麻浦元祖 (已結業)

又嚟尖沙咀，嚟食乜諗到頭都大，好彩朋友忽然話好想食韓燒，即刻搵下附近既韓國餐廳。朋友搵到有韓燒放題，178/90分鐘，都幾抵食。除左肉類，仲可以揀大醬湯呀，辣炒年糕，海鮮煎餅之類。不過唔知係咪因為我地揀放題既關係，無提供爐邊蛋，係menu又唔見有，同場其他枱都唔見有人食喎，有d失望。睇其他食評話會自動準備好爐邊蛋同生菜，但我地又唔見有生菜可以揀，後來見到大menu有，諗住加錢叫生菜啦，點知竟然話生菜賣晒...其實間鋪唔算大，我地正常晚餐時間入座，點解會連生菜都賣晒呢樣真係再次失望。

入到嚟呢間韓燒，感覺好有古早味除咗呢度嘅擺設同室內佈置十足有一定年份嘅老字號食店，呢度嘅老闆同店員都係操韓文前菜都幾用心預備，有芽菜，泡菜，西蘭花，薯仔，甜嘅黑豆，仲有一樣係蕃薯蓉，入面仲加咗檸檬皮，設計特別食落refreshing一開波我哋就嗌咗好多肉：有牛仔骨，牛五花，護心肉，五花腩等等......仲有肉厚又幼嫩嘅特上王牛排骨肉(其實冇骨)呢度好特別嘅地方：係每種肉都有唔同嘅調味，一早預備好哂唔使你諗又唔會好似其他韓燒舖頭咁淨係得死辣一隻味雞肉調味幾好，雞腿肉帶甜，燒完肉質仍然嫩滑豬頸肉係食原汁原味嘅，見到佢雪花咁平均都知佢靚，燒兩燒油脂出哂嚟肉質爽口彈牙，油香豐胰，色香味滿滿side dish泡菜煎餅都幾正常，泡菜食落卜卜聲，煎餅亦唔算厚大醬湯有驚喜，除咗湯底濃郁，仲有海鮮e.g.蝦，蜆一齊煲牛仔骨係must eat，好嫩，配埋佢呢度嘅燒肉醬汁，肉質同味道都提升緊呢度叫肉眼扒原來係薄切嘅牛肉片，啱哂想食肥牛但又鐘意瘦肉嘅朋友，係牛五花以外嘅一個選擇店入面招牌嘅呢塊麻浦特上豬扒好淋好嫩滑，肉質靚到一啲都唔鞋，嚟到一定要叫嚟食

臨近聖誕 好多餐廳都換左做Christmas Menu 特別係d西餐廳 即刻覺得貴左🙈今日就同friend lunch提早慶祝聖誕我地揀左呢間韓國野 去到先知原來lunch都有得食放題 而且45分鐘都係$98 ja放題食物都好多選擇 除左肉類都仲有其他熟食一坐低就先嚟d前菜 仲有我好鍾意既薯仔啊😍我最鍾意食特上王牛排骨肉 肉醃得好入味而且唔會太鹹肉質夠曬淋 一d都唔痴牙 好好味平時Menu一份排骨肉都要一百到尾 放題都包埋真係好正🤤🤤肉眼扒就冇咩點醃既 食落就會肉味重d 肥瘦適中 肉質冇排骨咁淋 但都唔會覺得鞋牛五花既肥肉相對上會比較多 但食落口都唔會覺得太肥膩 薄薄地既肉係咁易燒下就食得 醃料冇排骨咁濃味 但同五花既油香平衡得好好豬頸肉味道就冇牛肉咁濃 如果想食可以一開始叫左先 我自己幾鍾意食豬頸肉既肉質 有咬口但又唔會韌牛舌有別於一般韓燒舖 佢唔會切到好薄 味道濃郁帶少少嚼勁 最後我又再Encore左牛排骨😋😋熟食方面我淨係叫左兩款炒年糕正常發揮 最正係佢有好多魚糕 我係超鍾意食😍😍海鮮煎餅份量都幾多 建議四個人share嚟食煎餅好煙韌 而且有好多八爪魚 可以增添口感呢度既wait

