麻豆子健康湯鍋 (已結業)

夏天都要吃火鍋！🍴豬大腸豆腐鍋配料豐富 有豬肉片、豬大腸、豆腐、金菇、蛋餃、貢丸、鵪鶉蛋、魚板、墨魚丸、長條魚蛋、椰菜、豆皮、酸菜、冬粉等湯底有陣陣酸菜味道 十分開胃配料樣樣一粒 適合貪心咩都想食既人頗有台灣個人鍋的味道🍴麻辣鴨血鍋配料同樣豐富！有鴨血、豬肉片、滷豆腐、鵪鶉蛋、蛋餃、魚餃、金菇、墨魚丸、貢丸、魚板、長條魚蛋、椰菜、豆皮等麻辣不算太辣 藥膳味也欠奉 個人喜歡更辣一點🍴自選配料三款：貢丸、魚餃、豆皮及墨魚牛軋糖（加錢配）配料水準不俗 尤其墨魚牛軋糖內裏有墨魚粒 爽口彈牙🍴自助飲料、雪糕吧外面的自助飲料光顧便可隨意享用無糖冷泡茶非常適合吃火鍋解辣如果杯子可以更大會更好😂雪糕也是無限量供應 整體性價比高 不用加一之餘 分享貼文更可享88折優惠值得一再光顧

前後食咗兩次 全日都係半自助形式買完個煲之後 飲品白飯雪糕就任食而且貪佢人流唔多 好似安全啲咁🤪仲要成日都有優惠 $68就食得到🤤.🧀 起司牛奶鍋 $108(前)牛奶湯底夠滑順 有啲似白汁忌廉🙃煲入面有十幾種丸類 同芝士汁好襯.🐽 大腸豆腐鍋 $98(後)沙茶味湯底用嘅唔係一般嘅沙茶醬清香得嚟有起沙嘅感覺 唔會死鹹反而係偏淡咗 豬大腸都好食又夠多.🌶 鴨血麻辣鍋 $118飲咗一啖個辣湯 係台灣嘅麻香味佢係清湯湯底 不過會越食越辣🥺朋友手上嘅係菠蘿啤 我唔中意囉🤪.圖三加配咗三款餸 $35就有交易😄老油條真係老 好重油味 要配麻辣湯鴨血夠軟嫩 外皮唔會嚡口冇怪味🌟魚板即係魚蛋咁 冇乜味 得個樣🙃.麻糬燒($15)推薦 似係大粒嘅湯圓芝麻餡起晒沙 湯圓皮都有芝麻味😭吸晒湯底嘅鹹香 好有台灣味好正🥲寬粉條($10)唔知點解要煮好耐先稔.🌊 綜合海鮮鍋 $108 有我最想食嘅台灣鯛魚 三大塊😍好食啊 白鯛嘅味好令人懷念 啖啖肉不過煲底放咗三粒蜆 唔新鮮就丟咗.注意事項係每個煲都係好多椰菜🤔椰菜嘅甜味好霸道 真係唔太中意咁𣎴過個煲要咩有咩 估嚟估去好過癮佢地個無糖台灣冷泡茶超級回甘👏整體性價比好

麻豆子健康湯鍋在大元邨街市上蓋，店鋪座位寬闊，這裡是先付款點單方式的，點了單只要回到座位上等待店員安排，今天兩人來到點了:-養生雞肉鍋-沙茶牛肉鍋養生雞肉鍋有略帶一點藥材味道和雞肉很配，絕不是很淡的湯頭，雖然是一人火鍋，但份量剛好，鍋上有很多台式食材，還算不錯吃的。沙茶牛肉鍋，喜歡重口味道的，應該比較喜愛，很濃厚的沙茶味道，但不會嗆牛肉和其他配料味道，吸了沙茶湯汁的粉絲，吃了也是安逸的。店鋪還有任吃的雪糕、白飯、汽水及咖啡等值得再吃!

秋天到又想打邊勞，今次黎到大元邨呢間台灣過江龍、充滿台灣風味嘅火鍋店～今次叫咗麻辣拼藥膳湯底，麻辣湯好香好足料，又唔算太辣，藥膳味道就唔算好勁藥材味，下次會試下龍白湯～個餐配牛肉同蔬菜盤，價錢都好合理，百幾蚊就有一個SET，仲有得自助拎嘢飲、醬料、白飯同雪糕，CP值勁高！蔬菜盤好大盆好足料，大大塊椰菜，仲有麻薯最後我地4個人都食到好飽，建議唔使另外加太多配料都夠飽，預算太多我又想食台式打邊爐嘅話 ，呢間絕對係抵食之選

