麵屋豚豚拍子 x 辛味屋 (已結業)

晚餐俾佢個價錢吸引左，望落相當抵食，一於就試一試佢(月尾係要食得慳啲)！每個餐都配一碟餐前小食同面豉湯，唔要面豉湯亦可以加幾蚊轉餐茶！日式麻婆豆腐飯，其實同中式個汁係有少少唔同，感覺上冇咁油,健康啲，但食物味道一啲都唔執輸，辣辣地好惹味，飯粒香軟豆腐滑嘟嘟日式咖喱漢堡扒蛋包飯，咖喱汁好出色，香得黎一啲都唔辣，唔食得辣嘅人士都可以食！蛋包飯雞蛋香滑，漢堡扒淋淋地都幾好味。餐前店員仲會主動提供小麥茶，好飲，店員效率亦好快，舉手refill轉個頭就到地方亦寬敞乾淨！一定會encore!!!而且仲有好多小食，如果唔係下午茶食咗南x驚食唔晒，一定會試一試，見到檯檯都食點煎餃，真係好吸引呀，可惜肚皮唔爭氣！最後，佢仲有得儲印花㗎，儲夠六個印花就已經有$30優惠券，尼餐簡簡單單都已經儲到3個

假日晏起身，第一餐已經係午餐時段，見唔使等位就試試開張不久的日式餐廳。叫咗兩個午餐，燒肉丼套餐及拉麵套餐C (普通拉麵+自家製餃子)。先講講燒肉丼，份量算大，豚肉量頗多，醃得入味，但有D嚡口，汁料似吉野家燒汁，味道算OK，但最最最其待的流心蛋，說好了的流心呢？！跟圖片有明顯差距吧！當然我明白圖片是只供參考的......套餐跟沙律及麵鼓湯，不過不失。再來拉麵餐，呢個跟到餐牌名喇!!! 真係普通過普通，似超市買返嚟自己煮果D，至於自家製餃子，唔知當佢係煎好定蒸好，係咁咦辣一辣個底，一D都唔脆，但又唔係蒸餃咁熱騰騰，真係唔知點形容。

新都城食肆很多,各國菜式應有盡有,要突圍而出確實不易🤔最近二期開了這間日式餐廳,有便當、咖喱飯、蓋飯、拉麵等等,光看餐牌都令人垂涎欲滴🤤🤤晚市套餐定價合理~餐廳內部座位寛敞,亦設有部分卡位座我們共點了兩份晚餐👫沙律和麵豉湯的部分是相同的~所謂沙律其實就是一小碗粟米加一顆車厘茄配上芝麻醬😂麵豉湯方面我沒太多要求,不過份地咸已很不錯~燒雞扒奄列咖喱飯$68近乎無可挑剔的味道🍛😋喜歡這個咖喱汁不會做得太濃,飯和汁的比例很好,而且還附有一些蘿蔔粒和雞肉粒,令口感更是豐富~雞扒燒得剛剛好,吃下去表層微脆,更有陣陣炭燒的味道😋蛋亦做得非常細滑~~超讚👍親子蓋飯(滑蛋雞肉飯)$62友人表示好好味亦份量十足🤭特別是雞肉非常入味,有驚喜~下次來這個商場的話會考慮再度光顧🙂❤️❤️

星期六的晚上，來到將軍澳新都城的麵屋豚豚拍子食拉麵，這拉麵店原來都有唔少選擇，有拉麵、便檔、蛋包飯、咖哩飯等選擇。這個2人套餐好抵食，除2個主食外，還跟3款小食，都只是$208。豬扒滑蛋飯，整得幾精緻，豬扒炸得好脆、好鬆化，滑蛋非常滑，帶有少少甜味、滑蛋上舖了滿滿的洋蔥，洋蔥好爽口，整體很好食。豚軟骨拉麵，湯底未算好濃，但軟骨味道香濃，鬆化，拉麵的蛋好滑，還有少許流心。吉列蝦，蝦都比較粗身，炸得香脆可口。芝士年糕一咬芝士醬流哂出黎，很濃味。吉列魷魚圈，魷魚圈很彈牙，而且厚身，炸粉較少，很好食。

