麵屋豚豚拍子 x 辛味屋 (已結業)

今日自己一個過來寶琳做野, 想食個快飯, 見到有新野就試下．大概兩點半來到，見到有下午茶餐牌，三十幾蚊起，都好平下．間餐廳有好多餐牌，花多眼亂，最特別係供應下午茶同時又有午餐可以叫．問侍應姐姐午餐同下午茶有咩分別，佢話午餐分量比較大，由於我都比較大食，決定叫午餐便當．便當有幾個選擇，我叫左B餐，有燒肉同燒鯖魚．燒肉幾好送飯，燒鯖魚好香口，而且份量都幾多．$68有兩個主菜，而且分量又唔算少，最適合我呢ｄ三心兩意ge人．題外話，呢ｄ燈幾靚．

新都城開左好多新食市，Lunch time梗係要續間試，今日輪到呢間！ 午市唔洗排又有幾張空枱，抱住一試無妨既心態入去啦，入去諗住坐低，有個店員叫我地襟飛，黑人問號！心諗：襟咩飛呀，有位啦都！ 唔緊要，襟囉，襟完佢又即刻叫我地入去，真吹漲，咁就浪費左張紙🤷🏾‍♀️Anyways....Menu 係多選擇既！ 啲相都好吸引🤤 唯一唔 好就野飲要加錢囉，加加下就唔太抵喇！食物質素，同個menu有少少不成正比。 價錢高吉xx，味道就一般咁囉。 但佢始終選擇多啲既。

呢一晚唔知食乜嘢，行過呢間新野，今晚終於都唔係太多人等位，所以都決定等下，見佢啲價錢都細抵食咁🧐等左10分鐘左右就入得去喇，入到去坐低，啲座位都算唔差，但都係有少少亂同埋好似唔太乾淨。 睇咗餐牌好一陣，因為都好似幾多種類，而價錢都真係幾掋咁⋯⋯終於我揀咗個日式麻婆豆腐飯，而我女友呢就揀咗日式咖喱炸豬扒飯。飯到了！全部都會跟個盤一齊，但真係唔太乾淨囉，個盤都好似未抹過咁就再用，我倆都好怕，而我女友超唔鍾意添⋯⋯感覺太唔乾淨😣食物基本上都正常，咁嘅價錢都成正比嘅，不過，我哋已經決定唔會再來！ 同埋都係想趕人走個啲，我哋更加唔鐘意🤨

呢間野食過兩次，第一次新開張食，食物質素及服務態度已經差，念在新開張，所以再去食第二次比多次機會佢地，就岀事了。成枱叫左個炸豬排湯烏冬，炸雞豬骨湯烏冬同炸忌廉。先講炸豬排烏冬，等左半個鐘，其他野就黎食晒佢先黎，食落個湯似係雞湯多過豬骨湯，同waitress講，佢反應竟然係話：餐牌同張單都係寫豬骨湯，所以係豬骨湯。佢呢個湯底我認為好值得拎佢比人驗下有無違反緊商品說明條例，再加上waitress呢種回應同思考方式真係令人好驚訝！再黎一份炸忌廉，好厚皮已經不在話下，入邊仲要係凍嘅🤮同職員講係凍既，個職員諗住拎返入去廚房翻炸碟上最後一舊，我就叫佢同我取消張單，我唔要食翻炸驚廚房加料，成個對話都冇一句道歉，令人失望。最終出到去收銀處， 好心想同疑似老闆講可以改善食物質素，因為食到炸凍忌廉同埋雞骨味豬骨湯烏冬，疑似老闆竟然話佢嘅豬骨湯係冇落骨頭去煲，所以唔會係雞骨，真係好頭痕啊，豬骨湯冇骨去煲成，真係令人髮指。整個對話佢最終都冇一句道歉仲要死撐，有心賺錢同無心經營既食肆完全輕易分辨。建議想食到氣憤既網民可以一試🙂

Another newish joint in town serving Japanese curries and other stuff.Had the mapo tofu which was too sweet for my liking and the spiciness levels were too spicy.You also get miso soup and an appetizer just to make it look like a Japanese set, both not that tasty or memorable like other restaurants.

