鼎尚燒鵝湯館

營業中

休息中

間唔時都去中環行上山頂, 行到上去再食個BURGER咁, 今日行到上去見到山頂廣場除左開左DONKI, 仲有鼎尚棋哥! 天氣凍凍地就一於唔食BURGER, 入去食個飯再飲個燉湯!山頂分店空間更大, 裝潢同樣充滿懷舊港味, 而且窗外既山景同採光令人份外舒適。蟹籽燒賣皇3件大大粒又飽滿, 可以食到原隻蝦肉, 加上黑魚子既鮮味, 愛一盅兩件既必食。麻香口水雞口水雞已經拆骨, 啖啖肉而且肉質嫩滑, 底部有滑溜既粉皮, 配上調得又麻又辣既口水汁同埋少許麻醬, 好惹味~寧神川芎天麻燉雞湯燉雞湯濃郁香甜再帶藥材既甘甜味, 湯頭足料,  不負呀爺靚湯之名!日月魚淮山核桃湯日月魚熬出既魚香同鮮甜味出眾, 滋補又好飲! 燒鵝拼叉燒飯  燒鵝拼燒腩仔飯燒鵝皮脆肉香, 咬落去既時候皮位油脂滲出, 滿咀油香之餘仲帶淡淡荔枝木香, 點埋酸梅醬, 出色! 燒腩仔皮脆卜卜, 肥瘦均勻, 夠咸香, 不錯。而家無得旅行, 依個天氣上到山頂可以飲到熱辣辣靚湯, 食個靚燒鵝飯都係一大樂事!

想試棋哥燒味已久，上山頂看見了專門進去試試，結論：不會來第二次，點咗雙拼燒味飯，份量少得驚人，唔係講笑，失望到極點。有幾誇張？燒鵝拼乳豬，6塊乳豬皮（超薄超細塊，無肉）加6塊燒鵝（每塊得半啖）⋯⋯未嚟得切影相已經食晒啲肉。加1超過150蚊，真係想講句wt 唔係講笑啊？臘味拼盤，份量ok，等咗半個鐘先上。不過啲潤腸，真心未試過咁off嘅⋯加1超過180蚊。絕對唔會嚟第二次，大家入去之前最好諗過⋯唔介意份量或味道的可以打卡，想醫肚嘅，落去雪奈食個包好過。。

行完山後入山頂廣場搵地方食午餐，見到有鼎尚棋哥燒鵝湯館，而我又未試過，即管試吓！店內裝修有六、七十年代感，從前的暖水壺、碗筷，好有特色餐牌有燉湯拼燒味飯推介，我點了個寧神川芎白芷天麻燉雞湯，另加$10叫了碗燒鵝豬骨湯米粉先講湯！落足料煲，完全飲唔到有落味精，好濃好有藥材味，成碗湯我連啲藥材都食晒，好好味，飲完成身暖晒👍燒鵝豬骨湯米粉燒鵝較為一般，好似鵝頸橋間棋哥嘅燒鵝好味啲！豬骨湯米粉也只是一般的豬骨湯米粉！總結：燉湯好飲有水準，燒鵝湯米粉就較為失望了

約了朋友去山頂行山。行完順便在山頂廣場吃飯。被鼎尚棋哥燒鵝湯館的裝飾和餐牌吸引，便入內吃午餐。燉湯燒味飯套餐很吸引。我們便選了兩份，再叫了一碟前菜和一份甜品。日月魚淮山核桃湯香濃鮮甜，飲落順喉滋補，正! 寧神川芎天麻燉雞湯有少少甘味，飲落足料有益清甜。飲完湯已很滿足。不愧是湯是阿爺濃。燒鵝拼义燒飯和燒鵝拚燒腩仔飯大大碗，令人垂涎欲滴。果真是鵝是棋哥香。鵝皮脆有淡淡荔枝木香味。鵝肉結實有肉味，鵝油香入口溶化。點埋酸梅醬更好味。燒腩仔皮脆肉嫩，芥辣香。义燒美味有水準。燒味肉質靚不咸。酒香話梅蝦有特色，美味。蝦結實鮮甜。加埋話梅酸甜開胃，淡淡酒香。碟內的椰菜絲沙律清爽新鲜。最後來碟千層馬蹄糕，真材實料清甜，又好看又好吃。上到山頂都享受到美食，幸福，感恩!坐在近窗卡位可在享受美食之餘，欣賞埋山頂風景，開心，悶氣全消。最後買了臘肉和臘腸回家孝敬爸媽。

