點心到 (廟街)

營業中

休息中

點心到一年咁快又就快到冬至，又係成家齊齊整整食飯既時候。行過佐敦，見呢間點人餐廳門口咁多人等外賣，點都要試下啦！晶瑩鮮蝦餃（2件）（$16）懷舊鵪鶉蛋燒賣（$26）蝦餃燒賣不嬲都係酒樓必食，鵪鶉蛋燒賣真係細個嘅童年回憶，見少賣少，熱辣辣上菜，食到口噴蒸氣，啖啖肉真係滿足。沙律明 #蝦角（$28）金色嘅蝦角，好似炸雲吞咁，喺呢間餐廳嘅獨家。沾上沙律醬，香脆既黃金色的外皮配上蝦肉，真係好吸引！紅油抄手 （$25）上海#小籠包 （$24）呢幾年唔知點解真係好鐘意食小籠包，呢個價錢你都唔可以expect係米芝蓮嘅級數，但係過過口癮都係可以既。卡通流心 #芋蓉包（$22）籠仔 #臘味飯（$44）個芋蓉包真係好可愛，雖然唔係有一粒粒芋頭肉喺裏面，但係我覺得個餡都夠甜，好香芋頭味！臘味飯啲飯好粒粒分明，又有臘味嘅油光係上面。 茶茗都係$6兩個人，真係性價王之選，雖然環境唔算太闊落，但係對比呢個價錢嘅話呢個點心質素真係唔使太差，而且上菜快又熱辣辣，不錯！

返半日同屋企人飲個下午茶。飲過點心到幾次，再回頭。茶位$3同唔洗加一，真係好抵！原隻蝦燒賣 $15/2粒可以叫兩粒真係好應該推行！兩個人一人一粒就夠，留位食其他野更開心！原粒蝦望得到，入面原粒豬肉先係正，無肥肉，真豬實豬！黑松露菜苗餃 $27食落去仲以為佢蝦餃，得上面呃到人係黑松露菜苗，哈哈！入面蝦肉天地！燒汁釀虎皮椒 $24依個好食！有時會下午茶嚟會賣哂！綠色嘅辣椒就唔辣嘅，魚肉好飽滿，唔會話太鹹，剛好！紅色嘅辣椒就有少少辣，如果唔想咁辣就唔好咬到佢嘅辣椒籽。紅油抄手 $25比較廣東，佢個辣椒又係潮州嗰隻，但唔太辣既。佢個餃子皮好有咬口，豬肉餡都夠香既。懷舊混醬腸粉 $23份量勁多，勁正！正過街邊$10一份個種多多聲！佢嘅腸粉真係暈咗佢之外，仲係勁大舊一條！不得了，全台令人最最最飽肥肥！四寶滑雞扎 $30豆皮淺黃色，上次食豆皮好新鮮嫩滑！雞肉大大肉都唔錯，魚肚都幾軟爽既！

一睇餐廳名就知道係食點心！主打一系列中式點心, 雖然冇酒樓嗰啲咁大間, 但一睇餐牌, 都見到佢哋提供嘅食物款式同選擇都幾多！全部點心都係即叫即蒸, 出菜快, 而且價錢合理👍🏻～晶瑩鮮蝦餃 - 外皮煙韌, 晶瑩剔透, 蝦仁爽口彈牙！鮮蝦腐皮卷 - 腐皮好酥脆, 厚薄適中, 鮮蝦好彈牙, 內餡飽滿。醬皇金錢肚 - 口感爽滑, 好入味。卡通流心芋蓉包 - 卡通芋蓉包好可愛😍！每一個都有唔同表情, 真係唔捨得食呢！芋蓉香甜綿滑, 個包包都幾軟熟。濃湯杞子浸時蔬 - 時蔬新鮮爽嫩, 搭配清甜嘅濃湯, 仲有少少杞子味最後叫咗碗楊枝甘露做飯後甜品, 清爽香甜又順口, 裏面有好多西米露, 增添口感~

