麻辣香鍋

營業中

休息中

誤打誤撞入咗旺角呢一間專食川菜嘅餐廳，竟然有意外驚喜，嘢食非常之合我口味😳其實我本身唔係話食得太辣，但又唔知做咩事比呢間餐廳嘅香氣吸引到🤣我直接同個職員姐姐講，話其實我唔係食得太辣，姐姐勁好人同我講話佢會同廚師講，幫我哋輕輕咁調一調味，真係好人👍🏻我揀咗個蕃茄炒蛋，哈哈，雖然呢個餸好似好普通同埋又唔辣，但咁先食到個師傅嘅真功夫，師傅炒得好好😋個蛋勁滑勁好味！辣子雞 ，辣子雞啲花椒勁多，好彩揀咗少少辣，好惹味呀🙈麻婆豆腐，啲肉碎同啲豆腐非常之夾，味道又非常之麻香，真係可以送幾碗飯🤤

今日約咗朋友去食川菜，係佢介紹之下知道旺角新開左一間裝修唔錯又抵食，價錢又親民嘅川菜餐廳，所以二話不說走咗去試吓——————🐽 秘制拍青瓜首先叫個涼菜，拍青瓜好脆好新鮮好有咬口，用咗大量嘅醋去醃製，並唔會太辣幾開胃🐽 麻婆豆腐麻婆豆腐好香，豆腐好滑，肉碎味同汁醬都好濃，送飯好正🐽 金湯酸菜魚酸菜魚份量好大，兩個人黎食跟兩碗白飯已經夠飽，入邊除咗好多鱸魚塊，亦有好多菇類以及紅薯粉，湯頭亦都好鮮味，少少酸令到越食越開胃，撈飯真係一流😝

冇錯！鍾意川菜嘅味道！但又唔係好食得辣🥹🥹所以同男朋友過嚟試吓😆👍🏻小龍蝦🦞我哋叫咗蒜香味！仲有麻辣味同十三香🌶蒜頭切得細細粒！可以連埋小龍蝦啲肉一齊食👍🏻小龍蝦唔會細到冇肉食😛已經贏咗出邊好多舖頭🥹京蔥牛肉配麼麼皮👍🏻京蔥味好香！仲有啲洋蔥🧅炒到熟晒所以唔會辣！亦都冇青草味🥹反而係甜😛牛肉唔會過老🫣仲食到牛油香㗎👍🏻蕃茄炒蛋🍅完全有家的味道🤭唔會有假嘅蕃茄味😍酸酸甜甜，好好送飯🤣啲蛋都唔會老🫡同埋都炒到好香😛雖然唔係辣嘢！但都別有一番風味🫡

今日收工同屋企人係旺角搵野食，行行下見到有間新開嘅麻辣美食，一於試一試食小小店舖但都坐滿人，應該都唔錯店長就好推薦香辣海鮮鍋同烤魚係同價的，但今次想食湯湯水水多所以冇揀到，下次再嚟試試佢主打都係麻辣海鮮，好多款小龍蝦好岩平時成日問我邊到可以買嚟食嘅朋友最後我地揀左中麻辣烤加州爐魚，$298仲包埋6款底料，我地有外加牛肉同生菜。如果想食靚牛嘅朋友仔這間店未必可以滿足到你，普通有牛就可以的話可以試下一睇就知味道十足調味料唔孤寒，岩曬重口味嘅朋友仔而且魚都算大條，兩個人食非常足夠，特別之處在於烤魚外脆內軟，因為魚經烤過和炸過先落鍋加湯魚肉鮮甜，辣味十足好岩送飯魚肉厚實大大舊，300蚊嘅價錢算係唔錯6款配料都好足料，超多薯粉，每人都可以食到兩碗十分彈牙，而且吸入湯汁十分開胃，但因為加入左湯汁所以比較偏咸，可以扔埋飯或菜一起食，我地就選擇再加清湯，因為薯粉好多浸太耐好咸10分都有7分，烤魚唔似平時咁，今次外皮比較脆，味道較濃，食開清淡嘅朋友應該會覺得咸，但配料足夠，2-3人食都夠，店長店員態度好，諗住叫多點配料，佢話兩個人夠曬未必食得曬做生意都好真心，喜歡