這日風和日麗，與家人在山頂行山，之後去鼎尚棋哥燒鵝湯館午餐，點了四人套餐，有燒鵝、油菜、雙併燒味(鼓油雞、叉燒、湯品、白飯、清蒸紅鮪，另點蝦餃.........Overall , 除了白飯及開水可入口外，樣樣都失望至極。燒鵝上來時已是賣相差、又乾又瘦，冇滴油水，份量也不多，總之感覺是" 吓" 一聲，當然入口不會抱有期望，果然.......好柴口。雙併燒味(鼓油雞、叉燒) 也是同一品種--- 乾、瘦、柴......我明的, 我們要半肥瘦，但也不是奀到咁。湯品吧，叫湯水吧，因真是水來，是味精水。最極品是清蒸紅鮪，是"枚" 的，簡單如豉油、薑也水皮過人，不像樣，還不夠，蝦餃皮是一團漿糊，連油菜也渣到不識形容，最後埋單一千 !!! 早知如此, 在屋企附件料好過，鼎尚棋哥......真食到人氣頂。

一向都係棋哥既捧場客，所以今次嚟到山頂，仔仔又鍾意食燒肉燒鵝，所以嚟咗頂爺棋哥嘅餐廳。平時棋哥分店餐廳一個燒味飯配一杯嘢飲$68 ，呢度雙拼飯配一杯嘢飲要$108 ，貴咗三成。都明白山頂鋪租真係比較貴。但係冇諗過個燒味飯上到嚟，質素極差。1. 的飯好淋，叫咗多飯，其實同平時一碟頭飯一樣。2. 燒鵝同埋燒腩仔：燒我一食落口覺得佢似隔夜，好林，個皮又唔脆卜卜，喺棋哥其他分店度食佢嘅燒鵝應該係佢嘅招牌菜，因為用用荔枝木燒出嚟，所以有陣陣荔枝木香。燒腩仔勁過分，正常應該有2cm ×2 cm，一個正方cube,佢的燒腩仔，係三分之一，其他人睇以為我用鉸剪剪細咗，當然味道都唔係咁好味。除咗燒味飯我哋都叫咗一個$88嘅螺片瑤柱雞粥，大佬比咁貴價錢你用一隻普通飯碗裝俾我，呢啲係唔係叫略水。等咗半個鐘，我畢去睇吓啲雞，真係10分過分離譜，用雞頸，雞殼，雞髀最出個舊骨煮依個粥。真係想講粗口， $88同個燒味飯一樣價錢，但係就用雞頭雞尾雞骨整個繼續俾人，個名就好聽有鮑片，但係成碗粥得一塊薄過紙既鮑片。總括今次食物體驗覺得好差，雖然我可以推錢退返個繼續錢，但係都完全掃興。基本上你收得咁貴， 1分價錢需要有1分

今日有假，多年未去過山頂，今日见到有棋哥燒鵝才知道原來有間叫鼎棋燒鵝，入去試試...尖沙咀就試得多！覺得唔錯⋯⋯特別燒鵝又很重荔枝木味！點知今日去到山頂發覺燒鵝冇荔枝木味..？叫肥叉燒鵝飯叉燒並不肥，有點左一碗雞粥，但係繼續吹左三次都未嚟！後來小姐話由於要現做，所以耐啲..試問自己都幾識煮嘢食又經常外出食，一見到碗粥，第一很細碗！第二,一睇就知並不是生滾！睇相類似窩中做好倒出來...！非常失望！竟然收$88 一碗！ 明知山頂收費比較高，但係呢一碗簡直不能入口的粥，簡直一肚氣！

飲茶酒樓就去得多，今日嚟到山頂，就揀咗呢間餐廳飲茶。有戶外座位嘅餐廳。我發現餐廳主打燒鵝同燉湯，所以除咗點心，燉湯燒鵝我地都叫咗幾款嚟試下。餐廳主打港式懷舊風，都有多款懷舊小食，點咗一份芝麻卷，味道幾香口。燉湯我飲咗西洋菜陳腎湯，呢啲天時飲燉湯真係好正，湯飲落清甜，又足料，推介！點心嚟講質素都唔錯，一般蝦餃燒賣都有，幾鐘意佢嘅黑松露燒賣，味道濃郁鮮美，幾正！燒鵝皮脆肉嫩，肉汁豐富，肉質比一般燒鵝嫩，值得一試！

上山頂帶住狗狗，選擇不多，諗住試下呢間食燒味，燉湯套連一個客叉燒鵝飯，成為170蚊！燒味飯上到枱嘅時候燒鵝脾係燶嘅, 肉係柴嘅。😒果然好有特色，費事叫佢換免得加我料，以後不幫襯經過鼎爺加持果然係伏👎👎👎👎明明一餐好簡單嘅港式燒味，都可以做到咁差，還是我叫套餐所以佢俾了一些隔夜的燒味我食？係咪如果要喺呢間餐廳食一啲靚嘅燒味，唔可以叫平價套餐？但係個套餐都170蚊😂之前食庸記燒味外賣，都好食過佢

