麻痺英

營業中

休息中

今天和朋友在大埔行街。來這間《麻痹英》烤魚雞煲專門店嘗嘗鮮😍果然沒有令我失望🥰烤魚真的超級好味，魚即叫即做👍上菜時肉仲脆😍，魚肉滑又鮮甜😁魚肉份量大，夠我們兩個人吃，辣度可以選擇，本人比較喜歡食辣所以點了中辣，辣度剛剛好。值得一試☺️這里烤魚及雞煲都是放題任食火鍋配料🥰肉類和水產有24款🥰我就最喜歡吃美國肥牛因為肥瘦適中👍餃子丸類有10款我就比較喜歡吃鮮滑魚皮餃爽脆又鮮甜，包心芝士丸，芝士非常多。麵點豆類有11款豆卜是火鍋的靈魂☺️。田園時蔬有18款。菜我就比較喜歡娃娃菜🥰涼拌都有5款凉，流心皮蛋一流🥰超級好味🤓菇類有三種，金針菇非常新鮮🥰以上都任吃的火鍋配料。飲品都有十幾款可以選擇🙋‍♀️😁。

限聚令下，想吃火煱最好的選擇就是挑選任食的，不用出去拿食物，點好就會全部送到你面前，這樣既安全又放心，之前朋友食過這間，話佢正宗又抵吃，而食物選擇又比較多！性價比高！所以就選了這間位於大埔的隱世麻辣火鍋店！很特別的店名麻痺英！先講服務， 小店老闆娘應該不是中國人吧！但操得一口流利的廣東話， 態度友善親切！ 幫我們下單後就跟我們說飲品可以隨意拿，除了是酒精的飲品！ 很有小店的人情味！因為朋友吾係太食得辣的關係，所以我們點了麻辣海鮮雞煲@188/位(小辣)， 雖然是小辣但不失惹味，除了雞件大大塊外，仲有大量鮮魷魚和青口，煲內放了洋蔥，乾葱頭和芫茜，上桌時已用秘製的醬汁炒過，上桌時已香氣撲鼻，充滿重慶風味之餘但又不失嫩滑！我們點了幾樣免費的火煱料： 蘿蔔，支竹，芋頭，水餃，魚片和腩肉！ 菜類就点左金菇和生菜，另外加左一碟$78生蠔和涼伴海哲皮蛋！任点的食物都新鮮不錯，生蠔也大隻肥美！結賬二人不用$ 500,以這價錢任食任飲，味道正宗，價錢又平民， 確是不錯的選擇！因為朋友不吃牛的關係，今次沒點牛，但看見隔離桌点的安格斯肥牛好像不錯！下次再來的時候會試一試！

天氣開始越嚟越凍，又唔想行太遠食晚飯，就決定去附近既麻痺英打邊爐，因為疫情關係所以食得好啲！我地叫咗一個好足料嘅藥膳醉雞煲，呢個藥膳湯底，睇見啲藥材都覺得補。難得打邊爐可以飲個湯底，味道香濃入味，平時經過都會聞到！香到爆炸，又補身又美容養顏，即刻趁加湯前飲多幾碗！前菜我地叫咗個涼拌黃金皮蛋食住先，黃金皮蛋晶瑩透徹黃金皮蛋，加蛋黃溏心，一見已令人心動，仲要辣辣地非常醒胃！另外叫咗D餸用嚟打邊爐，未食淨睇相望落去已經覺得非常新鮮，有草鯇魚片，蓮藕，牛丸，豬潤，肥牛。我地另外仲叫咗半打海蝦同手切安格斯肥牛，手切安格斯肥牛，油脂分佈平均如雪花般，顏色鮮豔吸引，只有一碟，真係有點不夠喉。而海蝦很鮮甜呀!!! 真的很新鮮, 不是雪蝦！！ 呢餐係我係呢個疫情期間最滿足既一餐～～～

