麥當勞 (已結業)

即係麥記你可以有咩要求同期望?我為左有包熱同唔咸死人既薯條，會好煩地去叫人薯條走鹽，平時啲薯條會燶啲同等超耐，今次竟然係金香鬆脆，而且見trainee hilda妹妹好有心機咁拎個新薯條剷出來，抺乾先落無鹽薯條，仲要唔係hea加，認真咁加落去，感覺到原來麥記唔一定係hea架。講真，近來係呢間麥記買宵夜感覺好左好多，至少工作人員唔係黑口黑面，個包返到屋企都仲係完整，唔駛再砌返埋一齊。加油，保持水準呀^^

平時好少食麥當奴餐, 但它最近推出的小龍蝦湯好似好吸引, 趁朋友食個套餐就加錢試試。今次是朋友幫手外賣, 故不談及環境和服務。食物● 小龍蝦湯 (跟餐+$8)份量中等, 賣相不錯, 湯的面層有些忌廉作點綴。口感幼滑, 但味道比較鹹。內有大約五粒小龍蝦, 雖沒有鮮味但都幾爽口。相信這碗湯的忌廉份量不少, 因吃完後有點飽滯, 亦因較鹹而感到有點口渴。不過, 以此價錢來說, 不能要求太高, 算很抵吃的! ______________________________總括而言, 賣相OK, 味道一般, 一試無妨! 

朝早攞免費報紙時已經發現老麥賣緊廣告介紹新推出o既黑白漢堡，咁啱公司嗰日又勁多野做，所以就同同事買外賣試新包「黑白漢堡」。「黑漢堡」配牛，「白漢堡」配雞，身為牛魔王o既XO仔當然係揀前者啦！「黑漢堡」餐售價為HK$ 30.8，薯條汽水同平時無異，小肥只係嫌黑漢堡偏乾。個包其實好鬆軟新鮮，只係黑墨墨o既外貌不太吸引。老麥亦好大方地比左兩層牛肉，可惜個人就唔係好鍾意入面加插左煙肉同薯蓉，因為好嚡口。至於配黑漢堡之「松露蘑菇風味醬」，首先份量唔多夠，所以食起上黎覺得個包比較乾，不過最令小弟失望就係食落只係食到蘑菇味，完全食唔到松露味。總結，小肥對個「黑漢堡」好感不大，絕對冇興趣比多一次機會佢，真係好希望老麥會重新推出個超正o既蝦漢堡。

星期一睇完免費報紙，見最後有成頁老麥coupon，所以就上網睇下最近老麥有乜新搞作。經理見狀，即提到新登場o既滋味蝦堡（加新芝麻醬）好受佢太太同啲孫歡迎，仲極力推介。既然有咁多張五蚊coupon喺手，小肥就姑且去試下啦。星期二中午，XO仔見肚餓，所以就去買左個加大新芝麻醬滋味蝦堡套餐返公司食。套餐正價HK$ 29，加大+ HK$4，再減HK$5 coupon，合共 HK$ 28。經理真係冇介紹錯，個蝦堡真係好正！第一口已經食出一隻隻細蝦仁，爽脆無比，而且個蝦餅炸得非常鬆化香口，真係好難得！好味指數簡直係爆哂燈！薯條雖則唔係小肥食過最好味，不過都尚算ok；加大薯條附送o既shake shake紫菜粉好野味，公司同事都好滿意。建議老麥考慮正式列滋味蝦堡入餐牌，長期供應此款靚包！正價HK$ 29一份蝦堡套餐其實可以話合理，不過有張五蚊coupon就超抵囉！

