鼎記 (已結業)

肚餓路過想食燒味 就同朋友入左黎食我嗌左個叉雞飯叉燒韌到咬唔郁咁滯啲飯煮到爛嘅係啲雞同碗湯正常唯一讚得落嘅係薑蔥有薑蔥味唔知我唔好彩定點真係唔係肚餓嘅話可能食唔落

難得有個空閒既星期四🤣黎旺角行陣街黎食返個正正燒味飯先☺️🤤紅燒乳鴿叉燒飯叉燒乳鴿組合既招牌燒味飯🤪蜜汁叉燒乃大大重點🐷🥩叉燒肉半肥瘦比例剛剛好🥩燒得夠靚之餘唔餘過火燶哂邊🤤鎖緊肉汁食落夠Juicy亦係一絕🤤而今日新鮮即炸既乳鴿🤤外脆內嫩既絕佳口感🤩啖啖肉且肉汁滲透更係印象深刻🤤滿足既燒味午餐😋燒腩仔經燒香既燒腩仔🐷啖啖油香果然夠哂邪惡滋味之餘😋就算凍左再食依然脆皮先係重點之處🤩🐷

今日去旺角行街，行到咁上下見肚餓，就揾左間餐廳醫下肚，點知有驚喜呢間鼎記係豉油街，地點十分方便，裝修新淨，所以都有吾少客人幫襯係店內牆上有大大隻招牌鴨腩面幾個字，咁一定要試下la仲有各式既飯面可以選擇，而且價錢合理行到個人熱辣辣，要飲杯凍咖啡降下温。咖啡好香滑，係我鐘意既味道，飲完成個人都好舒服鴨腩面黎喇!!!香噴噴，用料十足，大大舊牛腩同燒鴨油面吸晒湯底既味道，而且煙煙韌韌，好有咬口，牛腩好入味，吾會起渣，而且好有口感。燒鴨肥瘦適中，就算浸左係湯都依然香口呢個乳鴿叉燒飯，睇落超豐富!叉燒係半肥瘦，簡直係完美。乳鴿食落好香口，撈埋飯一齊食，真係好食到吾停口不得不提呢個辣椒油，好香，連我呢個平時吾食辣既人都忍吾住要點，可以令食物既味道更惹味大家都食到未夠喉，再叫左個西多士當甜品。西多士炸到金黃色勁靚，而且係分開四小個，食既時候好方便。西多士食落去十分鬆軟，中間既花生醬超香

幾個月沒有來旺角，這裏有間新開的鼎記，光線足，而且裝修新穎，看到店內食客也不少，於是就來支持一下小店吧。黯然銷魂飯聽就聽得多，第一次吃。荷包蛋煎得濃邊，叉燒肥瘦適中，配上甜甜豉油，真是沒得彈。招牌鴨腩麵配油麵侍應哥哥大力推介鴨腩麵，這樣的配搭很少見，就來試一試餐廳的功力吧。湯底有豬骨、蘿蔔、大地魚和蝦殼，難怪喝起來有淡淡鮮味😋很簡單，牛腩鬆軟入味，鴨肉香，油脂四溢👍🏼$48，真不知道到哪裏才找到這個價錢。燒乳鴿很少見到茶餐廳有燒乳鴿，這裏的燒味都是用大烤爐現場即製而成，是新鮮的味道。乳鴿皮脆卜卜，叫半隻兩個人分享，就剛剛好。👍🏼👍🏼下次一定要帶媽媽來，相信她會喜歡我所推介的鴨腩麵😎