天氣越嚟越凍，最啱食返個熱辣辣嘅雞煲！今次嚟到大埔鐵路博物館附近嘅一間小店，有任飲任食雞煲火鍋。因為我同朋友都唔食得辣，所以我哋就揀咗濃香香蔥雞煲，168一位，唔使加一，雞煲好足料，啲醬汁好濃郁，上枱嘅時候雞件已有七成熟，再慢慢用明火會煨熟，將啲醬汁慢慢滲入雞肉入面，加上大量紅蔥頭、芹菜、芫荽、香蔥，真係極級惹味！而且雞件多肉，肉質一啲都唔鞋。食完雞煲，就加水打邊爐！啲火鍋配料任食，有好多選擇，肉類、餃子類、丸類都有幾款，而且夠新鮮，仲有幾款涼拌小食，我哋就叫咗涼拌海蜇絲開下胃。火鍋配料我就最鍾意食蜂巢豆腐，因為蜂巢豆腐可以吸收曬雞煲入面啲汁，好過癮！除咗放題包括嘅配料，我哋仲另外加錢叫咗生蠔同西班牙豚肉，其實單點都唔貴，生蠔好肥美鮮甜，六粒大大粒！西班牙豚肉肥瘦均勻，而且切得夠薄身，比起放題包括左嘅豚肉冇咁肥膩。下次黎會試吓烤魚或者酸菜魚，見到隔離枱食，賣相好吸引！

呢幾日開始番風，男朋友話開始凍要打邊爐，我就好想食羊腩煲，之前行過見到呢一間邊爐小店，做任食，煲底有好多款，就諗住嚟呢度滿足晒兩個嘅願望。點知嚟到嘅時候發現話羊腩煲未開始做，所以唯有臨時轉左雞煲。我哋揀咗D嘅沙嗲雞煲，呢度嘅雞煲好似冇叫我哋揀辣度，不過就算沙嗲底食落都唔算辛辣，食落仲好惹味添。點心紙上面嘅嘢食林林總總，款式唔算話好多，不過都好足夠任食任叫，只要揀你想食乜嘢，廚房就會幫你因應人數比啱你嘅份量，唔會太浪費。呢間雞煲店就算一個人都可以開爐俾你，我哋兩個人坐埋角落頭冇乜人打攪幾舒服。男朋友覺得點心紙入面嘅牛肉未滿足到佢，舖頭其實除咗任食之外，點心紙下面仲有一堆項目可以加錢點叫，佢就加錢叫左呢一個例牌嘅手切安格斯肥牛$88，食得好開心。另外佢唔夠皮，再叫多個廣島生蠔一份六隻，我真係太飽了，幫你食咁一兩隻都唔再食到啦。雪櫃仲有涼茶汽水任飲，想任飲啤酒好似就要加$15 ，我呢啲唔飲啤酒嘅，飲鴻福堂嘅飲品已經好開心啦，咁當然你唔可以話呢度好似出面嗰啲韓燒集團咁樣，好多唔同地方牌子嘅飲品可以拎，始終呢度係小店，做到任飲已經好厲害啦。我就最鍾意飲呢個雪梨海底椰，打邊爐最緊要都係要有啲涼茶清

最近天氣凍咗咁多！當然是打邊爐食雞煲的時間。在大埔裡，任食火鍋的選擇不多。友人介紹了開業多年的「麻痺英」給我。價錢非常相宜，2小時任食任飲也只是約二百元，不需加一。我跟老公點了滋補豬肚雞。滋補豬肚雞即是雞件加胡椒豬肚湯，湯底好重胡椒、微辣。豬肚爽口，雞件滑嫩。任食食材選擇也很多。其中涼拌系列，是即食前菜。我們點了海蜇絲、皮蛋。海蜇絲爽口，金黃色的皮蛋配上麻辣醬好惹味。我們另外加了「手切安格斯肥牛」(列牌）$88，肉質脂肪平均，肉味濃。

晚上得我同阿仔兩個開餐，佢提議打邊爐，咁就搵間 平靚正，最緊要任食嘅火煱店呢度雖然打正旗號食正宗重慶雞煲，但係仲有好多其他選擇，我唔係咁食得辣，揀咗藥膳醉雞煲，難得阿仔都贊成醉雞煲真材實料，除咗一大煲雞件外，仲有紅棗， 蟲草花，黨參，杞子，龍眼肉，還有酒。當火鍋滾起，陣陣藥膳醉雞嘅香味飄起已經垂涎三尺，先嚟 碗湯補一補，成身暖晒。配料先嚟第一轉美國肥牛，牛柏葉，新鮮滑牛，豬潤，魚片，牛肚，墨魚仔，自家製餃子，蘿蔔，紅薯粉，蜂巢豆腐。呢round最有驚喜是新鮮滑牛，佢冇肥牛咁肥，但係又夠嫩滑再來第二轉食咗魚腩，牛筋丸，生菜，鮮冬菇。其中牛筋丸味道濃沃，又夠咬口。 見到有花甲，都想試下，雖然呢個要額外加錢，冇沙又鮮甜，加得不錯講明任飲任食，自助拿罐裝或盒裝飲品供應，見幾多人飲啤酒，因為任飲青島啤酒都係$15/位。百零蚊一位，唔使加一，火鍋湯底同配料種類夠多， 真係幾抵

