麵包新語 (已結業)

中秋做節未夠鐘食飯，在奧海城行下街先去酒樓食飯，見到呢間麵包站好多人，咪走入去睇下，D款式幾多，又幾特別，D名又幾搞笑，好似有一個好荀煙肉芝士，貴就貴o左d，不過又幾好味喎，仲有d地震芝士，方包裏面有芝士，又好香牛油味。總括黎講都幾好味，不過太多新款式，有返d傳統口味就會更好，唔多敢買黎去畀阿媽食，因為無乜傳統口味。

香港Breadtalk已經開左幾個月, 我呢個街坊都幫趁左佢唔少. 開張時, 店長聲稱會有過百款麵包輪流供應, 但到現時為止, 已我所見, 麵包款式有減無加, 來來去去都係o個十零款, 同大陸o既相比, 差得遠播! 食過個超人麵包(紅豆餡), 咖央夾心包, 花心豆奶, 地震芝士軟包, 好小子, 大體感覺都覺得香港o既分店餡料較少, 以食味而言大陸勝一籌.而為何出此標題? 事縁我有次買左個地震芝士軟包食, 一咬落去就"卡拉卡拉"o既聲, 吐返出黎, 發現自己咬碎左一塊蛋殼, 仲幾大塊下. 鋪平後蛋殼都有成1cm x 1cm咁大, 師傅都幾大意播! 作為一間名牌麵包舖, 差d播!

星期日去睇戲,見新開張就買些小睇戲食,要左兩個包,唔係好記得咩名..一個好似係芝士包,一個係pizza包.夠鬆軟咁啦..另加$10要左支奇異果汁,我就覺得一般啦...反而最有興趣係d五穀包...下次會試試..

琴晚係呢樹買左一個黑椒雞包，包既面頭舖左好多黑、白芝麻粒，都幾吸引。個咸係黑椒雞，小辣，味道幾好，但個人認為個咸唔夠多，雞肉亦少，如果可以多點雞肉便更好了。

早幾日經過這裏，辣椒女話想試試這間麵包店；看完所有的麵包，唔知係唔係比較晚，發覺麵包的選擇很少，而印象最深的係叫超人麵包的紅豆包！當然要立刻買一個來試試啦！紅豆餡味道清甜，可惜放得比較久，感覺上比較硬和凍，相信如新鮮出爐時，一定更加好味道。下次可以試試其它的麵包。可惜沒有影相！

剛剛開業時佢地有好多款包包ga,而且都幾好味ga!但近排就發覺d包款少o左,來來去去都係得o個d!而且d包都無咁好食tim!......真失望......!

講下佢個招牌麵包--辣鬆個層cream痴住D肉鬆, 個包又夠辣, 好味*排隊俾$個陣, 通常都係有個女仔先幫你袋好個麵包, 之後俾$架. 但係我買辣鬆個陣, D辣鬆cream/油都會係個盤度留有油漬, 而個女仔又將袋好既麵包放返係個盤度喎, 咁個膠袋咪污漕哂囉. 有無諗過我拎住個咁既麵包周圍行, 真係幾麻煩...唔知大家有無留意呢?地震芝士包(無咩芝士咁點解要叫做地震芝士包呢? 係個包得個名丫OR 我真係諗多左呢...!!)聽個名就以為好多芝士, 原來得面個層先有芝士咋.入面D芝士真係好少少少少.......真係寧願食美心個個車打芝士包*如果想食好多芝士既方包, 推介PANASH既芝士軟包佢雖然無地震呢2個字...但係極多芝士. 芝士迷必食.

我係專登去買麵包ga!見呢間O野好似好有料O甘, 所以有時間咪去試O下lor! 可以已經late 啦, 7:00pm, d 包剩下好少種類, 我就梗係買我o既最愛: 紅豆包啦!! 佢係好似麵包超人o甘o既樣ga!唔......其實個包都ok o既, d 紅豆餡都唔少, 而且味道不俗, 不過呢, 就真係好好好普通lor, $5.5 就唔太值啦, 我覺得A1 好食d ar!本身都想try o下其他, 不過d 包款真係好普通!! o甘simply bread 就好似好d 喇.......

今日試左偶遇(芋頭係入面), 但唔算好好味,冇咩芋頭味.by the way, 起碼有3隻蒼蠅係d麵包櫃度, 有d擔心衛生問題~

間舖裝修得好開揚，麵飽做得好鬆軟，但我覺得呢係一般麵飽要有條件！始終都唔覺得有咩突出？例如佢有個黑椒雞飽，黑同白芝麻多，但雞肉無乜，同個醬唔好食！佢最出名"地震芝士飽"$16，芝士唔見得係麵飽到搵到，只係個邊同個面有，我公司同事都話一般好味！價錢貴又做唔到好特別！最終都只有"肉鬆包"好食！佢有值得一讚的地方-- SERVICE好好！！

1. 黑白森林有機小米(切件)$19: 其實只是黑森林蛋糕，唔知點解個名有"有機小米"，最初以為內有脆米，但又唔覺。無論如何，蛋糕軟熟，不太甜，唔差，但又唔覺特別好。2. 肉鬆飽: 多肉鬆，醬汁似中環樂園的熱狗醬汁，味道不錯。麵飽軟熟，最緊要是很新鮮。

見到有雜誌賣呢間麵包舖，剛好去奧海城睇戲，咪去試下。裝修都幾靚，大大個開放式廚房都幾特別，睇下d 師博整包幾得意。麵包都算多款式，不過幾款在雜誌有的包都賣晒就有d失望，買o左個芝士地震軟包，見佢剛剛出爐，立即叫店員切開佢，即刻吃，幾好味，好香牛油味，又有芝士。不過原來剛剛出的方包唔可以立刻切，經店員解釋後，因為個飽會扁，同出水蒸氣整濕個包，不過我太想立刻食，佢都肯幫我切厚d。未行到去地鐵，我同朋友都差唔多食晒成份方飽。麵包價錢都幾合理，十蚊一條的法包，前面個太太叫店員切開幾件之餘仲要打劃切，佢照切之餘仲好好笑容，整體服務都算好唔錯。

鍾意食麵包o既我,通常見到有新麵包店,我都會試試ga!上星期試過黑白芝麻雞包and冬蔭naan,個雞包面頭係黑白芝麻,入面d雞肉好有蒜頭味,幾香口!而冬蔭naan係扁扁的薄餅形,幾煙un,有冬蔭味又唔太辣,好o岩我口味!雖然d包包唔係好多餡,但味道唔錯同埋幾有新意吖,唔駛日日都係香腸,火腿蛋包咁鬼悶啦!仲有d好店員好有禮貌ga!

食左一款包,唔記得左個名,但係唔係叫幾時轉雞個隻包,只係記得個包話明有雞又有菇,但係買左番去食之後,發現只有雞而無菇,最多得一粒,唔知佢係咁定係咁岩整得唔勻,但係希望唔好再係咁!至於好多人話既衛生情況,我都同意,不過我琴日先去過,仲係無改善到喎!但係呢,又依然咁多人,亦依然有好多人排隊,包括在下既媽媽…

唔記得咩名，但好易認，全間鋪得呢個包係有咁多瓜子，黑芝麻o係面，入面重有ｄ合桃，個包size 都大大地，好似大概$６度啦，個邊硬更地又脆脆地咁（因為新鮮，第二日食已經唔脆lu），好好食！絕對係一個健康包～我見ｄ長法包成條都係$10 ja,下次一定要試下!