麵麵棧

好耐無食過雲吞麵第一次就去左土瓜灣先話有間麵店都算係劉森記家族既餐廳叫做麵麵棧位置係北帝街欣榮商場對面格離仲有間越南河叫做1986我都有去食過幾唔錯再加埋間譽麵坊土瓜灣呢一帶都真係幾多麵食門口就好港式updup既麵店唔係有人講開我都應該唔會行入去劉森記而家係由大仔同三仔主理而二仔就黎左土瓜灣開店睇片佢話竹昇麵係自己打既並唔係用劉森記既麵牆上面都貼左好多報導餐廳圓檯為主多人果時應該多數都要搭檯呢一日星期六係附近剪完頭髮點零鐘過到黎就無乜人所以可以獨霸張圓檯餐牌仲有寫蔡瀾讚好既南乳豬手佢都幾多元化不過主力都佢竹昇麵蝦子撈麵50雙拼加8蚊價錢唔算係好平果隻但如果計埋係手打麵既話就算幾唔錯了服務就一般啦眼見都係得兩個人二少老闆就負責煮野食收銀另外果位可能係老闆娘就落單上菜不過落完單話唔要野飲就走左去了另外有人見話餐廳擺左出去放盤咁而家見老闆都仲煮緊麵就應該未賣出掛不過想食既都應該要快d黎食呢個時勢星期六都唔多人可能都真係做唔住不嬲食拉麵既話我都係食沾麵所以黎到當然係食撈麵問左三拼都可以價錢就照加上去所以就叫左蝦子雲吞豬手撈麵仲有比隻碟用黎放骨頭另外有碗落左蔥花既一乾三濕先飲一啖只係微暖同埋蔥同個湯好似真係唔太夾但好似有少少鹼水味不過個麵就真係唔錯係幾爽口有勁既唔似普通果d膠質麵另外佢蝦子都落幾多好重好濃味勁開胃之後食過幾間都無呢種感覺雙拼就有三粒雲吞蝦肉彈牙咬落有口感仲有兩大件豬手好入味同埋好多膠質蝦子再混埋南乳汁就更加惹味用黎撈麵真係一流食完個三餸麵就覺得好滿足原來真係會有好食既港式雲吞麵唯一係個麵食完未算好飽肚可能真係要加底先夠埋單68蚊只收現金如果單拼就50蚊蝦子份量應該都係差唔多咁樣加多兩個餸其實都抵食仲有幾條菜配碟街坊生意疫情後加左價都係無可厚非香港都已經番唔到去以前啦咁當然都有佢既缺點既例如人手唔夠老闆又要煮野食又要收銀咁隻手套就緊係污糟啦衛生程度都係典型港式麵檔咁不過老闆係幾有禮貌既同埋味道都好過晒之後果幾間而家土瓜灣有埋黨鐵都叫方便左好多我地住九龍東既坐巴士就好方便我覺得絕對值得推薦下次可以試下水餃鵝腸黑柏葉果d…查看更多

土瓜灣單睇外觀冇咩特別既麵鋪，走街坊路線，但都有好野食。 甫魚蝦子撈麵，非常澎湃地鋪滿蝦子。 撈埋麵時，濃烈既蝦子味撲鼻而來。 蝦子既量足夠撈晒成個麵灼灼有餘，反而可能要諗下點樣撈得晒啲蝦子唔好嘥。 呢度用既蝦子屬非常之濃味既類型，怕口味太濃既，可加少少湯。 撈麵跟既湯相當鮮甜。 麵質亦都煙韌有彈性。蜆介鯪魚球，雖未至於超級巨大，但都尚算大粒。 鯪魚球表面炸得香脆，魚球肉質有彈性有魚味。 蜆介鮮味但味道略鹹，點少少已足夠。整體上食物水平都唔錯，路經附近想搵嘢食可以一試。…查看更多

下午大概2點半後黎到呢度食個late lunch, 呢度除了麵食外, 仲有粥品, 見到牆上的相片, 本來想試鯪魚球生菜粥同雲吞水餃撈麵, 可惜鯪魚球同水餃都賣曬, 睇黎要食就要再早D去。最後叫左雲吞麵、雲吞炸醬撈麵同白灼鵝腸。對比幾家本地出色的雲吞麵，呢間的雲吞不過不失，麵身幾彈牙。反而鵝腸係幾好食，處理得乾淨，但唔係脆口個種，而係比較軟腍的口感，反而冇咁乾身。上面鋪滿了蔥粒，點Ｄ豉油，不錯。睇到牆上的剪報，先知道原來係劉森記後人開的店。我自己就覺得如果唔係太順路，其實去劉森記也差不多。…查看更多

