麵包新語 (已結業)

買野食上去3姑屋企開倒數扒地，差不多10點經過見勁多人排隊買麵包，見佢D餅幾又吸引。但係又有其他野食，所以只買幾件大家一齊分。綠茶紅豆蛋榚-完會沒有綠茶味，連紅豆味亦欠奉。豆腐芝士餅-沒有豆腐清香，芝士味亦好淡。芝麻mousse cake-亦食唔出芝麻味。金字塔型的朱古力mousse cake食唔出有朱古力味。白色那件的熱情果mousse cake，酸酸甜甜都算唔錯。不過三種mousse cake都唔夠滑。其中最好食就是卷物型的朱古力軟心蛋榚，最夠朱古力味，不過質地好實。睇番食評，好多人都讚佢d麵包好，冇人寫過cake，唔怪得舖頭名都叫”Breadtalk”，下次再食麵包再評過。

美食廣場十時開門，過半小時上去應該最新鮮吧！上去時許多麵包仍在製作中，麵包櫃沒有甚麼款式選擇，片裝麵包應該仍是昨夜的，又沒有打上食用期限，問過原來最遲後天要吃完，沒有買。買了「鬆鬆」肉鬆包($6.5)、「與芝共舞」($5.5)、煙肉芝士包($6)、「好筍煙肉芝士」($7)、「大蘋果」蘋果蓉包($6.5)和「花心牛奶」奶醬包($6)。令人失望的是麵包是冷的，太可疑了。肉鬆包好味，煙肉芝士包和加了蘆筍的「好筍煙肉芝士」的分別是「好筍」帶甜味，如是這般就賣貴一元。兩個包都好味，卻份量少，「好筍」沒嘗到多少蘆筍味誠為不足。蘋果蓉包趁熱吃應該好好（請注意應該兩字），喜歡蘋果批的酥脆多些。「與芝共舞」是有芝士、橙皮、提子乾作餡的麵包，甜味剛好，不錯的甜包。奶醬包外表大大個，內裡中空，底層煉奶，頂部花生醬，煉奶濃而花生醬淡使整個麵包偏向甜膩，花生醬肯定可以多些。拿兩塊白麵包塗頂好牌粗粒花生醬加煉奶更合我口味。價錢與Panash不相伯仲，勝在較近，總比劣評如潮的皇后麵包好。入麵包的Alex（看名牌得知）禮貌周周，買切餅時主動詢問要不要甫出場的Tiramisu，我要晚上才取餅，他說不如留新鮮的屆時再取，

買左個提子墨西哥包(佢d名個個都懶特別, 真係記唔到...),味道好好好一般... 唔會再試...朋友都買左2個包, 咩芝士同咩雪山之類, 佢都話唔好味... 我諗呢度都係以外表吸引人架jer...

我都算好鬼鐘意食麵包, 但這間我真係唔太會再幫襯!有隻肉鬆包- ....難食呀...d味好奇怪.每個包起碼6-7蚊以上, 出面有好多選擇啦

睇落好似細細個,但係食落至知份量都幾多,包好軟,中間心有好多提子乾,提尔本身味道已經幾甜,再加上包面有好多糖霜,所以個包真係甜,不過佢幾足料,每啖都可以食到幾粒以上既提子,作為一個甜包,唔錯!仲有,我發現左佢既家庭裝包出左半磅裝,份量比原裝少一半,咁會好好多,因為有時一磅太多,會食唔晒,留番第二日又會無咁好味,不過,見到綠茶方包,提子方包等有半磅裝,但地震芝士包就未有喎!唔知遲些會唔會有呢?

短短登陸香港四個月, 灣仔分店己開, 太古城同大埔超級城都就快開舖, breadtalk都發展得幾快呀!由於公司同屋企隔離都有, 所以都成日食. 最近就試左以下幾款:1) 朱古力鬆餅-- 幾款鬆餅中呢個通常"發"得最好!可可味幾濃, 唔油, 唔錯!2) 富士山-- 其中一款招牌甜包, 每個地區o既分店都有. 裡面有咖吔同忌廉. 香港分店o既忌廉份量最少, 不過咖吔好味, 都食得過!3) 咖啡堡-- 咖啡脆皮空心o既包包, 內籠搽左鹹鹹o既牛油, 又鹹又甜幾得意, 不過食完好似食左陣風咁!

d麵包個樣好靚, 好特別, 所以買o黎試o下, 試完覺得d麵包無咩特別, 話辣但係一d都唔辣, 價錢又唔係平喎, 一d都唔值lor, 試完一次之後應該都唔會有下次......

