麵尊

營業中

休息中

好耐冇黎食，今日平日一個人黎食早lunch，十二點正到，咁早黎都差唔多Full晒咁滯，好彩唔駛等，因為五分鐘之後已經開始出現排隊嘅人龍⋯Order左咖喱魚蛋、豬紅同五香牛腩河粉，要多蔥，多腩汁及咖喱汁。食落湯底濃，咖喱夠辣，同之前一樣咁出色。本身我係豬紅控，對豬紅有要求，今次佢嘅豬紅就冇之前咁好食，硬係覺得有少少腥味🤥，不過都唔差嘅。五香牛腩同咖喱魚蛋都係十二蚊，牛腩夠入味，份量多，不過切成一片片唔係一舊舊🤔，相反魚蛋只係得三粒，雖然夠大粒同彈牙，但性價比就相對低好多。買單$60有找，銅鑼灣地帶，又夠飽，都真係抵嘅！

麵尊2010年開業，首店在上環，一直都人氣高企，夜晚的銅鑼灣分店經常有條長人龍，明星包括周潤發都曾到訪上環店。據網上資料，店主希望用最短的時間將食物送到客人手上，不想影響車仔麵的質素，亦因為嚴選食材，不想糟蹋食物。🌇裝修：舖不算大，坐到20-30人左右；有高木檯和普通座木檯；裝修算是傳統中式，主要因為廚房出面的牆故意左灰色屋簷加紅磚，和有顯眼的中式招牌，講唔上好靚，不過店內望落乾淨。🫶蘿蔔/咖喱魷魚/豬頸肉幼麵 $44 🫶咖哩牛栢葉/豬大腸/炸枝竹油麵 $46🍜有30款配料、6款麵選擇，每款約$10-12🍜可加腩汁、蔥、麻辣(小/中/大/加大)、咖喱(細/中/大/加大)🍜我叫左腩汁、小麻辣和中咖喱，湯底偏清，腩味不算濃，好辣🙈(可能我太廢，食到流鼻水，少少辛苦🙈🙈🙈）🍜餸總括嚟講，味道可以，不過嫌唔夠入味🍜咖喱魷魚好爽彈牙，但唔係好有咖喱味🍜咖喱牛柏葉比魷魚入味🍜豬大腸乾淨無肥膏，煮得軟淋無臊味🍜蘿蔔清甜、無咋、夠淋 🍜豬頸肉、枝竹正常發揮🍜本身想叫五香牛腩，可惜已經賣完🎆整體：以車仔麵店，麵尊的環境企理；湯底是清甜style，食完無點口渴，再加上自家製麻辣/咖喱汁提味，偏辣；餸普通，

～ 2022 年 11 月 ～係登龍街搵地方食晏的時候見到好耐冇食嘅車仔麵就入了去喇 ~~地方乾淨企理車仔麵嘅餸選擇好多 ...比張點餐紙你慢慢揀 ...唔想諗也可以點碗拼配好的細尊或大尊儍媽點了碗三餸車仔麵 ... 豬大腸、酸齋、咖喱魷魚、油麵 (+腩汁) (HK$42) +HK$10 配了罐雀巢檸檬茶 豬大腸好乾淨，無膻臭味，而且鹵得軟腍入味酸齋味道啱啱好，唔會太酸 咖喱魷魚啲汁令湯香味提升，更惹味 ~~** 以上分享是以我的口味、體質和情況作出分享及感受，一試 / 合用與否請自行決定

放工要喺銅鑼灣食個快飯麵尊係快靚正嘅選擇最重要係好食😎今次淨係嗌咗有「👍🏼」嘅配料果然冇令我失望😎想要少少辣，過吓口癮，所以揀咗咖喱醬多蔥 河粉 🫶🏻冇煮到爛晒，加分每次嚟都一定會食嘅五香牛腩今次牛腩有大有細，全部都非常入味，咬兩咬，直接溶化，超正第一次食依度嘅豬皮有驚喜！淨係睇佢嘅顏色，已經覺得煮得好透口感非常柔軟！係每一塊都好軟熟！蘿蔔又係，煮透晒，好多汁基本上又係入口咬兩下就溶化👍🏼咖喱魷魚，勝在份量又多！厚身，更爽口，仲有好多腳😎😎如果選擇困難，叫晒佢哋推薦嘅配料，實冇死錯人

