影片
更多
2015-08-19
184 瀏覽
近來對甜品簡直就係著左魔，食上癮咁款，於是今晚又扯賣想約即約到既屋企人，陪伴甜品當飯食！餐廳裝修紫色做主打，有五六十個位，仲有電視睇，店員服務就不過不失…… 由於餐廳唔係係旺區，租金無咁貴，所以一睇餐牌都有少少驚喜喎，價錢明顯比出面做得平，而且今日有點餓，所以決定去盡啲，當自助餐咁食，同屋企人無計啦！小女子我愛上甜品心太軟，所以去到邊都一定要點上，今晚忍唔住，決定一試試曬兩款心太軟！綠茶心太軟配芒果雪芭36，雪芭好清新，而且相對雪糕健康點，無咁肥！但有點失望，心完全沒有流的，焗得一時不小心過熟了？！外層不會好硬，入面是濕軟的旦糕，能嚐到綠茶香，甜度適中，旦糕合格！朱古力心太軟配柚子雪芭36，雪芭帶微酸而滲出少少柚子香，減少了心太軟的甜，特別能平衡！無奈心太軟又係焗熟了，只能當朱古力旦糕咁食，外層有點硬身，脆脆既表面，入面既旦糕都幾濃朱味，但就毫不流心，焗到失手呀！朱古力魔球48見到餐牌話係推介，而且賣相好似幾特別得意咁，第度無見過，我唸係呢度獨家自創，但都猶疑緊點好定唔點好，因為見到好似好朱古力咁，算啦點賣，反正有得happy share 食，肥就肥，死就死啦！伴碟有香芒杏片，士多啤
近來對甜品簡直就係著左魔，食上癮咁款，於是今晚又扯賣想約即約到既屋企人，陪伴甜品當飯食！
餐廳裝修紫色做主打，有五六十個位，仲有電視睇，店員服務就不過不失……
由於餐廳唔係係旺區，租金無咁貴，所以一睇餐牌都有少少驚喜喎，價錢明顯比出面做得平，而且今日有點餓，所以決定去盡啲，當自助餐咁食，同屋企人無計啦！
小女子我愛上甜品心太軟，所以去到邊都一定要點上，今晚忍唔住，決定一試試曬兩款心太軟！
綠茶心太軟配芒果雪芭36，雪芭好清新，而且相對雪糕健康點，無咁肥！但有點失望，心完全沒有流的，焗得一時不小心過熟了？！外層不會好硬，入面是濕軟的旦糕，能嚐到綠茶香，甜度適中，旦糕合格！
朱古力心太軟配柚子雪芭36，雪芭帶微酸而滲出少少柚子香，減少了心太軟的甜，特別能平衡！無奈心太軟又係焗熟了，只能當朱古力旦糕咁食，外層有點硬身，脆脆既表面，入面既旦糕都幾濃朱味，但就毫不流心，焗到失手呀！
朱古力魔球48
見到餐牌話係推介，而且賣相好似幾特別得意咁，第度無見過，我唸係呢度獨家自創，但都猶疑緊點好定唔點好，因為見到好似好朱古力咁，算啦點賣，反正有得happy share 食，肥就肥，死就死啦！
伴碟有香芒杏片，士多啤梨，曲奇餅碎，朱古力布朗尼旦糕！店員同上一小碟暖黑朱古力汁，稍稍淋上，等它慢慢溶既過程又幾過癮wo，原來入面係球呍喱拿雪糕黎，雪糕似係超市貨，但都幾滑既！球既外層係朱古力所造成，唔會太甜或太苦，因為用上黑朱古力，作飯後甜品來說不會漏！而最喜歡杏片夠香脆，令甜品更有咬口！
楊枝金露冰28
家人喜歡食楊枝金露，我都ok ge, 呢個係因為佢鍾意食而點，淺嚐少少，眼見勁大杯，又幾fresh wo, 芒果粒係面，少少甘既金柚粒同大大粒又軟熟既西米成杯都係，裝到滿一滿，芒果好香，清清地甜甜酸酸，家人亦說不錯，芒果柚子好足料喎，用上碎冰其實已經好唔錯，個人覺得如可打成沙冰溶咁上會更好！
鮮果雪糕多士盒配草莓雪糕48
呢個係第度食過好食，就念念不忘，忍唔住期盼一樣好味，明知係超巨超飽肚之選，叫前已俾屋企人歧視我話實食唔曬，但人地好想食嘛！
軟滑偏甜既士多啤梨雪糕舖在大大舊超crispy ge 厚多士上，真係無得輸，流質既雪糕同醬汁，並無令多士攪到淋曬唔好食，相反，帶點香脆既厚多士沾上甜甜帶微酸兼溶溶地既雪糕時，起了化學作用，令本來相對干的多士不那麼干，少少軟熟的口感生成，淋淋地又甜甜地咁，是令身心滿足的滋味！魔球的朱古力醬幾可取，我把食剩無汁的多士點上這朱醬伴吃，即時提味！
店子都幾好搵，地點亦近地鐵，價錢抵，食物不俗，但可以做得更好的……
張貼