行過左佐敦無啦啦個fd 話想食點心於是簡左呢間點心食下懷舊鵪鶉蛋燒賣$26大大粒鵪鶉蛋，燒賣愛好者可以試下！黑金流沙包$25唔會太甜，流沙效果十足金沙脆皮銀蘿腸$28入面銀絲熱辣辣，配上卜卜脆既口感Yummy!咁凍同朋友一人一個湯品燉湯 熱辣辣，超岩呢個天氣飲沙參玉竹燉士雞$36材料十足！飲落去有陣清甜既味道！黑蒜螺片燉肉排$38黑蒜味很重！有大大的雞爪估唔到呢款健康食品燉湯咁好飲籠仔金針雲耳雞飯$36呢個飯簡直係超值！勁大籠之外啲雞仲要好滑，難怪附近枱枱食客都有嗌！果然跟機都係無錯🫢🫢

FD想飲燉湯，又想食蝦餃，咁encore返哩間一路都有幫襯返啲餐廳啦。今日天好凍，要食熱少少暖下身。哩間餐廳除了茶點，仲有飯可以叫，品種都算豐富。今日揀咗沙參玉竹燉土雞湯，蔥姜牛百葉，紅油抄手，燒汁釀虎皮椒， 晶瑩蝦餃皇（2粒）同豉汁蒸鳳爪。晶瑩蝦餃皇（2粒），蝦餃皇大大一粒，皮薄蝦新鮮，蝦食落好鮮甜彈牙，一粒已經好足夠。沙參玉竹燉土雞湯，用足功夫煲啲湯，睇到真係落足料。飲落雞味好重，藥材味好溫和，同雞好夾，飲完一盅身子暖返晒。蔥姜牛百葉，牛百葉係FD啲最愛，牛百葉份量算多，食落好彈牙，同埋薑蔥味好重，好食。豉汁蒸鳳爪哩個係每次飲茶必叫，鳳爪蒸得好軟糯，入口即化，鳳爪嗦晒啲豉汁醬，好味。燒汁釀虎皮椒，一份有4件，虎皮椒煎得啱啱好，食落好有鑊氣，又唔會好辣，掂，食完2件真係好飽！紅油抄手，一份有5件，抄手皮薄肉鮮，點埋辣油，一啖落去，辣油帶埋抄手啲鮮甜，真係好味。最後食完茶點，再飲杯熱茶，同FD吹下水，真係好享受。

去完旅行返嚟，唔知點解響外國，特別掛住香港嘅點心。完成咗0+3嘅黃碼生活後，即刻就走咗去飲茶，好好品嚐一下香港美食。晶瑩鮮蝦餃 $16原隻蝦燒賣 $15每次嚟到都一定食蝦餃同燒賣，每籠兩件，唔多又唔少，份量啱啱好。尤其我最鍾意食燒賣，蝦肉爽口好Juicy。紅油抄手 $25紅油抄手入面嘅豬肉餡料豐富，紮實多汁，滑嫩鮮美，味道包含酸、甜、香同辣，麻辣鮮香充滿住口腔內，食起嚟風味絕佳。懷舊臘味糯米包 $28大大件嘅糯米包，每口都品嚐到臘味嘅油香，而且特別飽肚。金沙脆皮銀蘿腸 $28我個人特別鍾意食呢個金沙脆皮銀蘿腸，腸粉皮包住金黃色脆皮，入面仲有滿滿嘅蘿蔔絲，口感獨特，味道爽脆鮮甜。籠仔鳳爪排骨飯 $35最後食埋個籠仔鳳爪排骨飯，的確好大籠，表面鋪滿肥瘦適中嘅排骨同鳳爪，底下用上荷葉去蒸，飯入面完全滲透肉香同荷葉嘅清香味。茶芥 $3/位值得一提，此店茶芥每位都只需要$3，同埋無加一服務費。

大家有冇發現多咗好多點心店呢，現在食點心真係唔一定要去酒樓重要係晚餐都可以飲下夜茶食下點心😊，現在去酒樓飲餐茶茶錢基本上都＄10以上，這裡嘅茶位只是三元👍蝦餃燒賣重可以叫2粒或者4粒，如果一兩個人叫兩粒最正可以試多幾款其他點心晶瑩鮮蝦餃~雖然唔太大粒不過啲蝦好爽味道亦唔錯😋沙律明蝦角~好少酒樓食得到炸得好鬆脆再加點沙律醬好好味👍😋豉椒蒸排骨~有好粉嘅芋頭墊底😋四寶滑雞扎~好大舊魚肚,芋頭,雞肉同蟹柳不過冇冬菇扣少少分😄黑金流沙包~真係超流沙好味👍😋沙薑汁燴鮮淮山~濃濃嘅沙薑味

