點紫冰冰 (已結業)

被人老點既感覺 ！首先叫左雪糕涼粉，睇下張相，似吾似一個浮台，上枱既時候已經係水汪汪的 ，原來浮台吾夠凍，已經溶左一半 ！飲一啖海水，已經係室溫，好難飲，我生平第一次食到雪糕涼粉竟然係吾凍吾熱，咁都造得出比個客食 ？跟住上枱既係宇治金時，綠茶雪糕沒有綠茶味，應該係平價貨至係咁，類似 X 山牌雪糕 ！吾知點解會有咁多好評，雖然大家食既甜品不一樣，但應該吾會吾同既甜品水準差這麽遠吧 ！如果有甜品水準的話，星期六晚為何吾駛排隊 ？空空如也 ？我本人好難相信其他甜品會好食 ！

甜品可講是女人最愛，有時我會將甜品當成晚餐，除了怕肥，我真是超愛吃甜品...經過觀塘 點紫冰冰，看完後點……….草莓是我最鍾意水果，必選草莓拿玻崙配草莓雪芭 $42疊出一層一層一層高，有草莓、醬及酥皮~~草莓帶著新鮮果香，營養又豐富，甜酸適宜，含維生素C，比蘋果、葡萄還要高，飯後吃一些草莓，可分解食物脂肪，有利消化。酥皮酥脆化口，叉子一舀，發出清脆而悅耳的聲音。配上雪芭香醇幼滑，甜甜滋味。

有日心情直插谷底,又悶悶不樂,就想起食下甜品氹自已開心.返工及家都是官塘,獨自一人去,當然選近近地到官塘食呢!點紫冰冰 雖店內不太,但裝潢簡潔乾淨. 對於朱古力迷的我, 一定選有關朱古力甜品呢!朱古力魔球 $48見到外形都非常吸引, 圓圓朱古力球頂少少有紅色閃粉,有水果及曲奇在旁.進食前,將熱朱古力漿倒落朱古力球後,聞到香濃朱古力,即時溶化頂部份朱古力球外皮,發現原來內有玄機有球雲尼拿雪糕, 有冰熱交融的口感,是想不到的驚喜.口中含着濃濃朱古力混合雲尼拿雪糕,而甜蜜味道覆蓋每顆味蕾,感覺令人愉悅幸福,與水果､曲奇及果仁一齊食更滋味呢!

食完晚飯後，見時間尚早，就諗住去附近食返個甜品先返屋企，上openrice見呢間點紫冰冰既評語不錯，於是就決定試試 。入到去，見到好多甜品改了搞笑既名字，覺得十分有趣，曲奇喜馬拉雅山、天使刨冰、惡魔刨冰、明治富士山……揀左一陣，就選擇了天使刨冰試試 。甜品一黎到，我即刻笑左出黎，因為真心覺得似隻惡魔多過似天使 ,而且雪糕有點溶了，影響外觀，不過造型既野都係比朋友間笑下就算，味道始終最重要。雪糕草莓味濃郁，本人覺得不錯，不過亦因為味道好濃，所以蓋過了西瓜既甜味，可能選用其他水果配搭會更好。刨冰加左淡奶，配搭埋荔枝味既椰果，口感十足，有機會可以試試這裡既其他甜品 。

