麵麵店 (已搬遷) 新店位置

我因為住附近,所以成日都會叫麵麵店的外賣。佢嘅酸辣手絲雞米線好好味,而魚春卷都好好味,食麵一定要加菜甫,因為d菜甫真係一流

ｄｆriend話呢度d咖哩同沙律好鬼正,咪同女友試下囉****又估唔到車仔麵都有咁多野食架喎!!!試左咖哩牛腩飯,真係好好味,沙律超正,全部新鮮水果,老闆仲話食沙律要早d黎,因為日日清////咁既價錢同水準正呀!!!!!

間舖係白加士街街尾，面積唔大，唔留心唔太易察覺。見到店名叫「麵麵店」，當然就試下佢既車仔麵。晚上有24蚊四車仔麵餐，送杯五花茶(幾大杯下)，都算幾抵。同個friend每人叫d唔同既，樣樣試下呀麻!叫左炸燒賣、魚旦、豬紅、蘿白(幾甜)、雞翼(好普通)、鯪魚肉(都幾滑)...等等... 麵底選擇幾多，有泰式金邊粉、烏冬等，比一般車仔麵店多。碗麵加左特製沙爹醬，都唔係好辣，香又唔係好香，都係新記車仔麵好食d!註︰我食完碗麵仲係度睇哂套大長今，老闆都冇趕我地走!

麵麵店我一向都有幫襯開﹐自從裝修後都食過幾次﹐但有一些關於衛生方面的意見﹐希望店方可以注意一下。我最近跟同事食過幾次﹐飲豆漿個杯都唔乾淨﹐一次就濕撻撻﹐似洗完未抹就即刻再斟豆漿﹐另一次就仲過份﹐杯入面有咖喱油﹐明顯未洗乾淨。相信上面的只係個別事件﹐但如果店主或員工見到呢一段意見﹐請留意一下衛生問題﹐雖然麵麵店受歡迎及午市較忙﹐但衛生係食肆經營的一部份﹐希望麵麵店唔好忽略左呢樣野。要明白﹐堆沙成塔不容易﹐要摧毀卻不難。唔好為左節省少少時間成本﹐影響左食客對自己的印象。

上星期夜晚去食7點幾去到唔係咁多人唔使等位叫0左兩碗麵0的送幾好~. 個賣相好好~唔會好似好「企理」叫0左個醉雞翼幾好味!食哂仲追加多一碟!!

星期六放工專登搭車黎去到已經差唔多２點好多人企哂o係門口原來o個o的人係等外賣企左兩個字終於有位成間野坐滿哂～都幾迫叫o左兩個車仔麵加碟醉雞翼等o左３個幾字都未黎所以吹吹佢o的人都好有禮貌真係會同你跟下張單o的送同上次食差唔多不過今次試左個蟹子丸好好味！個醉雞翼就好似差０左．．．因為唔太熱～值得一提係０個度既服務其實已經唔差不過人多時好多野都會亂而且得一個人煮麵０係人多時就唔多夠～

叫左一個車仔面,一個沙律同雪梨茶一杯......車仔面雞翼算大,碗面大細適中,墨丸兩粒,湯底係冇乜味既...總之味道普通,食完唔可以話好好食,但係又唔會話佢\難食咁囉,個人認為冇上面d人講得咁好,可能我地冇試咖哩個d啦雪梨茶馬馬地,好似凍既湯,本人最憎,早知飲豆漿..環境一般,唔靚,不過個toilet竟然幾乾淨....d侍應幾有禮貌,幾nice..有幅相影左俾人睇...............係車仔油面

食得辣就可以叫來試, 我個friend叫咖哩豬扒飯(大辣), 食到出哂汗, 老闆娘見到佢食得完一碟都讚佢勁, 仲私人送兩杯五花茶俾我地.我就叫車仔麵(唔辣), 另外叫南乳雞鎚, 3隻$5, 都得嫁

煎釀三寶,炸燒賣必沾*佢, 豬頸肉撈麵又要*佢,台式肉燥飯唔少得*佢除左自家製辣菜脯,沙爹醬, 佢既豉油都係重要的.雖然每次食完都覺得佢d 豉油勁重味精同口渴,但係又的確好鬼好味。【服】字

其實都想試好耐架啦,不過因為佢比較街坊店,所以好多時都唔記得去,佢個環境係差d,都有一兩隻蒼蠅係度fly, 不過算啦,佢d野又幾好食我叫左個咖哩豬扒飯連黑芝麻豆漿$25黑芝麻豆漿都好大杯喎,都幾多芝麻係裹面,都幾好飲咖哩豬扒飯就真係好好味,豬扒都幾好,不過最正係d咖哩,連埋d溶溶地既薯仔,我覺得好好味,好大碟飯我竟然食得晒....佢d咖哩唔係話辣個隻,不過我就食唔停口bf就叫左車仔面,佢要油面+大腸+魚蛋+午餐肉+沙爹$18d沙爹都好好味,再落d菜甫又係一絕,我bf話佢d菜甫都好好食,同車品品有得揮唔,我諗佢都好似車品品咁d食物有水準....

前日中午食左牛腩咖哩飯，好抵又好好味，大約＄２０就有一大碟飯加一大杯野飲，０的咖哩飯好好味，都算夠辣，另外都食過醉酒雞翼，都好好味，好有酒味，另外車仔麵都好正！一有機會會再試！不過唯一唔好就係環境唔係咁好．．．

2/9下午5點，我同小熊叫了幾款set懷舊民間粉仔餐$15-裡面有ｄ蝦米，咸豬肉，冬菇同粉仔，ｄ粉仔林左ｄ，味道ok啦．跟餐有飲品要了芝麻豆漿，飲頭幾啖真係覺得好淡好淡無嘜味，之後飲到中間到至有芝麻味同見到好多芝麻係底．栗米魚肚羹餐$16-味道都幾好，跟餐有五件煎釀三寶，係即叫即製，熱辣辣好好味．另外叫了腐乳炸雞鎚$5/3件，味道就唔係好覺有腐乳，不過都ok啦．lee到野食都ok,價錢真係好平，但衛生就好麻麻，有ｄ蒼蠅飛來飛去，小熊仲話見到個女仔拿住一盒肉走去洗手間門口問另一個同事擺去邊，當時我地真係有ｄ驚唔知食完會唔會肚痛，好彩都無事．

d炸雞翼好好食~d奶茶好好飲飯類又好味~(菜保)就一定要買返支返home啦~太正了^^總之好好好食~未食過要試下啦~一定會愛上的

知道喱間小店都係因為老婆大人既工作地方係附近。幫襯次數真係不下數十次。原因好簡單：因為老細係一個「有心人」丫嘛！事事盡心，時時有新菜式！並且足料好味！個人推介包括：魯肉飯、各式咖哩飯、蛋沙律、黑芝麻豆漿、粉仔、雞槌，當然佢地既車仔麵都唔可以錯過啦！

呢間麵麵店當然係食麵同周邊既小食啦~店雖小，但人流多...外賣電話響個不停...唔信可以去睇下，聽下XD...堂食同外賣都係同一個價錢，醒比大家：入去食野唔好唔記得嗌"有餡雞翼"呀~!! 食過既人應該知道係咩餡囉，哈哈，其實好易估既姐，不過我覺得閣下去食果陣咁問：有餡既雞翼<--會"哥仔"D ，哈哈!! 好唔好食試下咪知囉^_^ V ；唔會老點你既!! 多謝!! 多謝大家!