麻痺英

營業中

休息中

今日同朋友黎到大埔踩單車，玩左一日又攰又餓。朋友介紹話呢間任食雞煲又平又好食做完運動咁肚餓當然衝去食啦。無睇錯最平$168任食任飲仲要唔洗加一！如果想任飲啤酒都係加$15咋！！我地嗌左麻痹雞 小辣！d雞好嫩好入味唔會斬到好多雞骨碎！辣味亦剛剛好，唔會太咸。越食越開胃我地另加左花甲同埋首切安格斯肥牛肥牛好靚，d雪花分佈分明入口即溶仲有好濃既牛膻味。而d花甲好大隻，無沙之外仲好鮮甜食得出好新鮮。餐廳環境雖然細細，但好乾淨煙民仲可以坐室外！職員服務好好，不時主動黎收野同加湯

今日去大埔搵朋友聚一聚，在林村河散步時，見到有間餐廳人頭湧湧，很多街坊捧場。好奇心驅使之下，我和朋友走了過去看看，原來就是叫「麻痺英」。我和朋友見這間是任飲任食的，價格又便宜，所以決定試一試「麻痺英」的吸引力。一坐低望望任食煲底的餐牌，發現有很多選擇。單單是雞煲都有五款選擇！價錢亦都很便宜，都只是$168/位起。任食的選擇亦都有很多，連凉拌系列都有，蔬菜都有好多款，應有盡有。我和朋友最後決定食麻痺鷄，即是正宗重慶雞煲。然後侍應跟我們說雞煲有分大、中、小辣和BB辣。因為本人不是很吃得辣，所以朋友遷就我叫了小辣。上檯的時候，發現二人份量的雞煲也很大，雞件也是啖啖肉。因為任食或者放題之類的餐廳通常都很少見到涼拌，所以叫了涼拌黑木耳和涼拌海蜇絲試下。點知發現好好味！木耳和海蜇絲都很爽，有少少辣，夠晒入味！娃娃菜是一大盤上的，很新鮮，亦都很甜。而炸魚皮都好新鮮，脆卜卜。牛柏葉好新鮮、好爽口！而我們將蘿蔔和蜂巢豆腐放落雞煲內煮了半小時左右，吸了雞煲的精華之後，好入味！辣辣地好好食！另外我們加單時叫了潮州白魚蛋和魷魚筒，兩款都是好新鮮、好彈牙，完全不會有腥味！除了上面任食的食物之外，我們還叫了一碟手

今日全家決定留區消費. 因為疫情關係所以食得健康啲 食咗個藥膳雞煲178蚊一位全包。個藥膳雞煲一上臺 爸爸已經話好香 裏面都算幾足料㗎 有北芪黨參紅棗等等 聞落去已經有陣陣嘅中藥味同埋酒味 就咁飲都好正好補咁。啲火鍋料未黎阿爸阿媽都已經將成個鍋入面啲雞食曬, 因為佢哋話真係整得好好食好滑喎。佢成個餐其實跟埋任食肥牛嗰啲都已經好靚 不過話要試下安格斯牛所以加多咗一份 啲牛係手切嘅 啲雪花分佈都好均勻 食落口亦有咬口同牛味。另外有幾樣會值得介紹嘅, 佢嘅牛柏葉係好乾淨同係好爽超級新鮮必叫。另外佢嘅新鮮墨魚仔其實嚟嘅時候呢大大粒 但煮完之後縮水一啖入口岩岩好 其實當日嚟到見到有一大班後生仔喺度飲啤酒食火鍋 亦有啲上咗年紀嘅夫婦嚟食雞煲 可見呢度都幾受唔同年齡層嘅街坊歡迎 推介!

呢間舖頭係大埔嘅小店名字叫麻痺英 食正宗重慶雞煲 我哋就嗌咗麻痺魚 即係麻辣鍋烤魚 218蚊任食都抵 任飲任食全包宴 我哋就叫左小辣 其實佢個小辣都幾惹味呀 唔會太辣但係越食就越會有少少帶麻帶辣嘅刺激感 魚係用咗好大條嘅鯇魚 出面炸到卜卜脆 肉又夠厚 烤下烤下唔易overcook 另外火鍋配料可以任叫 當中包括一啲美國肥牛呀肉類菜類菇類麵類等等 亦有涼拌系列作開胃菜 包括手拍青瓜同海蜇絲等等 喺而家咁熱嘅天氣可以食少少涼拌野都幾清新㗎 另外佢出面可以拎好多唔同種類嘅嘢飲有紙包茶，鴻福堂系列，Soft drink等等, 亦可以每位加$15任飲青島啤酒。出面嘅醬料區我特別推介嘅係佢嘅麻辣醬料 因為始終呢度係出名食麻辣 而我又係好鍾意食辣嘅 所以嗰個麻辣汁攞嚟點火鍋料其實真係一流。至於其他任食火鍋料其實同坊間一般酒樓火鍋質素差不多 都算新鮮同乾淨嘅 。overall嚟講呢間小店其實都幾地道 我都幾推介。大家如果住開呢區或者行開呢頭都可以入嚟試試。

