鼎記 (已結業)

今日見到樓下有新餐廳開張 見到有位哥仔熱情派餐牌 諗住試下佢既招牌所以就買左碗「招牌鴨腩麵」試下佢！哇！一打開外賣 真係嚇一跳！份量十分少都唔緊要 入面既燒鴨令我震驚😳燒鴨如相中一樣 有四件 完全冇肉 得皮 會唔會過份左少少？牛腩有兩舊 賴粉佔外賣碗大約小半碗湯最多 另上 仲比左成個發泡膠碗滿買茶餐廳外賣 都唔會諗到質素要點好但係絕唔會咁誇張 呢幾舊燒鴨仲可以叫燒鴨？總括而言 碗麵味道普通 質素完全不予置評幾近都唔會再去試👋🏻

下午路過，見新開了一間餐廳，入到去感覺地方很新淨，坐底後和朋友各叫了一碗絕鼎咖喱牛腩飯和金牌燒鵝飯，睇到餐牌寫得好勁，點知食落失望至極，咖喱得個辣字，燒鵝好韌好咸，兩樣的味道都極一般！好心唔好寫得咁勁喇，另外又話有秘製又有天下第一等形容。其實呢間只不過係普通的餐廳，跟本沒有什麼特式招牌食物，可能特式就是大雜會：燒味、粥品、甜品、車仔麵、及一般餐廳有的，樣樣都有。價錢就不算貴，但亦不算便宜(我覺得如果好吃，貴些都沒問題)。如果附近餐廳滿座，都不妨在這坐坐，特意去食就真係慳番。

非常抵食，地方唔錯，環境乾淨！新店開了幾天,服務態度非常好！地方闊落坐得舒服！未進入店舖前以為舖頭食物好貴！入到去見到菜單就另眼相看!旺角這個地方這個價錢真係一個值得選擇嘅地方!

旺角鼎記新開張當天我去吃早餐, 有車仔麵, 粥,三文字餐, 選擇甚多, 我叫了牛腩猪红車仔麵, 大片牛腩, 好入味, 腩汁好正, 值得推介. 猪红都ok. 吃完兩餸大碗車仔麵, 非常飽, 好满足 . 此店有香港特色小吃 (如燒買, 腸粉, 碗仔翅, 糯米飯), 也有燒味, 鴨腩麵是招牌菜, 又有天下第一鴿, 食物選擇算多, 價錢不貴. 店舗整齊舒適乾淨,  座位下特設空間给客人放物件, 非常方便. 服務員態度友善, 整體印象不错, 我會下次再光臨試食其他食物, 也會推荐给朋友.