今晚來到觀塘食晚餐，原來現在有好多工廠大廈內臥虎藏龍了不少高格調的餐廳，食完晚餐，好久不見的我倆小口，决定找甜品店再來個二輪。走着走着來到這間點紫冰冰，店名好得意，就入去試下。餐單有好多選擇，見到有好多好似有特色的甜品，也有一些是大衆化的。選甜品就最費神了，因為這又想食哪又想試(≧3≦)不過我最情有獨鍾的一定是焦糖布丁，見到有一款叫玻璃焦糖燉蛋，應該同焦糖布丁是親戚來的，就點來嚐嚐。很漂亮很漂亮的玻璃焦糖燉蛋呀！即點即燒製而成的焦糖拉出好多立體的細絲，整個甜品佈置到像花園一樣的美景，焦糖就好像水泉般又如城堡般綻放出美麗的鮮花，意境就是很美啦！加上焦糖又脆又夠甜，那種甜是食在咀甜在心的！配合濃郁蛋味的燉蛋，那燉蛋的甜不輸焦糖呢！可是就是覺得剛好，可能因為蛋味夠濃吧！而且質感也很滑，有溶化的感覺，這個組合無得輸呀！除了貢靚的燉蛋，熱豆腐花也很好食。木桶設計好得意好有懷舊feel~加上熱豆腐花原來是即叫即撞的，食起來會特別滑。配上紅豆和黑糯米這兩款本身已經是甜品的配料，帶甜的紅豆好綿，配豆腐花一起食，味道很不錯呢，連糖水都不用加也夠味！

剛食左晚飯，觀塘行去牛頭角附近搭車，見到有間甜品店，就忍不住入去食。見menu有好多唔同種類，都唔知食咩好，就叫平時會叫嘅榴蓮班戟同熱豆腐花食下。個班戟十分鐘倒就上枱，已經有好香濃嘅味道。有幾粒士多啤梨伴碟。見入面望落都幾多榴蓮容，個皮都算薄。食落都幾香。個熱豆腐花好得意牙，唔講唔知。個面有紅豆沙同紫米露，食落個豆腐花好滑好有豆味，紅豆同紫米好香甜，好味。

「點紫冰冰點著甜品做魔球」。點指兵兵令在下想到小時候是經常玩的一個遊戲，現在人大了不玩這個。點紫冰冰是一間日間做午飯的店子，但是到了下午茶和晚間時份，就有甜品食，而在下則在下午四五點便到這間食店，詢問一下，喔，原來有甜品食，於是走了入去。看過餐牌，有一般的糖水供應，亦有窩夫，刨冰，還有甜品層架供應，這個層架看來頗為特別的，但始終吸引不到在下，反而有個甜品，卻被它吸引著。朱古力魔球。從外表看，沒有甚特別，只是有個朱古力的球狀，加上曲奇包圍著個魔球，當朱朱古力醬淋在球上和曲奇，跟著便吃，喔，原來朱古力球裡有一雪糕，嘩，有點驚喜呢，球與醬兩者的味道不一，一甜一濃，但加在一起，卻又甜度適中，曲奇也脆的。偶爾經過，發現小店，實是驚喜，唯獨在吃甜品時，斜對面食客發生了小插曲，就是那甜品架連甜品跌在地上，實是可惜，差點兒弄到在下，幸好店員立即清理。

韓式蜜瓜冰（7.5/10）（$98）雪花冰係香港越黎越流行，由韓式餐廳到街坊小店都有得食。今次介紹既係觀塘牛頭角既點紫冰冰。佢地蜜瓜冰真係有驚喜，以唔洗100蚊就叫到呢份兩人份量既雪花冰真係超抵食。比起尖沙咀norayo cafe 既雪花冰真係抵好多。一大份原粒蜜瓜放滿曬，都幾壯觀，蜜瓜好清甜。佢地用既係雪花冰底並非韓式既淡冰，而係柚子味雪花冰加上煉奶，比較甜，同唔會好似普通冰底咁淡味。非常唔錯啊！！朱古力魔球（7/10）（$48）呢個又係點紫冰冰又一特色甜品。將熱朱古力淋到雪到凍一凍既魔球，朱古力魔球表層朱古力會慢慢溶化，入面原來仲有一球雪糕，一凍一熱，好正！食魔球溶化出黎既朱古力塊到朱古力醬以及brownie，朱古力層次感豐富！地址：牛頭角聯安街9-15號永毅大廈地下1A舖