🍜每次經過都好多人排隊 咁啱今日三四點有啲餓 見倒唔洗排 就即刻食🍴叫左大尊 有齊豬紅蘿白豬皮魚蛋紅腸菜 驚喜係魚蛋大粒彈牙 坊間好多都係細粒魚蛋仔 豬皮好入味 蘿蔔都入味 豬紅係我鐘意有少少煙韌嗰款 應該係混左d鴨/雞血 車仔餸真係幾出色唔怪得之甘多人排隊睇番review佢個咖哩辣係較出名 不過我今日麻麻想食辣 叫左腩汁 湯底都好夠濃

豬大腸+豬皮+酸齋+五香牛腩 米粉豬大腸（$10）：乾淨冇肥膏，煮得軟腍，冇臊味豬皮（$10）：乾淨冇豬毛，質感爽口，吸湯力一流酸齋（$10）：酸酸甜甜幾開胃，咬落仲有少少筋性五香牛腩（$12）：冇乜脂肪，肉質感比較強，唔算好入味蘿蔔+咖喱魷魚+咖喱牛柏葉+豬頸肉 粗麵蘿蔔（$10）：清甜冇渣咖喱魷魚（$12）：軟腍唔會靭，但略嫌唔係好夠味咖哩牛柏葉（$12）：好入味，但咖哩汁偏辣豬頸肉（$12）：厚身又爽口〰️〰️〰️〰️〰餐廳質素唔錯，每款餸至少都有三四舊以上，唔會話太少，但粉麵份量就爭啲，如果男仔嘅話未必夠飽。個人最鍾意就係豬大腸同酸齋~呢到湯底可以加咖哩汁/麻辣汁/腩汁，我加咗腩汁唔會覺得鹹，食完唔頸渴。之前都有介紹過同樣主打車仔麵嘅三不館，兩間比較的話，呢間餐廳整體比較好👍🏻餐廳唔算大，坐得都比較逼，不過食港式嘢都係速食，唔會太講究環境，所以環境我覺得都可以接受。聽講平時餐廳經常大排長龍，我哋係星期六13:45左右到，好好彩唔洗等位😄 〰️〰️〰️〰️〰️食物: 4.5/5性價比: 4/5 環境: 3.5/5服務: 3.5/5Revisit: Yes

每一次去銅鑼灣點到會抽半小時食個麵尊位於食街登龍街有一條短短的人龍我的必食組合‼️紅腸+魚蛋+酸齋米線+蔥湯底有獨特的味道就算唔加辣佢都會有一種令人上癮的微微微辣是舌尖上的刺激酸齋軟淋又有筋性咖喱魚蛋必選因為會令湯底有少少咖喱味紅腸薄薄但入味我自己唔太喜歡食厚切紅腸咁樣薄薄地就岩晒每次食到湯底全清可選加蔥/不加一個人吃有機會坐吧檯但我覺得吧檯仲舒服輕輕鬆鬆咁望住條街食碗車仔麵強烈推介👍🏻👍🏻👍🏻👍🏻👍🏻人地話上環分店仲好食總之好味就得啦😋

今日去開銅鑼灣，想食車仔麵，第一時間諗起麵尊，係區內岀名嘅車仔麵，每次都要排隊🥹先點兩碗車仔麵，豬紅，牛柏葉，蘿蔔，豬大腸的車仔麵，湯頭濃郁，香味四溢，豬大腸的味道特別突出，甘香入味。米粉也很不錯，口感爽口，豬紅軟嫩好好味，加上豐富的湯汁，令人垂涎欲滴，蘿蔔都係必點嘅，清甜又無渣！豬頸肉肉質鮮嫩帶爽口，腩汁的調味恰到好處，讓人吃得津津有味，忍不住一口接一口。再叫罐可樂，冰爽舒暢🥰下次嚟再試吓其他餸先😄

有日同家人落銅鑼灣行街，大家想食車仔麵，誤打誤撞上網見到真的有車仔麵之餘，最重要是地點非常方便，就是在登龍街V Point !我們叫了一個香菇貢丸午餐肉幼麵$44雞中翼醃得入味，只是幼麵少了一點🤤飲凍咖啡$19味道O.K另外一個是咖哩魷魚豬紅米線$32咖哩魷魚口感剛好，沒有過靭。豬紅好味，夠滑，而咖哩魷魚和豬紅皆是他們的推介👍難怪有很多食客都有點豬紅。凍蜂蜜柚子茶$24味道一樣O.K坐了一段時間，發覺有很多食客都點選大尊或細尊，份量頗多，下次有機會再來一定要試吓！

