麻浦元祖 (已結業)

又黎到到週末，做下孝順仔帶阿媽去食歐巴。係食韓國歐巴午餐。餐廳裝潢跟一般港式韓國餐廳差不多，未到一點去食，人流未算太多。這一家不是第一次去食，之前主要都是食燒肉。而此餐廳大部分人都係食韓國燒肉，看起來應該是燒肉比較有名。但老媽子不是食肉獸，所以要試一下歐巴廚師手藝。我首先點了一個海鮮豆腐湯，加一個韓式海鮮煎餅，要挑戰廚師手藝，當然要點一啲韓國周街都可以食到嘅香辣海鮮湯麵，試試廚師廚藝能否帶我到韓國走一趟。另外，都要捧一下燒烤場，所以點了一份五花腩同一份辣雞肉。第一道出場嘅係海鮮豆腐湯，這湯充滿著不少海鮮，蛽仔至少有十隻八隻，夠哂誠意。豆腐的香滑度可接近豆腐花。當然最重要係湯底，可説味道啱啱好，不會太咸同太辣好多時啲韓國餐廳要整得大咸（麵豉醬太多）或太辣。接近場國程度有8分。第二道係海鮮煎餅，上菜的竟然係歐巴廚師，仲係我地面前剪開煎餅，未食經已加分。食落味道真的有到廣藏市場感覺。如果要說不好，我覺得可以薄身小小。但巳足夠令我到廣藏市場食煎餅感覺，經巳很不錯。然後是我最愛韓國美食之一的香辣海鮮麵出場，一看外觀巳經見到誠意，大大隻蝦放係面，旁邊仲有蛽仔向你say hi. 當然第一口係要試試湯

新年連續放了幾天假期，又是我們出外吃飯的好時機。我們去了尖沙咀逛一逛，然後到附近再找尋食物。我們選擇了這間韓燒放題。雖然食物的選擇不算很多，但係好在品質好，而且調味也很好。除了燒肉之外，還有小食可以叫。這是泡菜煎餅，味道帶點辣，而且泡菜也很入味。這是海鮮煎餅，味道與泡菜煎餅不同。而且這個味道清淡一點，入面還有韭菜及蔥，帶點香味。另外還有海鮮辣豆腐湯，味道真的挺辣的，喝了下去整個人也暖和一點。吃燒肉放題，當然肉才是重點。我特別喜歡吃護心肉，肉質鮮嫩多汁。

初九果晚約好老公到尖沙咀睇燈飾，來到星光大道到處是人山人海，今年燈飾都幾有特色漂亮。睇完燈飾就來到北京道附近亞士厘道麻浦吃吃韓國餐，本來是想吃燒肉放題，但見到餐牌上除左燒肉放題之外，還有好多吸引我們的韓式菜式，于是我地就一口氣點左好幾個菜式，有人參雞湯、泡菜炒年糕、海鮮薄餅石頭煱牛肉飯，前菜的四小味，各有特色，特別是泡花生出奇地好味人參雞湯好足料有原只雞，雞腔內有原支人參，紅棗、糯米、栗子、好滋補，飲一碗即時醒神海鮮薄餅海鮮豐富、餅底煙韌、好味！石頭煱牛肉飯，牛肉香甜，配上泡菜、野菜好惹味泡菜年糕、辣度適中，年糕十分烟韌我鐘意，這一餐吃得好滿足，我會再光臨的。

燒肉放題晚餐，有3個時段可以選擇，45min覺得急，就諗60min/90min，我地擇左60分鐘 $158。6款小食豆皮粟米甜，混左沙津醬肥d。薯仔係好甜，粉粉的。相對地，芽菜好淡口。豬皮 Pork rinds比較痴底，建議大家一開始燒豬皮先。大正方形豬皮，無毛！重點！出油就好，之後易燒d！豬皮夠彈牙，一層小肥ok！補骨膠原，女人好物。麻浦特上豬排 Prime pork steak 軟身，切好花花咁。依個食多件都得，好食又林。黑豬梅花肉 Black pork shoulder一塊上，有肥有瘦地圖咁。肉質比豬排實身。女仔會覺得ok，瘦肉多又無豬蘇味。五花肉 Pork belly中型size，肥同肉層次分明。想燒得好，要好好睇住火！不竟比較痴，我地燒得滿意既，哈哈！剪刀好利，骨都剪到。五花肉不過不失，配冷麵好。冷湯分解左肥感。護心肉 Marinated special pork skirt meat 大口肉既感覺，啖啖肉。豬頸肉 Pork neck爽口首選喔，佢仲幾厚切，一次過比既份量都好多！雞肉 Marinated chicken雞肉調味過，帶甜味。燒完都幾嫩，燒肉之中比較瘦既肉品，食多

