麻極手工火鍋料理

營業中

休息中

來到麻極手工火煱料理打邊爐，叫了一個雙併鍋，七款配料。鮮茄花甲鍋＋椰子雞鍋： 超大鍋！椰子雞鍋有很濃的椰香味，隨鍋附上約1/4 隻雞，雞件有雞味，記得唔好淥大耐，否則會鞋！鮮茄花甲鍋，花甲頗多，味道鮮甜。脆炸響玲卷：推介！即叫即炸，勁熱勁脆，係湯底浸三秒，咬落去脆得黎又爆汁！手打三色丸： 有松露丸，蟹籽丸和墨魚丸，味道爽口。新鮮脆肉鯇魚片骨腩： 夠脆，夠魚味又唔腥。麻極牛魔皇 小碟：雖然叫小碟，其實份量都己經好多，食左好多牛的不同部位，最鐘意牛柳粒，厚身有牛味，咬落去有肉汁，又唔會太老。什菌野菜籃：打邊爐一定要叫小小菜，中和一下肉的油膩感，啲菜都好新鮮！北海道大元貝：肥美肉厚，味道鮮甜。西班牙黑毛豬腩片： 有淡淡的豬香味，亦都咁腍！Ice 大樽裝： $18 蚊一次，抵飲！食完抱住個肚走，今餐真豐富！ 😋😋😋

近年手工火鍋興起，每每湯底都好有驚喜，元朗最近開咗一間手工火鍋店，主打港式火鍋，最近仲做緊全單七折優惠都幾抵食。麻極手工火鍋店係一樓，要上一層樓梯，樓下都有好大個牌容易搵。店內坐位幾舒適，二人被安排坐梳化卡位。枱與枱中間有分隔，唔洗同前後檯你眼望我眼，私隱度夠高。我見有幾間VIP房可以包廂唱K，不過唔知幾錢先可book到房。湯底：胡椒酸菜豬肚魚鍋+麻辣鍋 $238湯底好大煲有睇頭，麻辣鍋辣味十足，我地揀咗少辣，好香花椒味，鍋入面配咗少少豆卜、木耳、芽菜、芫荽，索咗辣湯食好惹味。胡椒湯底略嫌鹹咗少少，所以一上檯我就畢起啲鹹酸菜費事越煮越鹹，豬肚份量都多不過熬得太耐偏軔，湯底都夠胡椒味，唔會好辣。自家製韮菜餃 $58$58一份有8粒大大粒，超抵食！皮薄餡多，韮菜味勁香，豬肉肥膏比例剛好所以豬油味都好突出，勁推薦！鹹蛋黃墨魚丸半份 $42$42得4粒，雖然偏貴但食得出係手工嘢。鹹蛋味香濃，唔會太鹹，係香口為主。墨魚丸係手打，丸裡面有墨魚肉碎，好彈牙。新鮮豬腰 $48又係抵食之選！平時街市一邊豬腰都要$10，又要洗又要浸。呢到$48一份，份量都唔少，而且完全無腥味，口感爽口，性價比極高。家鄉醃

🔅 #hkfoodmap火鍋🔅 #hkfoodmap元朗.𝐹𝑜𝑙𝑙𝑜𝑤 𝑢𝑠 𝑜𝑛 𝑖𝑛𝑠𝑡𝑎𝑔𝑟𝑎𝑚𝑓𝑜𝑟 𝑚𝑜𝑟𝑒 𝑓𝑜𝑜𝑑🥰.元朗真係好多好野食🤤🎗呢間手工火鍋值得推介！🍲湯底超級足料👍🏻椰子雞湯底椰子味超香 但食落去唔會話好漏～仲額外送一碟雞件比你自己淥 份量都唔少🤰🏻麻辣湯底叫左少辣 但一樣超級足料 容易入口嘅辣 用黎食鴨血就最正🌶呢度仲有即炸嘅紫菜響鈴卷 就咁食又得 淥幾秒再食都得！唔會好似坊間好多淋patpat嘅響鈴咁無癮🤤手切肥牛份量都幾多 而且肉味好充足～鴨血都有驚喜 有台灣嘅味道！食材整體都好新鮮！卡位都好闊落 冷氣都足夠 店員亦好有禮貌～雖然唔係做放題～但依家book枱嘅話（酒水不包）星期一至四有7折！星期五六日及公眾假期及前夕都有78折～性價比不錯喔！