作為一個粉麵愛好者，定期都要去食下米線🍜、車仔麵！麵尊係我最愛嘅車仔麵頭3位之選！因為樣樣都想食，次次都叫5-6個餸🙈！人哋女仔通常食車仔麵叫2-3個餸就飽，我今次叫咗6個餸！咖喱魷魚🦑係必叫，唔韌但彈牙兼有口感！雞翼，有2大隻，唔算最出色，夠味，但未到最入味，醫飽吐就會叫佢！豬紅又唔係度度好食又嗌埋，咁就已經3個餸！肉類叫完就叫蔬菜🥬類：蘿蔔必嗌，夠甜味，冬菇唔係勁大嗰啲，但夠稔，搭埋佢個湯加「腩汁」，已經十分夠味手！出得嚟食嘢，就叫埋肥人必叫嘅 #河粉 🤭！河粉係車仔麵最正嘅粉麵之一，係上面加埋酸齋😍，啲汁撈河粉好正，所以咁就6個餸～嘢飲叫左凍檸茶，茶味尚可，但佢糖水另上，啱曬我呢啲少甜/走甜人士#麵尊 💛

📍香港📍銅鑼灣📍麵尊📍銅鑼灣登龍街18號V Point地下5號舖📍星期一至五 11:30~21:30 & 星期六日公眾假期 12:00-21:30星期六 6點黎到唔洗排隊✌🏻坐低15分鐘已經見到人龍啦。欣賞佢哋湯底唔會太咸太油，食完都唔會好口渴。🦄 蘿蔔 $10🦄 咖喱牛柏葉 $12🦄 咖喱魷魚 $12🦄 蠔油冬菇 $12🦄 伊麵 $15三大舊白蘿蔔清甜無渣。冬菇炆到岩岩好唔會過淋，濃濃蠔油味仲索哂啲湯汁。咖哩唔會超辣，食BB辣既我都食到🖖🏻估唔到伊麵又幾夾喎，最重要都系煮麵既時間岩岩好👏🏻三餸已經好夠女仔飽，男人要叫加底🍜🦄 蠔油生菜 $22🦄 評分: 7/10🦄 豆漿 $14🦄 評分: 7/10淡淡豆味唔會太甜。夠凍解渴。#foodieschu銅鑼灣

#搞串個pantry車仔麵🍜，我哋都食過好多間，每間車仔麵都有自己嘅招牌，或者食客鐘意嘅嘢😜。今次就去咗一間#銅鑼灣 、#上環 都有分店嘅車仔麵店，試吓佢哋究竟有咩特別啦💕！一嚟到銅鑼灣嘅分店，門口望落👀，仲以為係食日式拉麵🇯🇵，有少少裝修設計，乾淨利落。今次就嗌咗一碗🔴細尊(河粉、豬紅、蘿蔔、咖哩魚蛋、紅腸、豬皮)($45)、🔵淨雞翼尖($22)、🟢淨白菜($22)。細尊(河粉、豬紅、蘿蔔、咖哩魚蛋、紅腸、豬皮)🌟🌟🌟呢碗麵所有配料都係固定，餸嘅份量都幾多🤤，每樣都有2-4嚿，不過質素就好普通🤨，除非本身鐘意呢幾樣餸，如果唔係，都建議叫返自選📝。河粉比平時食開嘅河粉厚，偏挺身，較硬唔索湯，如果鍾意食腍啲嘅人，就唔太鐘意。而湯底就幾出色🤤，味道非常豐富💕，偏向重口味！淨雞翼尖、淨白菜🌟🌟雞翼尖🍗用瑞士汁煮，好入味，一小碗入面已經有好多，足夠比2-3人share👥。用嚟送住麵食幾好，可以令雞翼尖感覺無咁咸。淨白菜份量都多🥬，味道清淡，口感腍同爽脆。但就發現當中有一細粒「發泡膠」粒😮。