晶瑩鮮蝦餃（2粒）（$16）餃皮比坊間煙韌，蝦肉尚算爽口。原隻蝦燒賣（2粒）（$15）豬肉餡有咬口，唔似全肥肉，面嗰隻蝦彈牙。不錯。黑金流沙包（$25）包皮鬆軟，裡面嘅流沙咸蛋黃都多，而且唔太咸。金沙脆皮銀蘿腸（$28）腸粉皮好滑，裡面脆皮再包住粗條白蘿蔔絲，口感有層次。好搞笑有條菜芯係上面。籠仔臘味飯（$44）有臘腸、臘肉、臘鴨各三件，三款臘味都好味，尤其是臘肉，肥瘦各半，肥位唔油膩，瘦肉唔韌。飯底講明用金鳳米，粒粒分明又唔“削”，撈埋啲臘味蒸出嚟嘅油，香味提升。好味道。PS：茶錢$3@，不收加一。

想吃點心也不一定要早上才吃，現在晚上也有挺多的餐廳可以選，這間就是其中之一，不過可能也要早點去，因為我快8點才到，有些點心也賣光了，就比較可惜！籠仔金針雲耳雞飯（36元）大大的一籠蒸飯，即叫即蒸的，來到熱辣辣，冒出大量蒸氣，聞到陣陣荷葉的清香！蒸飯的雞用上鮮雞件，吃起來雞味很濃，肉質滑嫩有彈性，而且雞油跟飯混合在一起了，再配上甜豉油，吃起來味道更香，而且白飯粒粒分明！豐料糯米雞（30元）糯米雞挺大的一個，一打開就看到大濃的肉醬在出面了，而裡面還藏有大大件的叉燒和雞肉，真的挺豐富的，吃起來是鹹香的，帶點甜，肉香十足，糯米軟糯！韭黃鮮蝦腸（28元）一共有6件，而每一件都藏有一隻完整的蝦肉，吃起來爽滑彈牙，中間還吃到韭黃的脆嫩，再加上滑嫩的腸，味道挺不錯！豉椒蒸排骨（22元）排骨的量挺多的，有醃過的，吃起來挺爽滑的，再配上豉椒的香味，重口味的可能性再加上豉油一起吃！而下面是用上芋頭墊著的，吸飽了肉汁，而且非常綿香！晶瑩鮮蝦餃（兩粒）（16元）每隻蝦餃都有兩隻鮮蝦，吃起來蝦味濃郁，口感爽滑，餃皮煙韌。原隻蝦燒賣（2粒）（15元）大大隻鮮蝦在上面，簡單直接，下面的是豬肉燒賣，吃起來無論上面還是下

晚餐時段都有得食點心真係好正，今次就去咗佐敦嘅點心到，貪呢度地點就腳、選擇多又足料！黑松露菜苗餃（$27）爽脆鮮甜嘅蝦膠蔬菜餡，加上鋪面嘅黑松露醬，營養均衡又美味可口！沙律明蝦角（$28）炸到金黃香脆嘅蝦角，蘸埋沙律醬，香口滋味。紅油抄手（$25）有五至六粒抄手，煮到啱啱好，皮唔會過腍，辣油加蔥增加風味！醬皇金錢肚（$25）微辣惹味，口感軟腍，以白蘿蔔墊底，非常入味！欖仁馬拉糕（$20）逐啖撕開少少食，睇到又感受到糕身嘅蓬鬆同彈性，入口香甜鬆軟，淡淡欖仁香！濃湯杞子浸時蔬（$20）杞子濃雞湯飲落幾清甜養生，簡單調味已經足夠，菜心非常爽脆！

本身覺得間餐廳價錢尚算合理，而且味道不錯便在OpenRice叫了外賣。可是等候時間耐而且在下午5點 人客比較少的情況下 外賣都需要等候25分鐘 ，在拿到外賣時由於只是看了單據是對便走了，沒有看看外賣盒裡裏的食物，原來是點了蝦腸粉和雞扎但餐廳給了雞腳和雞扎，真令人失望。

