點心到 (廟街)

營業中

休息中

星期日3點鐘先到🫖都排隊25分鐘，真係好旺😳記得要拎左籌先，我同朋友見有條龍就企咗喺到排隊，點知原來係要攞籌號先😑 入面環境唔大，都比較迫，台與台之間都有d 窄🫣兩個人叫咗7款點心，呢到d 點心都偏細籠，但勝在價錢亦到非常親民，蝦餃同燒賣🥧有得揀2粒一籠，一籠先$15好抵😆 岩晒人少少又想飲茶又要食多款嘅我🤪 呢到全部點心都係即叫即蒸👍🏻🥧黑金流沙包整得好好，熱辣辣勁軟熟，一搣開好流心🤭 個咸蛋奶黃唔會太甜，好夾，雞蛋咁細細隻兩個人食都唔驚會太full 食唔到其他野🥧燒賣勁大隻蝦🦐喺面，一啲都唔輸比酒樓，豬肉都好足料仲有蟹籽添🥧蝦餃個樣夠薄，蝦嘅餡都好滿，好彈牙🥧黑松露菜苗餃好香松露味，亦係蝦肉餡料好足🥧小籠包唔係好大粒，但一咬開係勁多湯汁，個皮好軟熟好薄👍🏻🫔鮮蝦腐皮卷炸到金黃好酥脆，上台係即時炸起咬落出仲咇緊汁😋🍖蒜香蒸排骨舊舊排骨都好大舊，一籠都幾多件唔會好似其他酒樓咁排骨底下墊勁多豆卜嗰啲浪起晒扮多，呢個係真係多🤩🧋茶味比較濃，奶唔夠多，不過嚟飲茶冇expect 過佢奶茶好飲，所以都合格，但可以唔叫冇加一，茶芥$3, 一人$100有找連兩杯奶茶，可以再嚟🥳

✨過年想食點心，擔心酒樓要等位，所以就過來試下點心專門店。曾經提前係Openrice訂座，不過被店家取消佐😓✨下午茶時段到店，基本唔需要等位，但係餐位好窄，一定要小心碰撞。✨價格的確比酒樓低，但係！！！ ⚠️分量都一樣縮水…… 牛百葉💰26，一碗只有3大塊，其他都係碎碎，所以價格睇落平，但係分量都一樣少。✨點心質量ok，但肯定都係其他店鋪供貨的產品，同一般酒樓嘅點心味道差唔多。✨總結：整體會比酒樓平，但同樣要收加一。如果係有時間飲下午茶的朋友，建議去酒樓，因為坐得舒服好多而且價格都差唔多。但如果係午市晚市，就可以選擇點心到，因為價格會平。

點速到 佐敦本身好鍾意食點心…但人少少去酒樓又好費時失事。好彩而家開左好多點心專門店點心到就係我九龍區既首選…地點又近鐵地…所以一諗到食點心就會黎食野呢度既點心真係即叫即蒸…全部野上檯時都熱辣辣最鍾意呢度既蝦餃…皮好煙韌…餡又多蝦夠爽口。你仲可以點兩隻食住先…食完再加單…因為呢道點兩隻係一半價錢今次仲點左燒賣…成隻原蝦話面…釀青椒有兩隻紅椒兩隻青椒…鯪魚滑做得唔錯山竹牛肉…呢個都必點…好味同肉質唔會"實的的"糯米包…而家好多地方都無呢d懷舊點心。呢度個糯米飯餡好乾身同香臘味味道今次仲試左沙律明蝦角…咬開仲有煙出…點沙律醬就最正最後加多個鳳爪排骨飯…個飯蒸到好乾身…最怕d飯濕蓆蓆。呢度整體野食水準真係唔錯…價錢又合理…可鍾意點心既要去試下

🍽️ 點心到📍地址: 佐敦廟街286-298號華志大廈地下6-8號舖 👉🏻晶榮鮮蝦餃（4粒）$32蝦餃皮算薄，呈半透明，吃起來不黏口。蝦肉爽口彈牙帶少量湯汁，熱度亦剛好。👉🏻原隻蝦燒賣（4粒）$30皮薄，蝦肉與豬肉的比例恰到好處，十分彈牙。另外，吃起來油香豐富和份量足夠，相當滿足。👉🏻黑金流沙包 $25必點招牌菜！！包子相當鬆軟，皮嫩Q彈。咬下去便嚐到香濃的奶黃流沙，口感細膩而微稠，給人一種真材實料的感覺！👉🏻卡通流心芋蓉包 $22外觀非常可愛，每個包面都劃上不同的有趣表情，讓人捨不得吃掉。餡料為芋容，甜而不膩，獨特性十足。👉🏻籠仔金銀蒜海蝦飯 $42很有創意的一道菜式！蒜味香濃，令蝦肉吃起來更惹味。而後另外，蒜香亦滲進了白飯中，配上餐廳配給的甜鼓油令飯的口味鮮甜香濃，更具層次。👉🏻茶芥 $3 each好味指數: 3.5/5 性價比: 3.5/5 無加一環境: 3.5/5

