麵麵棧

土瓜灣算是多餐廳的一條街，有不同種類既選擇，呢間舖門口不是特別吸引，以為只是普通麵店。店舖內貼滿飲食推介、報道，即刻叫返碟豬心！第一次食，好少係麵店叫豬心。 呢度既食物好新鮮，質素高，沙爹牛肚麵湯底濃濃，牛肚夠爽 店員應該睇得出我係第一次光臨，因大部分都係熟客 街坊，所以店員都特別推介不同菜式，服務態度好好！聽聞呢度出名既係豬手麵，但係實在太多野想試😂所以下次會再試下豬手！呢度都有午餐set 抵食之選！…Read More

白天吃了不少东西，饱饱滞滞，本来打算晚上不吃东西，让胃肠休息一下。路过这家面店时看到它其貌不扬，也没有吃东西的衝动。很快被这宣传海报吸引着，除了价钱实惠，还有注明是手打竹昇面。马上改变不吃东西的念头，进店尝一下。餐牌不复杂，都是一般粥粉面店的食品，价钱大众化。最初以为这个价钱只有三至四粒云吞，吃着原来有五粒。云吞内起码有二至三隻虾，再加上猪肉，能吃出鲜味。 至于一心想吃的面，没有枧水味，而且爽口弹牙，吃时加少许浙醋，会更好味。一个性价比高的消费，下次再去。…Read More

我幫襯了這間店舖已經有十多年，這裡的竹昇麵做得非常之好，入口彈牙，另外他們的豬手也炆得非常之入味，嫩滑有口感，絕對是他們招牌菜式。另外，我也極喜歡這𥚃的牛腩飯，牛腩炆得香濃入味，也是我每次到這裏的另一個必選的菜式。還有我也很喜歡他們的麵食，特別是黑柏葉鵝腸麵，這是我太太至愛的選擇，還有其餘的雲吞及水餃等等，都做得非常出色，所以我一直支持他們十多年了，老闆兩夫婦做事非常勤快，充滿街坊的人情味，絕對值得一讚！聞說這間店舖和深水埗那間名店劉森記有親戚關係，我當然也嘗試過深水埗劉森記的麵食，發現這間店舖一點也不遜色，希望他們繼續努力，繼續保持著上佳水準！…Read More

趁清明節放假，我跟好姊妹入住土瓜灣8度海逸酒店兩日一夜 Staycation！ 我們這兩天走到土瓜灣一帶尋找美食，當是兩天香港美食之旅吧！食了兩次下午茶後，我們的晚餐簡簡單單就可以了！:)土瓜灣馬頭角道的竹昇麵店 <麵麵棧> 食竹昇麵！ 保留傳統口味的手打竹昇麵！店內貼上師傅的做麵功架相片，既有氣勢又具代表性！由於，COVID-19 新型冠狀病毒肺炎疫情之下，為保持社交距離及限聚令限制食客人數，就算店內堂食，有部份餐桌也不可以用！供應：撈麵/飯、湯麵、小食、特色推介、飲品...等！蜆芥炸鯪魚球 併 炸錦鹵雲吞 $38即叫即炸熱辣辣！蜆芥炸鯪魚球都幾彈牙，蘸上重口味又鹹鮮的蜆芥醬，別有一番風味！雪白墨丸麵 $32白雪雪的墨丸，爽口度一般，湯底香濃，用上手打竹昇麵，麵質的確好彈牙，令我滿意！郊外油菜 $16我總覺得住酒店，會缺乏水果蔬菜，出街食是最好的選擇！蠔油提升不少口味！…Read More

今日去麵麵棧試左佢嘅牛筋腩水餃撈麵，幾好食但無咩特別，水餃正常牛筋夠林，但牛腩就un左啲，並不如啲街坊講到咁正。另外呀姐推介我食碟腐乳通菜，咁咪試下囉，$16細細碟，不過都好味嘅，配腐乳嘅通菜都吾會吾好食啦！😆環境睇落都正正常常，不過都好多蚊下，我好快趣食完碟麵，但都被蚊針左兩達，衛生情況有待改善。…Read More

