麵屋武蔵 虎洞 (北角匯二期)

營業中

休息中

假期除了出街買外賣，就是在家什麼都不想做，懶洋洋的😂今次試下北角匯既麵屋武藏虎洞， 叫咗兩款沾麵，一個配白虎沾汁，一個配黑虎。白虎係原味嘅豚骨湯底，黑虎係黑蒜味。我個人就鍾意黑蒜味，味道香好多。沾麵嘅配料有糖心蛋，筍片，大大塊既角煮豚肉，仲有一條腸。另外仲點咗兩款小食，有蘋果沙律同炸雞。炸雞好有驚喜，平時唔係太鍾意食炸嘢，但係炸雞炸得香脆之餘，裏面超滑同juicy。蘋果沙律嘅醬汁係washabi 沙律醬，好開胃，又少少辣味，裏面有青瓜絲，蘋果絲，蟹子同火腿。

麵屋武藏虎洞 - 抵食日式外賣北角匯一樓的位置設有美食街，有各種各樣的餐廳，今次選了一間日式餐廳，一看原來是麵屋武藏旗下的餐廳-虎洞，提供價錢適中的日式料理，有便當、沾麵、拉麵或丼飯。虎尾沾汁麵這個沾麵系列有三款湯底選擇，分別為赤虎、白虎和黑虎。赤虎是秘製辣油加入香濃豚骨魚介湯，火辣辣的刺激體驗。白虎是虎洞獨有的豚骨湯底，加入鏗魚乾，超濃郁的魚介味。黑虎是黑蒜油味道，蒜蓉油香滿滿。沾麵配料亦相當豐富，有梅花間竹的五花豚肉片、特別的日式香腸、溏心蛋等。粗幼適中的麵條沾上湯汁，惹味的虎尾沾汁麵。武藏炸雞雖然是外賣，但炸雞得雞皮仍保持著脆口的感覺，雞皮底味夠，雞肉嫩滑。武藏煎餃子薄薄餃子皮加上滿滿餡料，日式小食必選。

呢日難得去到北角順道去探望婆婆記得佢好中意食日式料理🍜所以就去北角匯虎洞麵屋武藏外賣個日式沾麵🥡沾麵既餸係固定左有 日式叉燒 豚角煮溫泉玉子 蔥花 等等相當豐富🤤🤤點左兩款湯底黑蒜 & 赤味黑蒜味濃而不油膩帶出餸菜同麵既香味赤味辣中帶香啱曬喜歡食辣既朋友伴菜亦十分出色叉燒肥瘦適中 口感一流豚角煮 彈牙爽口溫泉玉子 流心伴麵配合香濃湯底味道好不在話下食完香味係口中徘徊不散先最令人回味另外仲叫左小食 可樂餅食完飲埋罐可樂Gur曬啖氣 好爽整體來說 好值得推介尤其而家無得去旅行都食得到正宗日式沾麵

忙在一個星期 lunch 食住麵包做野，終於星期五早啲出黎食個靚靚午餐沾麵慰勞下自己，朋友一早就到左，即刻有得入。赤.虎尾沾麵，原來條長長既黑椒腸就係虎尾，好搞笑，要左半份麵份量超多，麵條粗身有彈性。魚介豬骨沾汁濃郁杰身，好到掛麵，入都仲有啲豬肉粒，如果有蔥絲一定更香口。好所賞個溏心蛋，甜甜地蛋味濃，蛋黃黏口。豬腩肉超入味，軟硬適中。朋友點左蕃茄燒豚角拉麵，麵條較幼身，湯底清新酸酸地既蕃茄味，幾正。另外點左兩款小食，芝麻醬菠菜做前菜，又可以清一清沾麵既濃味。燒豬腩肉串好惹味，朋友唔食蔥益晒我～夾住蔥食油膩感大減，一口接一口。飲埋杯檸檬可爾必思平衡番口腔既味道，有呢個熱飲真係岩晒女士。提子可爾必思soda都好好飲，呢餐好滿足丫。

夜晚約9點經過北角匯, 試食了呢間新開的虎洞.可能係因為好晏既原故, WALK IN 不用等位就成功入座. 由於係新裝修環境都不錯, 坐位不算迫.然後我同女友分別點左白虎拉面同埋白虎虎尾沾面.我同女友都一致認為湯底過咸, 要飲好多水先解到咸.沾面的虎面是普通超市的德國腸沒有什麼特別, 另外有一舊肉, 質地非常鞋口, 味道亦一般. 面質還可以接受.價錢有收加一, 以食物品質來說性價比低. 

