鼎尚燒鵝湯館

營業中

休息中

山頂曾被譽為美食沙漠，此店一樣貫徹始終，成為沙漠中的一間茶水檔。服務差：位都未坐好，服務員就叫我落單，同佢講要諗下，佢就澳牛上身咁，企你隔離等迫你快d落單，但嗰陣明明唔爆，亦無人等位。然後我分左2次落單，就俾佢話左3-4次「你加單既話，我地就麻煩啲囉」「你地搞亂左呀」服務問題：服務員不停經過時踢到我張櫈食物：燒鵝燒腩仔雙拼飯：燒味飯個白飯好乾，落唔夠水煮飯；燒鵝又係好乾黑松露燒賣：普通、無特別既茶樓燒賣，佢在一粒普通燒賣上加左少少黑松露俾你，而且賣相就係如圖一樣，天角一方，每粒都係痴住個污糟蒸籠

🔆整店都很有懷舊特色，如收銀位置的百子櫃、天花板的吊扇、大紅花熱水瓶、特色餐牌和餐枱紙，還有不停播放懷舊金曲🎼👇🏼看過餐牌後，我們選擇燉湯套餐$168，雙拼加$10 👇🏼叉燒燒腩仔雙拼飯，下單時，我說要半肥瘦叉，果然做到，這點要讚，但六件叉燒的最尾兩件，肥的位置多過肉，這實在有些欠缺；燒腩仔的皮雖是脆的，但不是鬆化的脆，而是實「得得」那種，肉質方面同樣是實實的，有兩舊的質感更是嚡的，不容易嚼爛👇🏼陳皮綠豆章魚蓮藕湯，真材實料，每羹都充滿該湯的精髓，實在太好飲了👇🏼湯館外面的打卡位😑某職員的態度一般，幸好幫我們下單的年青男職員有禮

相約好友到太平山頂運動一下，順便欣賞香港景色。大家在山頂集合，出發前吃過午餐，可能時間尚早，選擇的店舖不多，又有些還未營業，於是選擇了鼎尚棋哥燒鵝湯館。燒味雙拼飯($90）叉燒飯($78）切雞拼叉燒 沒有什麼特別，但質素都不錯。燒鵝飯($88)燒鵝值得一讚，外皮很脆，皮下的油脂薄薄的，很香肉味，白飯質量都不錯。原本想到太平山餐廳懷舊一番，那兒有很優雅的室內位置，又可以有接觸陽光的戶外座位，但原來裝修中，只可以留待下次吧。

今日天朗氣清，陽光普照，應朋友之約去行山，沿途風和日麗，行得好舒服行完山，個肚咚咚打鼓，上到山頂廣場揾食，一眼見到鼎爺個生招牌，兩個人對望下就入去店走懷舊路線，無論裝修，食物都好有特色因為係平日，所以店舖無乜人我哋揀咗個卡位坐兩個人叫咗個燉湯套餐，加碟白灼菜心加單再叫多個燉湯兩個燉湯都足料同無添品味精但個燒鵝就真係令我哋失望，侍者好坦白咁話，唔係用荔枝柴火燒，祇係醬汁醃，皮唔會好脆，而且係交貨嚟唔係即場燒，雖然新鮮但唔係熱辣辣囉總結呢間店主要靠鼎爺個名打響，燉湯價錢雖然貴但真材實料，而燒鵝就名過其實！

今日大食妹同朋友去左山頂做一日遊客作為遊客, 黎香港又點可以唔食經典嘅燒味飯同點心呢<燒鵝燒腩仔雙拼飯>燒鵝燒腩仔雙拼飯比想像中大份燒腩仔好驚艷外皮超脆, 中間嘅脂肪好肥美, 瘦肉量都啱啱好燒鵝都幾入味, 唔算好肥, 但可以接受如果下面嘅米飯可以加多啲豉油就更好啦<黑松露燒賣>點心即叫即蒸, 要等一陣黑松露燒賣雖然未至於特別好食, 但口感彈牙, 而且黑松露俾得好足<豉汁蒸鳳爪>豉汁蒸鳳爪亦都好入味, 再辣再軟爛少少就更正啦<鮮炸蝦春卷>鮮炸蝦春卷外皮又薄又脆, 但略嫌餡料太過雜, 冇咩重點<蜂巢黑糖糕>蜂巢黑糖糕尚算煙韌, 味道微甜, 可惜做唔到幸福嘅香甜感