平時收工，多數都約埋女友小熊係鵝頸橋底過海巴士站等，一齊返九龍，今日唔知咩事! 三條過海巴士站都排滿人長長人龍! 再去 Apps 睇睇，三條過海巴士線都話延遲埋站，估計有交通意外發生啦!小熊提意，一係轉坐地鐵，一係去鄰近食飯消磨吓時間，最後決定搵間餐廳坐底食 Dinner，因為好鬼熱嘛! 登龍街就係對面，果到又多餐廳食巿又近，於是行去睇吓有咩心水，經過麵尊，小熊話好耐無食過車仔麵，於是推門入去幫襯.首先冷氣足夠! 爽YY!好鍾意點車仔麵果種感覺，好似食 Buffet 想食咩就填咩，但價錢平過食 Buffet，所以每次食車仔麵最少點五款菜.我無咩選擇困難症，點咗豬大腸紫菜五香牛腩蠔油冬菇雞中翼炸魚皮，想後先點午餐肉.小熊點美味齋蘿蔔咖哩牛栢葉咖哩魷魚貢丸同雞中翼.點餐紙上居然有 "多蔥" 可以選擇，哩個選擇簡直難能可貴! 我同小熊都揀選米粉，米粉都有粗幼之分，我鍾意食幼身，麵尊嘅米粉尚算幼身，夾自己口味.豬大腸同蠔油冬菇出色，同樣夠冧夠入味! 雞中翼用D比較大隻嘅貨色，唔係KFC老麥果D偷工減料雞仔級翼仔，不過如果雞翼焗一焗 or 煎一煎相信更香口更惹味.炸魚皮無入潮，夠脆口.五香牛腩有

一人獨食的時候拉麵館跟車仔麵就是一個最好的選擇，這晚在銅鑼灣覓食，約六點半左右這間<麵尊>已經有很多人，所以想一探究竟。點了三餸配米線，分別是豬紅、咖哩魷魚跟咖哩牛栢葉，全都是菜單紙上推介的項目，一試發現果然是推介！外間的豬紅味道總是特別濃郁，這家也不例外，很入味很好吃。咖哩魷魚跟咖哩牛柏葉同樣很入味，是那種港式咖哩汁，有點甜口但是吃多兩口也會發現真的有點辣。車仔麵雖然看似簡單，但我覺得咖哩魷魚跟咖哩牛柏葉都是自己在家不大會煮的食物，所以點這種我覺得挺化算。因為已經有咖哩汁所以我沒有再加汁，湯口的甜味配上米線很不錯，我覺得他家最好吃或最神奇的地方就是雖然車仔麵一般都是麵跟湯是分開已經煮好的，但吃下去我沒有覺得兩者那是完全分開的，感覺他真的有把麵放在湯裏滾一滾才上菜。最後想讚一下這間店很貼心的一點是它會額外給你一張椅子放包包！因為車仔麵店一般都不大，而且很常會搭枱，一張四人枱可能坐著四個都不認識的人，不像普通吃個西餐整張桌都是你的就可以把包包放在旁邊的位置，所以在車仔麵店有這個安排就真的很難得。

相信大部份嘅香港人食得最多係茶餐廳，繼而就係車仔麵「麵專」上環和銅鑼灣也有分店銅鑼灣呢間坐得舒服啲，順便食個快 飯。話晒在時代廣場背後，簡直係天使地利人和嘅位置，價錢亦反映左在菜單上。入去由搵個位坐低、填飛仔、入單就等食，流程好簡單，唔使5分鐘我哋兩個人嘅車仔麵就奉上。幼麵底、蘿蔔、冬菇、牛腩、豬紅、紫菜蘿蔔清甜，完全冇渣牛腩薄切，幾稔，脂肪位亦不多，尚算入味。蠔油冬菇，厚薄均勻，略嫌細隻。成日聽老人家講間吾中食下豬紅可以清血毒，我自己九年都唔食一次，今次食番又覺得幾好味。不過要數最正嗰樣，我就覺得係個湯底，清甜不死鹹，所以到最後飲清光。另一碗油麵底、冬菇、午餐肉、豬皮、咖喱魚蛋。朋友話正常一碗車仔麵，毎様嘢都系自己揀，食得飽，味道吾差就合格了！腩汁生菜另上份量幾多，少油，抵食！