點心到 (廟街)

營業中

休息中

晶瑩鮮蝦餃(4粒）蝦餃夠爽口，🦐而且晶瑩剔透食起身非常爽脆，加上蝦仁夠彈牙，🥰食得出材料好新鮮。原隻蝦燒賣（4粒）餡料豐富，🤓飲茶當然要一試。🐷入味嘅豬肉，彈牙爽口。蜜汁叉燒腸叉燒腸好正。🥢好鍾意入味嘅叉燒粒，❤食起身好香。蜆蚧鯪魚球酸甜可口，🐟也帶有少少香脆，😙又爽口嘅感覺。鮮竹牛肉球牛肉夠新鮮，🤓好鍾意配埋軟嫩嘅腐竹，🥩更加可以吸收牛肉嘅精華。#dimsum #jordan #dinner

.二次到訪 #點心到 😋地點方便又易搵，點心又即叫即熱 保證熱辣辣上枱，同埋就算兩個人嚟食都可以試到唔同點心，因為呢度有時點心可以揀2粉/4粒，好開心😁每次嚟都必點黑金流沙包 食嗰陣小心啲吖，因為個餡勁流心🤤、燒汁釀茄子 我真係好鍾意食呢個，面層係厚厚嘅鯪魚肉 下層係炸得啱啱好嘅茄子 配埋甜豉油 好好味🥰 同埋蒸飯都好出色，但當日就比較想試吓佢綿綿嘅螺片滑雞粥😋.➡️ 點心到 (油麻地)油麻地廟街286-298號華志大廈地下6-8號舖

黑金奶黃流沙包這個是我的第一名，竹炭粉製成的黑金外皮顯得很有質感，外皮QQ彈彈也很圓潤飽滿，一撕開熱氣竄出，金沙流心也絲毫不客氣的爆出來，鹹鹹甜甜很療癒完全不膩口，當下跟媽媽一人一口氣塞了兩顆，太好吃了。

聽聞佐敦有間性價比好高嘅點心專門店，呢度點心全部都即叫即蒸，保證新鮮熱辣上枱，點餐後大約15分鐘左右有得食😙沙參玉竹燉土雞湯 🐔 足料燉湯，海參、玉竹、黨參、杞子，未飲已經好香藥材味，夠晒濃郁鮮甜。豉汁蒸鳳爪好軟冧，骨同皮好易分開，下面嘅花生仲好入味添。蝦餃燒賣 🍤 皮薄、餡正，兩樣入面都有原隻鮮蝦，夠彈牙。燒賣夠大粒，用咗偏瘦嘅豬肉，口感不錯。黑松露菜苗餃 🥦 清甜嘅菜苗餃，有微微菇香，加上少少黑松露作點綴，味道更有層次。醬皇金錢肚入味又唔會過咸，口感偏軟，唔靭，蘿蔔好爽甜。欖仁馬拉糕鬆軟少甜之選，仲有微微奶皇香，大人小朋友都一定鐘意😋好欣賞呢度食物嘅質素，好味又經濟，地點亦方便👍🏻

中國人不嬲都鐘意飲茶，要隨時可以飲杯茶，食番1盅2件，依嫁一啲都唔難。但要係有啲質素嘅就有啲難喇。之前有朋友提過佐敦就有一間高質點心專門店，今日就過黎試下。簡單嘅門面，店面積不大，有點擠迫。晚飯時間，未夠7點已坐無虛席。一坐低，我地都急不及待點咗嘢食先。晶瑩鮮蝦餃、原隻鮮蝦燒賣蝦餃皮薄得晶瑩剔透，包住大大隻鮮蝦，口感彈牙。燒賣比蝦餃更勝一籌，肉質唔散，上面加上鮮蝦，好鮮甜彈牙。蜜汁叉燒腸 皮唔算厚，餡料豐富，味道正常，無太大驚喜。松露菜苗餃本身菜苗餃味道偏清淡，加咗松露，帶出咗本身食材嘅鮮味。沙律明蝦角新鮮熱辣上台，外層炸得份外香脆，內裡則大大隻蝦。呢個無得輸！鮮蝦腐皮卷香口腐皮卷，略嫌餡料偏少。欖仁馬拉糕大小朋友必食之選！超香超鬆軟，食完要買多件返屋企俾小朋友食。呢度仲有盅頭飯、燉湯、甜品，款式好多。所有點心都係即叫即整，雖然落單後等候時間會比較長，但可以食到咁正嘅點心，絶對值得等多陣。