#旺角美食 #小蓮星呑食旺角🔻 麻辣香鍋旺角砵蘭街198號地舖/🧃金湯酸菜魚 $188叫左小辣，上枱個湯真係金黃色，勁靚！除左有好足料嘅鮮滑魚片，仲有好多配料，菇菌有好幾種，令湯更加鮮甜，仲有爽脆萵苣，同足夠幾人份量嘅薯粉，呢個價錢勁抵食！/🧃回鍋肉 $88有驚喜！唔會太油膩，但都非常惹味，椰菜鮮甜爽脆，豬肉肥瘦得宜。/🧃清炒萵筍絲 $68大大碟，好鮮甜，少少油鹽都勁好味。/////#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig

其實都已經唔係第一次嚟啦😛上次食完覺得好好味今次帶埋朋友一齊嚟食🥰秘製拍青瓜🥒一開始嚟咗個前菜！清爽下個口😋又開胃👍🏻秘製汁好香，唔會話辣😆好快已經食晒嚕🫣藤香雞🐔之後再嚟個冷盤🤩幾個朋友都讚不絕口！藤椒汁掛咗喺雞皮上面！左一啖放入口😎真係夠晒香😍連雞胸都唔會柴🥹真係食第二次都覺得咁好味😚辣子雞🐔上次冇食呢個！今次就試吓🫣平時食嘅辣子雞，啲雞粒通常都好細粒同埋好乾🥹呢個真係唔會！好香好大粒好滑🥰完全唔會失望！辣椒多夠晒香口🤩 香辣海鮮鍋🦑🦐🦀今次啲辣椒係一大條🫣我朋友試咗食一條辣椒都話夠晒辣😆同啲海鮮一齊炒夠晒味道👍🏻魷魚鬚好大條好彈，鮑魚都好大隻又唔會腥，仲有蜆都冇沙🥰蝦蟹！連我唔鍾意剝殼嘅都不停想繼續食😛因為真係好多膏啖啖肉🫡泡椒田雞🤣第一次食田雞嘅我估唔到原來咁嘅質地🥹有啲似雞肉！不過再滑啲🤭甜甜辣辣好開胃🌶️啲配菜都完全一齊食晒😆同朋友嚟食多咗好多款式！好開心😛我覺得下次都會同朋友一齊嚟食多啲款式🥹😋

同男朋友都好鍾意食辣！所以佢不停都會上網搵一啲地道辣餐廳🌶🌶入到去裝修唔錯！乾淨光猛👍🏻香辣海鮮鍋👍🏻又鍾意食辣又鍾意食海鮮😋好大份好足料🥹 蟹蓋好多膏，蟹鉗好厚肉！亦都好鮮味😛裏面有蜆同魷魚仲有蝦👍🏻啲蝦已經幫你開咗殼！所以都唔會食到污糟邋遢，唔會麻煩🤭蟹肉好彈牙😍魷魚好厚！魷魚鬚好大條😚蜆肉都好大粒唔會有沙！食完呢個覺得海鮮同辣真係好夾🫡🌶水煮牛肉👍🏻水煮汁夠辣夠香🤩唔會辣得嚟入唔到口😌亦都好夠麻😍牛肉好大塊，好嫩😍最怕食到牛肉咬唔開🥹裏面啲配菜同水煮汁都夾得好好！唔會唱晒大家原本嘅味道🤭🌶多啲朋友嘅話可以再叫多啲唔同嘢食！因為份量都好大份🥹🫡幾個人食都唔怕唔夠😛

同男朋友行街一路行都未有心水嘅餐廳🥲經過呢間川菜見到裏面裝修幾好！諗住入去試吓😚餐具好靚！亦都好乾淨🤭香辣海鮮鍋🦐🦞🦀🐙見到都流口水！超多辣椒夠晒辣🌶🤭唔會得啲款好多肉😋鮑魚大大粒🥰夠晒過癮！其他海鮮都唔係馬虎俾你😚魷魚同蜆都一樣咁出色😍啖啖肉！男仔去到都一定夠食啊！💪🏻麻辣小龍蝦🦐小龍蝦好爽口！我同男朋友都覺得好夠辣🥹同埋啲麻辣汁都食倒用好多香料去整！好有層次🥰同埋有芫莤鋪喺面🥹連埋麻辣汁一齊食都好夾😚蕃茄炒蛋🍅酸酸甜甜！十分開胃😋蕃茄好清新爽甜！一啲都唔會膩🙅🏻‍♀️茄汁撈飯簡直係一流😆啲滑蛋都好大份🥹好均真🍅鍾意辣嘅朋友即管去試下啦🥰