在牛頭角食完飯,九點幾，我同朋友提議不如食埋甜品先返屋企, 行行下發現呢間精緻既甜品屋, 決定試試牆上有很多特色刨冰，價錢都唔貴，抵! 我地點左一個朱古力魔球同一個魔幻水晶球魔幻水晶球整得好靚, 啫喱狀的水晶球包着數塊士多啤利，加上伴碟的濃濃芒果汁，龍眼肉，綠啫喱和很大粒的士多啤利; 把水晶球切開，質地彈彈的香味濃厚，伴着芒果汁和士多啤利真的很有果味，色香味俱全朱古力魔球一上枱，嘩........個朱古力球上有紫色嘅閃粉，真喺好吸引，靚到唔捨得食跟住待應就輕輕地淋上熱辣辣嘅朱古力醬，令到朱古力球慢慢熔化，真係極度吸引!而且裏面仲有嚿雲呢拿雪糕，成個效果都非常有美感同精緻, 只係有少少漏嘅感覺不過呢度既野食真係好特別, 下次一定再離

觀塘附近返工, 見上次有同事集體下午茶喺度叫外賣糖水到公司都ok, 就唸住今日lunch試下佢其他甜品. 十二點幾到, 唔駛等位. 原來lunch time 只係做lunch set, 甜品兩點先開始, 無綠一試.Lunch set 有三款選擇, 豆腐選了香草白汁海蝦天使麵. 天使麵有麵包在旁邊, 賣相不俗. 白汁天使麵煮得不錯, 軟硬適中, 麵中放了洋蔥絲, 味道剛好, 個汁不是罐頭湯白汁那種, 應該是自己調味的, 不會太咸又入味. 蝦的份量其實不少, 挺足料的, 但個人認為如果可以蝦份量或許少一點但中間切一切開去腸再加多少少調味煎一煎想必錦上添花.是日甜品是vanilla ice cream. 雪糕上放了 些脆脆, 挺有心思的.$44 有野食, 餐飲 (咖啡/奶茶/檸茶/檸水/華田/horlicks) 同是日甜品, 幾抵食.

之前看食評知道這間點紫冰冰的朱古力魔球特別出名，有時吃午飯經過也想進去嚐嚐，這天又再經過，甫發現這間店也有set lunch供應，就進去試試！時間尚早，襯店內還未多人就拍拍內在環境吧~ 店主應該是對紫色情有獨鐘？餐廳名字和座椅也採用紫色。是日set lunch有烏冬、天使麵和日式叉燒飯選擇，還附送是日甜品。問過店員，原來要到下午2時後才可叫其他甜品，唯有下次才試朱古力魔球！今天特別想吃碗湯麵，就點了吉列豬扒湯烏冬(set $42)。豬扒大塊得很，把烏冬和下面的煮南瓜都遮蓋住了。豬扒炸得酥脆，浸一浸湯吃避免熱氣。烏冬湯底比較清，不會很肥膩。烏冬裡的煮南瓜軟糯香甜，和鹹香的豬扒幾配合。熱奶茶香濃幼滑，不鞋口亦不苦澀。隨午餐附送雲呢拿雪糕一杯，上面灑了朱古力脆片，清涼透心。看著牆上造型特別的甜品照片真的流晒口水呀...找一次放工時叫埋同事過來試甜品~ 

每逄晚飯後都再搵租品食已經成為大部份香港人既習慣，而我也一樣。是日食完晚飯後，上網搵附近的甜品店，搵到呢間開左唔係好耐既甜品，就同友人一齊試下。入到店內，雖然店面不大，但擺設都算整齊舒適。芒果凍窩夫配芒果雪芭- 窩夫外脆內軟，甜度不會太甜，加上芒果雪糕一齊食都唔會太膩。曲奇喜馬拉雅山配雲尼拿雪糕 - 刨冰上加上韓式的黃豆粉增加了口感。 雪糕淋上了幾款酸酸甜甜的果醬，令到刨冰十分開胃，即使飯後都可以食完。桂花生薑茶-今晚食左幾多野所以友人點左花茶解解滯，生薑味不會太重，任何人士飲都會好易接受。桂花香氣十足，飲落去在口中留香，十分順喉。