自從有🚇屯馬綫之後去土瓜灣都方便咗好多👍👍原來土瓜灣都有好多好嘢食😍😍其中首推🍜經典港式麵檔🥢⭐麵麵棧⭐家傳手打竹昇麵👍👍宜加充滿港式人情味既小店已經越嚟越少...且看且珍惜🥹🥹🔻食評時間🔻🥢甫魚蝦子撈麵竹昇麵麵條入口好軟滑爽口🥢同普通麵條真係好大對比蝦子都不得了，咸咸地好開胃👍配埋清甜湯頭🥣一齊食啱啱🦐鮮蝦雲吞一咬開雲吞仲見到入面有原隻蝦🦐用料足+蝦味鮮~😋😋◾️黑牛柏葉x豬潤黑牛柏葉口感彈牙，煮得啱啱好，唔會太韌咬唔到豬潤就食落好爽口，好鮮味配埋辣椒🌶️豉油一齊食，好惹味👍…查看更多

I specially came here to try the prawn noodles, and the prawns are incredibly flavorful with a strong prawn paste taste! Additionally, the steamed pork liver is thickly sliced, not overcooked, and very tender.The fermented red bean curd pork knuckles are well-marinated and worth a try.The black fungus is refreshing, but the pork lard mixed with the noodles is really fragrant; however, by the end, it becomes a bit salty.特登慕名而來食蝦子麵，蝦子好濃味 蝦膏味濃！另外白烚豬膶，係厚切嘅，唔會過熟，入口嫩滑。 南乳豬手炆得好入味，可以一試。 黑柏葉好爽口，不過豬油撈麵頭嗰幾啖好香，食到最後比較鹹。…查看更多

土瓜灣宵夜時段冇咩好食呢間算係咁堂食衛生差d門口貼左一大堆可以付款方式嘅Label其實都只淨係收現金雲吞爽口彈牙唔痴牙個湯非常之好不過撈面走唔走蠔油都咸到爆朋友叫左個豬手撈面豬手上面有毛未燒乾淨都係睇到唔係太開胃…查看更多

9月1日揾食肥華為求食到，口感，爽彈，有膏，厚身嘅鵝腸，特登同靚媽，由九龍灣乘車到土瓜灣，呢間麵店，食佢個碗鎮店名物，䓤鵝腸麵，果然名物即是名物，呢碗鵝腸麵嘅,主角鵝腸，確喺此坊間，有此款食物供應，之食物店強，而靚媽，所柯打個碗，南乳豬手麵，亦係美食之選，豬手南乳味，不濃不淡，調教得恰都好處，肉質又炆得，夠淋，夠滑，呢兩款麵主角，真係冇令捧場者失望，加上兩碗麵嘅，湯底及糼麵底，質素亦隹，所以肥華和靚媽，今日以$8O元，就食到呢兩款麵食，絕對係！👍👍👍👍👍👍💯…查看更多

港式米線、粉麵是香港著名的街頭小吃之一，以其簡單、美味和方便而受到許多人的喜愛。以下是我對港式米線、粉麵的評論：首先，港式米線、粉麵的種類非常豐富，包括牛肉、雞肉、豬肉、魚蛋、魚皮、魚滑、魷魚、豬皮、豬骨等等。每種類型的米線、粉麵都有其獨特的風味和口感。另外，米線、粉麵的口感也非常豐富，有腍滑的米線、彈牙的粉麵、爽口的魚蛋和魚皮等等。無論你喜歡哪種口味和口感，都能在港式米線、粉麵中找到適合自己的口味。其次，港式米線、粉麵的製作過程非常簡單，通常只需要將食材和調味料一起煮熟，再加上米線或粉麵即可。這種簡單的製作方式使得港式米線、粉麵成為了一種非常方便的食物，可以快速地準備和食用。另外，港式米線、粉麵的味道也非常美味，調味料通常使用醬油、魚露、蔥、蒜、辣椒等等，這些調味料能夠為食物帶來豐富的風味和口感，讓人在品嘗時感到愉悅和滿足。總體而言，港式米線、粉麵是一種非常美味、豐富和方便的食品。它們有著豐富的口感和多樣的風味，而且製作過程也非常簡單。如果你想要品嘗一種道地的香港小吃，那麼港式米線、粉麵絕對是一個不錯的選擇。…查看更多

覓食土瓜環，從未試過呢間！因為見到門口其貌不揚，照入去試試睇下有冇驚喜，一碗麵都冇點過，點咗豉汁魚腩、豬手汁芥蘭 ! 正😄芥蘭夠爽身，唔會好似其它麵店淥定擺喺到或者淥到過哂攏 ! 明嘅⋯⋯蒸魚腩好難蒸得差，但我係試過好幾間係幾差⋯！呢間魚係幾新鮮，味道都好好，第二日再幫襯食埋果皮泥鯭⋯⋯⋯都正👍🏼…查看更多