起初行過亞士厘道係想去食很有名既日本菜餐廳，但途上遇到這店的店家在門外熱情的用英語介紹餐廳，把心一橫試下我相信係門外用英語招手的應該是這店老闆來，因為見到佢入店後又轉番講韓語同埋身穿西裝，重有想講依到大部份都係用韓國待應，重點係依到既韓國男生待應很帥，而且很有禮，我朋友整晚想點餐或是需要東西總係等佢行過先叫，就係為左同佢講野，真係好好笑依到環境不錯設計都是較韓風，座位不迫窄，抽氣設計完善沒有污煙漲氣，當晚見到有外籍客人，依到可用韓語英語粵語國語溝通，想不到客人國籍多元化就連待應國籍都多元化，真有趣，這點不錯！！放題點單紙，真係超值超抵，平得黎d野食係高素既，而且都幾多選擇，依次真係執到荀野~~~d前菜都唔馬虎，有成六款~~~***之前去韓國食燒肉都係比一模一樣既調味，碟裏面有洋蔥同蔥，感覺好正宗~~~***辛辣海鮮湯，好多材料，熱騰騰，好醒胃。***燒肉高素***泡菜餅，好塊，口感似印度薄餅，但依個味道多元化d豐富d。***炒年糕，辣辣地好煙韌。***桃汁同梨汁，唔會好甜好假既味，飲落好清新好解渴。

為左唔駛排隊，六點幾七點就黎到坐低開餐！佢呢度的放題分時間比錢，我地揀左$178食90分鐘放題紙上都好多野食，有多種牛同豬肉！亦有湯同小食前菜都有六款佢個南瓜蕃薯蓉好好味！先黎個海鮮煎餅！點餐紙上都有泡菜味煎餅的。肉來了！上菜速度都幾快，一黎就全部黎晒！最紅呢碟牛最好味，肉味最多。呢個叫肉係肉眼片，推薦！叫左兩次豬肉嘅話，五花腩同豬頸肉肉質最正！五花腩一燒就香氣撲鼻，最上仲有層薄豬皮，膠質正！順便講下牛仔骨，醃左真係好入味啊！個人就超喜歡近舊骨附近啲筋位韓國燒肉就係多醃肉，而佢嘅肉又醃得幾入味！有啲會有甜甜地嘅味，應該係甜豉油。肉類雖然款色多，但我覺得放題紙上醃肉多過鮮肉就冇咁開心如果想食正啲，就要menu上嘅套餐！睇落好豪華餐廳上個月新裝修完，所以地方好整潔，亦都坐得幾舒服。可以睇到入啲嘅位都係卡位，啱晒一堆人圍威喂。提一提，呢度老闆同員工服務態度都好好。老闆係韓國人，成日笑咪咪

前幾日同朋友行開尖沙咀，佢話想去食韓國嘢，所以我仲帶咗佢去出名嘅韓國街度搵嘢食，因為嗰度有好多韓國嘅餐廳。咁我哋見到呢一個任食嘅放題，一個半鐘都係$178，覺得幾抵咁，所以我哋就去試吓。雖然依度嘅任食放題選擇唔係話好多，但係基本嘅食物都有，好似肉都有豬肉牛肉同雞肉，仲有湯同埋其他料理添呢個係海鮮煎餅，非常之香，而且熱辣辣。煎得好香脆，味道都比較淡，點左醬汁就啱啱好啦。呢個係牛仔骨，佢係本身已經預先加入左調味料，味道都係偏向甜甜地，好啱我哋嘅口味，燒一燒已經食得啦。呢個係牛舌，顏色都好鮮紅色，切得好薄，所以好快就熟，味道好爽口彈牙。

