麺屋こころ (軒尼詩道)

營業中

休息中

對於今餐嘅食物嚟講都非常之滿意，無論係主食定係小食質素都唔錯･:*+.\(( °ω° ))/.:+一見到個Menu都有好多唔同嘅選擇，分別會有湯或者有撈麵。明太子忌廉撈麵★彡本身好鍾意食明太子，見到爆多明太子面已經覺得好正！差唔多每一條麵都有明太子，啖啖都覺得好享受。配料方面佢哋仲會有幾塊豬腩，豬腩有啲肥肥哋有啲油脂感好香。香辣炸雞粒★彡炸雞粒炸粉唔算好厚，皮薄之餘肉汁仲好豐富，香辣嘅味道真係令到雞粒更加惹味。雞軟骨餃子★彡雞軟骨餃子肉汁豐富，而且仲好有咬口。佢哋呢到嘅日本產麥茶特別清香。

同朋友一齊食lunch 試咗新嘅日式餐廳。我就叫咗咖喱炸雞撈麵，感覺同平時食咖喱湯麵相異不是太大但係用咗日本咖喱，個人覺得係更加好食。加上有很多的配料可以撈埋一齊食，層次十分豐富。有黃黃，天婦羅碎，蒜蓉，紫菜等等。炸雞炸汁脆卜卜的，外脆內軟，雞肉十分嫩滑。朋友就叫咗叉燒撈麵，同樣都係有很多的配料，包括有韭菜，紫菜，蔥，蒜蓉等等。但係麵就唔係拉麵，而係小麥麵，口感沒有一點不同的，比較粗身少少。叉燒偏肥少少但就唔會覺得好老或者柴。還有叫了一個小食雞皮餃子，餃子外皮整得脆。

呢度出名就係東京帶過黎既豐富多樣既日式撈麵，亦有不少美味既小食，飲品款式亦多架！其中，原味東京撈麵味道道地，真係正宗東京風味，配料豐富，不但只有生蛋黃、辣肉碎、蔥花、韭菜、紫菜碎、生蒜、魚粉，仲採用小麥麵，口感十分獨特，麵條好有咬口好煙韌！而明太子忌廉撈麵更係獨具一格，豬腩同明太子搭配得令人回味無窮，再加上生蛋黃、蔥花、紫菜碎、水菜、唐辛子絲、生蒜、魚粉同小麥麵，有啲香辣味，簡直係完美組合，堪稱絕配！此外，炸雞球炸得外皮酥脆，內里鮮嫩多汁，香味誘人，係一道不可錯過既美味小吃！最後佢地既抹茶玄米茶更係不容錯過，雖然係凍，但完全飲到果種清香撲鼻，回味無窮，正正係用黎解膩既好選擇！

呢間麵店有好d 少見口味嘅拉麵沾麵款式，今次試「火焰和牛沾麵」。和牛：侍應會幫你用火槍炙燒d 和牛，架勢十足。和牛嫩滑充滿油香，份量十足，老實講食到後面有啲膩，但應該會滿足和牛愛好者。麵：麵條有彈性。旁邊放咗唔同嘅配料，俾你自己去撈，滿足唔同嘅口感。沾醬：個沾醬應該係呢間餐廳嘅賣點？但係老實講我就覺得冇咩特別。呢個麵嘅重點，係份量十足嘅和牛，多過係令人難忘嘅醬汁同麵。整體嚟講，菜單有新鮮感，味道OK，但係又唔算係好驚喜，下次我會再試吓其他款式。

😻鹽味撈麵以豬腩、蔥花、紫菜碎、水菓、竹筍、唐辛子絲、生蒜、魚粉和小麥麵為主要配料，味道鮮美，香氣撲鼻。鹽係最簡單既調味，但偏偏最能夠帶出食材既香味！呢個係一定要試，如果唔係太食好重口味既朋友仔！😽正宗全料東京撈麵以豬腩、生蛋黃、辣肉碎、溏心蛋、紫菜、蔥花、韭菜、竹筍、紫菜碎、生蒜、魚粉和小麥麵組成，口感豐富，讓人回味無窮。😸焙茶拿鐵也很受歡迎。飲品的焙茶味道濃郁，奶泡豐富細膩，喝起來清爽滋味，給人一種舒適的享受。

▫️正宗全料東京撈麵全料東京撈麵嘅材料豐富又多種類，有三大塊紫菜、紫菜碎、豬腩肉、辣肉碎、生蛋黃、溏心蛋、荀條、蔥絲蔥花等, 撈埋一齊食好有風味又香口😆撈麵嘅麵條係用小麥粉製成，有一定粗度，咬落煙靭又掛汁🤓豬腩肉唔算太肥，肉質幾爽口，仲有啲辣肉碎，微微嘅辣味添加左撈麵嘅味道層次。加埋啲黑椒同自家製醋，降低油膩感之餘更有風味🤩