如果話黃金流沙包🥰係酒樓點心四大天王其中之一，我相信冇人會反對！啱啱出爐嘅流沙包，內餡滾燙，😍柔韌又筋道嘅外皮，好似金沙个餡料，又擁有甜鹹融合个味道，💗甜蜜奶香，簡直令人會上癮~流沙包個餡✨用鹹蛋黃製成，咬開包入面，餡係流質的，更加軟綿香甜。🤩尤其沙質感嘅餡，香甜十足，😚更加唇齒留香，口感好特別。紅油抄手🌶直接淋上辣油食用，味道食落麻麻香香，而且醬汁又帶點黑醋味，🥢令人十分開胃，按捺不住，🥳食完一口再想接一口！

我之前已經試過一次，覺得好食再拉埋老爸再來吃。 我上次自己一個人嚟食，叫咗蝦餃、 韭菜鮮蝦腸、 欖仁馬拉糕、燒汁茄子和沙參玉竹雞湯，而今次拉埋老爸嚟食，梗係試多幾味新嘅點心， 所以除咗蝦腸和蝦餃外，還叫咗上海小籠包、五香鹹水角和黑金流沙包。1.蝦餃： 蝦肉餡料爽口彈牙多汁， 蝦餃皮不是很厚身口感煙韌，$8 一粒非常抵食2. 韭菜鮮蝦腸： 鮮蝦仁雖然唔係好大粒，但係都非常爽口， 腸粉皮爽口唔係淋pat pat 3. 欖仁馬拉糕： 馬拉糕口感鬆軟，帶有牛油香味4. 燒汁茄子： 味道一般冇驚喜5： 上海小籠包： 我見到好多網友推介這款點心 所以好奇一試， 網友果然冇推介錯，這店的上海小籠包比得上上海菜館， 咬開很多肉汁，我吃得出有薑末混在肉餡裏面， 個皮雖然比出面上海舖厚啲啲，但以點心舖嚟講非常出色。 6. 五香鹹水角： 肉餡料主要是碎豬肉、葱和五香粉， 味道ok唔會好咸， 鹹水角外皮很脆帶點甜味，但老爸話有點黏口， 我就覺得還可以。7. 黑金流沙包： 包包個size比出面少一點， 因為先吃其他點心我吃這包嘅時已經凍咗，但 搣開時仍然保持流心狀態，甜道ok。 8. 臘味糯米包： 糯米包餡料有

忽然想食點心，但係兩個人又唔係好想去茶樓食，所以就嚟咗佐敦依間點心到環境好光猛同埋好乾淨點心種類都算多同埋價錢都唔算貴最好嘅就係佢有得揀一籠有兩粒咁我哋兩個人食呢就唔使揀好似去茶樓咁叫一籠有四粒燒賣同蝦餃都係即叫即蒸，所以嚟到好熱黑蒜螺片燉肉排湯完全係真材實料好重黑蒜味金沙脆皮銀蘿腸估唔到，仲送咗棵菜心外邊啲腸都好粉嫩 入邊嘅銀蘿就好脆黑金流沙包一籠有三個入邊真係好流心 好香，亦都好夠甜好夠味籠仔金針雲耳雞飯好大大個籠飯啲雞都好滑 豉油另上可以自己倒上去依度冇收家加一 每位茶位$3所以都幾抵食

今晚食點心🧆🥧蝦餃皮薄餡靚，肉鮮多汁，咬口彈牙，肉滑蝦🦐鮮，味道鮮甜美味，好好食😋😋😋燒賣即叫即蒸，熱辣辣，香噴噴，燒賣肉鮮嫩，多汁，爽滑彈牙，好正👍👍👍鮮蝦腸粉，粉皮薄滑，鮮蝦爽甜彈牙，肉鮮嫩多汁，腸粉夠實淨，夠師傅，蒸得好食😋😋😋四保雞雜，大大札，味道好好，好抵食👍👍👍鮑片滑雞粥🥣，粥底好棉滑，鮑片鮮甜煙韌，雞肉嫩滑，粥甜棉滑好食😋春卷炸得脆卜卜，蝦爽口，餡料靚，味道好，值得推介🥳🥳🥳