麵尊

營業中

休息中

銅鑼灣揾食價錢真係一D都唔平，午飯時間路過勁多食店嘅登龍街，友人想食辣嘢，我又唔想食拉麵，見有大大間車仔麵喺度，價錢仲要咁親民，大家都一致同意入去食！午飯時間都有八成入座嘅餐廳，好想知道地道車仔麵點變成麵嘅至尊呢？ 🍜🌶每款餸$10, 麵底$10, 一個4餸麵一共 $50, 以銅鑼灣黃金地段，價錢非常親民。厚切午餐肉，墨魚丸，咖喱魷魚，蘿蔔，幼麵底加招牌咖哩辣汁。  睇落餸嘅份量唔多，其實都好足份量，塊午餐肉係厚切～正！墨魚丸太硬麻麻！蘿蔔超。級。淋。用筷子都可以夾散，讚！咖哩魷魚汁還汁魷魚還魷魚唔夠入味，湯底同辣汁係碗麵嘅精髓所在！同埋我發緊夢冇寫要蔥店員有禮加返比我！🍜🌶友人點了5個餸 ！豬紅，豬腸，紅腸，酸齋，魚皮餃，米粉底 $60.  酸齋好夠酸，豬紅有質感唔會太軟身，豬腸出奇地好味！仲有個湯底呀！好味！冇加辣嘅湯底又另一種香味！食後一個鐘都唔會覺得口渴！會再encore嘅車仔麵！鮮豆漿$12, 抵飲有豆味有甜味！

今次第一次試呢間係銅鑼灣既車仔麵揀左大尊米線 $42 另外加豬頸肉$10做餸 咖喱辣 佢個麵包括 豬紅 蘿蔔 咖喱魚蛋 紅腸 豬皮同埋菜喺銅鑼灣來講算係幾抵食 而且足料佢原本嘅湯底正常不過不失 但加左咖喱辣的確係好惹味 本身睇佢得中間少少咖喱醬以為無料到點知咖喱來講都算辣佢個米線好好食有少少口感 餸黎講 我覺得豬紅蘿蔔比較出色 炆得好入味 蘿蔔好冧又唔會太重口值得返轉頭再食！咁豐富黎講算抵食！還未聽到隔離落單 原來可以混醬 下次可以試下麻辣加腩汁

麵尊在登龍街都一段時間了，所以一直想試。起初以他跟旁邊的龍門冰室是同一位老闆，但原來不是。我跟朋友大約下午三時多去到，雖然沒有滿座，但也挺多人，一進去跟門口那位説2位，他一臉不滿地說那邊吧。然後我們坐下後一直沒有人收拾枱面遺留的豆漿與污漬。之後點餐亦沒有替我們收拾，但明明樓面有很多工作人員，但只站到一旁聊天。到上餐時終於忍不住叫他們可否收拾一下。但可惡的是明明叫腩汁生菜，卻上了剩清菜，沒有腩汁。但我都免得再跟他們説，想快點吃完便離開。那麵不過不失，沒什麼特別吧。

曾幾何時，車仔麵是以低下階層為對象的香港街頭食品，容許食客們自由選擇麵條、湯底及配料。不知由甚麼時候開始，升格為受歡迎的香港本土特色食品。而最近，居然讓我發現一家走高檔路線的車仔麵店，餐廳名稱也很好記，叫麵尊，尊字帶有地位崇高、價值貴重、難得的意思，這令我對這間餐廳產生好奇，這裡的車仔麵和其他的有甚麼分別呢？麵尊位於銅鑼灣市中心，選址已經很大分別了，但由於裝修得美輪美奐，與同一條街的其他餐廳相比並沒有違和感。這次是中午時去的，一大片落地玻璃相當通透，陽光把餐廳內裡照得明亮，令人寫意。推開玻璃門進去，復古紅磚牆的設計感覺文藝，天花板上面掛著木製吊扇，店主為餐廳主題似乎花了不少心思呢。麵尊與傳統車仔麵店一樣，麵尊有自家設計的點餐紙，主要可以選配料、麵條、湯底。我是牛的愛好者，點了個全牛，包括有牛腩、牛筋、牛丸，湯底加牛腩汁，再配上蔥花。當店員把麵捧上來，賣相真是不得了，不單是用舊時的公雞碗呈現出老香港的生活面貌，更重要的是滿滿的一大碗，牛肉配料堆得小山似的，看得我口水直流，滿心歡喜。公雞碗仔細品嚐每款配料:最正的是牛丸: 這個跟一般的牛丸肉質不太一樣，是屬於鮮甜爽口但是又不失軟嫩的那種，沒