最好食係籠仔荷葉香蒜龍蝦飯，淋埋醬油，飯香撲鼻，十分滿足！腸粉唔算最滑最薄透的一間，好考師傅功力，但上面條菜心幾好食😋鳳爪唔夠軟，可能蒸得唔夠耐？燒賣唔好食，令人失望，菜也普通。蝦餃穩陣，蝦仁飽滿，皮尚算薄，呢間夜晚超多人，應該係價格便宜，2人食6-7碟約$148，茶位$6/2人。

今日去到佐敦，又到食晏既時候，未諗到食咩好既時候，見耐無去飲過茶，最後又黎左依到嘆返個點心：）依到除左野食不錯，最正係唔洗加一，茶位也只係三蚊😁食物點了：晶螢鮮蝦餃彈牙既蝦球，點了四件的，啖啖食落都咁滿足。潮州粉果各樣既料釀係入面，味道跟平常的一樣，也不錯。鮮蝦腐皮卷新鮮炸好出黎，夠熱夠脆夠好味。豐料糯米雞好耐無食過，配料不小，仍然都係咁好味：）黑蒜螺片燉肉排足料燉湯，食到最尾飲返盅，滿足哂😋

飲茶🫖食點心唔一定去傳統茶樓既(⁎⁍̴̛ᴗ⁍̴̛⁎)想飲下夜茶可以去點心店，今晚試左廟街一間小店，非常唔錯啊(*ˉ︶ˉ*)我地叫左好幾款，都唔過$200，水滾茶靚，食物種類多👍🏻重點講幾款心水先！ 🍞黑金流沙包$25係我飲茶必叫三甲之一既流沙包⁄(⁄ ⁄ ⁄ω⁄ ⁄ ⁄)⁄呢間既流沙效果十足！ 熱辣辣，勁正，餡料唔會太甜，麵包鬆軟，我一口氣啪咗兩個☺️☺️呢款必叫啊！ 🍲沙參玉竹燉士雞$36價錢公道，味道清甜，仲有三舊雞肉，材料都算足，見到晒啲沙參玉竹，天氣咁凍，飲番一盅，暖笠笠好舒服。蝦餃 $16蝦肉爽口彈牙，未算皮薄，但勝在口感煙韌，最正係可以兩粒咁樣叫(*ˉ︶ˉ*)貪心嘅我可以多幾款唔同點心！

放工好想食點心，近近地試下呢間！ 而家食點心唔局限喺茶樓，隨時都可以去點心店食，真係幾正！ 🥢晶瑩鮮蝦餃、原隻蝦燒賣落單可點兩粒、四粒我地都點左2粒即叫即蒸上檯出哂煙趁熱先食一口蝦餃餃皮滑蝦餡大粒鮮爽蟹籽蝦燒賣金黃大粒豬肉鮮味有肉汁😋🥢籠仔金銀蒜海蝦飯荷葉籠仔蒸蝦飯香噴噴肉質鮮味原隻開邊冇蝦腸簡單生蒜炸蒜加葱碎調味軟綿米飯入口有油香仲吸收晒海蝦汁既鮮甜最正係有荷葉散發香氣🥢欖仁馬拉糕內層窩蜂狀夾起有彈性空氣感夾起時熱氣帶出蛋香口感鬆軟🥢卡通流心芋蓉包蒸包面配上不同Emoji造型可愛香軟輕咬芋蓉夠流心🥢榴槤雪媚娘皮薄餡料多，脹卜卜糯米皮軟糯煙韌榴槤肉滑溜超軟心好味有驚喜～