帶狗狗上山頂行下，行左個圈，見佢寫明寵物友善，就去試下。 帶住狗狗係坐出面outdoor位，望住凌宵閣，個view幾好，嗰日天氣又好好，有陽光得黎個位又唔會曬住，又有d風，唔錯。 outdoor區都幾多狗狗，職員對狗都幾好，主動拎張櫈俾佢坐，隔離枱有大狗，瞓左喺櫈底，見到有staff提d同事小心踩到佢。👍🏻👍🏻👍🏻見單叫燒味飯都成舊水一個，就試下個燉湯啦，點知6款有一半都冇，得好少選擇。 2個燉湯都幾多藥材料，飲落去都好濃味，個人覺得天麻好味d, 但2個湯入面都唔係好揾到有雞。 湯拎黎時係熱辣辣，但後來上左飯，就食飯先，湯盅冇留番個蓋俾我地，到食完飯再飲d湯已經凍左lu🙁燒味飯擺盤好靚，叉燒肥瘦適中，但味道就一般，燻蹄都正常啦，冇咩特別。 對個燒鵝好有期待，仲要俾左隻脾我，但好怪，雖然係脾，但唔係好多肉，塊皮唔脆同過咸，肉質反而唔錯，肉嫩冇穌味。 汁比較油，搞到d飯好漏。呢個價錢，個招牌燒鵝同燒味咁既質素真心失望。

環境又舒適，卡位又看到山境及海境。想不到能試到這麼好味燒鵝&玫瑰豉油雞。實在很開心放假與家人行山，希望下次可試埋其它美味佳餚👍。食嘢之前仲見到鼎爺添。老闆真勤力，真令人敬佩.👍

秋凉上太平山頂行吓超舒服，之前上山頂都係食西餐，早兩日聽收音機節目主持人話山頂呢間嘅燒味好正仲話白飯好好食係甘霖米聽完就好想試吓。我哋兩人成行，叫咗一碗肥义燒鵝飯同一碗燒鵝燒肉飯，燒鵝一般無特別反而肥义好食燒肉都oK肥瘦適中，白飯係粒粒分明嗰種我就覺得硬咗D。服務員服務態度好好，店內有懷舊感覺，播住sam hui嘅舊歌，好好feel 。

星期一到了你們山頂餐廳午膳，當日因為是公眾假期人流比較多，但他們編排坐位真係非常差，搭枱唔緊要，但係只係求其用一塊紙板放係中間，兩邊根本遮唔曬。對面搭枱的是一家三口，男人食食下不停咁咳，我同友人兩個都不知食唔食好！所以我覺得是不能搭枱的，你們為什麼不能做得好些呢？服務員態度差，冇禮貌！另外我叫了一碟芝麻卷，你看看拿出來的賣相，好似人哋食剩先攞出嚟咁😫仲要好硬，你們仲標榜名菜。食物價錢不便宜，但質素同服務仲差過茶餐廳。

棋哥燒鵝一向出名好食，今次加埋鼎爺當然要一試啦！一大早由龍虎山行上山頂，非常肚餓，於是揀個靚境坐下品嘗燒鵝。我們二人叫了下脏燒鵝一份、豬油渣撈飯，天麻川芎燉雞湯及三個點心。燒鵝非常脆皮甘香好食，豬油渣撈飯加上秘製醬汁不肥膩，個燉湯也足料。唯獨是鼎爺手工芝麻卷比較硬身一些，雖然有黑芝麻香味，但三條收$68，實在有點貴。整體食物質素不錯，不過價錢也不便宜，幸好有靚境補償。

今日約朋友一齊去山頂行下散下心，呼吸下新鮮空氣。行咗一圈最後揀咗呢間食lunch。有得食燒味同點心，入到去發現仲可以坐露天座位，宜家呢啲天氣坐室外好舒服。我地點咗燒鵝叉燒雙拼飯，仲有幾籠點心。先講燒味，燒鵝果然名不虛傳，口感香脆軟綿。叉燒厚切，肉嫩。都幾有質素，分量亦都幾多。點心我幾鐘意黑松露燒賣，嫩爽口感配上黑松露濃郁香氣，好味。蝦餃都唔錯，個皮整得幾好，內餡都幾飽滿。露天座位景色幾靚，我地食嘢傾計都坐咗幾耐，服務親切，食物質素中上，環境一流。