幾時都話隱世高手在民間，唔理食材貴或貧（或者係定價高與低），只要能夠捉得住食客得胃就係好西啦😋😋😋麵麵棧就係貨真價實的高手之一，呢度既麵仲可以保留返傳統口味，手打麵。對於步伐急速既社會，「手造//手打」已經係少之又少。除左時間，仲有最重要既係heart... 好品質既野幾時都係唔會out ge 不二法門，所以吸引左唔少食家//雜誌前來採訪。唔好以為有名氣就會吊高黎賣，呢度湯麵🍜大概廿幾至三十幾蚊已經有交易。我就最愛食：柱候牛腩麵$32: 每次都有牛腩又有牛根，湯底真材實料，又有香香既果皮味，火喉十足。最後，重點既麵底。份量雖然少左d, 但麵質彈牙又爽滑，正👍🏻👍🏻…Read More

還記得多年前在公聯會學野的時候，那一年麵麵棧剛啓業，偶然間發現這間麵店很好吃，查證下，才知道他是劉森記的二公子，之後番學，久不久都會過來吃⋯⋯每每到來，都會見到街坊門外啤酒、豬什，相當逍遙自在。:):)很久沒有到來，發覺多了很多張劉師父做麵的功架照片，相當有氣勢。每次過來吃麵，無論何時都見到老闆在舖內，由櫃臺至㕑房，事事也親力親為。曾有段日子愛上了這裡的蝦子撈麵。打開餐牌其實有很多選擇，包括生滾粥、湯麵、撈麵/飯、小食等⋯⋯還有特色推介，尤其那豬什、鵝腸、黑柏葉和蜆芥鯪魚球，每每都俘虜了啤酒一族之人士。由於已很久沒有到來，今天中午時份，又不是太肚餓，故此點了豬手湯麵，筆者很喜歡這裡可以將豬手分開上，雖然只得兩件豬手，但竹昇麵才是這裡的主角。爽韌度有口感豬手不會過腍，有𡁻頭，每每吃得津津樂道，之後就發現那豬手骨碎濕濕，吃得乾乾淨淨。筆者不大愛辣，但那辣椒油配那竹昇麵是相當夾檔，大家頗此互相配合，擦出愛火花。…Read More

以麵館來說，上食物時間很久，每次都等著10-15分鐘。點了雲吞麵及水餃撈麵。湯底很重味精，食到一半已很口乾。撈麵麵餅痴埋一舊。麵跟雲吞只是不過不失。服務態度很差，衛生也不濟，會給別人用過的碗給別人用。…Read More

探朋友至會特意走來土瓜灣這區，交通仲未好完善，始終沙中線都未開通，不過朋友話呢區其實有好多好好味嘅食肆值得一試，呢間麵麵棧絕對係值得一試嘅，今次比較貪心，叫了牛腩和豬手(都很馳名)，要試真章，梗係試撈麵啦！又唔係好重鹼水味，的確不錯。另外叫了一碟芥蘭油菜，我見餐牌寫1x元，但張單就寫10元，應該下午當餐跟碟菜所以平啲。總括來說~抵食，好食。有質素嘅牛腩同豬手，其他就有待下次再試至知好唔好味，不過應該要來多幾次，因為仲有粥品都未試…Read More

我係一個文字腔，同時最期待食到好野但有一點就係認為一間餐廳唔需重複翻食因為係雲雲美食裡 你可以留其他機遇去發掘新美食會比重複食果樣野更滿足！咁先有追求嘛我男朋友好怕問我食咩⋯⋯我通常都有好多選擇想去試 。Openrice 既account開左好多年從未有過食評。我私下啲朋友反而會見到我ig同fb不時有評語推出紛紛都話你 你咁執著 唔做美食blogger曬晒。月復月日復日，就咁渡過左。原因係我懶係自己ig打 唔需要逐樣去選項。同埋只係主觀做自己，唔洗客觀分析慣常我只會係openrice 搵新餐廳 逐篇食評禁入去睇評語同相+價錢慢慢發覺自己用openrice既量少左我同時會選擇用ig 去Search啲網友最新update既美食相因為openrice我都中伏過幾次，起碼ig fb大家唔會專登post食評去呃分數有辣有唔辣啦！當然某些宣傳手法亦例外。今日，有咩 驅使我事隔幾個月 開啟我「開飯喇」之門因為一碗豬潤早兩日食完大有名氣既維記咖啡粉麵之後我給予既分數並唔高反而只係覺得 湯夠熱 麵唔易發脹⋯⋯唔係差～只係未夠好 如果雷聲大雨點小黎形容維記相信你地食到我心目中no1既豬潤唔會相逢恨晚。係2018年7月9號既時候（依家先打 係咪有啲過份😂😂😂）我同男友去8度酒店兼泳池 慶祝紀念日首次踏入土瓜灣既土地原來有好多美食㗎去食出名豬手麵時發現隱世美味既「豬潤」新鮮度唔需要多講 面頭有兩個氣孔厚身得黎 帶爽嫩彈牙 既質感不知道是否潮式做法附帶碟辣椒豉油我完全忽視左碟野因為原汁原味無可取替。佢有豬潤粥豬膶麵或者新鮮焯豬潤既菜式如果你愛好豬潤都必定要試！ 始終豬潤係內臟部分要早啲去先有新鮮豬潤食去相吧！一碟好菜式 足夠去回味去轉發去推介。當然人人必點既南乳豬手都係 夠入味得黎唔覺咸又軟淋加上骨膠原蛋白豐富 正呀！豬手係男友食佢好中意，平時佢有食開太子 民華餐廳既薑絲豬膶麵佢話好surprise 無得比。提一提 呢度啲麵係劉森記個仔手打既我印象一般。Anyway 呢間係平民食物黎講如果我住喺附近就正 絕對係飯堂有機會要返兜食豬潤 同柱候牛腩飯…Read More