恒隆商場做緊推廣，Hello會員係山頂廣場有購物及餐飲電子優惠券，見無得去旅行，又好耐無上嚟山頂，就係呢個禮拜日同朋友嚟行下。以為少咗某啲旅客，可以吸下多啲清新空氣，點知假日多咗班工人姐姐同一家大細。落車先去禮品部攞咗商場電子禮券，然後睇邊間食店啱食，早前亞妹推介鼎爺私房菜雖未試過但都聽過下！鼎尚棋哥主打燉湯、燒味。大個鼎爺人像做生招牌。 呢度價錢肯定比市區貴，貪佢有湯、燒味，仲有點心食。午市超多人排隊，我中午十二點嚟咗，但朋友就要五點先嚟到，唯有食晚餐。入去裝修好有懐舊feel，地扳係䃈磚，每枱有個懷舊熱水壺。可惜晚市餐牌上，有好多款燉湯同點心好味嘅食材差不多清曬，唯有睇吓佢嘅餐牌仲有啲咩好食？終於揀咗一份燉湯燒味飯套餐，再叫碟清炒油菜同煎腐皮卷，千層馬蹄糕做甜品。燉湯雖然係素湯，但都好足料清甜燒鵝飯送到，有溫度，唔係凍冰冰入口雖然未算好脆但唔係柴皮，鵝肉結實，味道👌咬落去既時候，皮位油脂滲出，不過就唔覺荔枝木柴香味，相信下晝嚟會食到熱同脆皮嘅燒鵝去過灣仔祺哥燒鵝，果度啲燒鵝真係唔掂比較下山頂呢間正常好多，亞妹話齋，唔同地區有好大分別，祺哥做嘅對象係低價品質，有鼎爺合作，唔敢做壞招牌

第二次幫襯~樓面服務一般之餘連帶食物質素都下降⬇️🥲燒鵝肥瘦比例不均勻骨比肉還多燒肉就不過不失整體來講都係較油膩食多2件已有吃不消的感覺😮‍💨😮‍💨😮‍💨反而燉湯比較出色👍🏻真材實料水準穩定👏🏻

今日即興到山頂走一轉，去到山頂廣場，見到鼎尚棋哥燒鵝湯館外有頂爺1:1 人象生招牌，於是決定入嚟下午茶。三款食物：阿爺手工芝麻卷 $68 - 份量少， 得短短三條，而且是熱食，比較喜歡傳統凍食。蜜汁叉燒包 $48 - 好味道，但係份量比較少，得細細兩件無花果雪梨糖水 $68 - 味道比較重，如果清啲會更理想餐牌上介紹人氣食品，有飛機燒鵝及老火湯，今日下午茶未有機會品嚐。整體來說，餐廳人唔多，坐得舒服，侍應態度好有禮貌，但食物性價比一般。

在山頂搵食實在🈶️太多選擇，睇中呢間可能諗住有鼎爺應該唔會出事，又有我鍾意嘅老火湯，食物仲有燒味和點心都幾多選擇。我地一行4人，點左一個冷盤豆腐皮蛋幾好食；友人想食點心熱辣辣都算唔錯；老火湯套餐就點赤小豆湯有驚喜；不過燒味飯個5層燒肉，皮不脆，夾住肥肉一大層加埋薄薄瘦肉完全唔達標。至於佢哋引以為傲嘅燒鵝，我地朋友個枱有點不過comment係一個字「鼎」，應該位於市區嘅棋哥燒鵝會好味D。除左食物質素，waiter都幾騎呢。話說本來serve我地枱位阿姐可能不太滿意我地點得唔夠多菜（唔通要追數🤔），送菜上枱時係攞D食物出氣，下下都乓乓聲敲落枱。於是我好聲好氣提醒佢唔需要太大力，然後佢就好大聲咁向我地道歉，係大聲到全餐廳都應該聽到，搞到我地都有D尷尬；埋單時我地問另外一個阿哥，佢話我地知埋單在門口，佢呢度只係收貼士…到依家我都諗唔明其實阿哥係開玩笑定係講真呢😅

假日去了太平山一趟，居然發現了鼎爺開了一間中菜館，午餐已吃得好飽，只是一場嚟到，都入去食少少野，捧吓場！我哋大約黃昏時段入座，選擇了窗邊的位置，順便可以睇日落🌄餐牌除咗有燒味之外，也不乏有幾款點心。 ✅蝦餃：皮薄蝦爽，一籠3粒✅黑松露燒賣：最愛黑松露，師父出手也不錯，黑松露算多，熱騰騰的燒賣，大大粒，好足料，味道不錯，都係一籠3粒✅銀魚仔蒸腩片飯：腩片帶有些肥肉，好有口感，又好惹味✅燒鵝瀨粉：皮脆香口，肉質不太「鞋」，但好貴🍺🍺由於太熱，叫咗2支青島，啤啤佢🍻中菜館以懷舊作裝潢，門口有大大個鼎爺的紙牌，又有以大排檔風味的場景，打卡一流。也有露天雅座，雖然是山頂，但炎夏，可免則免，留待秋冬天再試試吧！