奶黃色濃郁嘅上湯，✨唔會味道太重，又清清地。飲落，🥰好舒服，浸泡住的腐竹已經變得嫩滑。😍入邊仲包住豐富嘅餡料。💗食起身，口感滑溜，而且好香湯味。豉汁蒸鳳爪🤩鳳爪炸完之後，加入豆豉蒸。蒸熱之後熱辣辣，鮮啡色嘅鳳爪已經變得好軟熟，👍食落去好有骨膠原，軟糯嘅口感，我同屋企人都好鍾意食。醬皇金錢肚🐮軟軟地，又有少少爽口。金錢肚，🔥炆得夠香。黑金流沙包趁熱食！😉入邊金黃嘅，流沙醬汁，😋更加會湧出嚟，非常特別。

點心到之前食完點心到Mix大排檔之後，覺得幾正，於是琴晚經開佐敦就想食埋另一間點心到。呢間係專食點心，一去到已經座無虛席，等有位都要等5分鐘左右，店員好努力幫我騰空近門口位嘅座位比我坐，不過呢間餐廳門口都係有一級，撞正落雨濕濕搞到車軚空轉，要用最高速衝入去先入到間餐廳！1.晶瑩鮮蝦餃（2粒）$16（8/10）呢個蝦餃入面有3粒切開嘅蝦，蝦爽口彈牙，好鮮甜，蝦肉唔係梅，不過個人唔鍾意個皮太煙韌同厚咗少少，如果薄返少少滑d就更好！2.沙律明蝦角$28（9/10）呢個 沙律明蝦角炸得好脆，炸到脹卜卜，食到係新鮮炸起，唔會淋哂，入面都有2-3粒切開嘅蝦，用料好足，一碟有3舊！3.豉汁蒸鳳爪$21（8/10）呢個豉汁蒸鳳爪一碟有4件，仲係大大隻，絕對唔係其他酒樓果種苗條瘦身嘅鳳爪，而且豉汁調得啱啱好，唔會咸！4.香茜牛肉腸$25（7/10）呢個牛肉腸一碟有2條，已經幫你整開6件，入面加入咗香茜，即刻同其他酒樓好唔同，好味好多，不過個人唔鍾意個皮太煙韌同厚咗少少，如果薄返少少滑d就更好！5.懷舊鵪鶉蛋燒賣$26（7/10）鵪鶉蛋燒賣唔係間間酒樓都有，呢個鵪鶉蛋蛋味香濃，不過個人唔鍾意燒賣個皮太煙韌

今晚又去廟街搵好嘢食，呢間點心位於橫街裏面，雖然唔容易發現，但係有好多街坊食客都坐滿晒，好好生意。我諗原因主要係呢一度嘅價錢非常之親民，大部份點心都係20至30蚊，就算我哋叫咗七八個點心都係百幾蚊，超級抵玩！首先要推介嘅就係芋泥包，喺其他點心舖比較罕有，趁熱食真係超正，個包好軟糯同入邊個芋泥好夾🫶🏻呢度蝦餃同燒賣都可以揀兩粒份量，就算兩個人嚟食都可以叫～另外呢個銀絲蘿白腸都好正❤️好邪惡入面係油炸嘅絲網，包住蘿白絲，好甜好香口。另外仲叫咗蘿蔔糕、鳳爪同春卷～全部都好抵食，難怪咁多街坊客都支持！呢到8點後先會鬆動少人啲，可以就返時間過去食🫶🏻

邊個話飲茶一定要日頭，飲夜茶又係另一番體驗！呢間點心店全日都有手工點心，即叫即蒸，茶茗只需要$3一位，仲要唔使加一，真係好抵食！夜晚去到都有唔少食客，佢點心嘅份量唔會太大，就算一個人食都可以叫番一盅兩件過吓口癮！------------------------------🦐◖晶瑩鮮蝦餃（兩粒）◗  $16佢有兩粒同埋四粒揀，所以一個人食都唔怕會太多！蝦餃蝦肉實淨，蝦餃皮幾煙韌，但就略嫌厚咗啲。🥟◖黑松露菜苗餃◗  $27有一小舊黑松露喺面，黑松露味都幾香，夾雜住啲蝦肉同菜苗，味道幾夾幾鮮甜，口感夾脆，好有層次！🐂◖薑蔥牛柏葉◗  $26飲茶比較少見牛柏葉食，試試佢！一碗裏面有4-5件牛柏葉，薑蔥味道幾重，食落甜甜地帶少少辣味，個人幾鍾意！有啲白蘿蔔鋪底，煮得軟腍鮮甜，成個湯底更加甜！🐓◖四寶滑雞扎◗  $30有兩大件雞扎，用腐皮包住啲豬皮、雞件、蟹柳、芋頭，肥嘟嘟咁好足料！雞件口感嫩滑，芋頭煮得好腍好入味，加埋爽脆嘅豬皮，口感好豐富！🥯◖黑金流沙包◗  $25有三粒流沙包，但就比較細粒，所以都唔驚話會食到好飽～裏面嘅流沙餡好流心，而且唔會太甜，識落仲有少少起沙嘅感覺，細細個但係好食！🍖

