麻極手工火鍋料理

營業中

休息中

今晚經元朗朋友介紹去一間有得唱K，又可以打邊爐好玩又好吃叫麻極手工火鍋，其實抱著試下心情，又估不到真心好食，湯底鮮茄花甲好鮮，本地手切牛及牛魔皇啱哂我地鍾意食牛仲有海鮮拼盤好有分量

好久没有和朋友聚会：去元朗吃：選擇了食評不錯的麻極。去到發覺佢的環境都寬闊：装修颇有特色。食物也很有特色湯底叫了椰子雞湯底：味道鲜甜…很有椰子清香味…叫了肥牛：黑松露餃子：蠔都很新鮮：厚切鳝片最啱我：還有即叫即炸紫菜响玲：差点燙親，様樣食物都不俗：下次会试吓雞煲…和其他食物！

晚餐時間，同屋企人去嘗試不同的火鍋店。有人提議去麻極火鍋店。去到環境地方頗大，座位舒適，我們人數眾多，所以安排了一間大房間給我們。我們選擇了兩個湯底，一個椰子雞，一個番茄。湯底味道濃，非常足料，而已愈食愈入味還嘗試了雞煲，雞肉嫩滑，味道不咸，非常惹味，香味濃烈，很適合我這種喜歡吃重口味的人。食材感覺很新鮮，賣相吸引，擺盤很精緻。另外叫了兩個海鮮拼盤，有大大粒既帶子，巨大的聖子，分量不少，味道鮮甜，作為火鍋店但刺身方面也不差，值得一讚。還有紫菜響鈴即叫即炸，食落脆口，很有驚喜。其他食物都很不錯，值得一試店舖旁邊仲有k房，下次會跟朋友一起來再吃。

麻極Hotpot大力推介👍👍👍😋😋!開張到依家都不時捧場，原因好簡單……1) 食材堅新鮮，足料湯底❤椰子雞翅湯底 (my favourite)，不時又有季節限定😋 。 2) 環境真係好舒適，講真打邊爐有時真係好怕太迫同太嘈雜 😜放工後，都想好好享受同放鬆。   3) K歌設備既VIP房囡囡至愛🤣😂，佢人仔細細一邊唱歌一邊吃，真係不錯的親子地方。4)員工服務有禮友好 ， 又可以電話預訂， 節省等待時間  VERY GOOD!!真心....."麻極 "值得一試!!!

特色湯底多選擇，麻辣雞煲勁好味，食得辣既朋友必試中辣或大辣，椰子雞翅湯底同花甲湯底都好好味，仲可以揀兩邊鍋兩個不同湯底，食材夠新鮮，多款特色小食（推介紫菜嚮鈴）及丸類（黑松露丸同餃子都好味），牛既選擇都好多，仲有新鮮海鮮刺身，地方夠寬敞，座位舒適，另有多間vip房，好似有得唱k，裝潢都好型格，服務貼心，侍應跟order同上菜都幾快手，地點算就腳，元朗西鐵站行過去7-8分鐘就到，岩晒成大班朋友慶祝聚會，下次會再黎試埋其他湯底

環境舒適！🤗🤗湯底好飲鲜甜！😊😊海鲜新鮮。一入門口位置有個巨型鱼缸！😎😎有象拔蚌、刺身鱼。。配料多😋😋、食材夠新鲜！😍😍服務態度好，有笑容！😚😚有多間獨立房間。😂😂可供私隱度给大家與朋友家人相聚！😄😄元朗好少有火鍋店有那麼舒適空間给客人😗😗。。而且價錢亦非十分昂貴！大约人均300~400元！🤗🤗🤗視乎有冇食海鲜或刺身……🍚🍚而且有特別k房🤡🤡，可一邊打邊爐，一邊唱k...一個字爽！每月生日及坐房打元卡者！可有優惠！每月不同！

今天和女友經過元朗，本來打算去日式火鍋店吃，可是人實在太多，所以轉了去雞地，一看之後，見到這家有椰子雞湯底又可以雙併，於是便入去試了一試餐廳環境餐廳很大，位置寬闊，坐得好舒服。留意到可以包房唱k, 不過隔音不是太好，進食過程一直聽到一些房內傳來的歌聲，這點不太好服務質素這點是不錯的，員工上菜速度很快，還會主動替你加湯底，調教火鍋的溫度大小食物方面我點了麻辣拼椰子雞湯底。配菜有三色手打丸，芋絲，炸響鈴，餃子。坦白說，配菜質素非常高，雖然價錢也不便宜。但湯底個人認為比較遜預期，但一家火鍋店最重要的是甚麼？就是湯底喔。所以整體而言，我應該不會再回來了

今日一行四人嚟咗呢到打邊爐，試咗椰子雞湯底火鍋，座位都係卡位。超足料，勁多椰子肉，湯底超香甜，正呀！湯鍋勁大，打咗成2個鐘頭，都無叫人加過湯。湯底配嘅醉雞肉另外我哋點咗必食嘅紫菜響鈴，黑柏葉，韮菜餃。第一次食紫菜響鈴，都幾特別。讚好及分享佢哋Facebook，仲送返馬刀貝，都幾大隻，又鮮甜，無沙。厚切鱔片靚牛肉，好食呀！鴨血，好爽口。嚟到嗰陣以為甜品嚟，哈哈三色丸 咸蛋墨魚丸、梅菜豬肉丸、蝦丸包滿蟹子嘅蝦丸，熟咗之後個樣好似煎堆咁