在灣仔集成已開了新的breadtalk,環境不錯.早上去到,行了多圈也不知夾那一個才好.突然見店員拿了一盆新的麵包出來,便要這個吧,貪其熱辣點ma~~~佢地改既名太複雜了,已忘了此為甚麼包,只知它應該是鮮奶球那一類, 很大個,外層很好吃,脆脆的,而且還混著一些菘子般的果仁,口感不錯,不過意想不到的是中間竟是有餡的,像雞尾包的餡,甜甜的,不過吃完整個都幾漏.但$6又好像偏貴一點了!!

呢間麵包店都有好多幾未見過的麵包~~~~今次就買了一個冬蔭麵包~~~有好大陣冬蔭功味~~~又夠辣~~~都可以試下~~~yeah

2年前在上海做internship,因為沒錢, 最大娛樂就是食...當時行過商場見到breadtalk,不論到哪裡都總是散發住它的麵包香;不其然就會付出5蚊買一個"松松"(即鬆鬆)...邊吃邊見望,見到櫥窗印上"分店"及"香港",心想回港後一定要找她出來。回來後當然找不到,因為上海的櫥窗比香港快了2年...!!知道她在奧海城開了一間...心想, 為什麼在哪裡? 還好我喜歡吃那裡的金滿庭,不時就會去那裡一看~香港的breadtalk找不到麵包香, 不過包款跟上海沒大分別,"松松"賣$6.5。總比那間開在尖沙咀及銅鑼灣的simply bread有良心(那裡的冒牌貨賣$8, 而且不好吃!)。"松松"水準跟上海的一樣,不過不知怎樣,已沒什麼驚喜...亦試過其他包, 只可以說ok。環境...包架很髒, 這個香港特有, 上海找不到。算了吧, 還是找機會到上海的聽服務生說"儂好"好了。

一向經常留意breadtalk行情既我,早排又見到有新包出現,當然又試一試!今次出場既係牛油軟方包,外表平實既佢似一般方包,仔細睇清楚會發現佢頭上有油料,佢係一排家庭裝包架,共有八片厚切,賣相唔吸引,但係如果好似我咁覺得牛油包會好味既,就應該會俾佢吸引到。好喇,佢成功吸引我以$14買佢返屋企,但佢竟然令我大失所望呀!以為會有好香好濃牛油味,但原來唔係個回事!只有好少好少牛油味,而且唔香呀!唉!竟然偏向普通方包咁…唯一好係真係軟囉!我打算唔再買lu!另外,我又試左兩款muffins,分別係提子同藍莓,兩者都ok,好好味,質感亦佳,味道唔會太甜係一大好處,提子muffin味道較淡, 藍莓muffin則有藍莓味,比前者好!佢仲有出朱古力muffin,我見到連個面都有朱古力,一定好好味!下次再試!

話俾大家知,呢度最好食o既係提子包,唔係地震芝士包,因為個包可能地震o既關係,已經震走晒o的芝士,但最離譜係個提子包由$12 加到$16 後仲要keep 唔到水準. 仲有就係o個兩個cashier係會出現動作不協調,後面o個個袋好晒o的包,但係前面o個個會收唔切錢.攬到條人龍成日都好長.

好貴,又唔就腳!但係都幾好味,d員工又好有禮貌! 試過就算!

嘩!呢間包包店改名能手,款款包都有一個獨名稱!呢款一葉情原來係檸檬果醬包,外型討好,真係一片葉型黎架!大大塊葉,葉紋係檸檬果醬,見到就想食!不過,食落覺得包唔夠軟,至於檸檬果醬就幾好,甜甜地酸酸地,係一個好好選擇!最新出品又有紅蘿蔔軟包,$16一loaf,有興趣人士可試試!

見到星期日有我未試過既藍草莓軟包,又點可以唔買?所以買左一loaf剛出爐既試下。包呈淺紫色,又見到夾雜藍莓醬,食落都有少少藍莓味,但係真係唔夠多,亦唔夠酸,再多些料會更加好,好在包身夠晒軟,皮都唔太硬,補番味道不足。如果可以既話,有少量一粒粒藍莓就最好,既增口感又添果味!另想一讚breadtalk願意聽顧客意見而改善這一點,因為以往包無蓋冚而遭指摘,經此役後,店子已加了透明蓋,而且而家係包名牌左下角加左餡料名,好清晰俾人知道個包餡係咩(因為包名有時會怪怪地,令人無從溪考…),做得唔錯!小妹都有一個意見:你地好貴呀!