年三十都要排隊食嘅車仔麵🔸豬大腸 五香牛腩 咖哩牛柏葉 米 $40🔹豬頸肉 牛孖筋 咖哩魷魚 麵 $40食車仔麵多數貪快，但呢間過咗lunch hour都排晒長龍，一係就黃店一係就好好食，結果兩樣都係！呢度車仔餸款齊全，滷水乜乜咖哩乜乜都有，同朋友嗌咗幾款唔同款黎開心share🤪首先望個樣都流晒口水，豬大腸滷得非常軟腍，而且清走晒裡面啲太肥嘅部份，食嘅時候唔會成口都係肥膏。牛筋好大塊，唔係完全入口即融但都腍晒啦，食起黎有點咬口。豬頸肉一如預期中嘅爽口，咖哩魷魚同牛柏葉都好重咖哩味，個陣辣味都幾勁下！最後有少少意外嘅係牛腩，唔係切成一舊舊嘅腩肉，而係一片片好似沙嗲牛咁，食落口感唔同，不過都好嫩滑同埋入晒味。整體個環境坐得舒服，份量同價錢成正比，款款餸/麵都係$10，最低消費$38，價位係銅鑼灣黎講都非常親民～/麵尊銅鑼灣登龍街18號V Point地下5號舖

雖然只食了一碗簡單的車仔麵，但佢哋的伊麵實在整得好味，所以都想寫下，讚賞下🌟！自從上一次去某間名星效應的車仔麵，食了一個十萬個難吃的發漲伊麵，完全對車仔麵鋪的伊麵產生恐懼。今天去了登龍街搵食，突然想食麵，但發現登龍街最多的就是拉麵，其次就是米缐，同埋麵尊，眼見麵尊門面非常企理，整潔，價錢也相宜，所以就選擇了這裡。平常人們食車仔麵大都食什麼豬皮、蘿蔔，但我卻鐘情叫咖哩魚旦、伊麵與蠔油冬菇。因有最低消費，所以我叫了以上三款再加紫菜。麵用有傳統圖案的雞碗，碗子不太，但餸份量十足，單是蠔油冬菇就有5件，另外🐟魚旦有4粒，🥬紫菜份量也適中，整體餸的味道也不錯。但係最好味莫過於份伊麵，軟硬適中，口感好鬼正。至於湯底，我沒有加什麼腩汁與咖喱汁，味道也不錯，食完不渴喉，也不鹹。如果想在銅鑼灣食一個簡便又坐得舒服的麵食，麵尊的確係好選擇！😋

🇭🇰#香港捐窿捐罅記 #菠蘿王子經濟圈良心車仔麵💛保護香港人既餐廳😌由於比舉報咗既關係，我既任何hashtag 都已收皮😌 所以近排寫下粥粉麵飯算😂反正reach 應該都會跌😌冇咁多錢去食野😭近排個市又咁差🙃冇錢呀-我都會繼續盡力搵黃店，同小店寫比大家😗其實車仔麵係以前平民既食物，價錢係非常之平民化😌不過近年都愈來愈貴😗 都要成40蚊一碗😗不過餸既種類都愈嚟多😌開始有少少貴既食材😌-🍜豬頸肉，豬大腸，咖喱牛栢葉🍜（$40）淋既豬頸肉😂有幾香既豬油味😌其他就正正常常😌普通既車仔麵😌湯既味精味唔係太重，唔會好口渴😗辣味都幾勁下😌唔會比d流野你😌.🍲#大尊車仔麵🍲（$42）材料非常之豐富，有豬紅，蘿蔔，咖喱魚蛋，紅腸，豬皮同菜😌一上到就見到超大碗，全部材料都味道正常😂其實都幾正，一次過可以食晒咁多唔同既餸😂而且服務好有禮貌，都係正常車仔麵冇既😂總結來說 價錢合理 路過可以一戰😲-🎈 銅鑼灣登龍街18號V Point地下5號舖平均傷害：$40好味值：6/10