Saw there was a long line so came in to have some dim sum for dinner. Loved everything especially the har gau and the beef intestines. The shrimp dumpling had a chewy outer layer and the shrimp was crunchy and crisp. It was seasoned really well too. The beef intestines was curried and boiled. It did not have a funny taste and was actually quite addictive. The turnip at the bottom were also very flavourful

今日喺柯士甸站收工，突然間好想食點心，上網搵吓見到呢間人氣幾高，評價唔錯，就直接行過嚟。行到嚟門口，入邊果然坐滿晒人，好彩啱啱有一台賣單，我哋先即刻有得坐咋！呢度啲點心好抵食，所以隨意揀咗幾樣，等咗唔使10分鐘，啲嘢就一次過上晒，食點心就係鍾意呢啲放滿成張枱嘅感覺！晶瑩鮮蝦餃兩粒真係名副其實，望落去十分之晶瑩剔透，啲蝦又爽口！醬皇金錢肚好惹味，唔會好似平時出邊咁有啲臭臭地嘅怪味，口感好好，啲蘿蔔都好入味！卡通流心芋蓉包幾得意，又唔會好甜，推介！龍仔煎蛋牛肉飯好大碟，味道都唔錯！

嚟到星期三又係對自己好𝗱既時候，今日就同食下點心一盅兩件先🍵#晶瑩鮮蝦餃（2粒）𝗵𝗸𝗱$𝟭𝟲原粒鮮蝦，沒有豬肉，皮薄煙韌，唔錯唔錯👍🏽🫖#原隻蝦燒賣（2粒）𝗵𝗸𝗱$𝟭𝟱原隻蝦做餡既燒賣，唔鍾意食肥豬肉嘅話呢，呢個有蝦嘅鮮味嘅係不錯嘅選擇🍵#黑金流沙包 𝗵𝗸𝗱$𝟮𝟱竹炭粉製成既包皮，掃上食用金粉，一搣開就流出濃郁奶黃餡👍🏽👍🏽👍🏽🫖#鮮蝦腐皮卷 𝗵𝗸𝗱$𝟮𝟴爽口彈牙，最鍾意就係佢有芫荽味😻啱晒茜友🍵#上海小籠包 𝗵𝗸𝗱$𝟮𝟰小籠包裏面充滿咗湯汁，皮薄，筷子🥢夾起都冇穿，呢一點非常之值得讚👍🏽好明顯師傅對搓皮功夫非常了得👍🏽🫖#皮蛋瘦肉粥𝗵𝗸𝗱$𝟮𝟰用咗非常之靚嘅雪花皮蛋，皮蛋份量同埋瘦肉都非常之十足，啱晒食煎炸野要下一下火🍵茶位$3/人呢個價錢非常之相宜，佐敦終於有一間叫做可以食得上嘅點心～不過好可惜啊，當日想食榴槤雪媚娘或者楊枝甘露，佢都冇貨如果大家中意俾個like支持下🤟🏽 𝗖𝗶𝗮𝗼~🫖點心到 (佐敦)🍵佐敦廟街286-298號華志大廈地下6-8號舖