一下機便走到麻極打邊爐。其實我們才從台北回來。吃了幾天麻辣火鍋。所以今選了椰子雞煲。選這間餐廳。男人說：咁岩有車位。女仕可以舒舒服服玩電話。哈哈價錢當然比起大排檔貴。食物我們都滿意的。後加的食物沒影相了。服務好滿意，每一位職員都有禮及面帶笑容。我喜歡韭菜餃、牛肉兩碟、湯底。第一次吃到圓碌碌的白鱔、非常有口感。還有我愛吃的萵筍！近期真的經常吃萵筍！牛舌也不錯！三五知己如想邊聊天、慢慢享受食物。我都推介麻極！

元朗區之中， 好味道既火鍋一般都會想到X哥。嘗試這間麻極，原因簡單之極，就是一個"極"字👍🏻 星期5的晚上（8點半）沒有預訂情況下，walk -in 2位， 接待員服務有禮🙇🏼‍♀️ 點菜如下： 鴛鴦鍋 (麻辣湯 + 蕃茄湯）- 本地牛 x1 碟 (大約10片）- 鮑魚 x1隻 (🔪切片5 片）- 聖子 x2隻 -蟹棒 x1碟-咸蛋墨魚丸 x2碟 (每碟8粒）-紫菜響鈴 x1碟-羊肉片 x1碟 (大約10片）- 小龍蝦 x2隻 (免費 FB 讚好 & Share )埋單共$1408 麻辣湯底係最正， 真正有麻的感覺👍🏻本地牛 OK, 蟹棒OK! 小龍蝦鮮甜，鮑魚，聖子鮮甜爽脆！ 羊肉不SO, 好味👍🏻紫菜響鈴 沒有油膩味， 鍾意食響鈴既朋友絕對唔可以放過😯但最驚喜係，咸蛋黃墨魚丸（忘記影相）好特別 好味道 一定要食😋🥳食後感： 食物品質 - 絕對係不錯服務 - 可以更好 (以呢個價錢去衡量）如可提供衣服套給客人 , 避免沾上火鍋氣味餐廳環境 - 需要改善 ( 衛生方面）檯上發現小爬行動物

食物質素唔錯，大致好食。尤其一開始個湯可以淨飲。我覺得本地手切牛更加令人難以忘懷，結果再encore一碟。手切牛的亮點在於牛味濃郁，又唔會話一烚就嚡，竟然有追上外來貴野的氣勢。如果覺得唔爭在，不妨叫再貴一格嘅手切牛，兩碟都試過之後，覺得真心值。餐前刺身也啖啖新鮮，更難得的是，職員態度非常好。不好意思因為轉房，麻煩了他們許多，都沒有西口西面，超 helpful而且私人房數目多，可以book嚟私人聚會，傾得舒服

之前同親戚做節，個個食酒樓圍飯食到厭晒，于是我地去左打邊爐，因為我地人多，二十幾人，貪佢有得book房，又有我地中意既麻辣鍋，我個人幾中意佢既麻辣湯底，夠辣夠麻，但吾太食得辣既就吾係幾頂得順，火鍋配料種類就吾算多，但都幾新鮮，比較傳統既粉腸呀黃沙豬潤都有，幾新鮮好食，手打肉丸都係吾錯既，最好食係個紫菜響令，新鮮炸出黎，我地個枱encore左5,6碟我平時食響令都係食一舊架咋，但今次起碼食左3舊，好誇張牛肉我就覺得普通啦因爲有親戚識人所以有8折，折左每人都要2百幾架，不過我地叫左好多野狂食，無影晒出黎，價錢黎講不算平，但好食既

星期五晚有冇訂位，要在元朗搵食真係唔易，間間打邊爐都冇位，而且一間有位，又係新店，於是便試試，今日食咗個安格斯牛，都算美味。另外叫咗個海鮮拼盤，海鮮都新鮮還有椰子味雞湯底

比一碟什牛當本地手切牛？向店員提出只說不同部位，當人客白痴？咪只此一次囉，無下次👎附上圖片大家自己評論，我食咁多火鍋牛肉，真的未食過咁樣的本地牛？不知所謂👎👎

我係一個好鍾意試新野嘅人，知道元朗有火鍋店新開，一定要黎試吓，喺元朗站落車行過去都係5分鐘左右，好方便！行到上去見到地方非常大，而且又有獨立房，仲有卡位坐感覺非常舒服😍最值得一讚的是招牌首次肥牛，是不得不叫的大大碟肥牛，紋理也非常靚，切成呢個厚度入口即溶，而且牛肉非常林身，香氣在口腔之中，久久不散😁另一樣就係花竹蝦刺身，這是較少食到的刺身，蝦肉質爽甜又彈口，味道鮮甜，配上醬汁食起來更滋味👍🏻美國筒蠔，隻隻新鮮肥美，好味十足，入口鮮甜多汁😁不錯不錯！象拔蚌好大隻又鮮甜爽口，超級新鮮好食😝叫咗蟶子皇清潔得非常乾淨又非常大隻入口爽嫩