最近好大埔住朋友叫我去吃雞煲，天氣涼涼地真是一個好提議重慶招牌雞煲，真的不容少看，又真的同餐廳名字一樣，食到麻痺了出汗心跳加速……飲品是任飲又繼續挑戰，哈哈店內很親切，飲品自己在雪櫃取即可，要喝酒就要加15元位就可以任飲，感覺很經濟抵吃!內有很多配料，芫荽，蔥頭，紅洋蔥，蒜頭，大量蔥，唐芹，比較得別有薯仔，脆肉瓜全個雞煲不是很多，2人份量，越食越惹味。而且雞件都被炒過醬都包裹好，很香很香，估不到還很嫩滑任食材料很多選擇，但我們不想浪費，所以只選了6樣:午餐肉美國肥牛魚蛋炸枝竹雞子炸魚皮我們吃雞煲嘴都踵起來，就是吃完飲一口汽水又再想吃。我們2人吃到流眼淚，還付3元買紙巾，提大家要帶紙巾，晚上越來越多人，店外開了枱做生意大家真的放心吃好了，天寒地凍吃雞煲超贊呢!姐姐加湯是豬骨湯，白白地顏色，當你以為麻辣會淡了，但水滾後發現都是很辣的雞子大大粒，咬口爆醬而且吸了麻辣味，殺了個措手不及牛肉我們只燙一盪，就入口所以很嫩，這個價錢就不要要求和牛啦…炸枝竹不是講笑，一啖已經麻痺了，我們選了(中辣)，感覺比想像中強烈，但吃得如此過癮。炸魚皮基本我們沒浸湯，直接吃很脆沒問題!

同朋友食飯，就黎左呢度食。地方唔算大，勝在企理，任食又任飲，同朋友黎邊食邊傾計都幾正！叫左麻辣水煮牛肉煲，個煲一黎到真係嘩一聲！勁重料啊，啲牛肉多到呢，完全見唔到煲㡳！好重重慶辣味，水煮牛肉放左薑，蒜頭，芝麻，成個煲都好夠味！牛肉唔會話好韌，蒜頭同芝麻夠晒香，真心惹味！仲叫左豬腸，豬皮，豬肚，豬腸豬肚洗得好乾淨，唔會有陣味，加去呢個麻辣水煮牛肉煲，一流！夠哂爽口，味道又夠濃郁！最後唔少得梗係煮埋個烏冬啦，麻辣水煮牛肉湯烏冬，啲汁麻得黎好鬼正！重點係好抵食！整體滿意！

My family and I went to a restaurant called "Numb Chicken" (麻痺英) located in G/F, 59 Yan Hing Street, Tai Po 大埔仁興街59號地下...We ordered a "Seafood chicken casserole buffet set" (香辣海鮮雞煲) which costs HKD$188 per adult with unlimited supply of hotpot ingredient!The squid and the mussels soaked up all the flavour of the chicken casserole!!!Sooooo yummmm！We order "fresh sea prawns" 新鮮海蝦HKD$58/6 pcs隻The prawns are incredibly freshhhhhhhh,sweet and bouncy!Highly recommended！！The homemade dumplings 自家制餃子 wi