早上去灣仔幫公司取文件走去老麥食過早餐先我經常食，都係普通食物價錢亦算經濟實惠薯餅熱辣辣，好有薯味果個包亦軟林林又夠煙韌感查少少果占都ok炒蛋感覺好假，好似加了麵粉無乜蛋味，仲硬身潻漢堡扒亦好普通本身咸咸地，吾需要落味加一蚊要咗即磨咖啡都幾香濃我成日都去呢度，本來無乜好寫但今次想講佢地服務我一去到見到厠所清潔到我走時都已經有三十分鐘都是清潔中，佢在我去之前我已經見到有牌寫住清潔中到我走時亦見到期間有個嬸嬸查詢厠所聼到佢地回答稍等見到從阿嬸問完之後都二十分鐘都未攪掂，不過我都走咗食肆在人多清潔最少半小時根本點講得通呢？

I do not like McD's soft serve ice-cream but they had the golden caramel toffee sundae so I decided to try.There were three to choose from: McFlurry with Oreo and Toffee sauce, Toffee and Oreo sundae or the Toffee sundae.In the end I just chose the Toffee sundae because I do not like Oreo.The size of the crushed nuts on top was quite big and the nuts were quite fresh.The toffee sauce was not too sweet, and together with the creaminess of the ice-cream, it tasted quite nice.

喺麥當當個網頁度睇倒佢地推出緊個咁好意頭o既「招財福堡」，XO當然要應下節，食返個黎招財啦！　牛肉招財福堡（單包$17.3；餐$29.8）：招財福堡即叫即睇住佢煮，所以要等5分鐘都覺得好值得。麵包鬆軟，牛肉層熱辣辣，比平時食開嗰D普通漢堡包更為鬆化多汁，証明夠哂新鮮；連同大大粒生洋蔥一齊食，口感非常爽脆，正呀！　扭扭薯條：比較起上黎，扭扭薯條就麻麻過麻麻啦！入口第一個感覺係薯條好似用千年油黎炸咁，一D都唔香脆，而且味道好複雜，帶少少苦，唔知係咪溝左其他調味料呢？點埋茄汁食個味都係怪怪咁，失敗！　南瓜湯：原價$13，不過因為跟餐叫，所以只需加$8。冬天有碗熱湯落肚，可以迅速地幫食客暖胃，麥當當真係幾有諗頭！南瓜湯暖暖地，唔會太稀，只係味道唔夠咸。小肥絕對推介牛肉招財福堡！不過如果想叫餐食，就建議大家轉返傳統嗰隻薯條啦！長者叫單包，有飲品餸，幾抵架！新春期間重有靚靚軟硬利是封送添！

匆忙在金鍾辦完事，下一站又要去灣仔入境處，好肚餓，中間也只30分鐘時間，唯有在灣仔電腦城地鋪個間麥當勞醫著肚先。排隊點餐，工作人員態度不冷也不熱，工作人員差不多都是年長一些的，無謂話咁多啦。我點了：脆辣雞腿飽餐，加2元將飲品換了凍檸茶，還有一包炸薯條。先食炸薯條，剛出爐好熱，點D茄汁會好D。雞腿炸得不夠松脆，但玉米面包就夠軟熟，什菜絲似乎雪得太耐，沒有菜的青香味。20分鐘完成，總體算OK。

因為近返工，所以會幫襯佢。上星期咁上下，買熱香餅早餐，但係佢地唔按order先後次序出餅，淨係任由D員工搶，個員工後生搶到，你就有，搶唔到，你就死等下一輪出餅。我等左15分鐘都冇，但係就遲過我o既都攪掂走左。我咪要求退錢。佢地搵左一輪，想搵俾我，都係未有住。結果我咪退錢走人o羅。過左兩日我再去，今次個似係leader既人，見我排隊1分鐘，就即刻大叫D 員工搶俾我，仲話我等左好耐 (不過我由始至終冇出過聲)，仲叫D 員工唔好亂搶，唔理其他客。你以為佢地好好service吧??前天我再去，結果一叫就有，完全唔使等，好似一早做定等我咁。surprised之餘，我反而決定以後再唔幫襯佢。因為三個熱香餅，三個都係又燶又涼o既，都唔知放左响度幾耐，連個餅o既邊沿都係硬實實o既。明顯地係劣貨，未見過咁o既餅都可以賣。你話佢地係咪玩野!!!