今晚去雞地搵嘢食，同女朋友又想打下邊爐。上咗一間樓上鋪叫做麻極火鍋。上到去都好大間 而且位置又夠闊， 樓底夠高。 坐得舒服就基本。重點係野食夠多種類， 刺身又有， 餃子又有 而且湯底又無味精， 雞煲 定 湯底都可以揀， 不過我就貪心d 兩樣都想食， 就叫左鴛鴦湯。花膠魚肚：好足料，好鮮甜，花膠滲晒啲湯，魚肚好爽口。蕃茄蜆肉：只要有海鮮我都like，蜆肉肥美。今晚叫左安格斯牛，都好夠牛味，厚度適中，6兩三秒就搞掂。珊瑚蚌：口感唔錯，份量好大，桌一桌就已經可以食，味道鮮甜。稻庭烏冬：好煙韌好彈牙，連埋D湯一齊食，夠晒精粹。椒鹽墨魚咀：好香口，炸到好鬆軟，墨魚咀亦都好鮮甜，送啤酒真係一流。建議大家可以多啲人嚟食，又可以試到唔同嘅嘢，因為餐牌上面實在太多選擇。

今日難得放假可以休息下， 咁梗係食我最愛嘅打邊爐啦。 今日一於試下新嘢， 我哋就揀咗附近嘅麻極手工火鍋料理。 門面感覺好高檔， 設計時尚新穎。罕有嘅打邊邊有咁多卡位坐，仲要係舒服加闊落!每個卡位都有一個私人電視，想睇咩台都得，真心覺得細心唔使同人爭!哈哈我地叫左個小麻小辣嘅雞煲，送到黎只係熟左7成，可以自己慢慢再加熱它， 咁樣唔會太熟同好鞋。雞件夠晒大件， 啖啖肉非常入味。手切肥牛， 唔使講都見到切成大大片，非常新鮮仲要好重牛味，鍾意食牛既可以揀呢個， 又香又嫩又唔un!我地叫左個細既鹹蛋墨魚丸，表面有些鹹蛋黃， 外觀非常吸引。 原來食落口，裏面都有啲鹹蛋黃，非常特別美味。鵝腸是我嘅摯愛， 重點唔係周圍都有得食， 今次竟然有得食，咁我梗係唔客氣叫一碟食下啦! 呢碟嘢非常新鮮，裏面油脂唔會太多，爽口又唔un，岩晒我口味，呢個真係有驚喜!!隨便點了一籃雜菜， 樣樣都有d，冬菇特別地 雕得幾靚，真係花了不少心思。全單仲有7拆，真係好抵

朋友話想試好耐，即興約左7個，過$1500可以有間房，想唱k既房過$3000（好似係，職員話既），仲有麻雀枱。openrice訂位野食有7折，飲品冇折。叫左2個tower既酒，每人食左around $350叫左麻辣同芫荽皮蛋湯底，麻辣湯底可以揀大/中/小既麻同辣，仲叫左雞煲，但啲雞唔滑既。另外叫左手切肥牛、鴨肉、牛胸爽、竹笙、響鈴、紫菜響鈴、豬......響鈴可以即食，但炸得唔夠透，中間硬既。整體黎講都唔錯，不過隔音好差，會不停聽到人地繞梁三日既歌聲😂

