麵尊

營業中

休息中

今日星期六，諗住同女朋友黎上環食個車仔麵先去睇朋友嘅婚禮，本身揀叻一間車仔麵不過果間週末都休息。再係openrice揀下發現呢間叫麵尊嘅車仔麵，不如就黎試試！ 餐牌都有好多種唔同餸可以揀，特別啲嘅餸有咖哩牛柏葉同鹵水鴨腎等等麵尊嘅裝修比較簡單，有個開放式廚房。==============================咖哩魚蛋、蠔油冬菇、五香牛腩油麵 $40大大碗車仔麵送到啦！睇評論講到如果平日食麵尊嘅話要等比較耐，可能今日係週末所以只係等左一陣就有得食啦！冬菇係食車仔麵我必站嘅餸，蠔油冬菇醃得入味就會好好食。麵尊嘅冬菇真係數一數二醃得入味嘅車仔麵，正！咖哩魚蛋夠大粒，咖哩味濃郁。相反五香牛腩可能鬆肉粉用得比較多，有d太淋。麵底揀左油麵，可以廚師比較趕，麵底煮得比較硬身，要用熱湯浸淋少少。 熱奶茶 $9茶底唔算濃，只屬一般般。 麵尊📍上環蘇杭街22-24號1號舖

​有日經過見到門口貼咗老闆同發哥嘅相，決定搵日要黎試下😊排緊隊等位，已經可以落定單，等客人入去基本上就差唔多食得，都幾貼心，起碼喺出面等好過入面等😜好似坊間車仔麵咁，都有好多款揀，不過如果大家有選擇困難症，不坊可以揀細尊或者大尊，應該係佢哋嘅招牌，大尊同細尊差2蚊雞，啲餸其實都一樣，但大尊多2蚊會多個菜。啲餸都好入味，最重要唔會淋治治(試過其他車仔麵啲餸會浸到好淋)，超欣賞佢客人入到去就食得👍🏻剛剛好呢😀就算如果打工仔lunch time趕時間，雖然要等位，但其實都好快，平靚正之選😛

今日同事想食車仔麵，喺中環返工，麵尊都相當出名。 出名在於大排長龍同埋大量多同埋好味啦。我就叫左豬大腸，豬紅，蘿蔔，麻辣湯底，油麵。 碗麵d餸有哂排序，望落去都贏哂。試左啖湯，麻辣得黎有清香，唔係一味死麻死辣，湯重帶點甜味，好味。 其他材料，豬大腸彈牙，豬紅好味，蘿蔔爽甜。 真係值得回味。 大排長龍係有原因架。

同屋企人行過，就腳就入咗去食，叫咗個三餸麵，【咖哩魚蛋、咖哩魷魚、魚皮餃】油麵。· 咖哩魚蛋冇咖哩味，魚肉爽口彈牙· 咖哩魷魚一樣冇咖哩味，魷魚口感好膠，唔好食· 魚皮餃不過不失· 油麵唔好食，鹼水味好重，湯頭都唔好味而屋企人叫了個三餸米粉，【咖哩牛帕葉、豬頸肉、蘿蔔】米粉。· 咖哩牛帕葉好辣，本身我唔太食得辣，感覺上得個辣字，一樣冇咖哩嘅香味出黎· 豬頸肉幾好，正常肉味· 蘿蔔好腍好甜以呢個價位黎講算係咁，但唔係樣樣都正常，一伏一正常，我就唔會食第二次啦。

這家店中午必排隊，在這疫情下，食店能爆滿及排隊，多麽的羡煞旁人啊！車仔麵，這種食物，竟能做到人氣，也真要了解一下，究竟有何特別。入店坐下，首先引起我的注意的是声音，店內在放收音機，搞笑的是正在播放的是內地東壳电台吧，不太純正的廣東話，播了一陣收音機，開始播歌了，一連串 90年代的廣東歌， 笑死，come on，我究竟在東壳厚街還是在上環蘇杭街？点了豬粉腸，豬皮，咖喱魚蛋，配粗面。粗面不是一般面鋪的啡色粗面，而是鮮黃色的，像油面，有点不習慣，吃下去麵身是 "立" 口的，不是我杯茶。豬皮不錯，不勒不太軟，咖喱魚蛋的咖喱汁調得不錯，有辣味有香味，魚蛋本身是普通，粉腸夠粉，咬下也有点爽，做得不錯的。熱央茶味不夠，啡味不夠，香氣亦不夠，這家店，茶啡肯定留不了客。這家車仔店另一特別是餸夠熱，配合了很熱的湯，餸和湯的溫差不大，融和感強，就是這点成就了這碗人氣車仔面。車仔面從不是我愛的食物，今日一試，也不知多少年後才再吃了，哈哈。