年初六..好多餐廳依然未開，行開尖沙咀忽然想食韓燒，就諗起之前食過巷子裡嘅麻浦元祖，值得encore! 呢到勝在食物款式多，水準穩定，宜家仲多咗放題選擇，啱晒大胃王！由於今晚仲要返去食開年飯，所以今次唔試放題，單點黎過下口癮先🥳每款肉都切得整齊上檯已經令人食指大動👍🏻唔洗燒好耐，三兩下半熟狀態就最好！個人最鍾意肉眼牛扒，肉質軟腍有嚼勁，入味多汁。另外，頂級雪花牛肉油花均勻，雖然未到入口即融，但食落依然滿滿幸福感🥰專登order兜生菜伴肉一齊食，啲菜係新鮮嘅，凍凍地夾住新鮮燒起嘅肉，成功中和油膩感👍🏻再點咗一客韓式冷麵refresh下！麵身彈牙得驚人，極有嚼勁。加入青瓜絲、醃蘿蔔等配料，味道溫和清新☺️🤟🏻下午時段食咗個heavy lunch. 無緊要啦一年一度新年假，就比自己一個理由放縱一下！食完再減啦😂😂

我們點了－個４人餐。有－個湯鍋同石頭鍋飯。可能是餐，我們有生菜包肉。但只可以refill －次。如果店員可以早講就好啲。我們吃完肉後發覺個石頭鍋飯仲未黎。店員然後說可以要白飯或石頭鍋飯但要等１５分鐘。點解唔係自動自覺上菜？隔離有一男女入座，看完menu 後選了４５分鐘的BBQ, 但店員說沒有了。我不明白為什麼没有了，是因為到了繁忙時間嗎？是商業手段嗎？

上次食個晚餐覺得呢間餐廳幾好食，所以今次同超愛韓國嘅同事黎食個午餐啦！大概一點鐘左右嚟到已經有大半間餐廳坐滿左人！Lunch Menu價錢都好抵！韓國野不嬲價錢都唔平，同埋係尖沙咀食野本身都唔平，但係相比之下呢度價錢就好抵啦！我哋要咗一個 <<辣牛肉粉絲湯>> $58辣味幾足夠，幾香！牛肉粒唔算多，但配菜好多！啱哂我！🤤🤤🤤而且個湯嘅味道好好味，配飯一流！<<特級王牛肋骨>> $168我好鍾意食嘅一味韓燒菜！因為佢哋用梨汁醃得好好味，好香好甜！而且肉質好軟腍👍🏻👍🏻👍🏻👍🏻👍🏻就咁食，或者配上白飯食都好好味！好想再encore❤️❤️❤️❤️❤️<<牛脷>> $120牛脷好大片！食落好有油香🤤🤤🤤而且唔會韌！好好味！<<護心肉>> $150店家用咗黑椒同埋蒜頭醃過護心肉！ 味道幾好👍🏻👍🏻👍🏻整體來講，呢一度嘅韓燒性價比都算唔錯！如果大家想抵啲嘅話可以夜晚嚟到食韓燒放題。

想在市區吃燒肉有很多選擇，但要找平價燒肉一點都不易，碰巧經過見到價位不高就抱著一試的心態去試試看。這家餐廳很貼心的有很多種時間選擇，客人可因應自己的食量或時間限制選擇價錢，這次因為是正值晚餐肚餓時間就選擇了90分鐘。餐廳內環境寬敞，油煙味也不算重，一坐下會先送上點燒肉的醬料和泡菜茄子等小食。值得一讚的是點燒肉用的鹽是混合了黑椒，所以吃的時候特別香。另外是附有洋蔥的醬油，味道不會過濃剛剛好，還可以先浸一下燒肉消除油膩感。特上王牛排骨肉肉味香濃，肉一片片咁上，沒有骨，食起黎十分方便，是任食menu內最高級。護心肉這個是每逢韓燒必點的！這次也當然沒有令我失望，肉係事先醃好，甜甜的很對胃口，肉質也很嫩滑，而且好有口感，護心肉是我最推薦的。豬頸肉肉質爽口得黎，唔算太肥，令我地食落無咁有罪惡感。豚肉片豬肉片切得好薄，但食起黎好有豬肉香，而且好有口感。海鮮煎餅非常香口，大家記得要搭配醬料一起吃，少許酸酸辣辣，多吃幾塊也不膩啊，入面仲啖啖GE海鮮肉，令到個煎餅脆口得黎。順帶一提，店員都很nice，上菜速度也快，更重要的是我們還沒開口店員就主動更換鐵板，值得再去。