一行12人，分了三枱食物到後，大家不約而同你眼望我眼，水準咁差呀！我嗰枱叉燒同燉湯較為好啲招牌燒鵝：（一陣酥味啲肉鞋口，最期待的鵝皮不說也罷）切雞同油雞（5件BB size全部雞胸）連白飯都麻麻哋，但份量足夠！

〔 燒鵝飯 〕燒鵝不會太肥, 沒有蘇味, 飯量都幾多.〔 脆皮燒腩仔 〕皮炸得好脆, 好香口, 咸度岩岩口👍🏻👍🏻.〔 粉葛鯪魚赤小豆湯 〕 湯就有點冇味, 水多左點.(好味指數: 7/10)

行完西高山想搵嘢食，見到呢間有燒味幾吸引咁，喺餐廳門口見到絕美鹹蛋黃，於是決定入去食晚餐兩個人叫咗二人餐 $388包左兩盅燉湯、一份例牌燒鴨髀、自選燒味（我哋揀咗燒腩仔），一個白飯，另一個加$10轉瀨粉燒鵝髀肉超級嫩滑，亦好夠味，蘸埋酸梅醬食中和咸味燒腩仔亦十分香脆，你見到啲皮就已經知，腩肉亦好靚，只有中間一層肥肉，好腍兩盅燉湯亦好好飲，一個係川芎白芷，有白鴿味，好滋補；另一個係綠豆蓮藕湯，清熱氣山頂咁多貴價嘢食，呢間算係抵食，又啱香港人口味，仲有靚景睇添

27/2/2021 一個大霧的星期六，想感受一下被大霧籠罩嘅山頂，是什麼環境！由於大風，餐廳唔開戶外，咁就只好坐室內啦！侍應們好好禮貌，細心安排座位。我哋叫咗二人套餐，有：-燒鵝例牌，今次係燒鵝脾，皮脆肉嫩，唔肥膩，正正。燒味例牌，我哋揀咗燒腩仔，甘香雋永，美味。蠔油菜心，菜心新鮮。燉湯兩盅，我哋同樣揀咗 寧神川芎天麻雞湯，湯料足，好好飲。由於平時好少煲呢款湯，見佢有現成湯包賣，一於買兩包。白飯兩碗，粒粒飯，又係要讚👍🏻就算天陰大霧嘅天氣，心情都唔會失落，因為可以享受一餐美味舒服嘅午餐😊

久違了既山頂😳😳過年就上黎行個大運喇😌😌不過醫肚要緊，間間都咁多人，求其搵左呢間排隊🤣只係排左十分鐘左右比想像中快既～二人套餐 $388🔵醬皇燒鵝例牌👉🏻哇😳係燒鵝脾呀！幸運指數有五粒星🤣🎊鵝皮燒得微脆香口，咬落充滿鵝油香，肉質又夠juicy 😋😋🟢單拼燒味例牌👉🏻首選脆皮燒腩仔🤤真係脆卜卜！！一層膏一層肉一層膏一層肉，肥瘦平均又分明😋而且唔會過鹹，好好味👍🏻👍🏻🔴燉湯👉🏻粉葛鯪魚赤小豆湯及川芎白芷天麻燉雞湯，兩款都無味精😋又足料！🟣油菜、白飯⚫️秘製叉燒例牌 $138半肥瘦叉燒係厚切🤩食落有質感亦有彈性，唔係香口既燒燶邊😌😌蜜汁亦唔會過甜，不過某部分叉燒有筋位比較韌，略為扣左少少分，但整體都係唔錯😆我地係初二上黎既，唔知關唔關新年事，所有職員無論態度同服務都好好🤣🤣🤣好殷勤好有禮貌😜老闆教得好呀🤣！！環境方面認真唔錯，主打港式懷舊設計😗睇得出落左唔少心思，坐戶外仲可以對住個海咬住隻燒鵝脾🤣講到價錢都唔弱🤣過年就+2服務費🤭🤭埋單都要六百幾，好食係好食，不過食燒味食到六百幾又好似進取左啲🙈🙈