今晚去咗旺角呢間「麻辣香鍋」食辣烤魚，係門外已經聞到好香好香啦～ 餐廳環境算整潔，梳化椅坐得舒服～ 烤魽魚 $298烤魚鍋有六款鍋底料，薯粉，木耳，腐竹，蓮藕，大荳芽，青瓜條，份量十足，兩個人食都超飽😆 薯粉好有彈性，煙煙韌韌，卦唒湯汁，香辣惹味❤️口味揀咗醬香，小辣，辣度有啲料到，小辣都好刺激🥵醬香烤魽魚好大一條，魚唔算多骨，魚肉鮮甜嫩滑，魚皮醬香濃郁～雖然配菜好多，但係都照加多份娃娃菜，浸滿湯汁嘅娃娃菜好味😋飲品就叫咗道地綠茶，王老吉，下下火，解解辣😗

我同朋友都係無辣不歡之人，最近見到唔少社交平台都有人po麻辣香鍋嘅相，覺得非常吸引，呢日就去旺角一試。🐟水煮魚（$188）水煮魚一大盤，分量超多。魚肉好嫩，而且冇魚骨。內附薯粉、大豆芽、青瓜條、金菇，頗豐富，必食！🐔川辣鮑魚雞煲（$168/半隻）本來想揀「大辣」，但店員好心勸勉，話好多食客中辣都已經頂唔順，叫我哋不如試咗「中辣」先，覺得唔夠可以再加辣。好彩我哋聽佢話，因為真係非常辣🔥🔥🔥一共有四隻鮑魚，隻隻新鮮肥美，好飽滿！雞件切得比較細件，味道非常惹味。🍞炸饅頭（$48/6個）饅頭炸得香酥爽脆，一啲都唔油膩，點煉奶食一流。🍊金桔檸檬茶（$28）🍹百香果檸檬茶（$36）⋄┄ ┄ ┄ ┄ ❖ ┄ ┄ ┄ ┄ ⋄📍地址：旺角砵蘭街198號地舖⋄⋄

一提到食辣，最愛一定係麻辣！老公仔突然想食辣野😆於是去咗朗豪坊附近嘅麻辣香鍋開餐，呢度好多特色小菜，而且辣味嚟講比較地道化，唔會下下辣到噴火，都幾啱口味！叫咗呢度嘅招牌菜香辣海鮮鍋😍包含勁多材料，包括一隻蟹，兩隻鮑魚，超多海蝦，沙白s同埋魷魚鬚s ，呢個價錢來講都算抵食！蟹🦀️都算幾大隻呀，而且肉質好鮮甜呀，可以食得到肉質好實在係非常新鮮嘅蟹呀！蟹肉吸收咗個辣汁湯底，所以食起嚟特別嘢味！海蝦由於已經開邊斬頭，可以食起嚟都好方便，而且好大隻下，啖啖肉食得好滋味👍超多份量嘅魷魚🦑仲要係我最鍾意食嘅魷魚鬚，搞到我即刻好想開支啤酒飲下添！記得記得一定要食沙白s，因為煮完之後佢有機會甩晒啲肉，會沉咗喺碗底，其實個碗底好多蜆肉㗎，仲要飲飽辣汁勁正㗎！講真平時二百幾蚊可能淨係食到一隻炒蟹咋，呢度除咗有足一隻蟹仲有其他海鮮配料呢，超高性價比啊！另外仲叫咗黃金蝦球其實就係鹹蛋黃蝦球，將蝦球沾滿鹹蛋黃醬再炸到金黃色，外層香脆，內層鮮甜爽實，而且鹹蛋味非常出色，夠香得來唔會死咸，勁正！

同朋友經過！大家志同道合都話未食過不如試吓😆🌶一試左就返唔到轉頭👍🏻香辣海鮮鍋 $298入邊有蝦，蟹，鮑魚，魷魚🌶👍🏻呢個價錢絕對抵食😆鮑魚同魷魚爽口彈牙！完全唔會韌👍🏻魷魚鬚仲好大條添🫣啲蝦都幫你中間切咗一刀！食都好方便啖啖肉🤭蟹蓋都入邊有好多膏😛辣子雞 $108全部份量都好大碟🫡配菜又多😆啲雞肉大大粒唔會乾！仲食到雞肉汁🤭配菜啲花生同埋蔥我同朋友都食晒😆傾傾吓計當小食咁就全部清晒🫡紅糖糍粑 $58食完辣嘢都想食返啲甜野🤭呢個糍粑完全啱晒我同朋友嘅口味！佢煮嘅紅糖漿唔會過甜😆再淋上啱啱炸好糍粑😍一咬落去紅糖同糯米味充滿個口👍🏻呢個價錢食到正宗麻辣嘢🌶😛本身係諗住試一試嘅心態！依家可以再帶朋友一齊食🫡

