但心裡還是想著那些佈滿黑芝麻(比平時的要多1倍!)的芝麻花生糖自己比較鍾意最古老那種牛油味超重的鐵罐蛋卷

頭先講開我特登搭車去英記食完米粉﹐其實我係仲有一個目的既~~就係黎呢度買埋蛋卷勒﹗﹗唔係街坊既大家可能唔知﹐呢間鋪頭以前係0係上一條街既一檔鐵皮屋做起。0個陣時仲係依家個店主個老豆新鮮熱辣即場整架﹗唔係講笑﹐我亞媽話我識行就開始食呢度D蛋卷勒﹗﹗@.@!!一食就食左十幾年﹗中間我係無食過其他蛋卷架﹗因為我係覺得佢做既係最有感情同埋最有heart既﹗﹗唔似其他0個D係塭機器做。所以真係食呢份誠意都抵啦﹗買左好多野﹐因為樣樣都想食。。。=.='''買包括有原味蛋卷($12)﹐芝麻味蛋卷($15)﹐芝麻肉鬆鳳皇卷($15)﹐馬仔($1X)同埋蛋黃餅($6)。我淨係想講﹐我樣樣都覺得好好味﹐好味既並不單係佢既味道﹐而係佢既誠意同埋佢既感情﹗後記:當我儸住一大袋又蛋卷呀。。又馬仔返到屋企既時候﹐我亞媽好興奮咁0係度睇。。。隔左一陣﹐特然佢用略為埋怨既聲音問我"點解你唔買埋花生糖呀~~~﹗﹗﹖﹖" "0下﹗﹖@.@""""""~~~~~啊。。。"

以前讀大學時佢仲係街邊舖成日行過都會聞到佢好大陣蛋味於是忍唔住又去買番包佢係厚身d但蛋味夠o個種雖然係攤檔仔但非常新鮮衛生而家仲好生意到夠錢搬入舖想起又想去買黎食

路過見到有大字報推介,於是停步睇睇,點知突然殺出個熱情的老板娘出尼強烈推介,o係盛情難卻之下入左去睇.之後老板娘樣樣都推介,又話喱樣脆,又話o個樣新鮮出爐;又話喱樣多人買,又話o個樣好食......最之講到樣樣都好好.我就唔理,行程o岩o岩開始,冇理由買蛋卷,如果唔係包蛋卷碎晒都未歸家.結果免為其難下買左包迷你乾酥餅.乾酥餅非常非常乾身,而且非常非常之硬,有中計感覺!

其實我返工都一定路經呢度, 行過都聞到超勁既蛋味...不過本人對蛋卷只係一般, 媽媽睇到飲食男女既報導後即刻叫我買比佢食...我買左包芝麻肉鬆蛋卷($15), 不過唔係報導所講咁熱辣辣...個老闆娘真係勁勁勁好禮貌呀, 我買完之後佢都話下次再黎幫襯, 呢度d cookies都好好味架... 真係好有親切感媽媽食左之後話真係好味, 好鬆脆, 好有蛋香...我係第2日先食, 唔知係唔係因為咁, 只見鬆, 脆就一般... 好勁既芝麻香味, 肉鬆分量都好足, 蛋香就ok啦...我都係鐘意食精記多d, 不過始終唔係蛋卷冇得比, 下次試下再評...