今天原本想食拉麵，突登去到拉麵街睇下有咩新店，點知響芸芸拉麵店當中，竟然比我發現呢間新開，係麵店但竟然係車仔麵店響到可以登堂入室，進駐左拉麵街，驟眼望入去，仲要有8成滿坐既小店，就吸引左我入去試下呢間麵店有咩特別。去到門口嘅時候，已經見到有一疊外賣版放咗响門口，睇嚟呢到平時都幾多人叫外賣，門口仲設置咗酒精噴手液，可以等我地消毒過後才安心入去食嘢。一入到去，已經比香港製秘製醬汁嘅poster吸引左，好似一定要試吓佢嘅麻辣汁同埋咖喱汁咁，事實上我最後都係咁揀😂呢度嘅車仔麵，無論係餸，定係麵底，都係$10一款，所以都好開心咁揀多咗幾款，最後叫左2個麵，2個野飲同一個小食。墨魚丸，五香牛腩，牛孖根，豬頸肉米粉配麻辣汁 $50+鮮豆漿 $12同埋大尊 $42 ，麵底揀左粗麵同配咖哩汁，另外點左枝礦泉水$6成個麵最好味其實真係個湯底，因為麻辣同咖哩都好正，小小辣又夠麻，另外牛根都炆得好淋，份量也多，抵讚，同埋麵入面既豬頸肉好正，所以再另外叫左個小食淨豬頸肉 $30。

係銅記等睇戲隨便行下見早開門又未試過就入去。舖幾光鮮俾人感覺係茶記，但一睇個落單紙先知係車仔麵黎XDD(勿打我)最令人深感覺係佢天花嘅古式風扇，木制，買返黎後可自行裝葉XD落左紙大約5分鐘到就出上左桌~~~牛丸 牛孖筋 五香牛腩 河粉 $40牛丸：有d硬度得黎又好鬼彈牙，應該只有自己手打先做到牛孖筋：大大舊，又彈牙而且仲有少少溶嘅感覺~~~五香牛腩：原本諗住係好細細舊幾粒咁，但呢到係大大舊肉片~~~豬大腸 墨魚丸 牛孖筋 油麵 $40豬大腸 ：味道好好，唔會話硬，清洗得好好墨魚丸：軟得黎又都好鬼彈牙~~有墨魚味~~~油麵：係小弟中意嘅硬身口感~~

繼續政府說無用的黃色經濟圈，今次介紹位於銅鑼灣V Point的車仔麵店。 甫進門，已見pepe迎接。 收銀處也有貼文宣。 牆上掛了麵及餸菜選擇，很懷舊。 order紙也很清晰，款款$10。 麵不算大碗，餸也不算多，女生吃三餸剛好（或者我大食 ） 但湯底蠻清甜，吃完不太口渴。 油麵比平時吃的彈牙，一點也不漿口。 自家製咖哩醬很香口、惹味，辣道亦夠，愛吃辣的朋友不能錯過。 魚彈口感鬆散；滷水雞翼頗入味，亦没有煮到爛，保持雞肉口感。酸齋夠大件，酸酸甜甜、沾上湯底更美味。餐廳資料：麵尊 地址: 銅鑼灣登龍街18號V Point地下5號舖 電話: 23263062

香港特色食物車仔麵可以說是我最愛的一種食物，因為可以選擇自己最愛的麵、餸、湯和醬料😌離我上一次食車仔麵的時候，都已是幾個月前和好同學放學後食過的那次，所以途經登龍街，發現一間車仔麵店，就入去試下🤤這間車仔麵店有很多座位，環境都幾大。麵和餸的選擇也很多，每樣單叫10元，尚算合理。雖然湯底只有3種選擇，但我所選的咖喱辣味道很香濃，所以整體都唔錯👍🏻1. 大尊 $42大尊為店家的招牌，有豬紅、蘿蔔、咖喱魚蛋、紅腸、豬皮和生菜，每種食材都很新鮮及入味👍🏻我選擇了咖喱辣湯汁和河粉，因為河粉容易吸收湯汁，而湯汁的味道香濃及偏辣，令整碗麵都非常美味😋