新年前嘅尖沙咀人頭湧湧想搵個地方食飯都要排排排，所以我決定搵到你亞士厘道，貪呢條街食肆夠多又未算太多人😂😂好耐冇食韓國嘢見到呢度有間麻浦元祖，決定去食返個韓燒😎😎間餐廳全部店員都係韓國人，即刻以為自己去咗韓國😍韓國大叔喺我哋坐低之後就比咗一份韓燒buffet 價錢表我地！原來lunch 都有做buffet, 大叔仲好好咁俾埋個可點嘅食物list俾我哋睇左先決定，60分鐘先$138，一睇見到晒我哋所有想食嘅食物，所以1秒決定食任食😆😆😆黃牛排骨肉超好味，而且好淋，非常值得推介！提提大家，牛肉骨好快熟，一唔小心就。。。我地都犧牲咗2塊😫😫😫麻蒲特上豬排🐷🐷成個爐咁大塊，但係仲軟熟，醃得好入味！另一個推介係護心肉，咁罕有嘅部分都可以喺buffet食，真係正🤗🤗🤗護心肉比一般部位軟滑，店家醃製得甜甜地好好味，我地叫多咗2次！另外其他小食仲有煎餅同埋湯我哋就叫咗一份海鮮煎餅同埋一個辣豆腐海鮮湯同大醬湯！😝😝😝豆腐海鮮湯非常足料入邊有成七八隻蜆！豆腐亦好滑好好味!雖然係食buffet架但係所有食物都絕不欺場👍👍👍另外值得一讚係店員服務非常好，短短60分鐘幫我地換咗4次板！真係唔洗怕黏底！😬

想起都有一段日子沒有吃韓燒了，上星期三的晚上便決定到亞士厘道的麻浦元祖來一餐久違了的韓燒。一坐下來， 店員便送上韓式前菜六小碟，紫菜和蜜蕃薯都很好吃，很想再要多一碟呢。看餐廳裡的人大多數都選擇放題， 但是由於實在不太餓，便選擇了一個牛肉拼盤。 牛肉拼盤拼盤包括了四種牛肉， 分別有牛五花，調味烤牛肉，牛舌和雪花牛肉。牛五花看似很肥，但燒完後不覺油膩，只需燒一會已可食用。調味烤牛肉醃得很入味，味道甜甜的，肉質也不會很韌，但肉味略淡。牛舌和雪花牛肉沒什麼醃料，吃它們的原本味道。還可以配合生菜一起進食，減低油膩感。 豆腐什錦湯拼盤類本身已包括了一份湯。湯入面有蜆，豆腐，金菇菜還有雞蛋，味道頗清甜也不是太辣，喝完很開胃。 芝士炒年糕年糕的質地十分煙韌，口感不錯，配上韓式辣醬和拉絲芝士真，很難不好吃。 整體來說，肉類不算出色，但熱食還不錯。我們付款後都覺得，吃放題比較值，因為單點都不便宜。

好吸引好吸引！首先最吸引我的係餐廳裏面的真·韓仔，除咗樣貌俊俏，服務仲好細心，講嘢仲好斯文！真係口水都流，我指對啲嘢食好開心呀！勁多前菜可以食，頂住肚先等人都等得開心打開餐牌，左睇睇，左睇睇，樣樣都想試吓，發現咗最後都係叫個燒烤套餐最好，解決晒呢啲煩惱，一來可以試晒幾種肉類，而且價錢仲好相宜，除咗燒肉仲可以三選一包個湯 - 純豆腐海鮮湯，豆腐什錦湯，泡菜辣湯（三選一）最後決定今晚都係食牛肉，揀咗二人份嘅牛肉拼盤 $398 ：雪花牛肉，調味烤牛肉，牛脷，牛五花Prime Chuck Tal, Marinated Beet Ox Tongue, Beef Belly話就話係二人分，但係上左之後，發現份量都算幾多！仲主動送上生菜，包住食，另一滋味牛脷嘅肉質都幾煙韌調味烤牛肉最好就用來生菜包住食，中途又可以食下路邊嘅芝士粟米同埋蛋，好幸福豆腐湯都唔差架！小小辣，好驅寒，而且裏面都幾足料