新開嘅餐廳第一次黎試食原來餐廳可以揀晒兩邊嘅餐點選擇都幾多，有咖哩飯，拉麵，便當等等午餐精選仲可以有一麵一飯或者一麵一小食啱晒多心嘅我😂😂同媽媽揀左一人一款拉麵同小食豬軟骨拉麵配芝士年糕海老拉麵配南瓜薯餅海老拉麵滿滿櫻花蝦，湯底香濃拉麵也不會過淋豬軟骨拉麵，豬軟骨夠入味👍小食芝士年糕夠熱辣辣，不錯！南瓜薯餅就好好味！炸得勁鬆脆，饀料夠甜膩，媽都讚好味！跟餐仲有餐飲咁嘅價錢食過午餐都算係咁，勁飽Ps 臨尾見到人地碟炸雞咖哩餅超大碟！👍

之前新開試完佢既咖喱飯～講過話下次要試佢啲拉麵～即刻帶媽子黎試新野😍👉🏿✨午市自選拉麵套餐 Hkd 69 💸 (包小食📌豚軟骨拉麵加多5蚊～ 佢既豬軟骨都俾得幾闊綽～有成三大舊😍有肉又有軟骨，好好咬，同時骨腸原滿滿呢😀又唔會話太肥～湯底咸度適中，又係會令你飲上癮飲唔停個隻！啲麵雖然係幼身但都好有咬口，真心唔錯👍🏿套餐仲可以叫埋小食！叫左個炸豆腐☺️我發覺我媽每次叫親啲野食都冇伏架！豆腐係外脆內軟，加埋啲醬汁好夠味！唔健康中既健康🤣🤣👉🏿✨炙燒鮭魚牛油果丼飯 Hkd 78 💸📌真心想食牛油果好耐了！打開餐牌見到有呢個choice!諗都唔諗即刻落單😋佢啲牛油果真係入口即溶！好食到傻！可惜分量太小😭如果多返幾舊牛油果會開心啲🤣燒過既三文魚近8成熟～魚肉好滑嫩又唔腥，呢個又係必食😍😍

難得約媽咪食飯，佢話想食日本野，即刻帶佢黎呢度試試。見到有個抵食2人餐，有2個主食，仲有3個小食，超抵！主食方面，叫左個豬軟骨拉麵同埋鰻魚飯。先講下豬軟骨拉麵，佢個豬軟骨好冧，入味，個糖心蛋好好味，湯底都好夾。而鰻魚飯個鰻魚都唔錯，佢個汁好味，肉質剛好，唔會overcook!小食方面，叫左炒魷魚，牛油炒菇同埋吉列蝦。3個小食都好不錯，好有家的感覺，好快就清哂，我媽咪超開心。食完超飽，價錢相當親民，咁多野食都係$2xx有找，正！

同朋友夜晚嚟到呢間日式麵屋，我揀咗個晚市自選拉麵套餐豚軟骨拉麵材料主要有醬汁煮豬軟骨同味玉有啲拉麵必定有嘅配料：荀絲，蔥粒同木耳煮過嘅軟骨味道濃，肉質細嫩，而且啲軟骨位晶瑩剔透，好淋好易咬，煮得啱啱好加配嘅小食係串燒雞軟骨(又係軟骨有兩串，配上新鮮檸檬汁，酸味帶出串燒嘅香味外面燒得乾身，內裏係有咬口嘅雞軟骨同一啲雞肉組織，幾高質炒魷魚鬚係類似生薑燒嘅味道，魷魚嘅質地好特別，介乎係鮮魷同水魷之間，有啲爽口又有啲嚼頭雞咖哩蛋包飯賣相幾靚，連隔離檯都忍唔住話呢度啲咖哩好香炸雞係較扁嘅一種，炸得好香，雞肉又雪白食落外面炸粉嘅調味好日式，入面雞肉嫩滑，配搭咖哩十分match!跟餐配沙律同味噌湯，本身以為係薯仔沙律，點知係粟米沙律，不過好彩都夠甜又好食最後係追加嘅炸忌廉以為係好似炸鮮奶，原來入面嘅忌廉係好似白汁咁嘅忌廉，食落有鹹香，幾特別