有20mins 得閒食個tea ， 門口見到個豬手麵幾靚，就撞左入黎試下～ 完全超出我預期， 個竹昇麵好爽口， 豬手夠味， 湯底都好有南乳味！ 後尾加少少辣油試下， 又多左d 層次！ 推介！ 希望竹昇麵唔會失傳啦！ …查看更多

亞仔在附近打波，我地2公婆就系附近睇吓有咩食，這間麵麵棧除了有麵，仲有生滾粥，麵身彈牙，平時麵檔好少有的 豬雜麵 鵝腸麵豬心麵等等都有得食，今次我食鹅腸麵，麵身彈牙，鹅腸爽口我老公就叫牛腩麵，牛腩就麻麻地炸錦鹵雲吞正常…查看更多

今日喺土瓜灣返工，lunch搵啲好嘢食，畀我發現咗一間隱世麵檔，當然要post下啦。麵麵棧原來係一間老字號嘅點，裝修唔算突出，但勝在夠懷舊。佢個menu好多選擇，最後我點咗個炸醬麵，諗住都係普通嘅炸醬麵點知超級好食非常正宗，個麵好彈牙，啲炸醬味道好濃沃好突出，用埋啲麵食簡直係一，加埋個好甜嘅湯，真係不得了。環境質素🏚：❤️❤️❤️❤️❤️衛生程度🧽：❤️❤️❤️❤️❤️美味程度😋：❤️❤️❤️❤️❤️💗抵食指數🤩：❤️❤️❤️❤️❤️💗回頭指數🤩：❤️❤️❤️❤️❤️💗一向對啲民間食物有好感，所以有三個爆心心，真係好好味一定會返轉頭食💯💯。…查看更多

之前看本網，見到高山劇場那邊有兩間七囍小廚，亦都路過看過一次，不過那邊沒有什麼如餘慶，於是有次，路過欣榮花園附近，才發現原來這間麵麵棧，除了普通茶餐廳粉麵飯，還有白灼豬什、鵝腸等等。可能由於這種食品屬於即製，製作需時。大大碗鵝腸拼豬什米線，上邊有塊大塊的青蔥，切成絲，如果那些蔥絲更加幼身，而且彎道更強的話，買相就更加好。鵝腸份量都不太少，起碼有五六件，中間沒有什麼脂肪或是骯髒物，無論點辣椒油，定還是辣椒豉油，味道都香濃。豬什就只有一件豬肚、兩件豬膶以及豬粉腸；豬粉腸我向來沒有什麼感覺，只覺得是一條粉團；豬潤大片，不過吸了些湯的味道，感覺不夠清純，但還是夠大夠面還，當然和深水埗那間厚切豬膶就差一點而已。:)雖然配中式麵條可能會比較配合，但還是喜歡吃米線多一點，米線份量偏小，還算是有點兒彈牙，是新鮮即製麵條的手工，整個麵配合起上嚟都相當不錯， $42沒有包飲品，也不算特別昂貴。…查看更多

土瓜灣麵店主打手打麵條，牛腩看起來很好吃，所以點了一碗牛腩麵。麵的份量不多，男生應該不夠吃。但是麵條很有口感，爽身有咬口，正宗手打麵的味道。至於牛腩，份量意外地挺多。牛腩脂肪很少，牛肉煮得軟腍又不失口感，不錯。很local 的麵店，食物不錯，沒有味精，經過附近的話會再來。…查看更多

襯住而家去土瓜灣咁方便，老舖價錢又未大轉變，我哋今日嘅晚飯就決定嚟試下位於土瓜灣嘅「麵麵棧」啦😘。第一款先叫咗最多人食嘅「南乳豬手撈麵」😋。首先要提嘅係招牌豬手🐖炆到又冧又入味，冧嘅程度近乎用筷子就可以骨肉分離🤗，而南乳汁味道亦非常特出，微咸微甜，同時帶有少許酒香， 配埋軟硬度適中爽口嘅竹昇銀絲幼麵伴南乳汁一齊食簡直一絕😝。第二款係「沙嗲牛肚湯麵」😌。牛肚煮得爽口，麵身軟硬度亦適中，值得一提嘅係佢哋大地魚湯頭鮮味充足，作為牛肚麵算合格👍，但失敗在於我哋叫咗湯麵，沙嗲味俾湯底沖走曬，食唔出沙嗲味之餘令到湯底變得太咸🤣…查看更多