上環一個好多美食嘅地方。上網睇見人哋介紹呢間車仔麵，叫做「麵磚」。-我叫咗油麵、蘿蔔同埋魷魚。辣度要咗小辣🤤碗車仔麵個湯底好濃郁🤤好惹味！～魷魚非常易咬，好入味。蘿蔔方面，我個人比較鍾意再「淋」啲，所以蘿蔔我未至於覺得好好味。但係總括嚟講，呢間車仔麵係值得一試的👏🏻🙌🏻

今時今日喺中上環搵間專門食車仔麵嘅舖頭一點都唔容易。麵尊係少數之一。唔想買外賣，於是嘗試耐心等位。等了半個鐘終於可以入座。雖然外面等位時已經入單，可惜入座後仍然要等20分鐘先有嘢食。見到其他枱嘅情況也一樣，廚房嘅工序應該要檢討吓。湯底很淡，飲左唔口渴應該冇味精。紫菜有海的咸味冇沙。魚皮餃中規中矩。咖哩牛栢葉非常之辣，除咗辣味之外食唔到其他味道。Not worth the wait. 碗內另外一塊紅腸是來自我同事的。

上環好多嘢食之餘，貴嘅嘢食都好多🤯想搵茶記以外嘅窮人食物真係難上加難🙁今次行遠啲去左間車仔麵店「麵尊」試下，點知真係好高質😍瞬間變左我其中一間食堂🥶佢地有提供套餐比大家揀，入面都係最受歡迎嘅餸，價錢亦比較相宜🈹但我今次就散叫，而佢每個餸都一樣價（$10）自行選擇點叫先最抵啦😂🍜三餸車仔麵 ($40)睇落細細碗，但食落都幾飽🥶餸嘅份量都算多😚真係抵食😍湯底揀左腩汁加麻辣，略嫌腩汁味唔夠，但麻辣都好麻香，唔錯👍🏻而米線就唔係好腍嗰隻，反而係我中意嗰種帶有口感彈牙嘅🤗🔸豬腸好好味🤗腌得好入味之餘，腸嘅部位好瘦好乾淨，完全無豬嘅內臟臭味同雜質，處理得好好😍激堆👍🏻👍🏻👍🏻👍🏻🔹蠔油冬菇又係好入味😍口感爽口彈牙，唔係平冬菇嘅感覺🥰又係好高分🔝🔸酸齋以往未必會揀酸齋，但今日想食啲酸嘢所以冲就揀左😂酸汁配埋湯底除左出奇地夾之餘，味道仲多左份層次，我自己都好中意🥶見到同枱叫左份炸魚皮勁吸引，下次嚟一定要試下😬好似炸得好香口，好脆咁🤭

呢排喺上環做嘢，唔想食嚟食去都係嗰啲連鎖食肆，咁就搵吓區內有咩美食啦😳比我見到蘇杭街呢度，呢間車仔麵店平日都好多人嚟排隊，係想食都冇辦法個隻😢決定咗搵日一定要嚟食 所以今日特登12點之前就去到 果然啲人未放飯 舖頭冇咩人🤪一入到黎 望一望就寫張單比老細 要咗個麻辣兩餸（叫咗豬頸肉同埋豬大腸）麵加罐可樂$36 係上環區算抵食啦😉 車仔面最緊要係個湯 首先講吓個湯頭先 唔加辣嘅話 只係比較普通嘅雞湯 但係佢個麻辣醬好勁好「供」鼻令到成碗湯好爽🤤呢度係加咗分嘅 啲油面偏硬身 幾好🤗兩樣餸之中呢 豬頸肉比較好食 切得夠厚有咬口 反而大腸唔夠入味同埋太淋 冇咩口感 下次唔洗叫！比7️⃣分‼️

