麵皇自家麵

營業中

休息中

行過長沙灣元州商場，見到新開自家麵...等我試下先餐牌望落去價錢偏貴...雖然係手打麵...又有得選擇湯底而個餐牌感覺有啲似日式拉麵風格但見到個餐牌D麵嘅配搭就諗起大家食同埋譚仔...有一種比下去嘅感覺環境都算新鮮，有人像畫做背景花草盆栽掛牆加上米色磚感覺舒服秘製豬軟骨手工麵$65中麵酸辣湯底味道有啲似譚仔小麻辣嘅味 ，原來中麵都係扁麵黎秘製牛展手工麵$68麻辣湯底 粗麵呢個湯底直頭係譚仔麻辣味肥牛手工麵$48胡椒湯底 寛麵呢個感覺還算新鮮，寛面夠粗口水雞翼$38本人感覺一般般總括嚟講要用呢個價錢食相近似嘅嘢，我會食返譚仔

平時行過見都算多人食，先諗住試下點知。。。中哂伏湯底唔知似乜 酸辣湯底唔知點解油到好似變左麻辣湯咁 賣相差唔緊要，飲落去仲有種臭味 嘩 真係未食過咁難食既麵，兩啖就掉左！想做勇者王可以試試挑戰。

呢間食店已經開咗一段時間，之前係冇乜人嚟嘅，突然間呢一兩個禮拜見到好多人排隊！今日下午三、四點行過，見冇咩人就入去試吓啦地方整潔！筷子、匙羹都係乾淨嘅！員工都有禮貌！不過煮一碗麵需時都要10幾分鐘！肥牛糊麻麵，本身係要中辣嘅，不過侍應話中辣，都好辣，跟住我就改咗小辣，果然小辣都幾辣，啲湯係幾香甜嘅，比起三哥啲湯會好味啲！呢間啲麵全部都係自己做嘅，但係啲麵比較淋，一D都唔彈牙雖然係＄48一碗麵，但係啲面都好多架

發現新開左間麵皇，睇落唔差，又係時候試新野，今次又係食完又食，2次夾埋一齊寫食評。第一次食要左滑雞金菇，寬麵（最粗嗰款），麻辣湯底滑雞的確幾嫩，麻辣湯底唔錯寬麵都好咬感，但一條條直紋，感覺係用機器造出來咁整齊，不過都好味就係。第2日再去食多次，原本要豬軟骨，不過等左陣先被告知賣晒，要重新點餐，唯有再食過雞肉，但其他就揀生菜，中麵，酸辣湯底，中麵比寬麵軟身一啲，會更易入口，酸辣味道都唔差，紅卜卜但又唔覺太辣。備註始終旺區舖租貴，座位都幾逼下，最好唔係繁忙時段食會好啲。

剛去試這間麵店，環境不錯，員工幾好，後來要了一個薄片羊肉寛麵，胡椒湯底。但麵質一般不夠煙彈牙，唔似人手自製，似機製所做，而且胡椒湯又唔辣，大失所望。下次都不會再試。

以自家麵做招來， 裝修光猛，入去試下先。 餐牌配搭頗多， 麵條有粗幼選擇， 問問店員有乜分別，佢話同一個麵團出嚟， 咁即係邊樣襯啲呢？佢專業嘅意見就 係冇意見嘅😆😆~薄切羊肉手工麵 $55~ 搭上胡椒湯底及寬麵， 湯底不算很胡椒但飲得舒服 😄， 薄切羊肉 就係打邊爐嗰啲啦，沒有騷味， 麵條有口感不算十分煙韌， 比普通麵條更能吸收味道，很香 😄😄手撕雞涼麵 $46~ 配酸辣汁及幼麵。 個麵一上枱嚇死我，真係好大碟， 不論係配料同麵都好多 ，成座山咁， 足夠兩個人食 😂😂 麵條纏在一起，經過一輪撈撈撈終於都暈啦~ 涼麵比起湯麵 麵質更彈牙 😍 醬汁配得微酸有麻醬，配上青瓜口感清新， 手撕雞不算很嫩滑但真的很足料 😘酸辣木耳 $29~ 這個真的是剛剛整好因為完全唔入味， 唔鹹唔酸，淨係有辣有的辣， 簡單來說就是無味 😂😂😂雖然酸辣木耳好清淡 ，但係涼面又真係做得幾好，可以再食呀 😋飢Point : 7/10#hungermarch #飢詩 #非飢詩

是日晚上9:30 去叫豬軟骨湯麵，問及店員已經講明有大量豬軟骨，等待途中，聽到店員話冇，再三詢問，店員冇回覆！等左20 分鐘先同我講冇！ok , fine , 叫我轉其他，冇乜咩選擇下，我唯有揀左牛𦟌。麵到左，職員亦換埋我張單！佢夠膽收我差額！佢敢收，我敢比！不過冇下次幫襯，亦都希望各位唔好中伏！咁樣做生意，我祝佢好運！果位伙計，你要計到咁足，我希望你出去食飯唔好冇貨。。。因為冇一個客可以接受到你地嘅服務！不知所謂！