近排聽朋友講話試左間拉麵幾好食，咁我就約埋女友人去試下啦，一去到都幾多人排隊，咁我fd應該冇老點我，間野係有d料到。等左15分鐘左右就入得，四周環境好光鮮，同埋個肥仔侍應好好，問我地想要水定茶，感覺幾好，平時都係得酒樓呀姐先會問飲咩茶😂，之後睇menu掙扎左好耐，決定唔到叫豚肉咖喱拉麵（個名好似係咁）定海老拉麵好（因為睇圖都好吸引），最後擲公字叫左咖喱果個，女友人叫左吉列豬排咖喱烏冬，仲叫左炸豆腐同炒魷魚。等緊食既時候，聽到隔離位個小妹妹同呀媽定唔知家姐講話好好味，我有少少驚，因為我對碗拉麵太高期望，驚跌落地會痛，同埋我本身對拉麵麻麻地，跌得再痛d，咁我就繼續抱住賭仔心態等食...一上菜，嗯...兩碗野個樣幾靚，試淡汁...不得了！咖哩味濃得黎唔覺得肥膩，個汁做到掛麵效果，個麵底煮得岩岩好，配合埋個汁簡直係天衣無縫，入選到我年度十大最好味食物之一，連平時嘴尖既女友人都食到舔舔脷就知佢果碗都好好食，平時細食既我地都清哂枱，真係唔係好多間食店做到，依間絕對係我今年食過最好食，沒有之一既拉麵鋪，不負責任咁講，係香港既拉麵鋪黎講係無對手，唔信就去試下！

一個人去將軍澳做完野，經過餐廳門口，見到70幾蚊有拉麵同小食，就決定晚餐係依度解決。餐牌選擇都幾多，除左拉麵，仲有定食、咖哩飯、烏冬。拉麵都有成10款揀。我最後決定左試招牌牛油拉麵，配串燒雞肉丸。牛油拉麵湯底係味噌豬骨湯味，湯底都算濃郁，牛油味幫碗麵加左分。拉麵係粗麵個種，軟硬剛好！叉燒有兩塊，唔係肥肉個種，瘦肉為主，正正常常。串燒雞肉丸，比想像中好食！雖然佢個名叫丸，但其實係雞肉棒餅，燒得幾香，亦夠扎實。整體既味道比我預期中好，地方亦坐得舒服。平時一碗拉麵既價錢可以食埋小食，真心唔錯！

今天是一個大好日子好朋友剛剛搬了進新屋他的新屋位於將軍澳 寶琳站附近 完成了最偉大的搬屋工程，可以進屋了， 我的肚子也餓了， 朋友就建議到商場吃東西。朋友挑選了一家過去已在尖沙咀吃過的麵店。沒有留意原來他是和一家咖哩飯店一同經營， 內裏裝潢方面， 以簡單為主調， 配合牆上幾張壁畫， 在龍口嘅日本音樂底下， 更有日本特色。我點了白豚拉麵配日式麻婆豆腐飯， 味道方面， 湯底濃郁， 有張力， 拉麵軟硬適中，正合我口味。至於麻婆豆腐飯， 有點甜，有點鹹，味道有點有趣。 真是一個有趣的經歷。

最近嘅附近商場開了這間日式 食店， 路過見到舖頭空間頗大，人流又唔多 ，所以我和媽媽去試試晚餐 。這裏主打咖哩飯和拉麵， 為了試齊這裏的主打菜， 我和媽媽分別叫了一碗 北海道味噌拉麵 和咖哩吉列豬扒飯。首先來的咖哩吉列豬扒飯， 吉列豬扒我覺得可以接受， 外皮炸得鬆脆， 但豬扒就稍嫌過肥😰 但咖哩可說是奇差， 甚至比在超級市場買的即食咖哩包還要普通 ，完全沒有日本咖哩那種香甜咖哩味之後來的拉麵 ，麵質有如浸過龍的公仔麵一般 ，而味噌湯底只有一味的死鹹！另外還點了一客日式餃子， 火侯掌握得差不在話下 ，餡料的肉令你仍會清楚的吃到雪藏味🤮之前看到有人給這間餐廳好評，還說真金白銀食， 完全是此地無銀！ 帶著期待嘅心情 只能中伏