喜歡吃雞煲的我經常去試不同的雞煲火鍋店，第一次幫襯這家店已是2年前，因為雞煲口味夾，所以今晚行完九龍坑山再來光顧。久別重逢，店員和老闆依舊親切，真是有人情味的街坊鋪頭，些少像大排檔接待街坊的模樣。這裡的雞煲是任食菜單，有好大的自助飲品櫃，汽水選擇多，加$15更有得任飲啤酒，超抵！
【前菜】點了開胃的青瓜和海蜇，味道酸酸甜甜很不錯。【麻痺雞】食雞煲怎可以不吃辣！今次叫了小辣，惹味一點，二人份量又幾多，雞件飽滿亦算鮮嫩不肥膩，雞件不會煎得太焦或太濃。最重要是麻辣調味夠正，還加了洋蔥、芹菜、芫荽等提香，香料味道好足！如果香菜量更多就更好！【手切安格斯肥牛】加錢點的肥牛，色澤深紅，肉味濃郁，質地細緻又不肥，火鍋一流。【廣島生蠔】新鮮飽滿大隻而且鮮甜，絕對值得加錢吃。$168雞煲火鍋任食兩小時真的超抵吃，魚皮餃和丸類都好吃！

迎排放寬了，當然要出來食下雞煲，這裡絕對抵食，而且味道出色，雖然位置不是太理想，但識食去遠少少都唔怕！可以早啲去因都好多識食嘅朋友會到這裡食雞煲！這裡最出名當然就係招牌麻痹雞，點解因為係正宗重慶雞煲，一個價錢就可以食完雞煲有任食火鍋，今晚就點了小辣，雞煲上枱店員會再炒炒，將雞件同埋煲內嘅配料兜勻，每件雞件都十分入味，啖啖肉，十分嫩滑軟熟，個陣重慶口味在口中迴盪，而個薯仔都十分入味香口！涼拌系列都唔錯，爽口彈牙海蜇絲、爽口木耳、酸辣手拍爽口青瓜，都令人十分醒胃！除了本身任食肥牛外，當然要加份首設安格斯肥牛例牌，兩種肉質完全不同，一個脂肪紋理分佈一看就知高下，入口軟熟肥美！另一個就係即炸脆響鈴，落單即炸，出來還十分熱辣辣，咬下去十分脆口！原味已經十分好味！火鍋配料選擇多，有最愛嘅午餐肉，在未放湯前放入雞煲內煮，午餐肉未道更濃郁，更入味！還有彈牙嘅牛丸、濃味脆口芝士腸、新鮮淮山片、甜栗米等必食火鍋料，還有吸味爽口豬皮，真係十分忙，密密食，如果飲啤酒全枱每位加多$15，都真係抵飲！唔飲啤酒其他非酒精飲品任飲！最後加埋個公仔麵放埋入去個濃湯底內煮，絕對夠晒味道，同十分滿足！

今晚入大埔搵朋友拎野，順便食埋晚飯聚下，朋友係大埔友，佢地話帶我去食間隱世雞煲講真，話佢隱世都真係唔過份🤣佢係仁興街，太和站同大埔墟站中間，成條街無嘜燈，附近既舖又關曬，如果唔係朋友帶路，都唔會發現到有間咁正既雞煲呢埋係道一入舖已經聞到好香麻辣味好多款煲揀，而且重要一口價任飲任食，我地揀左A麻痺雞正宗重慶雞煲，每位埋單$168全包！依家有d質素既任食，$200樓下已經好難搵火鍋配料選擇好多，重有涼伴小食都可以任叫每枱枱面都有消毒搓手液包無酒精飲品任飲，如果任飲青島都只係加$15/位雞煲超香濃，勁惹味重有好多我至愛既洋蔥除左洋蔥，重有翠玉瓜同薯仔，吸曬d麻辣汁，惹味到震雞肉好入味，肉質結實又嫩滑我地叫左中辣，真係好夠辣涼拌小食都好出色，醒神開胃火鍋配料新鮮，重排得好整齊無漏單又黎得快雖然舖仔細細，但坐得舒服又唔會逼，有電視、冷氣夠、價錢經濟，下次可以再黎