之前經過北角匯 一直都想試下 不過有時費事等位 所以都冇去食終於有機會食到啦😍😍😋😋我地食左虎尾沾汁麵嘅黑同白，同埋九條蔥豚肉串黑、白沾麵（$80蚊一碗，我地買左兩碗）發覺沾麵嘅麵條幾特別中間有條坑紋所以點左汁之後好入味😋😋呢點咁細心 值得一讚👍🏼👍🏼白沾麵有啲似一般百幾蚊嗰啲嘅豬骨沾麵不過再creamy啲 黑沾麵食上去唔知點解好似墨汁意粉 但有啲日式咁嘅感覺🤣溫泉蛋好正 🥚😋（呢個唔係間間都可以做得好）兩個沾麵上嘅豚肉都好好味 甜甜啲 肉好「淋」😍不過個人覺得個扣分位喺條腸度唔明白咩配搭黎令到成個餐好多肉🤔🤔九條蔥豚肉串（$38）幾惹味 唔會太鹹 豚肉有啲啲爽口感覺 值得一試

麵屋武藏係一間連鎖食店一路以嚟對佢嘅印象都唔係太差😚既然咁啱去到北角附近咁我就叫咗個外賣自取試吓佢哋嘅沾麵同埋便當啦😝😝😝我覺得佢沾麵嘅料都唔錯比較神奇嘅係竟然會有一條鹹香嘅腸係入邊其他料都整得唔錯🥰比較值得留意嘅係：外賣自取嘅顧客記住要細心攪拌沾面嘅湯汁‼️因為我一開頭食沾麵嘅時候發覺味道好淡有啲失望後來仔細攪拌左之後發覺係未攪勻！ 啲鹹味喺晒個底度😂😂😂另外芥末炸雞都唔錯都相當Juicy可惜醬汁比較少😂😂😂呢個牛肉便當算係不過不失但係味道就當然冇佢哋招牌嘅沾麵咁好食啦😅😅😅

北角匯呢度好多日式食店，揀咗呢間最吸引又最多人嘅試一試。平日拉麵食得多，今次食「虎尾沾汁麵」有三種味道選擇。加上疫情影響，外賣拎返屋企，餐廳即叫即製，返到去依然暖笠笠，而且無湯又唔怕倒瀉...麵質好特別，好似孖住兩條麵痴埋一齊咁。有口感，夠煙靭唔會好淋...重點係個醬汁好香濃...試咗黑蒜同辣味，兩樣都好味。條香腸好正，原來同拉麵一齊食可以咁夾👍🏻外賣小食有三款選擇，揀咗「武藏炸雞」同「武藏煎餃子」。裡面keep到好多肉汁，熱辣辣，Yummy...難怪疫情咁嚴重都咁多人襯。同埋外賣真係好抵食，大大碗麵．仲有小食同飲品...抵👍🏻

特別既體驗係疫情期間時不時都會叫外賣，因為係屋企煮到悶了。今次去北角匯申請退款，諗起自己真係好耐冇食拉麵，所以點左兩份沾麵試試首先餐廳出左外賣menu, 餐單內容有d改動。我就點左赤虎同白虎拉麵，最滿意係條腸仔同配料。個湯汁始終拎到屋企，有點油油既感覺。試過加熱後都係偏淡味。個麵條係幾特別，個形狀係兩個圓形痴埋到齊，應該係想增加表面面積沾上更多湯汁。然後，點左份炸雞同餃子。兩者都配有自己既醬，拎到返屋企都仍然脆脆的，唔錯。最後個餐係有配汽水，幾抵食。 服務好nice