之前幾次見他的便當是「暫停供應」，今次終於可以一試。一上桌就是這樣子，幾特別。 跟餐麵豉湯及醬油，麵豉湯一般啦! 醬油就用不著喇!把蓋/盤移開後就是這樣嘩! 好豐富! 好足料 (除了粟米沙律)。 如果粟米沙律變成薯仔沙律就更好。鯖魚有大半條，燒肉有幾片，但每片都頗厚長。之前還担心燒肉很肥，但這燒肉沒有肥膏，可以放心吃。椰菜絲沙律都好多，我沒點沙律醬吃都可接受。整體來說，味道不差又不是很好味，即是一般啦!我惠顧了幾次，服務都一般啦! 又不是很差。但試過一次侍應太殷勤收拾，食物還未吃完就想收碟、收盤。 這一點需要改善。勝在新裝，環境整潔，坐得比茶餐廳舒適。

新都城Revamp 好多新食店進駐，其中有一間間隔好神奇既就係辛味屋 ✙ 豚豚拍子，入去食既原因就係佢個場太得意😂 2個brand share一個場，用時下流行既共享，令到餐廳空間大很多，坐位夠多，等待既時間都短好多，好快就有位，午餐價錢50-60蚊左右，唔算貴不過入到去先見到網上對餐廳好多負評💩心諗， 呢舖伏啦…......不過都坐底左，都係60零蚊食個lunch但係食完之後❗ 我真係要幫呢間食店黎個大平反❗先叫左個午市自選拉麵套餐$69簡左白豚拉麵 + 鰻魚飯套餐仲配麵豉湯、粟米沙律、餐飲以呢個價錢去對比同級數既食店性價比高，拉麵煮得彈牙有口感， 而湯底都幾濃，絕對唔係負評寫得淡而無味。，此外， 配上的叉燒夠厚度， 肥瘦適中絕非「乾爭爭」配的鰻魚飯分量適中， 飯面舖上鰻魚件淋上少許鰻魚汁， 醬汁剛好沾上飯粒，味道比稍為微甜， 反而挺合我口味再叫了一個燒雞排咖哩奄列飯$58雞排皮煎得十分香脆，絕對係意想不到的香脆，加上日本咖哩汁，真係撈飯一流❗最重要係， 佢既咖哩汁唔係無料，入面有一粒粒牛肉粒，薯仔粒等等…… 並無任何怪味吉烈豬排咖哩奄列飯$58咖哩太好味既關係， 我決定馬上Enco

出面睇，看似兩間舖，入到去，問D服務員，佢地話兩間舖group埋來一齊做，兩間店的食品都可以叫。哀鬼,個概念都幾有創意喎，我鍾意，YO!記得呢間店的前身係 UCC，我估應該係連UCC都捱唔住地產霸權而被迫遷出。心諗，呢間野接左手，一定會轉移好多 "地產稅" 比食客啦，但出奇地，咖哩飯都係賣$59，包麺鼓湯同栗米沙律，記得以前 UCC 都有咖哩飯食，但下下都要90幾蚊，想要野飲仲要正價，真係叫唔落手，相比之下，呢間店價錢平左好多tim。如想食拉麺，有個拉麺餐$79，有一款麺加一款小食，麺分兩種，一種係札幌風味(即用粗麺同用味噌湯底)，另一種係九州風味(即用幼麺同用濃豬骨湯底)。我自己比較鍾意九州風味，所以叫左黑豚拉麺(即黑蒜油拉麺)，坦白講，如果有格下價，拉麺來講都好抵食。佢個麺餐其可以揀個細飯做小食，一定夠飽，食個麺加個飯呢樣野，其實架仔好興。總括來講，間野D野食係多元化，其實兩個人，一個叫拉麺，一個叫咖哩，都食得幾滿足。