第一次晚餐時間食返一盅兩件，夜晚飲茶🫖別有一番風味，尤其係甘凍既夜晚飲返杯熱辣辣既茶，個胃真係舒服好多。我哋睇中呢間餐廳最大原因都係因為佢平民化既價錢真係好吸引，好多茶樓飲茶閑閑地都人均一兩百先埋到單，但係呢度飲茶人均70都食得好飽，仲要加埋茶位3蚊位都係70左右找到數，真係好抵食！黑金流沙包吾係間間都會有得食，點心到既黑金流沙包上臺時熱辣辣，我哋緊係趁熱吃返個啦！打開個包就流曬金沙出黎，香濃既味道，包又鬆軟。蜜汁叉燒腸皮薄餡靚，叉燒味道吾錯，吾會太柴太大塊，食落都有香甜既味道，夾埋豉油一齊食又咸甜中和返。沙律明蝦角炸的香脆可口，入面有一大隻蝦肉，沾上沙律醬一齊食，酸甜可口脆卜卜。原隻蝦燒賣睇落隻蝦真係都幾大隻，食落蝦同豬肉混合的剛剛好，油香十足，食落滿足，要贊的位除左味道之外，可以簡一籠兩件定四件既選擇好貼心，因為好似我哋得兩個人去食，食一籠四件就好快飽，試吾到更多其他點心。所以同樣可以簡兩件定四件既晶瑩鮮蝦餃都係值得讚既位置！味道也不遜色於燒賣，蝦味十足，餡料豐富，蝦餃一定要熱辣辣食個皮先吾會硬曬，所以熱辣辣上到檯既點心真係好重要！由此睇得出佢哋係蒸好無耐就立刻上檯！讚！籠仔鳳爪排

食過點心到Mix‧大排檔的點心覺得質素唔到錯，今次再到佐敦店潮聖一下佐敦店全日都係食點心，冇小菜提供茶錢每位$3️⃣，全日免加一==========🔹晶瑩鮮蝦餃 (2粒) $16蝦肉爽彈鮮味，調味恰當蝦餃皮厚度適中，煙韌彈牙不黏口推介指數：9/10==========🔹懷舊臘味糯米包 $28秋風起，食臘味已經好少地方可以食到糯米包了糯米包外皮做得夠薄帶拉扯感內裡臘味豐富，有臘腸，膶腸，臘肉，蝦米，芫茜等臘味質素不錯，糯米飯被滲滿臘味油香夠滋味，軟硬度適中，粒粒分明推介指數：9/10==========🔹韭黃鮮蝦腸 $28賣相晶瑩剔透原隻蝦肉爽口略帶鮮味腸粉皮細緻軟滑推介指數：8/10==========🔹黑松露菜苗餃 $27蝦肉爽彈帶鮮，菜苗細嫩，帶淡淡的黑松露味道餃皮跟蝦餃一樣煙韌彈牙不黏口推介指數：8.5/10==========🔹醬皇金錢肚 $25金錢肚切得大件，醬皇味道調教恰到好處，口感彈滑不過腍墊底蘿蔔鮮嫩冇渣推介指數：8.5/10==========🔹濃湯杞子浸時蔬 $20菜心新鮮份量足，抵食推介指數：8.5/10==========埋單$1️⃣5️⃣0️⃣整體用餐體驗滿意，點心質素高且價

佐敦廟街華志大廈地下有一間叫做點心到嘅食店，佢哋的點心標榜係百分之百香港製造。.下午三點經過，點心店已經差唔多坐滿食客，兩個人叫咗六樣點心，都係147元，每個人$3茶錢。.蝦餃同埋燒賣係必食㗎，還有鮮蝦腐皮卷，都係食店推薦嘅點心。.鮮蝦腐皮卷的蝦脆口有馬蹄，味道好。蝦餃的皮煙煙韌韌，蝦都幾大隻。燒賣上有隻蝦，豬肉有咬口。荷葉雞飯啲雞好淋滑，有金針雲耳，配埋啲甜豉油食好好食。最欣賞楊枝甘露，面有好多西柚同埋西米，又唔係太甜。😋