齊柏林熱狗店 (衙前圍道) (已結業)

每次食都係叫套餐，野飲轉小食，今日嗌嘅時候，個店員話無得咁嗌，我話之前可以㗎，佢就講之前可以，依家改左唔得。本身都無咩問題，唔得咪唔得囉，最多俾其他人飲，然後我多口問左句幾時改㗎，個店員答我改左半年啦，但係我好肯定我上次食肯定無隔半年咁耐，睇返支付寶紀錄，最近一次係5月底，點計都無半年啦，我真心唔明有乜好呃人

又係食漢堡系列, 今次試間店係主打熱狗嘅"Zeppeline Hot Dog" 九龍城分店, 而試咗齊柏林Double漢堡同經典牛肉漢堡, 亦試咗炸魚手指同炸辣雞扒先講個齊柏林Double漢堡, 基本上冇蔬菜配料, 咬落啖啖肉, 但牛肉味冇乜, 醬汁又唔係特別野味, 另外一個經典牛肉漢堡都差無幾, 塊牛肉冇乜牛味, 成個包只係將啲料砌埋, 兩個包食落都係普普通通唔會話想下次再食, 至於炸魚手指又係普通, 反而炸辣雞扒就幾好味, 係薄咗少少, 題外話, 撞啱收銀係個女人, 問多幾句俾面色睇兼語氣少少不耐煩, 服務態度麻麻, 真係冇咩意慾再幫襯

來九龍城逛街的時候不小心發現的一間熱狗店～買了招牌的一款，芥末醬汁好正喔，熱狗和麵包胚都很不錯吃！看到他家還有跟餐有薯條和汽水，下次想試試看他們家的套餐！感覺會很讚！

最近留意到好多地方都開咗《Zeppelin Hot Dog Shop》我本身對熱狗嘅熱愛程度一般，不過見Zeppelin 開咗咁多分店，個 Hot Dog Menu 整得都幾吸引，一於買番個試下先揀咗Best Seller 之一嘅”火炙芝士辣肉醬熱狗 “另加$12升級做套餐，選配2款小食，揀咗薯條同牛油粟米 （唔揀小食嘅話，可以揀2款飲品）”火炙芝士辣肉醬熱狗 “呢款熱狗嘅餡料有芝士、辣肉醬、生洋蔥、黄芥末同荷蘭腸個包同條腸正正常常，驚喜欠奉反而個辣肉醬同生洋蔥幾惹味，同個黃芥未好夾！薯條Zeppelin 嘅薯條有進步空間，熱D脆D會更好反而個黃芥末蕃茄醬就幾啱我口味～ 牛油粟米牛油味唔夠突出，不過粟米好夠熱（食完熱狗同薯條，最後先食粟米都仲熱辣辣）總結，《Zeppelin Hot Dog Shop》嘅熱狗正常，但唔算好大驚喜，同埋最好一整好就食，熱辣辣嘅時候食應該會加番D分！建議店舖先用牛油紙包好隻熱狗再放入紙盒俾顧客，咁樣顧客可以連埋張牛油紙拎住隻熱狗食，比較方便同衛生如果唔用牛油紙，店舖可以為顧客預備張紙巾係外賣袋內

即叫即炸嘅薯條！ 粗薯條… 好脆！ 加錢買左shake shake粉芥末紫菜味！大薯條一包shake shake 粉好似唔係好夠味…但沽到果啲就好好味既！ 姐想重口味啲 😂下次買2 包先！

呢間熱狗店都好多間，終於係九龍城開了！見佢出左chokchok 薯條，一定要試下，平時都好鐘意食M記既shake shake薯條。為左呢個Chok chok 薯條，叫左平時最鍾意食嘅澳洲風情熱狗，同薯條，今次試下芥末紫菜味。食物即叫即整，非常新鮮，熱辣辣。熱狗保持到水準，醬汁豐富好味。薯條新鮮炸起，脆口好食，唔會淋晒，加上個芥末紫菜粉，令薯條味多左好多變化！CHOKCHOK薯條仲有幾種口味，睇黎要食多幾次試埋佢地！

之前食過旺角、沙田同屯門分店，一直都有幫襯開，今次終於開到九龍城，未開業前已經很期待😂今晚唔想食飯就買火炙芝士熱狗L102，雖然圖示兩隻辣椒仔，但其實唔係好辣，有酸酸甜甜的茄醬中和左，芝士做到拉絲效果，最重要係趁熱食😋加多$12有薯條，有粟米，欣賞薯條同蕃茄芝士醬分開另上，保持薯條既脆度👍粟米相對比較淡味，希望可以加返少量牛油增加香味。等候時間幾分鐘，即叫即做，合情合理，唔想等最好打電話order。眼見整熱狗工作枱空間狹窄，一邊睇一邊驚成個包跌落地😅有一個小朋友無戴手套，徒手加料，下次唔好啦！可能係入職新同事流程唔多順，希望佢哋會越嚟越熟🤣