中午係旺角行到累，見到鼎記新裝修門面乾淨光猛，感覺幾好，就入去食個下午茶座位不迫夾，有卡位鋪面非常乾淨比呢個招牌吸引左😝黯然銷魂飯 $58值回票價！真係好銷魂兩隻太陽蛋煎得剛剛好，蛋汁撈飯一流！叉燒份量頗多，燒得有小小濃邊，夠香口仲用了半肥瘦叉燒，完全不油膩，油香豐富醬油都ok，不會太濃味，撈蛋汁唔會比醬油味搶曬朋友叫了雙拼 燒鴨切雞飯 $53賣相靚仔，雞件似鹽焗雞，醃製得夠入味雞切得大大件，不錯👍🏼燒鵝亦非常香口，配上酸梅醬解膩，食曬都完全無罪疚感本人好欣賞個蔥油，調味一流簡單撈飯已經好好味😋燒鵝唔肥膩，啖啖肉，大大滿足感奶茶夠熱 夠香滑同傳統茶記有得比😋最後要讚讚店面同收銀姐姐，非常好禮貌，都細心推介要試個黯然銷魂飯果然好推介，哈哈😄

雖然油尖旺最近疫情好似好嚴重！但我同朋友一早約定去旺角鼎記食嘢，大家唯有更加小心保護自己一於照去聽朋友講鼎記最近先開業，我見到門口嘅餐牌已經決定暗然銷魂飯同乳鴿係必食紅燒乳鴿义燒飯 +飲品 $68鴿身細而肉質鮮嫩外皮燒到夠香脆，味道又夠完全唔使再點五香准鹽.义燒肥瘦適中燒得啱啱好再搽上麥牙糖連埋啲汁嘮飯食好好味😋朋友叫必食嘅招牌鴨腩瀬粉 +飲品$48 燒鴨大大舊肉厚皮脆，牛筋腩炆到啱啱好有趙口又滑林，瀬粉滑嘟嘟加埋牛腩湯熱辣辣食完即刻暖曬食飽叫番杯熱奶茶再+鮮油奶多士$18 奶茶夠香濃又滑重要嘅係上枱時一定要夠熱先好飲，同朋友share 每人一件厚鮮油奶多麵包少少濃邊夠曬滿足等疫情好返啲多啲人嚟試埋佢哋嘅燒鵝先

今日同姐姐一齊在旺角朗豪坊購物後，開始覺得肚餓，又係時候搵地方食午餐，姐姐話上星期食過鼎記嘅黯然銷魂飯，佢話D叉燒好好味，好想再食所以帶左我入去試試，呢間餐廳好新好乾淨見到餐牌寫著必食推介😋招牌鴨腩麵$48，當然要叫一碗試吓啦，首先有多款粉、麵底可供選擇，我揀了瀨粉加葱花，上枱時單看賣相已經好吸引，足料又大碗，燒鴨色澤油亮🦆外皮好香口，鴨肉嫩滑，咬落好有質感再加埋牛筋腩炆得又淋又入味，瀬粉軟滑彈牙，係我鍾意嘅質感配埋秘製辣椒油，好好味姐姐叫了一碟紅燒乳鴿叉燒飯$68，呢個配搭好有特色，乳鴿皮脆肉嫩，肉汁豐富，叉燒香甜鬆軟咬落唔韌，我們都食得很滋味，果然係用心製作嘅手工燒味凍檸茶亦好有水準，檸檬非常新鮮熱奶茶☕️茶味香濃又香又滑

經過旺角, 見到好多新開既舖頭。 旺角好似變成好唔熟悉既地方。都差唔多3點啦，只到榮光同對面既lee間鼎記好多人, 就簡左鼎記, 因為好想食燒味。 見佢招牌菜係腩鴨麵, 好特別, 所以就吸引左入去。 竟然茶記有燒味食。入到去, 真係好多人。 佢既menu都有好多選擇, 而車仔麵真係咩都有得夾黎叫, 好犀利。 朋友試左下午茶既燒鵝賴, 我叫左車仔麵: 牛腩+魚皮餃+义燒+燒乳鴿, 仲叫左碟菜芯, 再跟2杯熱檸蜜。雖然係下午茶時段，但都好大份量。 唔怪之咁多人。唔好講少, 鼎記既燒味真係好唔錯。 佢既燒鵝，义燒都好稔同入味。 唔會硬, 又唔太肥, 好想食多d.連牛腩都係咁好味。 其實今日食既野都好正, 真係分唔到邊樣最招牌, 不乳鴿就稍為鞋左少少。 並唔係話乳鴿唔好食, 只係瘦左d, 所以都覺得唔錯。 最後, 我覺得連佢杯檸蜜都好好味，甜味剛好, 冇菜蜜味，檸檬都唔澀。 整體真係好唔錯。