身為土瓜灣既新街坊發挖呢個社區既美食一定唔少得類似麵麵棧呢d粉麵粥舖有唔少但麵麵棧就一定係我會返轉頭再幫襯既一間首先一定係食物質素一直都保持水準睇到舖頭入面痴滿晒老細攞獎既相同剪報就知喇雖然老細攞獎既係南乳豬手麵但其實我次次黎都係食粥皮蛋瘦肉粥 $20豬心豬潤粥 $30豬潤夠晒爽！上湯浸豆苗 （我老公連湯都飲埋)原來老細係深水埗劉森記既次子因為唔想靠父蔭所以自己另開爐灶(我都係食緊飯睇剪報睇到)作為深水埗劉森記既 fans下次我要黎試佢既蝦子撈麵!…Read More

見openrice食評吸引，所以今日黎開土瓜灣決定一試，真的口味實在人人不一樣，這算是我選了失望之晚餐簡簡單單晚餐🙈要個薑蔥牛肉撈麵黎到既見以為係鮮牛肉就覺得好正，第一口原來係我最厭惡用好多鬆肉粉調整過既牛肉，肉變曬質感，d肉之後我完全無再食，再試下個麵只一句只食到油，但無咩味，又唔香，之前食過的撈麵好香煎香生油味，咁多油都無香味，可以講原全唔岩我口味，不再有下次如果大家喜歡鬆肉粉整既口感可以試…Read More

係呢頭上堂， 一直想試呢間麵店， 因為見好評比率都幾高，又話係小店，所以來試一試。雖然d 人多數推薦豬腳同牛腩麵，但我今日想食牛筋， 所以叫左碗牛筋麵落單無耐，個麵好快就上了個樣好似唔錯，有4件左右的牛筋， 第一啖牛筋牛筋煮得太冧， 完全無QQ 黏黏的口感，差不多爛曬的感覺麵， 咬落去， 我以為未煮， 好硬， 唔彈牙。 至於個湯底🥣， 睇個樣都幾濃， 但因為我食完個牛筋同麵，已經大失所望，所以都無心機細心試真個湯底，不過個陣超強油膩感就記憶尤新…Read More

麵麵棧在土瓜灣，已經差不多有拾幾年歴史，我每久不久吃一次，它稱得上是我的飯堂。這裡是傳統雲吞麵鋪加粥類食品，最近更加多了一些小食迎合遊客。我比較喜歡吃的是牛腩飯$37，這裡的牛腩是柱侯式做法，牛腩肉腍帶點丁香味。我喜歡加點辣辣油增加味道。…Read More

公司附近有很多食肆，而差不多所有麵食都會光顧，這間麵麵棧是其中一間幫襯得比較多的，因為每當我好忙而又肚餓時，總喜歡來吃一頓快快吃完的晚餐。😋😋😋店內裝修以綠色為主，座位大約有廿幾叄拾個，牆壁上有之前，老闆參加美食大賽的報導，所以它的竹昇麵是有保證的。這裡主打雲吞、豬手、牛腩，亦有生滾粥和其他小食。今晚點了牛腩撈麵$36，牛腩以柱侯炆煮，肉質偏腍，吃落都幾入味，另外加了蠔油，因為我喜歡吃，蠔油加上牛腩汁，味道非常好。…Read More