同老公結婚週年日🥰唔想出到咁遠近近哋係返元朗區慶祝 我哋都係邊爐控，見到banner 七折 就來試下😛上到嚟地方超級大，仲有幾間vip房，聚會就非常fit啦😎地方乾淨企理 ，燈光好柔和 食打邊爐都可以好有氣氛🤣🤣鍋底選擇都好多 ，聽店員講全部自家製冇落味精 👍👍淆足幾個鐘 點了椰子雞拼麻辣小辣 ，兩樣都好正 🤭🤭雞輕輕用酒葉住，大量粟米 ，椰皇，非常足料😍😍就咁飲咗兩碗先打邊爐，麻辣湯底又麻又香，非常正宗電子餐牌下單，環保又清晰 ，店員見我哋兩個人介紹咗二人海鮮拼盤，有五款海鮮 蟹 、海蝦 、扇貝 、馬刀貝和南非鮑 ！如超級有驚喜 ，估唔到會用上南非鮑 😋😋鮮甜爽口 ，海蝦上枱仲喺度跳緊舞🤩🤩安格斯牛小排，其實都想食手切 但因為得兩個人真係食吾曬，牛小排有厚度 ，非常稔滑， 牛味好濃郁呀 小份$148都有12塊 抵食👍👍紫菜響鈴 真係要必點 即叫即炸 非常鬆脆 😬😬點解泰式醬 就真係好正辣湯底同鴨血就超級配 😎😎鴨血嫩滑，一啲都唔醒😛另外點咗 佢哋自家製，手工雲吞 同鹹蛋墨魚丸 ，幾得意嘅配搭喎 自家製非常足料 ，雲吞大大粒蝦🥰🥰其實仲有好多嘢想試，但因為兩個人真係食唔落啦🤭🤭飲埋啤酒

今天約同一班好朋友到元朗麻極手工火鍋料理打邊爐，我們更預留獨立房間。我們點了鮮茄花甲鍋及胡椒酸菜豬肚湯，湯非常香濃足料，食物未到我們先飲湯及食湯中的美食。湯中的豬肚及花甲味，粟米香甜。我們點了兩款牛，各有千秋，個人喜歡安格斯，脂肪比例平均及嫩滑一點。還點了牛骨髓，大大碟非常有口感。鱔片大片，厚肉爽口，大家也讚好味，切粗條的午餐肉非常好味，韮菜餃充料大粒。生菜爽脆。我們也點了麻辣青瓜，非常香辣惹味。店員服務好，不時入來查看及幫忙加湯及茶。訂檯全單食品湯底七折十分抵！

我哋一班朋友約咗去慶祝生日，係呢個疫情嘅時候見啱啱有好轉，我哋要立即聚一聚，生日嗰個話好想食呢間手工火鍋，我哋平時係食開一間同區同等的火鍋店，但見到麻極出咗全單七折（唔計飲品），見到咁抵就即刻食下，湯底我哋揀咗鴛鴦鍋，一邊係麻辣湯底令一邊係木瓜粟米蕃茄湯底，湯底味道好正宗，食得出係用心整嘅，但我覺得麻辣湯底就偏辣左少少，如果可以有得揀微辣就最好啦👍🏻👍🏻同埋我覺得打邊爐配料一定要新鮮，手切牛肉同埋海鮮拼盤都好正好新鮮🤤🤤🤤另外我覺得最抵讚嘅係紫菜響鈴，佢係即炸嘅響鈴，一上枱即刻食唔使放湯㗎，好香好脆一眨眼就食晒啦😅😅我哋已經約好咗，下次再有朋友生日要再嚟呢度食火鍋😍

收工同朋友去食飯,之後去左元朗雞地個間樓上火鍋 叫麻極既火鍋打番個熱辣辣既麻辣火鍋!雖然打邊爐既配料款式唔多,要有既都有,環境坐得落,好感覺豪邁.我地叫左鴛鴦鍋,我地主要食辣既!辣度可以仔細選擇,唔錯,可以試下.