新都城每日都在改變，不經不覺又開了新店，今日行過，決定試下依間的拉麵，望下個餐牌，同平時d拉麵鋪，差不多價錢，但有晚市套餐選擇，有埋小食，感覺上都幾親民，而且其實飯和定食價錢更抵食。海老拉麵未撈埋d櫻花蝦之前，飲下d豬骨湯，味道都唔錯，豬骨味都足夠，再配埋櫻花蝦，味道就十分濃郁，而且估唔到都有d蝦食下，唔錯燒魷魚筒+生啤燒魷魚筒，燒得岩岩好，中間的肉有嫩滑感，而頭尾因為比較薄，有少少脆的效果，仲有少少燒香的味道，其實因為想配啤酒，才叫多樣魷魚筒食，而食拉麵飲啤酒，真的在日本才會做。

見新都城二期開左間新嘅日本野。次次都好多人排隊，難得今次冇咁多人就諗住試下新野。入座後想落單，叫左好耐都冇人理，明明啲員工係旁邊行過但都扮睇唔到。過左一陣終於有個貌似老闆嘅大叔過黎幫我地落單。筷子好唔乾淨，用紙巾擦完張紙巾係黑色嘅嚇到我要再洗多次先敢用。個炸蠔有3件，但個醬明顯唔夠3件蠔同個椰菜絲。枱上沒有其他的醬汁搭配椰菜絲。問侍應都醬汁問幾次都冇人理。個椰菜非常之苦，苦到食唔到。個蠔還好，已經係今餐最好食嘅野。叫左個炸雞塊咖哩烏冬。個咖哩湯非常稀，有香味但食落就冇乜味。似水咁嘅湯底。炸雞塊就好乾同硬。另外仲叫左個吉列豬排咖哩飯。味道就係超市買嘅咖哩磚嘅味道，沒有特別。反而個漬物就好似日本嘅味道。但有樣好奇怪嘅事，就係個粟米。我地叫左2個餐而2個餐都有粟米。但一個有醬一個冇醬，唔知係落漏左定一個唔小心滴左落去呢。最後令我十分驚訝嘅係杯野飲。我地叫左2杯飲品。一杯係奶茶一杯係咖啡。但望住呢2杯野真係估唔到邊杯先係奶茶。左邊黑到成杯阿華田咁唔講真係唔知係杯奶茶。澀到完全飲唔到。咁嘅服務仲要收加一，以後唔會再去。

唔係講笑，難食到死。咖哩怪味，炸豬扒舊豬扒唔好食，外面層炸漿炸又厚又硬；煎餃舊涵勁少皮厚；拉麵同食即食拉麵無乜分別，係得d雞串叫正常少少但都係凍。仲要賣咁既價錢，試過一次永遠唔會再試，返歸食個即食麵條氣都仲順d。

星期五晚去新都城睇戲, 見到之前係尖沙嘴食開ge豚豚拍子開到來將軍澳。原本係打算試沙嗲王, 但見沙嗲王入客好慢, 最後決定就放棄。呢間豚豚拍子雖然都好多人排隊, 但起碼入客快好多, 見到d侍應係用跑ge, 等左一陣就有位。餐廳裝修都幾靚, 好驚訝好似比以前UCC大間好多甘。叫左個一人餐, 豚軟骨拉麵+叉燒炒飯。豚軟骨好入味, 湯底都飲到濃厚ge豬骨味, 麵身係幼麵, 幾吸味, 同個湯底好夾, 值得推介, 溏心蛋就不過不失。最難得ge係食完都唔見其他拉麵店成尺厚ge豬油, 感覺比較健康。叉燒炒飯都好味道, 不過份量比較少, 但一人餐來講, 一碗麵加一碗飯其實都好飽。老公叫左個牛扒定食, 唔記得影相~ (殘念~) 塊牛扒都幾大塊, 燒得好香口。整體感覺算同區拉麵店抵食之選, 而且好多選擇, 下次可以再encore。

往將軍澳新都城中心購物，呢度食肆甚多，這間餐廳很多人排隊取票，趁熱鬧試吓。鰻魚飯醬汁唔錯，鳗魚夠甘香，飯夠軟滑，份量就太少，麪豉湯稍鹹，侍應招呼同衛生就差D，有待改善。價錢尚算相宜，餐牌選擇也多，所以都幾多人光顧。