係尖沙咀搵野食，比佢既任食banner吸引，＄98＠45分鐘任食韓燒真係好抵！　睇過個任食Menu，選擇都幾多👍同朋友商量後決定食60分鐘，都係＄138✌🏻好快店員就為我地送上前菜，有三款，水準普通，薯仔偏硬～order左既肉都好快就到，完全冇漏單，份量亦好足，夠3個人share個人推薦以下既食物：1.雞肉：燒完d雞完全唔鞋，食落仲係嫩滑既～2.牛舌：彈牙爽口！encore左一輪✌🏻✌🏻3.特上牛排骨肉：牛肉充滿醬汁，醃得好入味，燒完都唔會韌4.什錦菜拼盤：有４款菜咁多！食肉太多會好濟，點都要叫番啲菜食下😋個人最愛翠玉瓜同杏鮑菇，較juicy。熟食我地叫左款試下：泡菜煎餅：少少辣，酸酸地，配下燒肉食都唔錯🤩

上星期同朋友去左尖沙嘴行街，之後行左去韓國街呢邊，簡左呢間野食韓燒。雖然間野唔係好大，感覺上係比較正宗嘅韓國燒烤，入到去個韓國老闆即刻出來招呼我地，用英文同我地溝通，好有禮貌。呢度主要係肉，豬牛羊雞都各有幾種唔同款，仲有好多其他韓國菜式，例如湯之類，反而就海鮮選擇會比較少。但我地淨係叫左肉來燒，唔洗等好耐d肉已經來左，效率好快！配菜除左一般都有嘅泡菜、芽菜之外仲有薯仔同沙律。呢度嘅爐側邊預備好有芝士粟米同泡菜蛋，一路燒d芝士會一路融，d肉燒完之後撈埋d芝士一齊食，個口感好正。呢度野飲都係韓國嘅飲品，我就叫左個可以消濟嘅韓國烏龍茶。野食比較特別有個雜菜拼盤，有茄子、蘑菇同南瓜，最好食係燒蘑菇，燒完好香！！

呢到既晚市係有buffet架 有不同plan選擇$98 45mins$138 60mins$178 90mins平日午市就冇buffet既 但原來假日既午市係有架有啲冇係任食紙到既食物 加五十蚊都可以任食但我覺得唔加都得 因為平時會叫既都已經包左👉🏻👉🏻👉🏻👉🏻👉🏻呢到既牛幾乎每款都好高質特別係牛舌 牛肋骨肉 辣雞肉 好好食不停encore連泡菜煎餅都幾好食 呢個幾驚喜 因為好多地方都好Hea除左食物質素好之外 感覺仲好正宗職員真係韓國人 仲有好多韓國人黎食都係一百蚊左右 好抵食😘

有時心思思每次經過這段道路都會不禁其然令你湧進香味撲鼻韓燒這般油脂熱噴噴熱氣一派令人心曠神怡一反常態傳統做法簡單俐落一站式手法簡單醃料秘方即席燒烤頓時變得不簡單，款式百花齊放各有所長各有原始風味料足味道豐富麻浦元祖餐廳不僅係三五知己齊齊夾住燒 !( 肉眼扒 /牛五花  / 豬頸肉 / 特上牛排骨肉 / 黑豚梅花肉 / 牛舌 /牛仔骨 ) 如韓劇/k-pop也旋風式襲港,港人既風采，邊吃邊沉冤在濃濃韓風之中難怪熱情豪邁韓國人從而捲土打好地基仍吸引了不少街坊同粵港朋友們支持及愛戴即使大行其道自行開發與改進良方，令程序製作繁複每個細節變得多樣化，足以見證餐廳細心融合見證餐廳換取食客不僅由質量保證非常難得歡度一段燒烤風情及陶醉時光

