麵屋豚豚拍子 x 辛味屋 (已結業)

難得約媽咪食飯，佢話想食日本野，即刻帶佢黎呢度試試。見到有個抵食2人餐，有2個主食，仲有3個小食，超抵！主食方面，叫左個豬軟骨拉麵同埋鰻魚飯。先講下豬軟骨拉麵，佢個豬軟骨好冧，入味，個糖心蛋好好味，湯底都好夾。而鰻魚飯個鰻魚都唔錯，佢個汁好味，肉質剛好，唔會overcook!小食方面，叫左炒魷魚，牛油炒菇同埋吉列蝦。3個小食都好不錯，好有家的感覺，好快就清哂，我媽咪超開心。食完超飽，價錢相當親民，咁多野食都係$2xx有找，正！