本人居住佐敦，見到新店開張，仲叫自己麵皇，以手工麵為賣點，當然要一試打開menu見到價錢頗貴已心知不妙，但既然已坐下，即管一試吧叫了秘製鴨胸手工麵配胡椒湯底食物來到後嚇了我一跳，索價55元的麵食竟然連些許配菜也沒有，真的只有鴨胸和麵心想，可能食物質素極高，才有此信心立即一試湯底，胡椒味很重，但味道偏咸，不對我的口味再試麵條，頗彈牙，有點粗幼不一，麵質方面沒什麼研究，覺得還好再來是鴨胸，可以說是驚為天人，所謂秘製鴨胸原來只是白烚，毫無調味，而且肉質粗鞋，實在不知是否小弟中文太差，不明白秘製一詞的用意？還是因為從未有人以白烚鴨胸奉客，所以視為秘製？如此味道，如此價錢，實在沒有下次

本身已經知道它價格偏貴，但新開業不久，始終都想搵機會入去一試。總覺得，有自信將價錢標得這麼高，應該會有過人之處。心中帶住一點期待、一點擔心就進去店舖。型式與譚仔有點相似，一個底再加配餸，麵底、湯底則有些少分別。但是價錢卻比譚仔貴不少。假如點一個「秘製牛展手工麵」不加配料已經要$68。配料「豬肉」要加$10，「鮮牛」要$15，「豬軟骨」甚至要$25。換言之，「秘製牛展手工麵」加配料「豬軟骨」，不連飲品已經要$93，十分誇張。餐廳其實還有提供小食，但沒有嘗試過，不作詳談。由於第一次嘗試，「平平地」點了一個滑雞手工麵+牛柏葉+胡椒湯底。胡椒湯底的味道比想像中好，不會太辣，與平時的胡椒湯差不多。只是，雞肉、牛柏葉同譚仔根本分別不大。手工麵選擇了「寬」，口感十分煙韌，還過得去。不過懷疑不是手工麵，是機造。味道其實還算過得去，不過價錢的確有點偏貴，對比起來不太值。

新的餐廳位於佐敦，主打自家麵。連續兩個晚上都去了吃，星期五那天剛剛不用輪候，而星期六就需輪候一張檯，可能是假日，加上餐廳的人流也不少。餐牌左面有10款基本的麵食，先選擇你想要的配料，然後再選擇麵底⋯有4款 幼、中、粗、寬。 以我所見，幼和粗是圓麵而中和寬是扁麵類。選好麵底跟著就是湯底，一共6款，分別是 原味、酸辣、麻辣、胡椒、胡麻和麻酸，再有小辣至超辣5種辣度，非常多元化，可以跟著自己的喜好去選擇，還可以追加配料。（$55）秘製鴨胸肉⋯麻辣湯小辣再追加（+$25）配牛𦟌。（$46）鮮牛肉⋯麻辣湯微辣幼麵再追加（+$6）生菜，幼麵比較似米線的粗幼。（$43）豬肉⋯麻辣湯小辣粗麵再追加（+6）芽菜，粗麵比油麵粗一點點。（$48）雜菌⋯麻辣湯小辣中麵，像雲吞粗面的粗幼，沒有河粉的粗。同樣是（$48）雜菌⋯麻辣湯超辣寬麵，比河粉更寬。小辣跟超辣湯底的顏色比較！（$48）肥牛⋯酸辣湯粗麵。這裡的手工麵都很有嚼勁，其實麵質都一樣只不過形狀不同，迎合不同客人口味。而那個湯底只試了兩款，個人認為酸辣比較遜色，比較欣賞麻辣湯。麻辣湯非常麻，不是非常辣，小辣湯吃一碗，整個咀巴麻得在不停震，超辣湯吃一口已經

今日經過佐敦見到有「手工麵」新店、身為「麵痴」梗係要即試....中伏！😳***麻辣牛肚硬掘掘、唔麻又唔辣、咸味又未夠 😳秘製牛𦟌（中麵）原味清湯、牛𦟌有我（個人）唔鍾意嘅孜然味、湯頭只有鹹味又過咸完全沒有所標榜的鮮味、麵過淋完全食唔出係手工麵！😳終於成碗麵冇食、因為湯頭實在太鹹！淨係帶走麻辣牛肚、返屋企自己再調味！😳總結：此店不是我杯茶😳😳😳是日午餐：麻辣牛肚秘製牛𦟌（中麵）原味清湯

見到這店開業一段日子了，都算座無虛席，以佐敦這麼多食店，有如此人流，也算不錯，可能新開而且店內不是大，大概20-25人左右，所以去試試看。餐牌全是麵，少吃有少量如青瓜、木耳、豬耳、牛𦟌等。而麵的選擇，有4種：寛、粗、中、幼，湯底又有6種：清湯、酸辣、麻辣、胡椒、胡麻、酸麻除了原有的餸，還可追加其他配料，$6-18不等。而原有的選擇，大致分為牛、羊、雞、鴨胸、菇菌或豆腐，還有涼麵適合各人喜好。我叫了蜂巢豆腐加牛柏葉粗麵，清湯底，另外一個是博切羊肉加芽菜，胡麻中辣湯底。麵質彈牙，似手打麵，清湯最宜試到水準的，不過沒有特別，但尚算不多味精而胡麻夾著胡椒和麻辣頗新口味，味道也不錯👍如果餐牌多加配料和小吃美食就較吸引