經過星期六、日兩天忙碌的family day之後，今天要好好relax，約了朋友放工後去做facial＋massage。做完後，成個人鬆晒，係醫肚嘅時候喇，朋友就提議去食韓燒，之前佢同男朋友食過嗰度嘅午餐，覺得好好，所以帶我去試吓。朋友仲話呢間燒肉店係由韓國人主理，聽講幾正宗，店內環境看上去衛生乾淨，沒有太大嘅油煙味，抽風設備都算唔錯，枱與枱嘅空間亦算闊落，坐得舒服。原來晚市時段有提供烤肉放題，按時間有不同收費，我地就索性選咗＄178一位90分鐘Buffet任食，可以慢慢燒慢慢歎。店員遞上點餐紙，除咗有好多肉類外，還有煎餅、年糕及湯等選擇，今餐一定滿肚而歸。六款前菜：泡菜、芽菜、沙律菜、西蘭花、南瓜蓉和薯仔各有特色，酸酸辣辣甜甜，好開胃。第一輪我地選咗幾款烤肉，因為唔知每份有幾多件，所以先要一份試吓，試過好味的話，之後再點。「特上王牛排骨肉」已去骨及醃上自家醬汁，肉質軟腍，牛味濃郁，味道甜甜地，好惹味，係我嘅至愛。薄薄的「肉眼扒」油脂分佈均勻，入口鬆軟，唔會覺得肥膩，好食。鮮嫩粉紅的「牛舌」有嚼勁，彈牙爽口，如果可以再厚d會更好、更有咬口。半肥瘦的「牛五花」，只需略烤，薄薄的很易熟，肉

近排成日睇韓劇，令我好想食下韓燒；所以放假就約左朋友去尖沙咀既麻浦元祖。環境方面，地方好大；而且座位都很舒適，好岩一大班朋友聚會。人參雞湯：個人必叫之選，雞肉十分滑口，可以一邊食用再一邊似湯；而湯帶點點人參味道，吾怕人參好苦口的。雞入面帶有糯米飯，糯米飯吸入雞湯，更為入味！特級王牛肋骨：見到menus上有推介既標誌知道一定吾會中伏，所以我特意order左。牛肋骨偏長身，可以分成好多細小件慢慢分享；味道充滿濃郁既牛味，咬落肉汁滲出，口感帶軟身，令人回味十足！牛舌：二人份量剛剛好，牛舌比一般出面食到既為大塊；厚薄度適中，燒後口感帶點爽口。葡萄汁：味道為甜，還有葡萄肉粒。

“一開始店員在爐邊倒了蛋液同芝士，蛋液其中一邊有泡菜的！！！“激讚既前菜，平日一般韓燒餐廳都係得三款前菜，依到有成六款而且重可以免費追加！！！最好味同最特別我覺得係佢個南瓜蓉，好甜好軟綿綿“豬”可供燒烤選擇既部位選擇有好多，有成7款，特上豬排.五花肉.護心肉.豬頸肉.黑豬梅花肉.豬皮特別鍾情五花肉.護心肉，前者肉嫩豬味濃郁，後者爽滑！！！不過我覺得五花肉點原味唔辣會好d, 因為我燒辣味既時間好易黏鍋好易燶！！！“大醬湯，好多料，淡湯飲落偏濃味，有d似日本既麵豉湯！！！“海鮮煎餅，餅皮好煙韌加埋裏面既餡口感好豐富！！！“什錦蔬菜，燒左咁多肉類，尾段燒番d蔬菜中和一下油膩感！！！洋蔥脆肉瓜南瓜茄子，另外依到有生菜免費提供，夾住燒肉食一流，重可以攞黎燒炒又令一番味道！！！

想去尖沙咀影下燈飾，順便揾下嘢食，見到呢間韓燒綱上評論幾好，抱住價錢不貴就試試嘅心態嚟。食物質素嚟講，咁嘅價錢，可謂對得住有餘！老闆係韓國人，非常親切！會再嚟幫襯！

不知所謂的一餐，六人餐同二人餐分量一様，有任食我們不選，因任食沒有生菜,我們選六人餐4人食，根本超小份量，我們叫了一次生菜後又話沒有了，餐包括一個石頭飯又話我們沒有在叫餐時下單所以要不會自動送上，明明我們叫餐時有問，他說只是問不代表下單，覺得我們是不需要，之後要再等半小時.....重點是等咗咁耐一啲都唔好食....😓😓😓無下次 ............之前下午食無咁麻煩，可能是不同員工......