假日中午前來尖沙咀亞士厘道發現一間韓國人的韓燒餐廳午餐有buffet /set 簡黎燒Buffet以時間黎收費最平$98/45mins肉類選擇如下好適合大食的朋友仔今次由於我唔想食太多肉所以簡了食set2人餐$398 牛肉有4款更有雪花牛肉 肉的份量足夠2人食 仲有前菜，湯所以夠飽今次固了泡菜湯開頭見到個色以為會好辣 但食入原來少少辣適合香港人口味 熱呼呼的湯飲完成個人暖晒牛五花肥瘦度不錯 很怕食到整件差不多都是肥似的五花肉經調味的牛肉很入味 而且大大片 食入口很多汁 百吃不厭 牛舌和雪花牛肉放在同一個碟上雪花牛色澤好靚 夠新鮮 輕輕一燒便可食 牛味香濃 值得一試

下禮拜就係新年嘅三日長假期😁 今日星期日決定同男朋友食餐好既午餐我哋叫咗個二人豬肉拼盤，跟豆腐海鮮湯，另外叫咗個泡菜煎餅同一個白飯左上角係豬頸肉，右上角係麻蒲特上豬扒， 左下角係護心肉，右下角係五花肉等特別推介豬扒同護心肉👍豬扒佢好用心咁切開咗切得好靚😀 應該用過少少醃料調味， 裏面好多肉汁😋護心肉嘅肉質比較嫰， 外層會煎得比其他香脆😍豆腐海鮮湯有少少辣，好足料，好開胃，完全飲到海鮮既鮮味😁送既生菜都好爽口👍泡菜煎餅唔算辣，好香口，食落唔會太多粉，好食😀服務幾好，老闆好友善，唔錯👏

餐廳喺尖沙咀食街亞士厘道，座位都幾寬敞，可以舒舒服服咁食。餐廳提供燒烤套餐，亦有單點，不過識計數嘅話梗係食韓國烤肉放題，平日就下午5點後先有得食，但星期六、日、假期全日供應。時間亦都好彈性，可選45/60/90分鐘，價錢分別係$98/138/178，叫一品料理、湯類就$20/客，仲有餐牌外嘅燒烤食材半價。食韓國菜一定有一堆前菜，無限refill。【特上王牛排骨肉】口感軟腍，肉味豐富。【牛五花】燒嗰陣已經聞到油香，放入口果然感受到油脂十足，好邪惡但好正。【雞肉】肉質嫩滑，烤出嚟好香口惹味。【大蝦$75(半價)】四隻大蝦，已開邊同挑蝦腸，燒完容易剝殼唔黐殼，証明夠晒新鮮，咬落去果然爽口。【帶子$75(半價)】有十粒，有啲都算厚切。食落夠爽之餘居然幾juicy，好高質。【大醬湯$20(跟餐)】濃濃嘅味噌味道，都幾正宗，有好多豆腐同蜆，足料。加廿蚊就有，抵食。餐廳由韓國人主理，老闆、厨師、侍應全部都係韓國人，絕對正宗過一般韓燒任食餐廳。

天氣凍凍地，除左打邊鑪之外，韓燒就係另一樣好選擇啦🍢🍢🍢係嗰鑪邊燒下燒真係暖粒粒好舒服架哩間韓燒餐廳仲有放題提供添架，望落唔似一般既韓燒，感覺好高質呀😋😋😋😋餐廳仲好貼心咁分開幾段時間既放題，燒得愈耐就愈貴，好合理呀對於快食，但又想食韓燒嘅朋友仔嚟講就啱晒啦我同朋友最後揀咗90分鐘韓燒，其實個半鐘都好夠食✋✋✋✋✋望吓張放題點餐紙，原來仲有韓式泡菜餅，豆腐湯等等呢啲都係韓國餐廳必食嘅款式🥳🥳🥳🥳其實嗌左兩round我同朋友已經飽哂嚕，而且我哋一致贊同呢間野真係好抵食，因為啲質素都有返咁上下