中午去休息放鬆一下，慢慢歎杯茶，食個點心。這間不用收加一之餘，茶位也只是三元👍🏻點了幾份點心，一籠飯，加多盅燉湯=）鮮蝦腐皮卷表皮香脆，另內裡有挺多蝦，食落好滿足。三絲鮮蝦春卷外衣香脆，點埋個醬油，更加好味。👍🏻燒汁釀茄子不論是釀係面既魚膠，跟茄子本身，都一樣不差😋籠仔香辣排骨飯排骨既份量不小，食落唔黐牙，另食落有小小辣，但反而越食越正😁沙參玉竹燉土雞燉湯鮮甜，飲完成個人滿足哂😍點的每樣點心，都比想像中好呢。

早上緊係要黎返一盅兩件😋😋朋友屋企附近有間點心專門店，見近近地就去幫襯下🥰點心專門店早午晚都有熱辣辣點心🤓即叫即蒸🙌🏻睇下我地點左咩先🤤🌸晶瑩鮮蝦餃蝦餃好大粒又彈牙🤓入面係滿滿嘅彈牙大蝦🦐🌸原隻蝦燒賣粒粒燒賣上面都有原隻大蝦，口感好好唔膩👍🏻🌸卡通流心芋蓉包芋蓉包上面有可愛嘅卡通表情圖案，包入面係香滑嘅流心芋蓉，唔太甜🙌🏻🌸沙律明蝦角平時出面嘅蝦角多數都會多肉少蝦，但e道係真材實料嘅蝦角🥰外面脆卜卜，入面勁多蝦🤤🌸籠仔煎蛋牛肉飯牛肉蒸得岩岩好，拌埋太陽蛋，令到個飯又帶蛋香同牛肉嘅鮮味

Happy Sunday☀️又係時候同媽媽撐枱腳😛飲啖茶～食個包😇呢間點心到CP值真係好高💕即叫即蒸，叫咗六大個點心買單都只係$156💓鮮蝦腐皮卷炸到脆卜卜、一啲都唔油膩入邊都好多蝦粒架🍤而且啲蝦好爽口彈牙！豆腐腐皮控相當滿意🤪鮑螺片滑雞粥入邊有三、四嚿雞，雞肉都幾滑💓超厚肉嘅螺片都有三、四塊煮得都夠腍，好容易咬開嘅😉每一啖粥都好夠綿密，味道好有雞肉同螺片嘅精華，好鮮甜呀😚醬皇金錢肚呢度嘅金錢肚超入味！重口味人士一定會鍾意❤️蒸嘅時間啱啱好☺️啲金錢肚唔會好似成舊膠咁咬唔開😆又唔會腍啤啤，好爽彈架！欖仁馬拉糕呢個馬拉糕一上枱已經好香啦！味道唔會過分甜，係屬於清甜嗰種，仲有啲攬仁增加口感💕金沙脆皮銀蘿腸呢個係炸兩嘅升級版😆不過腸粉包住嘅唔係油炸鬼！而係脆卜卜蘿蔔春卷😍腸粉相當滑溜，外軟內脆非常過癮🥰懷舊混醬腸粉見佢地嘅腸粉咁滑嘟嘟😁於是就叫多咗一碟混醬腸粉啦😇腸粉依然夠晒滑溜，米漿味都幾香甜醬、麻醬、豉油嘅比例相當完美🤤點心到 (佐敦)佐敦廟街286-298號華志大廈地下6-8號舖

沙參玉竹燉土雞燉湯好足料，放咗好多沙參、玉竹，所以藥材味道好濃！雞肉燉得軟爛出晒味，燉湯夠鮮甜！其間仲見到唔少人叫燉湯飲，深受街坊歡迎😝晶瑩鮮蝦餃蝦餃皮爽口彈牙，入面啖啖蝦肉，蝦肉彈牙鮮甜，正👍🏻原隻蝦燒賣成隻完整嘅蝦係面頭，呢度嘅燒賣瘦肉多過肥肉，係我鐘意嘅口感，食落唔會覺得肥膩，個人好鐘意😍濃湯鮮竹卷湯好濃，呈奶白色，鮮竹卷吸滿湯汁，食得好滿足👍🏻欖仁馬拉糕呢個超好食！馬搵糕質地超鬆軟，唔會好實淨而且仲好香添～一定會encore 😎龍仔鳳爪排骨飯好大籠，荷葉包墊底，飯有陣陣荷葉香味～排骨同鳳爪嘅份量唔算少，味道都幾好～抵食之選👍🏻點心到 (佐敦)佐敦廟街286-298號華志大廈地下6-8號舖