之前因為工作關係，會去到中上環一頭揾lunch食。行到蘇杭街， 嗰一帶都有好多間餐廳， 例如有齋舖，cafe。 咁啱見到有間車仔麵舖，門外好多人等，所以就揀咗佢。 因為係lunch hour嘅關係，所以好多人都嗌外賣，而老闆亦係門外交低咗menu畀我哋睇先。等咗五分鐘到，就有位入去， 舖頭唔算大，大概有六至七張圓枱，大家都主要係搭枱食。咁見到舖頭推薦「細尊」同「大尊」(「細尊」同「大尊」分別係加兩蚊會多咗生菜呢個餸)，我就揀咗「細尊」。「細尊」$40「細尊」其實幾抵食， 佢有豬紅、蘿蔔、豬皮、魚蛋、紅腸，五個餸配麵，有齊車仔麵必食之選😍。豬紅整得好好，好入味，唔會有腥味。 同埋，佢嘅口感唔會一舊舊碎曬。蘿蔔，車仔麵必點，蘿蔔好冧又好入味，特顯到蘿蔔獨有甜味，而且最重要係冇渣。豬皮同蘿蔔一樣醃得好入味，爽口。魚蛋同紅腸都係正常水準，唔會話煮得太冧或者偏硬。另外， 小編揀左幼麵配咖哩湯底。 佢嘅幼麵都係普通車仔麵食開嗰種，比較冧生，記住同平時雲吞麵個種幼麵唔同咖。咖哩湯底都幾辣(小編其實唔食得辣，不過見係車仔麵，估咖哩湯會好味啲，所以request少辣)。湯底的確無令我失望，咖哩湯係港式風

今日甘岩去開中上環，決定黎食呢間傳聞中既車仔麵-麵尊。聽聞發哥食過都讚好，就同朋友黎試一試佢。雖然午膳時間，但我地堂食等左唔耐就入得。我點左大尊油面，豬紅好好食，夠滑。餸既份量都好多，每樣都起碼有3 4舊。湯底就推介麻辣加腩汁。超濃味而且令人不自覺飲多幾啖!

離譜 過分 千期唔好去 千期唔好去 先唔講野食，大家打工仔lunch食車仔麵為乜？三個字快靚正。依間麵尊不得了，入座半個鐘內每台都眼金金你眼望我眼，無一台客食緊野。餐廳搞乜? 外賣單呀。一碗又一碗外賣單，我等左45分鐘先食到，仲要唔好味。無下次，建議做外賣同時尊重堂食客人。做十碗外賣都無一碗堂食，真係無下次。

佢有好多款俾大家揀，除左一般既餸之外，仲有較特別既豬大腸、炸魚皮、豬頸肉、鴨腎等。另外，各種餸既選擇都好多保證，仲有唔同既汁可以選擇，朋友們都好中意佢既麻辣同咖哩辣，可惜我唔食辣，但佢都有腩汁俾我揀，味道亦都相當唔錯。如果大家揀唔定食咩餸，麵店仲好體貼咁設定左兩款組合俾大家揀 – 大尊和細尊，價錢亦都好抵。如果想午飯時間去食，又唔想等位既，大家要預早少少時間過去，因為呢度真係好爆。今日我就集中揀左比較清淡既蘿蔔、紫菜同紅腸，味道全部都相當唔錯。

lunch上環見多人排，仲傳聞發哥都食過，就試下你咩料！選擇都多既，3餸1麵都係40蚊到，上環什至正常車仔麵其實都ok，另外仲有大尊小尊(多典型餸揀)，如果無心水都可以食。。。因為我外賣又唔特別好辣，所以只係魷魚有辣汁加腩汁，但佢個湯頭真係不得了！！！絕對係高質味精湯，好口渴但真係會覺得入味而又忍唔住要飲哂佢！！！！餸都ok既，收得10蚊一個餸唔會份量太少或者比d劣質野，所以你幾均真，假如唔介意等可以一戰！

平時都唔會係openrice留言既。今次真係忍唔住。今日天氣超熱。係openrice 見到呢間諗住試下lunch.一去度要等陣唔緊要。入到去成個焗爐咁。佢地話冷氣機壞左部。心諗唔係ma 冇冷氣。都算啦。我自已就食腩汁。完全係豉油味。唔係腩汁味。之後朋友叫左個粗面。d 面硬到未煮熟咁。d 魚蛋又腥wo.d 白蘿蔔硬既。有冇搞錯呀。之後食到勁熱就問下可唔可以開風扇啦。開完冇耐差唔多食完佢地先開返個冷氣，係冇問題囉，諗住坐多陣，佢地係咁收野，真係差到一個點。我都唔明d 人點會話好食架。