今日去左銅鑼灣行街，朋友講過有間港式車仔麵店味道幾好，我就去試下啦。lunch time黎到門口企左好多人，我等左30分鐘先入到！環境好有西式style，好乾淨，並非茶餐廳環境。同一般餐廳一樣，都有張落單紙，自己剔食啲咩！餐廳提供既車仔麵選擇，餸菜和麵類都好豐富。我叫左五個餸！我好鐘意生根！好耐無食，都好少車仔麵店會供應。生根唔油膩，吸哂湯頭，好惹味！牛腩好腍，肥瘦適中，好入味！牛丸好彈牙，好多汁！

成日會忽然心思思好想食車仔麵，因為一碗仔又可以貪心咁食到好多款餸😛 經過登龍街又成日見到好多人係門口排隊，裝修又幾特別，今日見到竟然未洗排，就行左入去試喇！餐紙上面每款餸10蚊，無論平同貴既食物都係10蚊，但好可惜😭今日無我最愛既牛腩同牛筯😭 就嗌左我其他次選🤤 酸齋、豬頸肉、蘿蔔，呢三款餸當然未滿足到我喇！我男朋友就分別嗌另外三款餸: 大腸、午餐肉、魚皮餃，我地再交換食😛以下就係未交換個時影既相: 以下就係我地交換完影既相: 餸既份量有d都ok:- 蘿蔔3舊，酸齋2舊，豬頸肉2塊大既- 午餐肉一塊，魚皮餃3舊，大腸一堆湯底唔會好味精，起碼對味精好敏感既我完全無事，不過就唔係好濃既感覺。因為呢排熱氣，廢事食辣。下次會試秘制咖哩同辣醬😗

是日收工一個人到銅鑼灣行街，行街之先有一個難題就係『今晚食乜餸』。行到登龍街突然見到有一間鋪門口有人排隊，原來係『麵尊』，我即刻加入戰團排埋一份，然後就決定今晚一於食車仔麵。排左十五分鐘就入得，一入門口就見到招牌『麵尊』，好有氣勢全場爆滿坐無虛席，入面仲有一塊大menu，咁當然仲有細menu。劃一價每款餸同粉麵都係$10，我揀左牛孖筋、蘿蔔、魚皮餃同生根配河粉加腩汁，再加多碟蠔油生菜。生菜好新鮮嫩綠，咬落去爽脆有聲，鮮甜有菜味，份量都幾大，一碗滿滿主角上場，大大碗足料。先試一啖湯，車仔麵既精華所在，味道恰到好處，一陣濃濃牛腩味，唔會太咸又唔會太淡，岀色河粉幼細但唔會散開，一條條夾起唔易斷，咬落去煙煙韌韌，好有口感，師傅煮既時間岩岩好，無得彈蘿蔔清甜無渣，牛孖筋好入味又淋兼入口既溶，魚皮餃煙韌，生根吸晒湯汁既味道最後連湯都飲埋先發覺個碗幾得意可愛

今日我地三人行行完街就去左登龍街食麵尊車仔麵牛孖筋+滷大腸+咖喱魷魚+酸齋整碗麵都好full啊牛孖筋起碼有5舊咁多，好淋好重膠質滷大腸洗得好乾淨夠哂肥美而且滷水整得好入味，仲一啲都唔韌呢個酸齋不得了呀酸甜味夠哂入味，而且仲大大件添事關我好鍾意食酸齋咖哩魚蛋+午餐肉+紫菜咖哩魚蛋超大粒，仲好彈牙添午餐肉係厚切架！另外既朋友就食得比較清淡呢個炸魚皮好正，炸得夠乾身又夠脆麵尊既車仔餸好有份量而且質量都好優質經常係銅鑼灣覓食既我，又多一個選擇喇！