同朋友行完街經過見到呢間餐廳搞到突然想食辣，於是諗都冇諗就捉咗朋友入去呢間食川菜嘅餐廳， 室內環境好光猛，似係新開冇耐@@ 餐廳主打麻辣香鍋，可以自選不同配料、辣度、麻辣或香辣。🔸川香鮑魚雞煲🔸朋友仔唔太食得辣，所以只係叫咗香辣少辣，上桌已經聞到好香，入面有4大隻鮑魚，食落唔韌仲好嫩，配埋個雞煲醬辣辣哋，好惹味😋 雞肉亦都好滑好入味，淨食雞唔配飯都唔會太鹹👍🔸黃金蝦球🔸叫咗個唔辣嘅菜式，估唔到份量咁多，蝦球好大肉質亦好爽彈，全粒都被咸蛋黃醬包住，炸到脆卜卜，一啲都唔厚粉，外脆內軟，濃濃嘅鹹香味，邪惡之選😈🔸大盤花菜🔸食咁多肉，當然要叫碟菜平衡下飲食，花菜炒得好有鑊氣，入口爽脆～除咗花菜，入面都加咗少少肉片同芹菜提味，唔好睇佢好多辣椒咁，其實唔會好辣，因為我只係叫咗少辣🤣一般川菜都比較辣，但呢間餐廳有不同辣度選擇，啱晒我呢啲食唔到太辣但又想試嘅人，解一解想食辣嘅癮🤤餐廳除咗雞煲同香鍋，仲有酸菜魚，水煮魚等都非常吸引，下次想食辣時再嚟試咗其他菜式😆

行街街經過，天氣咁濕好想食辣嘢🥵膽粗粗入去試吓😍夠晒過癮夠晒辣👍🏻好耐冇食過咁過癮嘅川菜麻辣小龍蝦🦞佢有分麻辣蒜香十三香👍🏻唔食辣嘅朋友都唔使怕😆小龍蝦清理得好乾淨，都唔會話細細隻冇肉食🫡 十分香口，惹味🥵🌶份量都唔會細，同朋友一齊食一定夠😍麻婆豆腐❤️‍🔥呢個餸唔會話超辣🥹好好送飯🤣👍🏻好有麻香味，豆腐都好嫩滑🥰麻婆汁唔會蓋晒啲豆腐味😏同埋入邊有啲肉碎，落去送飯真係超級一流😋京蔥牛肉配嬤嬤皮🐮雖然呢個唔係辣！但佢一啲都唔會遜色🫡京蔥配牛肉好夾，配埋一齊好香👍🏻😋配埋隔籬嬤嬤皮，更上一層樓❤️‍🔥牛肉都唔會整到好柴口，啲京蔥同牛肉一齊炒吸收晒肉汁可以連配菜都食埋🥹呢一間絕對可以encore❤️‍🔥不論你食辣定係唔食辣，都會啱你食😋

麻辣香鍋 MALA HOTPOT🌟整體: 價錢相宜 味道幾好 又近大型商場 食完都可以有下場🏠環境: 普通茶餐廳格局咁 不過乾淨企理 坐得舒服🧑🏻‍🍳服務: ✅☆║．．．．．．．．．．．．．║☆‼️ 香辣海鮮鍋 $ 298✅ 一個鍋滿足哂你海鮮願望 有蟹、鮑魚、蝦、沙白、魷魚✅ 全部份量都幾足 夠哂兩個人食 ✅ 味道夠哂重味 香口 個人覺得有就一下香港人口味 唔算好辣 連我呢啲淨係食到譚仔三少辣都可以享受到‼️ 炒鯛魚 $98✅ 店員推介嘅其中一道餸✅ 呢個其實幾驚喜 味道就一貫嘅重味道 不過鯛魚質感好特別 爽脆 彈牙 有少少似 鱔片咁 份量都幾多 一邊同朋友吹水 一邊吹水 食極都有咁📍 旺角砵蘭街198號地舖G/F, 198 Portland Street, Mong Kok⏰ 星期一至日12:00 - 23:45☎️ 電話號碼 📷 Fujifilm XE4 + 23mm F2📩喜歡我的文章，可以關注我及讚好以作鼓勵