**不是食評,只想讚下**真係太耐太耐冇去左Mcdonald's度買早餐食,是日光顧買左個火腿扒芝士漢堡,因為佢的價錢真係最合理果個原本都唔諗住幫佢幫食評,點知一開,"嘩,個飽靚仔左咁多既"終於似番個飽樣,非常之鼓勵麥當當搞即叫即做burger,至少食落我飽唔會濕曬

是日同同事一齊去左譚魚頭打邊爐,食到好熱好想食d冰凍既dessert,但係已經好夜,所以就咁去左對既麥當勞食雪糕試左新出既夏日甜品,(之前收過Nanonavi人的sharing,佢話呢個士多啤梨Kitkat麥旋風好甜)我就覺佢似係攬勻左既士多啤梨新地再加左脆脆米,多過似Kitkat,所以Kitkat既味唔算太出,d雪糕都開始溶溶地,但係overall黎講都幾好食,可能我地剛剛打完邊爐掛~~~下次再試埋佢其他果d夏日甜品,希望有suprise

終於中招，自老麥改變售賣方式後--一個cashier一條隊俾錢一條隊派食物後，你買野食的時間多左，亂左，姑且原諒係一個新開始模式，提議你參考下BK的方式偷下師。叫左個熱香餅餐，大概5分鐘路程到公司，開餐! 點解無刀叉，左搵右搵都無，'拿'野唯有用手食，通常最後食豬柳，順次序由上到下食熱香餅，無加任何糖漿牛油，順次序熱香餅的溫度: 微暖，凍帶暖，凍；最後o個塊感覺自己食隔夜飯，好可悲，下次食隔黎檔腸粉好過，老麥真係唔check下就上俾客人，唔掂，呢d成日變，變到無晒特式的24小時餐廳，比茶餐廳更差，見到cashier後邊d員工講笑的講笑，嬉皮笑面，連經理都係，無咩禮貌，少食為妙，奉獻俾BK好過。BK=burger king

很多人對芥末沒有興趣，很多朋友仔也不太想試。個人也不怎喜愛，但有新包點都試一試平日很少吃魚柳包，是因為一定不夠飽。現在有兩層魚柳，感覺飽一點。和風芥末雙層魚柳包，包面與平日吃的魚柳包不同，用上巨無霸那款有芝麻的包面。魚柳方面，兩塊魚柳炸得很透，但油了一點，應該要隔多一會油。中間用的鱈魚很嫩，一口咬下去啖啖肉，倒是不錯。配料方面，芝士是必然之選，芝士會帶出魚柳的鮮味，菜倒是沒有所謂。芥末只有少少攻鼻，一般人也可以接受的，對我來說是輕微至近乎沒有，但就不好味。可以選的醬汁那麼多，為什麼要用上食魚生壽司才用的芥末?因為有了魚柳包多年，新的魚柳包也不怎特別，加上18元一個飽，28.5元一個餐，太貴了。當當不值這個價。

24/7/2008逛書展後，想找個地方休息休息。想不到連m記也擠得水洩不通……要了新推出的芒果熱情果新地，這是我吃過最差的。軟雪糕，竟然弄得好似冰沙的，那麼我去吃個雪糕好了。軟雪糕做得不好，整個甜品都失色了。

七月廿三日(星期三)做完運動之後,吃得也痛快一點呢!"後會有期"......黑芝麻新地........第一次從網上得知有黑芝麻新地,就立即通知老公大人...我們吃了大概都有4次...真的很美味,因為我們兩口子都喜歡黑芝麻!而且加上麥記的vanila,配合得出奇地好呢!!!黑芝麻醬很濃,很滑呢!!!一期一會.....今次真係最後的一次,希望是今年的最後一次呢....不過之前的意式新地芭菲,今年都沒有再出了!希望芝麻味可以例入menu中.......