呢個已經係六月食嘅一餐。自從近屋企嘅分店無咗，好耐無食佢個番茄麵，呢一日嚟到呢度，見到佢，緊係再試吓啦😃坐低睇睇餐牌，噫⋯⋯食物有少少唔同，連番茄麵嘅款都有少少唔同，但都叫哂兩款一試！另外再加兩個小食。番茄麵到！噢！真係好唔同，餸又唔同，個湯都唔同，食落都好唔同⋯⋯失望我碗燒豚番茄拉麵另一碗係番茄叉燒拉麵，呢兩塊叉燒薄到有點過份，但味道ok嘅。跟住小食叫咗煎餃子，呢度嘅餃子，一向都唔錯，38蚊有5隻都算抵食。另外係胡蔴菠菜沙律，呢個係之前間分店都有食，細細碟唔錯。但係呢間食，個味道好似有啲唔同，無咁好味。

北角匯的新店，行完一田超市有點肚餓，在商場內見這是新店，環境都不錯，氣氛好，食物質素都幾好，如拉麵內的烤肉面脆內軟入味，食材肉料新鮮，面的質地爽脆香滑，湯底個人覺得偏咸，黑蒜油沾麵，味道濃郁香而不膩，煎餃子內裡仍有肉汁，讚！價格略嫌昂貴了點！但可以一試。

此店在北角匯商場1樓，走扶手電梯上去就很容易找到。裝修屬開放式，可看到厨師們煮麵的步驟：把拉麵碗放入蒸爐上蒸熱，把厚厚一層油的豬骨湯倒入，再放進煮熟的麵條和其他食材，如香腸、叉燒、蔥花、糖心蛋等，便可完成。送上桌上的拉麵無論碗內碗外均都熱騰騰，吃上口味道一般，整口均是滿滿的豬油。我叫了沾麵配上黑蒜汁，雖然扁平的麵條一口咬下去本身頗Q，但它的黑蒜沾汁也真是太油膩了，而且黑蒜的香味不夠突出，吃了2、3口就膩到撐飽咯。小食是日本直送的炸小魚一份，加上青檸汁，味道雖沒什麽魚味但感覺還好。

最近去咗北角嘅新商場覓食，Lunch time發現有依間拉麵餐廳，睇餐牌好似都幾吸引，而且唔使等位所以決定一試。我之前都喺APM食過呢間餐廳嘅姊妹店沾麵，都幾好食。北角依間嘅餐牌有所不同，佢嘅沾麵款式都會有一條長香腸配搭叉燒，好特別，從未試過食沾麵會有香腸，決定一試。沾麵夠彈牙，碗沾麵湯非常夠熱，而且唔會太咸。叉燒係少少甜，條腸味道都唔錯，有機會再去都會再食佢嘅沾麵。

犯下大錯!經過見佢新開就試下，其實麵屋武藏係香港都算做得唔太好，但係咪勁差又唔係普遍都麻麻，但今次真係唔得，叫沾麵再加麵，我叫你可以將兩麵一齊煮，侍應話一定要分上，ok 唔緊要。來到，賣相都可以，擺位，配料都正常，湯都夠熱但個麵出晒事，淋到係有點泥feel , 有無搞錯。麵條係扁太麵，理應做沾麵係適合。但竟然淥到過淋，一啲口感都冇，差過雲吞麵。沾麵理應爽口，咬口，咀嚼感，長度一夾係分明，係一啖啜晒既長度咁先可以感受到個湯同麵條既咬口。係嘴巴入面感受到咀嚼感，但竟然佢煮到有泥feel .......食到都唔食，真係唔掂。已通知職員反映，希望有所改善。

北角匯又有新食市開張~虎洞·麵屋武藏🐅成班同事當然齊齊去試下😁我叫咗碗虎尾沾汁麵 配 黑蒜沾汁，賣相好正好吸引, 已配咗豚角煮+半熟玉子+勁長腸仔🤤拉麵口感彈牙🤭黑蒜汁都超香同濃味😋豚肉好鬆軟好好味，但腸仔就無咩特別，只勝在夠長😆食食下開始覺得黑蒜汁偏咸同膩😵最後叫咗佢哋加咗dd沾湯食☺不過都係好奇問下有無湯㗎，因為平時我食日本正宗沾麵，係食完職員會主動問我加唔加湯再飲埋啲湯，可能依間食法唔同😛黑虎 沾汁麵 $80白虎 沾汁麵 $80黑糖芝士年糕 $19武藏 煎餃子$38