選擇困難症嘅我見到咁多選擇唔知食咩好，見到餐廳盡頭超大個牌寫住招牌鴨腩麵，一於試下尼個。上菜好快，唔洗10分鐘就全部上齊。 招牌鴨腩麵 $48好大碗仲大過我塊面，尼個價錢幾低食，平時係出面食鴨得好少肉，難得尼間舊舊都有好多肉，牛同鴨油脂好香，牛腩軟腍好入味，略厭湯底好油，食到成嘴油。 炸芋圓 $25/5粒粒粒炸到金黃香脆，芋泥綿滑甜甜地，細細粒一啖就食晒。 黯然燒魂飯 $58（套餐配熱飲及例湯）溏心雙荷包蛋，配上燒得恰到好處既叉燒，每一舊叉燒都被蜜汁包裹住，令人食指大動。叉燒分量充足，表面燒至焦脆，但肉質又唔會好乾好柴皮。飯既分量都好多，可能因為叫左其他小食，所以食唔曬。不過個人麻麻地鍾意荷包蛋，下次都係叫番全熟蛋好啲。 金磚西多 $25炸至金黃香脆既西多士，麵包上既蛋漿厚度剛剛好，炸到酥脆，唔會太多變左食煎蛋咁。配上糖漿同煉奶食更好味，個人就比較鍾意點糖漿。

其實一開始見到燒鵝瀨 諗住買黎試下，一入到去 疫情下 少人都正常 ，但係隔離d茶記都爆哂人 。呢間直頭小貓三四隻 ，心諗 伏左啦.... 叫完之後 佢地d職員 係到企係門口拉客！果下已經知道伏左 有實力又洗咩拉客呀 您地明啦?仲要等左3個字，原來整好左，d職員係入面吹水，我就係門口食左３個字西北風可一不可再～

係旺角附近搵野食咁岩見到新開哩間鼎記外表平平既一間茶餐廳原來一D都普通入面除左一般茶餐廳有既野之外重有自家製既燒味 同埋 車仔麵🤩🤩我地叫左燒鴨牛腩麵叉燒燒肉飯金磚西多士腩鴨麵係餐廳推介系列😎😎自家製既燒鴨啖啖肉唔錯 再加埋牛腩👍🏻另外加左豬紅 配埋佢地獨有既辣汁真係唔錯簡單既野係最難做 呢句說話一D冇錯🌶不過鼎記就做到好好🙌🏻而叉燒燒肉飯同樣出色 叉燒半肥瘦😍唔會食到成口油 燒腩仔最緊要係個皮夠脆食完飯覺得未夠飽所以叫左佢地餐牌上既另一個推介金磚西多士🤪西多士食得多 鼎記既西多士就係切得細細舊 唔係一般所見既一塊過 金磚西多士既size係一口一舊 西多士炸得香脆 入面重有花生醬餡 配埋蜜糖同牛油真係飽到上心口

今日去食佢下午茶，食佢個燒鵝瀨，湯碗好但得連皮無肉件三小件。問侍應，佢話：係得三舊，鵝黎嫁嘛。我都知係鵝，但唔知你d鵝咁巴閉。食落無特別，但個湯好大朕燶味。佐敦榕哥由味道，份量，價錢都遠勝佢，無下次。