✨台式一人鍋🍲全場任飲 任食雪糕😍✨—————————————————琴日試咗呢間新開既台灣過江龍 主打一人鍋 岩哂d毒j食🥰🌟全場任添飯！任飲！任食雪糕！包你食到飽 .—————————————————🧀起司牛奶鍋 $108 🌶鴨血麻辣鍋 $118.湯底🔸叫左一清一濃既湯底麻辣真心辣😭不過麻味唔太出起司牛奶開頭好淡 愈滾愈濃味牛奶湯烚菜好食 但烚肉就冇乜味要點豉油.配料🔸叫左一豬一牛 肉都算大塊不過得五六片左右真係少左d 😟丸類最吸引係蟹籽丸😆爆汁墨魚滑 貢丸 蛋餃都唔錯 麻辣鍋另有鴨血同油炸鬼！勁索辣汁整體可以一戰 但大食麻甩佬應該唔夠飽 要靠食飯😂😂.飲品🔸汽水機任飲 仲有冬瓜檸檬雪糕🔸有士多啤梨 vanila 同芒果係雀巢既level😂呢個價錢預左不過硬到爆 可能係策略 等d人舀到放棄😌—————————————————📍 麻豆子健康湯鍋 (大埔) 大埔汀角路10號大元邨商場平台F11號舖

我地一家最鍾意周圍去試新菜，見大元村有新開一間台式一人一鍋半自助涮涮鍋，梗係要試下我地3大2小，叫左4個鍋！因為最細既可以唔駛叫！咁人人都可以用自己吧任飲汽水雪糕，白飯任裝去到坐低，店員俾餐牌我地畫，再去俾錢就等送鍋到面前！我地叫左一個龍白湯底，一個麻辣，一個醬骨，一個芝士！想叫$35三樣，但有成兩樣都冇！龍白同麻辣湯底同野食分開上，其餘都會成鍋包晒野一鍋上肉既分量太小！菜盤好似好滿！但因椰菜硬身浪起晒！其實整體黎講得好小以呢個價錢，我會食大家樂會多野食d

連續食咗兩日，琴日食咗麻辣鴨血鍋， 今日就食牛奶芝士鍋同埋醬燒豬肉鍋。講咗麻辣鴨血鍋先啦，麻辣湯底好似喺台灣食咁，唔算好難，但係好濃郁。至於啲鴨血同埋一邊其他材料，就好有台式風味，每樣有一兩塊，唔會好飽，大力到好多唔同嘅嘢。牛奶芝士鍋呢，湯底望落去就好濃郁，仲有一片芝士擺上去，叫呢個名呢就當之無愧嘅只要醬燒豬肉鍋，就比較普通不過最抵讚嘅就係佢入邊有一隻蛋餃，香港好少會見到。

哈！見到大元邨平台熟食店有一間標榜『台灣授權香港加盟店』的台式一人火鍋店，肥沈一族當然要試一試啦！此店環境感覺清潔又夠冷氣，吃火鍋完全沒問題！此店採用自助方式，每一位已經『開鍋』的食客都包自助吧飲品及雪糕，比起『大XX』『吉XX』等一人一鍋來說就更加吸引了 (˶‾᷄ ⁻̫ ‾᷅˵)是次肥沈一族先試午餐限定優惠火鍋，以『優惠價』來說，肉類份量比較少，但蔬菜又比起『大XX』『吉XX』等好吃喎！為什麼呢？（擁有『神之舌』的老婆豬豬話因為蔬菜夠新鮮喎！）原來，此店亦標榜『健康湯鍋』，味道不濃厚，比較清淡，但肥沈我喜歡啊 ٩(˃̶͈̀௰˂̶͈́)و吃完基本鍋物之後，肥沈一族都仲有一點點『仲未夠』的感覺，咁就再單點一個『王子麵』來填滿話種『仲未夠』的空間啦！其實再之後仲有吃埋雪糕架！今次午餐又吃到肚滿腸肥啦！ ಠ_ಠ最後，肥沈我有一個意見，就係因為肉類湯鍋都是『一整鍋』上枱的，有時肉類反而會因而滾過頭啊！所以肥沈我一見如此就即時先夾起肉類，以免滾過頭而浪費了美食啊！ ᶘ ᵒᴥᵒᶅ整體來說，是值得一試啊！

聽老板介紹食才.湯底.醬料全是台灣引入.試後感覺真的與台灣味道－樣.最重要湯底真係唔差.食才有水準.有台式冬瓜茶供應.仲有雪糕任食.1家大細有細路1定開心....論食才味道對得住個價錢(當然唔好同台灣本土價比).店內成6至7部冷氣夏天食都唔怕.唯1張檯比較細食物多時要就1就位放.總括想食台式真味道可試下.