鮮蝦餃 ➰ $16蝦餃2粒，好大粒，入面有大大隻蝦，新鮮彈牙原隻蝦燒賣 ➰ $15燒賣2粒，好大隻蝦蝦，燒賣入面包豬肉，好啖啖肉，好味香煎蘿蔔糕 ➰ $20好大份，食到手蘿蔔粗條，同埋臘肉腸。鮮竹牛肉球 ➰ $21牛肉好鮮味，唔會食到粉感，好真材實料。蜜汁叉燒包 ➰ $20粗切叉燒肉，包好有口感，扎實感，係傳統既酒樓款香茜牛肉腸 ➰ $25腸粉有厚度而好滑，入面的牛肉都好厚，芫荽溶入左牛肉，好有香茜味。籠仔鳳爪排骨飯 ➰ $35飯好多荷葉香，份量都多係兩人份，好多排骨，肉好淋，鳳爪有兩個，味道偏甜。飯軟硬度適中，唔會硬同太淋。大份夾抵食〰️〰️〰️〰️〰️〰️〰️〰️〰️〰️〰️〰️〰️〰️〰️〰️餐廳位於佐敦位置方便，服務員手腳好勤快，每人都只係$3茶位，到左晚上都仲好多人。平民抵食之選。〰️〰️〰️〰️〰️〰️〰️〰️〰️〰️〰️〰️〰️〰️〰️〰️

夜晚同屋企人，都係最鍾意食點心。🥰一定會叫佢哋嘅鹹水角，味道經典，而且非常回味，即叫即炸，🔥所以好香脆，入邊仲有豐富嘅內餡，食起身軟熟又香口。🤤🤤.另外我哋都叫咗金錢肚，🐮炆得好入味，而且好鍾意個醬汁，🥢好濃郁。.當然都要叫埋佢哋嘅🥚黑金流沙包，出邊嘅黑炭好健康，入邊仲有流沙嘅鹹蛋黃😍，真係鹹香滋味👍.小籠包好得意，夾起身已經好誘惑。😋食落去，濃郁嘅熱辣辣嘅湯汁❤流出嚟真係好正。

放完工想食點心， 最理想就係去點心專門店朋友帶我去到佐敦廟街有間性價比高的中式點心店，地方都新淨光猛，是新派裝修的中式點心店這裏點心🥧價錢相當親民比一般酒樓還要抵食，茶錢只係3蚊一位😮，仲要唔洗加一😉，真係唔冼就住就住叫點心食😄，最重要即叫即蒸晶瑩鮮蝦餃 （$16 兩粒）蝦餃唔太粉，都晶瑩通透，蝦餃皮都薄，蝦爽脆彈牙大大隻，可以兩隻或四隻一籠原隻蝦燒賣 （$16 兩粒）燒賣頂上大大隻蝦肉彈牙，豬肉都新鮮鮮蝦腐皮卷外皮炸得鬆脆，食落卜卜趣，入面啲蝦都新鮮燒汁釀虎皮椒一共有四隻，紅青椒各兩隻，鯪魚肉釀得好入味，燒汁味道不錯，少少辣可接受黑金流沙包招牌點心，流沙包軟淋、一搣開奶黃慢慢地流出，帶點蛋黃鹹味香金沙脆皮銀蘿腸是全素腸粉，入面油炸鬼超脆，內是蘿蔔絲做餡，感覺相當特別，比普通炸両更好味楊枝甘露楊枝甘露清甜可口，芒果同柚子肉都頗多，西米細細好咬口