今日行完旺角，見到有間新開嘅茶餐廳。確定入去試下。原來都幾多唔同選擇可以揀，菜色多。餐廳都算闊落，坐得舒服。叫左個黯然叉燒飯。齋睇已經好靚。其實我好鍾意食叉燒。呢個叉燒夠香，而且好肥美。蜜汁真係好濃好惹味。蛋黃撈飯加埋叉燒食，好似好普通，但味道超好。叫埋個招牌燒鴨牛腩麵。餐廳用嘅係油麵。質感真係超好。好有咬感。燒鴨肉又好滑，唔會乾。好有水份。整得好好，而且夠香。牛腩都浸得好濃味，有自己獨特嘅香味。好特別。好值得叫。睇落好平凡，但係味道真心唔錯。好有心機。仲有秘制嘅辣椒醬。麻辣又香，呢個一定要食。同麵一齊食一流！再叫埋個乳鴿。乳鴿整得外脆內軟。入邊水份仲保留住。而且味道都唔錯。下次一定要再叫。飲埋杯熱奶茶，咁先係正宗香港嘅一餐。連奶茶都重茶味。間餐廳真係真材實料。今日食得好滿足，無論價錢，環境，味道都好！下次會再黎！

這日來到旺角午餐，到了近新寶戲院的一間茶餐廳。見到餐牌除了有一般茶餐廳有嘅快餐之外，佢哋都有自設嘅爐整燒味，都幾特別。我哋叫咗：☀️鴨腩麵☀️紅燒乳鴿叉燒飯另加一人一杯熱奶茶鴨腩麵其實係燒鴨及牛腩麵。燒鴨肥瘦適中，外皮香脆，鴨嘅油香好配合油麵。牛腩好林好入味，牛筋嘅位置好彈牙好味。油麵嘅口感都唔錯，麵身掛到湯底嘅香味。另外，店內亦有秘製辣油，鍾意食辣嘅不妨一試。店員指鴨腩麵是石澳的特色食物，呢個配搭喺其他區好少有。無論燒鴨定係牛腩，整體來講都做得幾出色。茶餐廳或燒味店都好少見有紅燒乳鴿叉燒飯。飯上邊乳鴿同埋叉燒份量都好多，非常抵食。乳鴿外皮香脆，加少許淮鹽更帶出肉味。叉燒入味，有少少焦香。因茶餐廳內自設燒味爐，無論燒鴨、叉燒、乳鴿都係暖暖的嘅上枱,更顯美味。跟飯嘅湯係老黃瓜湯，估唔到例湯都幾好飲，老黃瓜肉溶化在湯裏面。熱奶茶茶香濃，口感細滑。這間餐廳我哋絕對推介😊

今日放工去左旺角買野，經過金雞廣場附近，冇黎一排，又開左好多新餐廳！見到呢間茶餐廳夠光猛，環境乾淨企理，坐位又夠寛闊，咁岩又到晚飯時候，所以入去試下先！呢度招牌菜係以燒味為主，見到佢地啲燒鴨，燒肉，油雞等等賣相都唔錯👍🏻👍🏻👍🏻除咗有燒味之外，仲有時令煲仔飯，臘味飯，羊腩煲同烤魚等等！另外，見到唔少人都食佢地嘅招牌鴨腩麵！呢度啲侍應好有禮貌，唔似一般茶記態度，仲介紹左我地必食嘅招牌菜！我地叫左碗招牌鴨腩麵，牛筋腩骨膠原豐富，鴨肉腍度適中👍🏻👍🏻侍應力推嘅紅燒乳鴿，估唔到咁有驚喜，一咬落去好juicy , 係會噴啲肉汁出嚟，皮亦炸得金黃香脆，炸得唔會太乾身！叫左碟油菜，菜心大大條，青翠唔會太老身👍🏻👍🏻👍🏻叉燒燒肉飯，燒肉皮炸得脆口，脂肪比例適中，而叉燒醃得相當入味，燒得亦都唔會過火，份量仲要甚多😍😍總結：好耐都未試過食茶記咁有水準，特別一提燒乳鴿好食過出面啲大酒樓，下次放工我一定要黎斬料番屋企加餸👏🏻👏🏻👏🏻