今日天地堂😫中間唔知去邊好，搵到一間環境寧靜舒適嘅餐廳食個Lunch，真係令人放鬆😌入到去先聞到一陣咖喱嘅香氣，好吸引人🙆🏻‍♀️我揀咗咖喱炸雞撈麵，湯底用咗日式咖哩，味道濃郁香辣，令人胃口大開🔥撈麵入面配料豐富🙀有好脆嘅炸雞之外，個有生蛋黃、辣肉碎、蔥花、韭菜、紫菜碎、天婦羅碎、生蒜同魚粉，撈埋一齊食，真係好好味🚀配上彈牙嘅小麥麵，食落更加爽口，又唔太辣！I Love it💖而飲品就叫咗日本產麥茶，呢杯茶飲冷凍凍🧊清香解渴，好適合天氣熱嘅時候飲用，令人涼爽舒服✴️整體嚟講，呢間拉麵店環境舒適，氣氛寧靜，令人可以放鬆享受美食~下次帶男朋友黎試下先🥴

🫶🏻叉燒撈麵🫶🏻對於撈麵一般的印象都係印尼撈麵，或者係茶餐廳食嘅撈麵，估唔到而家仲有日式嘅撈麵添🤭第一次錫錫我感覺都幾好！中間沒有蛋黃可以撈晒成個面，旁邊有很多配料包括有肉碎，蔥，韭菜，紫菜碎，蒜仲有一些粉。成個面的層次十分好，而叉燒係偏肥的豬腩肉但係可以接受的程度😆麵係小麥麵，口感也很好👍🏻🫶🏻雞白湯拉麵🫶🏻另一個就叫咗平時正常的拉麵，湯底係雞白湯，都幾濃厚的！但係唔會濃厚得滯覺得好油膩，同樣和撈麵都係有很多配料的包括有蔥，紫菜，竹筍，同埋最重要的糖心蛋🥰而肉也有兩款包括叉燒和雞肉類。個人更鐘意雞肉。

撈麵1👉🏻正宗全料東京撈麵👈🏻豬腩肉肥美大件，每一口都能感受到豬腩既鮮美、生蛋黃既細膩、辣肉碎既香辣，再配上溏心蛋、紫菜、蔥花、韭菜，口感十分豐富，而竹筍、紫菜碎、生蒜、魚粉更加增添小麥麵既香味，撈勻黎食又香又辣，超級出色！撈麵2👉🏻原味東京撈麵👈🏻相對黎講簡單啲，無肉係入面，但都十分美味，生蛋黃、辣肉碎、蔥花、韭菜、紫菜碎、生蒜、魚粉，完美搭配，辣肉碎既少少肉質質感已經好足夠，小麥麵亦夠晒煙韌，爽呀！撈麵3👉🏻明太子忌廉撈麵👈🏻中意食明太子既真係唔可以錯過呢個，帶有一絲奢華既味道，豬腩、明太子、生蛋黃、蔥花、紫菜碎、水菜、唐辛子絲、生蒜同魚粉既組合，又有肉香，又有明太子既咸香！而小食方面呢度都有好多，炸雞球同雞皮餃子都別有一番風味，相當好食！飲品方面既日本產麥茶亦香濃可口！

爸媽都有約👩🏻‍❤️‍💋‍👨🏻我自己揾到間去餐廳食Dinner，真係享受獨處嘅時光🌞揀咗一間拉麵店，入到去先聞到一陣香濃嘅拉麵湯香味，真係令人垂涎欲滴！焙茶拿鐵嘅包裝好靚，係用玻璃樽入住，一支支咁比客😎呢杯飲品冰涼爽口，焙茶同鮮奶嘅結合，味道濃郁又帶有微微焦香🉐真係一杯清新解渴嘅好選擇⭕️然後上嚟嘅係雞皮餃子🥟餃子皮煎得香脆，內裡嘅雞皮多汁鮮嫩，雞皮同皮之間嘅層次感好juice😳主角係原味東京撈麵🍜湯底濃郁而不膩，入面有生蛋黃、辣肉碎、蔥花、韭菜、紫菜碎、生蒜同魚粉，每一口都帶有一種獨特嘅鮮美。拉麵本身彈牙有嚼勁，配料豐富，味道真係好出色👍🏻整體而言，呢間拉麵店提供嘅食物質素好高，味道濃郁，配料新鮮，價錢亦相對合理，令人覺得物有所值🕺🏻

今日同男朋友喺灣仔麵屋食嘢，呢間屋裝修非常時尚，以銀色白色為主。同傳統嘅日式面屋有好大分別，唔講會以為係一間西餐廳。環境好舒服。🩷雞白湯拉麵🍜配料極豐富，有叉燒片、雞肉片、溏心蛋、紫菜、蔥花、竹筍、水菜及紅椒，滿滿一片配料蓋住整碟拉麵，充滿色彩，營養豐富，拉麵淥得剛好，軟硬適中。湯底清甜而濃郁，提升整碗麵的豐富度。💛明太子忌廉撈麵creamy又惹味，味道極豐富。配料除了香辣明太子外，還有豬腩、生蛋黃、蔥花、紫菜碎、水菜、唐辛子絲、生蒜、魚粉及小麥麵，💜雞皮餃子🥟用雞皮代替餃子皮，香脆又可口，餃子饀本身已有味道，吸左雞油味道更香。而且用雞皮做嘅餃子皮，口感更香脆。🤎日本產麥茶，麥茶清香十足，穀物香味滿滿🌾，麥香味係口水久久不散，冰冰涼涼非常解渴。💚抹茶玄米茶，抹茶甘苦清香，玄米茶好香米味，兩者結合味道非常清新，飲落口成口都係茶的甘香味。