元朗太多食肆，競爭激烈，加上近來唔係太多人出街食飯，所以好多火鍋店都會出午市餐吸客。麻極就出左多款米線餐吸客，其中一款係近期在元朗區大熱嘅花甲粉仲要鮮茄湯底，份量十足，大大碗，食完你會發覺你食左50隻花甲，所以感覺好抵食，湯底都唔錯。$58蚊都ok另外朋友叫左個花膠雞米線，材料是足嘅，花膠都大隻，當然個湯底唔係深黃色啦，感覺晚市打邊爐時個湯底會濃好多，當然啦一分錢一分貨，$78蚊大碗又有花膠食啲雞都滑又大件就算係咁㗎啦。

上網睇到呢間評語幾好又冇限時 就同朋友試試座位都ok 吾算太寬敞 可惜book吾到房唱k..一行五人 大家都吾係幾食得辣 所以就清清地叫左個花膠雞翅鍋+椰子雞鍋😋賣相好靚😋試飲個湯底都吾錯！但係只有兩粒花膠碎...以呢個價錢黎講係咪太小家呢？椰子雞就...粟米冇味👎🏻腐竹鞋既👎🏻款式吾算太多 我地都係叫大路野 冇叫海鮮食物真係好一般..差過隔離x哥或大x友好多😣最過份係個蝦滑壤豆卜😡舊豆卜益左..成碟退左！結果我地五個都食吾飽...埋單每人要$356（究竟食左d咩？😵）總結：無下次！無下次！無下次！

香港打邊爐，已經無分季節﹗加上我們一GROUP就是10人，每次約會的地點，都會選一些比較寬敞又可以聚得比較長時間的地方。今次為2位好朋友慶祝生日，於是BOOK了打邊爐，試了位於元朗的麻極手工火鍋料理。老實說，真的好有台北感覺﹗食物好新鮮，最欣賞個湯底，鴛鴦湯底，鮮茄花甲好鮮，其中一邊的濃湯花膠雞翅鍋，超級好味，幾乎飲晒啲湯先開始打邊爐﹗食物方面好多選擇，點了黑松露蟹肉餃，本地肥牛，豚肉、各式手打丸 、椒鹽軟殻蟹、蝦滑釀豆卜、松茸菌蝦丸、即叫即炸紫菜響鈴等等。仲有台灣先有嘅水蓮菜﹗我們8人共消費$2880，仲有VIP獨立房，所以都好滿意。

今次已經係第四次嚟呢度打邊炉，因為每次嚟啲水準都好穩定，啲嘢好新鮮，所以打邊炉通常會嚟呢度。今次班friend 話想打邊炉，就推介咗呢間。我地嗌咗新鮮鵝腸，而家好少有咁正嘅鵝腸食，次次嚟都必食。手切本地牛肥瘦啱啱好，有牛味又唔會un。個湯底都好正，椰子鷄煲足料超正，我地差唔多飲晒啲湯先開始打。另外仲叫咗新鮮蟶子、即炸響鈴、黑松露蝦滑、黑柏葉，樣樣都好得。仲有台灣先有嘅水蓮菜，喺第度冇食過，嗌咗兩碟。

機緣巧合下朋友喺網上搵到呢間火鍋店，於是一行五人就去試一試～我地點咗花膠椰子雞同麻辣嘅鴛鴦湯底，兩款都好出色！朋友大讚椰子雞湯清甜，而且湯底材料都好足料大推大家要試一下！另外麻辣湯辣度剛好，但因為本人比較食得辣，如果唔太食辣可能要額外要求少辣。火鍋配料都好新鮮，手切牛肉質素唔錯店員服務一流，舖面裝潢企理，卡位五個人坐都唔覺焗促～提早預訂仲可以選擇私人房間，下次會再幫襯都會提早預訂食完走人都唔會成陣味，總括而言係一次舒適愉快嘅用餐體驗！