原個密瓜冰在觀塘都可吃到！冰底不是日式韓式那種，但亦不是淡而沒味的冰水，而是煉奶做成的刨冰，比一般刨冰幼細，而且甜度較高。面頭佈滿一顆顆新鮮甜美密瓜肉，份量很足，感覺好消暑清涼！韓式密瓜刨冰冰 Melon Shaved Ice $98 (2人份)這心太軟明顯地Fail，上枱時已感到失望，一看就覺得它很乾，已經龜裂...切開跟意料的一樣，完全沒有流心！內裡只是濕濕的，有彈性的蛋糕。焗得過火，以致外層乾脆如餅乾，但抹茶味道尚算明顯的。不過芒果味雪糕跟抹茶味，兩者不太配吧?但以價錢來說，又確實比其他甜品店都便宜。綠茶心太軟配芒果雪皅 $36朱古力魔球就是朱古力外殼，然後內裡藏著雪糕球，淋上熱朱古力漿後，將外殼熱溶，跟雪糕一起食用。其實同樣FAIL了，不知是朱古力殼太厚，還是朱古力漿不夠熱，淋光全部朱古力漿後，外殼只溶了一部份，其餘部份要自己敲碎。朱古力不是優質的那種，口感不夠滑，畢竟這個價錢，不能要求太高。價錢確實比很多甜品店便宜，但質素亦和價錢成正比，沒驚喜的，荷包乾又想吃甜品，碰巧又在附近，便可作考慮。

近來對甜品簡直就係著左魔，食上癮咁款，於是今晚又扯賣想約即約到既屋企人，陪伴甜品當飯食！餐廳裝修紫色做主打，有五六十個位，仲有電視睇，店員服務就不過不失…… 由於餐廳唔係係旺區，租金無咁貴，所以一睇餐牌都有少少驚喜喎，價錢明顯比出面做得平，而且今日有點餓，所以決定去盡啲，當自助餐咁食，同屋企人無計啦！小女子我愛上甜品心太軟，所以去到邊都一定要點上，今晚忍唔住，決定一試試曬兩款心太軟！綠茶心太軟配芒果雪芭36，雪芭好清新，而且相對雪糕健康點，無咁肥！但有點失望，心完全沒有流的，焗得一時不小心過熟了？！外層不會好硬，入面是濕軟的旦糕，能嚐到綠茶香，甜度適中，旦糕合格！朱古力心太軟配柚子雪芭36，雪芭帶微酸而滲出少少柚子香，減少了心太軟的甜，特別能平衡！無奈心太軟又係焗熟了，只能當朱古力旦糕咁食，外層有點硬身，脆脆既表面，入面既旦糕都幾濃朱味，但就毫不流心，焗到失手呀！朱古力魔球48見到餐牌話係推介，而且賣相好似幾特別得意咁，第度無見過，我唸係呢度獨家自創，但都猶疑緊點好定唔點好，因為見到好似好朱古力咁，算啦點賣，反正有得happy share 食，肥就肥，死就死啦！伴碟有香芒杏片，士多啤

係觀塘食完晚餐再轉移到牛頭角食甜品，我真係快被打敗了。原來就係為左呢個朱古力魔球。朱古力魔球外觀好靚好神秘，唔知入面有咩野？旁邊配有好多曲奇碎。上枱已聞到好香既朱古力味，魔球待會須淋上特製既朱古力醬。阿豬手勢差，整到好樣衰。掀開後內裏是士多啤梨雪糕。魔球外殼有些微朱古力的微澀。士多啤梨雪糕香甜幼滑。朱古力醬配上曲奇碎真是十分棒，曲奇碎變得較軟身，更香甜易食。