🍽炸雞塊豬骨湯鳥冬 $72炸雞塊係即炸 裏面唔會太乾 入口都幾滑但係炸粉太薄 所以完全唔脆個豬骨湯底完全冇味烏冬因為係讚岐烏冬所以冇咩特別📕二人套餐 $208兩個主食+三個小食 無嘢飲🍽燒肉飯啲豬肉唔會太韌 調味類似吉野家唯一優點係多洋蔥🍽普通拉麵就係好普通湯底唔會過鹹 但得兩細塊太硬嘅叉燒🍽自家製餃子餡料都好多 食落就知唔係出面一大批整個啲可能因為啲菜好碎 所以口感比較簡單 雖然係即煎 但係個面都唔脆🍽炸豆腐都有四大舊 都係即炸但比較淡味 即使點咗啲豉油都冇咩味🍽燒牛舌很普通凍冰冰 所以好硬 無味 唔推薦🙌🏻要加一 但完全唔覺得有咩服務🙌🏻整體來講 我覺得係間餐廳買太多嘢食 係有好多選擇 但係每樣野質素可能都唔高🙌🏻所以整體偏貴 唔太值呢個價錢

服務真係五多得，晚市7點半入座仲未坐滿。一直叫店員落單都無人理，身后三四個店員係出菜位唔知做咩，又無菜出但係又唔肯轉身落單，轉身凳背一米內但一直係度扮聽唔到，扮忙。最後叫左拉麵同咖喱漢堡扒飯。拉麵普通水平。漢堡扒分量真係祇有中式湯勺咁大薄薄兩片肉，我明白實物与圖片有出入，但係都唔洗咁大出入吧。早知叫豬扒飯好過。單單漢堡扒而言，不如吃茶餐廳好過。服務又差，以後唔會再去。

星期六放工大概兩點去到新都城，見到呢間店唔係太多人，等左一陣就入就有位。菜單都幾多選擇。我哋叫咗兩個餐，一個係咖喱漢堡扒蛋包飯，另一個係炸雞塊咖喱湯烏冬。落咗order唔夠5分鐘，個蛋包飯就來啦。一見到個蛋包飯嘅賣相真係麻麻地，個漢堡扒好明顯冇煎過，個樣好似蒸肉餅。味道方面，個咖喱汁其實都幾好味，但食落漢堡扒嘅肉質係非常霉的，亦都係冇味的，食左幾啖之後嘅心情，只可以用後悔黎形容。而個炸雞咖喱湯烏冬，賣相和味道都好正常，咖喱湯香濃，讚岐烏冬彈牙，而炸雞塊亦都炸得好香口，肉質嫩滑，整體唔錯嘅。

在門口看餐牌，覺得這間食店好特別，日式拉面店很多,日式咖哩食店也很多,但將兩融合為一的確實少見。札幌拉麵店很多,九州拉麵店也很多,但同一間店可食到札幌及九州拉麵的,就更很少見。本身很喜歡日本文化，呢間食店令我喜出望外的，是他將日式咖哩，札幌及九州拉麵Cross Over, 根本就是"日式食堂"概念餐廳。我們一行2人經過，決定試一試，見門口很多人排隊，原本以為要等很久，只是打了一陣機，就入到啦。坐底之後，隨即有侍應送上3本MENU，分別是豚豚拍子的主MENU/豚豚拍子的套餐及辛味屋的套餐。食物選擇很多，搞到我地心大心細，最後我們決定選擇2人餐，"自選二人套餐"有2款麵或飯+3款小食。主食要左鰻魚飯及黑豚拉面,小食就左串燒雞翼雞軟骨,炸雞肉同餃子。鰻魚飯的鰻魚很大條，味道不錯。黑豚拉面很香口,豬骨湯濃郁,面條軟硬適中,不錯。小食也很大份,串燒雞翼不錯,食得出是即叫即燒的，炸雞肉普普通通但就好大份,餃子亦不錯,好多餡,皮上軟下總結:欣賞背後的用心經營,欲將食物的多元化帶給食客。

商場翻新引人太多新食店了，真係食都食唔切😭呢間日本野一開日日都大排長龍，終於搵岩機會試下佢🤭👉🏿✨吉列豬扒奄列咖喱飯 Hkd 68 💸📌睇相都係第一眼俾奄列吸引左，點知黎到所謂既奄列只係係面頭鋪一層薄薄既雞蛋🤢有啲啲失望呀！不過啲豬排又真係幾脆，配埋咖喱，其實呢3個配搭真係實冇死😆好難唔好食喎～👉🏿✨滑蛋豬扒蓋飯 Hkd 62 💸📌同朋友嗌完其實我地嗌既都一樣🙄btw～兩個飯最大既分別就係有咖喱同冇咖喱汁😂呢個蓋飯黎到係會com住啲豬扒，可能因為咁啲豬扒就會冇咁脆...中意佢啲蛋夠滑！洋蔥夠甜！但係汁太小，食到最飯係乾飯咁濟😑試下都可以既～