今晚朋友仔帶我去大埔食雞煲，之前我未去過，位於大埔舊街市附近，店鋪不在大街大巷，但勝在門外可泊車，非常方便店內入面不是很大，門外亦有放枱，以木製佈置，別有一番四川風味有很多煲底選擇，任食火鍋$168/位(兩位起)，食完雞煲後，再任食火鍋配料都有好多選擇，有部份小食要自費，而涼拌都係任食涼拌木耳、海䋢、青瓜，冇得輸$58即炸脆響鈴，熱辣辣、脆卜卜，入口鬆化除樽裝啤酒外，所有飲品都係任飲，如果加$15/位(全枱計)，可以任飲細支裝青島純生啤酒，都算抵，適合一班酒鬼主菜：麻辣雞煲，入味足料，配料有薯仔、洋蔥，薯仔索曬雞汁，好味而雞肉夠滑又夠辣食完雞煲再打邊爐，任食雞子，雞子新鮮好少地方任食生腸，依度有得食，生腸夠爽口，配埋麻辣雞煲汁，dummy紅薯粉，煙韌，索埋湯汁，一流今晚食到好飽，朋友仔冇介紹錯，配合價錢及服務， 可以再encore

前身已1個月食2次，轉名後已轉同區其它食店，今次再來試試，食物水準合格，價錢合理，不過未食夠2小時就話有客人早到。要求我們早15分鐘左右就交枱。未到最後半小時就埋單+last order，這個感覺不太好。

放假和朋友去了大埔逛一路胡亂走剛好經過這一間 — 麻痺英剛好兩人都想吃麻辣雞煲 便決定試一試麻痺雞正宗重慶雞煲 $168/位 其他配菜任食麻痹雞選擇了小辣 不算太辣吃得辣的朋友可以在選中或大辣雞肉份量也很多 加入洋蔥和辣椒一起炒另外還配了薯仔和翠玉瓜等 不錯不錯新鮮滑牛滑牛肉質新鮮 吃下去牛味香 水魷魚水魷魚大大條 吃下去爽脆 有肉有海鮮 必配唐生菜 金菇唐山菜和金菇都很新鮮 營養又健康粟米 蘿蔔 牛柏葉 蟹柳粟米香甜 蘿蔔清鮮 牛柏葉爽口 蟹柳軟綿有林林總總不同的配料可以任點 廣島生蠔另加$68點了一份 一份六隻生蠔新鮮 煮熟後肉質肥美飽滿濃濃鮮甜生蠔味 好味道

跟朋友踩完單車超級餓！所以就來到這間吃雞煲～起初我們選擇的是麻辣雞煲小辣，但一點都不辣，所以要求再加辣，辣辣麻麻的非常爽！甜甜辣辣的，口感超好～很新鮮，但有點沙，吃起來有點不方便。超好吃！非常甜，而且很大顆～超有彈性，吸滿湯汁所以很入味，吃麻辣雞煲絕對要薯粉，要煮比較久喔～韭菜水餃超好吃，很明顯不是超市買到的冷凍水餃，而是自家製的，韭菜非常新鮮而且料很足～牛肉不會太硬，牛柏葉口感超好，午餐肉也不會太鹹～

諗唔到食乜嘢，突然醒起食雞煲，食完雞煲再打邊爐。餐廳裝修以木為主，餐廳招牌非常揚眼，座位有二人枱以及長枱 等等，仲可以坐室外露天位置添。入到去幾乎爆滿，好彩唔使等位。醬料方面多款選擇，有蔥粒 炸蒜 同埋蒜蓉，仲有我至愛嘅辣椒粒。由於朋友食唔到辣，最後我哋揀咗唔辣嘅雞煲，遠處都已經聞到香味，雞煲配料好豐富，包括有洋蔥同埋蔥條等，雞肉滑身 好入味，而且份量好多。一見到有手切安格斯肥牛就發青光，只需要以優惠價錢$168追加大Size，肥牛條紋半肥瘦非常平均，只需要灼一陣就食得，食落去口感軟林林，牛肉味都係我口入面散發出來。火鍋配料中嘅午餐肉，每一次打邊爐我都必叫，除咗可以索晒湯底味道之外，而且我好鍾意佢好林嘅質地。花枝丸放入火鍋湯底，唔夠幾分鐘就食得，食落去爽口彈牙 正。除此之外，仲有油麥菜，韭菜餃、蟹棒、貢丸、即炸響鈴等。估唔到呢間火鍋店非常多配料選擇，而且配料新鮮 雞好滑，食完真係捧住個肚出門口，下次必定再encore！