今日放假約咗朋友去行下山，新界空氣質素比市區好，所以行咗去大埔，朋友提議食埋飯先返出去九龍，佢知道大埔有間叫麻痺英，有雞煲火鍋食，火鍋重係任飲任食，價錢唔貴味道又好，今晚就讓我們試試吧！火鍋煲底有豬、牛、雞、羊、魚多款選擇，味道有辣有唔辣！我們選擇了濃香沙嗲雞煲，不一會，雞煲已經上枱放上爐上，煲內放了很多香料、洋蔥和芫荽，雞件已經用特別調製的沙爹醬炆煮好，開火將雞煮炒幾下，煮熱就食得，醬汁濃郁，雞件鮮嫩入味。食完雞煲就可以加湯食火鍋，火鍋配料是任點任食的。除了火鍋配料，還有數款小食，其中涼拌海蜇絲好爽口。有數款配料可以加錢添加，廣島生蠔：鮮甜肥美的廣島蠔，無論香氣、味道、口感都至高無上。海蝦新鮮又大隻，鮮甜爽彈。任食的配料配料都有好多款，用料都好新鮮。花腩肉片肥瘦適中，爽滑豬生腸、爽脆豬潤好爽口，鴨胸片、水魷魚、墨魚仔、潮州白魚蛋口感味道都唔錯。午餐肉、龍蝦丸、自家制餃子皮薄，餡料飽滿有鮮味！蔬菜清洗得乾淨，清綠色好新鮮！飲品任飲，加15蚊重可以任飲啤酒！

呢日朋友帶左我黎呢到食雞煲，佢話呢間係大埔隱世店舖真係好好味，所以要帶我黎試下。店舖唔大，但不停都keep住有客入黎食，轉個頭已經爆場要坐埋門口位置。煲底種類都有好多選擇，我朋友堅持話雞煲好正🤣所以我地就叫左個沙嗲雞煲。任飲任食呢個價錢真係幾抵食👍🏻配菜種類都有好多選擇。一拎上枱已經聞到香噴噴，雞肉好嫩滑而且好入味，而且雞件份量都好多。任食配菜都唔馬虎，食品都算新鮮。我地另外仲加左呢個手切安格斯牛肉，厚身得黎好好味，牛味好重👍🏻

之前已經同屋企人嚟過呢度食 貪佢選擇多價錢又夠親民 因為媽咪唔食得太辣 所以今次叫咗藥膳雞煲 滿滿嘅藥材味啲湯好好飲 新鮮雞件 蟲草花 唔係一早放入湯底 所以雞肉嫩滑 唔會overcooked我哋叫咗幾款免費火鍋料 肥牛 魚皮 娃娃菜 油麥菜 粟米 金菇 全部都正正常常 不過不失 蔬果新鮮乾淨係鮮甜嘅 魚皮脆卜卜另外加咗78蚊桶蠔同58蚊蝦 啲蝦超大隻超新鮮 D膏好鮮甜 爽口啖啖肉 超級推介另外呢度嘅飲品都有好多選擇 有支裝鴻福堂飲品同汽水 亦有紙包烏龍茶 如果鍾意飲酒嘅人更加可以加錢任飲啤酒添埋單大概500蚊食都好飽好滿足

麻痺英天氣開始轉涼，又係時候食雞煲暖身🔥麻痺雞二人分量都幾足料，雞件有齊雞髀、雞胸、雞翼同雞背。今次嗌左小辣，開始個陣唔太辣，但食食下，麻麻痺痺既辣味開始慢慢滲出黎。食得辣既朋友話下次可以試吓中辣🥵食哂雞煲材料就可以嗌任食火鍋，基本上好多材料都任叫任食（有成70款），每次限叫12款。加錢嗌既有手切安格斯肥牛，$88/例。肥瘦厚薄均勻，灼幾灼就食得，爽滑得黎帶點鬆化，邊位多夾著一條牛脂肪，食起黎更加甘香！普遍嘅任食材料都可以一試，肉類都好新鮮，其他類別選擇都多，特別推介有紅薯粉、芝心獅子狗、炸芋頭片。除左野食任食，飲品都係任飲，想飲啤酒嘅朋友都只係加$15就可以任飲，好抵！👍🏻

今天和母親大人到了這間叫做麻痺英的小店吃火鍋。路經這間餐廳，見到火鍋的湯底選擇十分多，而且很吸引，一百多元一位的價錢就可以任食，決定一試！我們選擇了醉雞鍋，醉雞的份量非常多，亦非常入味，酒味香濃，肉質嫩滑。食材方面，我們encore 了4次，食物每次都到齊，沒有欠單。生蠔十分新鮮，漲卜卜，大大粒。食物的整體質素也很高，而且很新鮮，我們點了豬紅、豬潤、水魷魚、肥牛、粉絲、唐生菜等等。不得不讚的是水魷魚，非常彈牙，完全不腥。肥牛亦很有牛香，半肥半瘦，質素很高。唐生菜和油麥菜非常翠綠和新鮮，味道很清甜，母親大人也大讚呢。如需要飲品或調味料，可以到櫃前自取，非常方便。