日本嘅抽拉麺同沾麵食得多原來仲有撈麺架？真係第一次試咋食完都幾鐘意！全料東京撈麺真係夠曬大碗既有溏心蛋又有生蛋黃有雙重蛋香另外成碗肉味都好香濃果2塊豬肉油脂入口即融雖然好邪惡但都會願意為佢減少一陣肥嘅試埋另一碗先原來個底味真係有分別明太子忌廉撈麺味道較清新蔬菜味為主好鐘意加咗梨子醋酸酸地嘅效果啲飲品包裝飲品好精緻有日本feel又夠衛生兩款latte都係少甜嘅綠茶就lightD焙茶就茶味出D香濃D雞軟骨餃子D雞軼骨切得細細粒同時不失咬口做下酒小菜都幾正架

平時食拉麵，都只會諗起湯拉麵同沾麵。經過見到，呢間餐廳裝修簡潔，同唔少人推介，所以決定入去試一試。餐牌拌麵種類唔係好多，有六款唔同種類嘅配搭。另外，有雞白湯拉麵可以選擇。拌麵採用先伴麵後伴飯，桌上有食用有食用方法，教食客享用。先享用原來已調配嘅味道，後加上黑胡椒，再加上香醋。最後，食完拌麵後再向店員取白飯享用。鹽味拌麵 $89拌麵配有豬腩、蔥花、紫菜碎、水菜、竹筍、唐辛子絲、生蒜、魚粉及小麥麵。食落唔單止有生蒜同埋蔥花帶來嘅香辣，麵內配上嘅辣肉醬食落有稍微嘅麻辣感覺。食到中段會感到油膩感，但係按指示加落香醋，反而令味道提升。醋嘅酸味增添咗香味同埋解膩。最後，拌上白飯好似平時食湯拉麵，畫上嘅句子。開頭以為食完會唔夠飽，但係起身就發現十分之飽肚。接近夏天嘅時間，亦都可以避免咗食湯拉麵咁熱，又可以試吓新口味。

餐廳裝修勁有日式，無印嘅感覺！好有簡約日本風！光猛又靚，非常開心！鹽味撈麵。🤩喂，會唔會太好食呀！食得出廚師用心製作，叉燒好淋，夠晒入味！鹽味撈麵非常特別，淡淡嘅鹽味配埋小麥麵，非常正式😙😙😙回甘味濃😜明太子忌廉撈麵，。拉麵有咬口，又好味！明太子忌廉極Creamy，超邪惡！濃濃嘅明太子醬汁，沾上每一條拉麵！口感極為豐富！好食到停唔到口！哈哈哈🤪食得出呢間餐廳真係用心制作所有嘅嘢食！值得一讚！🥳餐廳仲有好多特色飲品，叫咗日本產麥茶。同平時麥茶唔同，充麥茶嘅香味！清爽甘甜！😼個樽仲要超靚，勁精緻！餐廳非常有日本特色😎，推介指數爆曬燈！

我不嬲都嘴刁，尤其是對日本拉麵，對日本拉麵嘅要求我好高！呢間餐廳完全滿足咗我嘅口味，係一間非常之有料嘅日式拉麵餐廳😙❣️炸雞球❣️。唔好講咁多即刻整返個前菜炸嘢試吓先！炸雞球超爽脆，金金黃黃，賣相好靚！開胃惹味☘️❣️叉燒撈面❣️。叉燒真係肉嫩皮薄，一咬落去，啖啖肉！😙正到不得之了！哈哈！係正嘅🥳個撈麵醬汁勁濃郁，充滿魚介嘅香氣，淡淡清香！食完之後個口仲好有魚味非常令人難忘！拉麵掛汁力強，每一條拉麵都可以沾滿濃厚嘅醬汁，個醬汁好令人上癮！廚師功力深厚可以整到咁濃郁嘅醬汁真係好犀利。雖然個拉麵好濃郁，但係亦都唔會令人太頸渴！呢樣嘢真係好難做到，好多時喺其他日本拉麵餐廳食完之後都會覺得好口渴味精敏感咁樣！但呢間唔會！❣️日本麥茶❣️差唔多見台台都有嗌呢個飲品，一定係好好飲啦！唔試唔知，一啖飲落口，充滿蜜茶嘅甘香！配埋金濃郁嘅拉麵，簡直係Perfect ！