天氣凍凍地最好食雞煲加打邊爐.住大埔的朋友介紹我去太和火車站附近食🐔煲.去到門口見到招牌不得了麻痺英🐔好期待又麻又辣.簡單整潔撲實,木枱木凳排列有序整整齊齊.店員好熱情有禮介紹招牌雞煲和任選辣度。先選煲底，這個價錢已是加火鍋連飲品任飲任食（2位起)招牌麻痺雞。熱騰騰香噴噴嘩一聲😋😋😋雞件又大又厚肉麻香撲鼻，肉質鮮嫩多汁又麻又辣過足癮,配菜有翠肉瓜，洋蔥，薯仔和香菜,吸收晒精華👍👍經過一輪激戰後停一停再加湯打邊爐,雪櫃內飲品任飲非常抵食。火鍋配料亦多選擇，質素和份量也不馬虎。炸魚皮脆卜卜沾上麻辣汁更

聽聞大埔呢間雞煲出名 就同朋友走左去試 認真好味又抵食我地就揀左個重慶雞煲 佢再配埋個任食邊爐 先至158蚊 真系好平 佢有唔同辣度揀 我地揀左個小辣未食就已聞到好香好吸引 當食落去嗰陣真係覺得個雞好入味 而佢都仲有啲薯仔同瓜作配菜 個啲都好入味 佢既任食邊爐都有好多款選擇肉嘅質素好高 唔會話韌當然 丸既種類基本都齊曬  又有涼拌系列 少見少見 最好每次分量唔會過多 可以試到多d種類 真係讚爆 ! 食肉食飽咗都仲可以食啲齋 佢啲芋頭係炸過㗎 放入邊爐到烚下認真好味 仲有炸魚皮 係真係好脆 唔似放左好耐 我哋仲叫咗啲涼拌 叫咗個砂糖蕃茄 嗰陣先知蕃茄都有呢種食法 好好味！ 跟住我哋仲加錢叫左花甲同豚肉 花甲好鮮甜 真係推一推先呢個唔使點豉油都覺得好有味 豚肉都好滑身 肥瘦分明 正呀 佢啲野飲汽水都可以任飲 選擇好多呢間野認真抵食

星期日懶得煮飯，夜晚8點先決定出去食，近近地試下麻痺英嘅雞煲。因為大埔好似無乜好食嘅雞煲令我想再去多次。。。舖頭裝修簡單親民，天氣稍涼，我哋揀左坐門口出面。店員隨即擺低點餐紙，仲吩咐我哋可以口頭落左雞煲先，配料慢慢點。我地第一次黎咁就揀左佢個招牌雞煲(小辣)$158/位，配料係任點任食，汽水飲飲，要啤酒就人頭加$15就可以無限暢飲喇！好快個雞煲黎到個樣都幾似樣，仲加左好多我地至愛嘅芫茜，唔中意嘅朋友可以預先同店員講唔好落，試下個汁真係可以話好過好多單點嘅雞煲舖頭，老闆仲叫我地等佢滾左再攪下個底撈下佢先食。。5分鐘左右我地就開始食喇，煲入面仲加左翠肉瓜吸晒d汁好好味，雞嘅份量都算正常，不過可能滾多陣會入味d。食完雞就加湯打邊爐，加完湯之後淡左好多，不過店舖有提供辣汁，自助式任加，加返之後都唔錯。雖然係任食，但d配料都唔會俾d質數差劣嘅食物，而且都放得好整齊，出面有d任食真係拎到過黎見到都唔想食，萵荀片都有返d厚度唔會係一陣風嗰d，仲有豬生腸真係唔係到到有，個炸魚皮直頭好有驚喜，仲同出面五六十蚊一碟果d有得揮，絕對對得住$158/位嘅價錢，而且店員姐姐服務好好，眼見樓面好似得佢一個，但係佢