麥當勞 (星光行)

營業中

休息中

最近好紅既chef lemon整既鋒味漢堡 梗係要試試一拎上手 都幾重下 個包賣相就梗係無廣告咁靚嫁啦 食落 都好多醬汁 唔會乾爭爭 其實都幾好味 類似巨無霸 食完都飽飽地 新包黎講 我都幾中意呢個 6.5/10 點都要試一次

鋒味安格斯・煎蛋肉醬包套餐😎$39+2.5 Shake Shake燒味粉👍Chef檸檬🍋出品，試試佢先🙈個包講真係幾有趣，唔難食，而且味道幾夾添😂燒味粉就似薯片味道🙈整體唔錯👍起碼無失望😏

終於忍唔住要去食下個鋒味漢堡包，呢間麥當勞係好多人嘅，所以都等左一陣間先有得食，鋒味漢堡包嘅包裝好靚，不過今次冇加大要到個Shake Shake薯條，所以冇試到個鋒味 Shake Shake粉其實個包既味道都幾特別，嗰個蛋同埋個肉醬都好夾，特別係嗰個蛋同埋肉醬裏面好似都仲有另一個醬喺度，係牛都好好味唔係嗰啲好cheap嗰啲漢堡包嘅牛

麥當勞新出嘅朱古力脆皮雪糕 超級有童年回憶 好凍嘅朱古力或者扭紋雪糕 側係朱古力雪糕加雲呢拿雪糕 啱晒啲唔中意太甜嘅朋友 浸左落去熱嘅朱古力醬 好快就完成左朱古力脆皮 有冷熱交融嘅感覺

霆鋒今次呢個包用左地道茶記免治肉醬🥩加蛋🍳配上安格斯做成漢堡包🍔，充滿地道的味道🤤，可惜嘅係肉醬很少🤭，食落去跟本感唔到肉醬😩，沙律醬亦沒有太多，令到漢堡包整體覺得好乾🤷🏻‍♀️蛋方面個人都係中食意食豬柳蛋漢堡個種蛋🥚，比較有質感😛，由於安斯味道較重🐂，所以已經唔太感受到蛋嘅味道，而且就咁煎蛋🍳的話蛋會比較薄身，咬落口亦唔太感受到蛋嘅存在🤦🏻‍♀️鋒味shake shake薯條🍟大家估下鋒味shake shake粉究竟係咩味？ 😏...好啦，我都係開估，其實係燒味味黎🥓！但燒味有咁多種，究竟係叉燒、燒肉🥓定係切雞🐔（下刪其他燒味）Shake完試左，其實有D似淡味版BBQ🍢味，呢個shake shake粉真係可一不可再🤩

鋒味安格斯煎蛋肉醬飽 ❤️ ($33)評分：6.5/10.肉醬......其實頓時令個包跌 watt 😓 唔多有高檔 signature 系列 feel......而且肉醬係非常之稀嘅，反而更加似千島醬。都知道咩都唔想咁重口味可能係保險做法，但始終當隻醬係主題以隻醬冇乜賣點時，你個飽已經失敗咗一半。煎蛋幾好食嘅，牛肉就普普通通啦鋒味曲奇奶茶麥旋風 ❤️ ($15)評分：7.5/10.其實呢個我覺得幾好食喎，唔伏 😛 多數新產品都系出新口味新地，今次出麥旋風估佢唔到。奶茶味其實都幾穩陣 😀，有啲似伯爵茶，最緊要嘅係至少我清楚個陣味係茶味，唔會唔嗲唔吊 😂 餅乾其實有少少似消化餅但又應該唔系因為再鬆化啲。以麥記水準嚟計，整體上都唔錯嘅

身為漢堡包專家嘅我，當然要去嘗試一下謝霆鋒代言嘅煎蛋肉醬安格斯漢堡啦！今次就連埋謝霆鋒叉燒味shake shake粉一齊叫。首先以外型來講，煎蛋肉醬安格斯漢堡嘅廣告同埋真實嘅包嘅形象冇咩分別，雖然講唔上靚，但係麥當勞冇照騙已經值得稱讚。 而味道來講，食呢個包真係好似食緊真正嘅煎蛋牛肉飯港式味道十足， 非常有香港嘅風味， 我第一個感覺就係覺得點解係喺香港售賣二唔係喺大陸到賣因為喺大陸售賣嘅話就可以令到更多人嘗試到香港嘅茶餐廳風味。 燒味薯條就唔係太夾，個味道太濃，食落去有一浸燒焦的味道所以我認為蜜糖味道嘅shake shake 粉會更加好。整體來講評語就係個包可以接受，但係價錢喺麥當勞餐來說係偏貴的。

最近好驚訝電視用上一節廣告時間播謝檸檬🍋既新歌。心諗咩料啊～～後尾睇睇下先知原來係幫老麥賣廣告🤣，不過首歌真係幾好聽成功洗到腦，搞到我都心思思想試下chok 鋒既新作。✨明星效應又貴幾蚊，餐$39✨打開個look 都算正常，無漏到周圍都係醬。先試個肉醬。。又講到咩家的味道。。咪又係普通快餐店肉醬意粉d 肉醬😆。煎蛋下面就加左黑椒，芝士。✨個安格斯，十分乾黎講佢有八分。單獨黎試真係heahea 地，不過成個食落去又幾好味。因為個牛實在太乾，好彩有d 肉醬中和下，最鍾意佢蕃茄味酸酸地加埋沙律醬，估唔到肉醬呢個配搭又幾夾，如果加番洋蔥碎更加好。味道其實唔差，係衰起塊牛手上。🎶人潮渺渺化作星空渡越一千次的觸碰換來一分秒 當初那激動

之前飲左4杯咖啡, 見儲落4個印章送一杯細飲品, 最後一日要兌換了, 見電視呢排紅豆抹茶廣告賣得好行, 居然唔平, 所以就選呢款試下, 飲落就覺紅豆超甜, 無乜茶香, 飲完好膩, 總之算係難飲之作.....後悔

最近又「新出」黑椒漢堡，冇見咁多年，究竟未到變成點樣呢？比中信集團收購左之後，味到又會唔會有咩變化？今日就調查一下🕵🏻‍♂️黑椒漢堡，一句講晒重點就係四樣嘢，牛肉、爆多汁、香、辣。如果你食過歷史以來，麥當勞🍔第一款到而家嘅新黑椒漢堡，你應該會有親切嘅感受，你想非常認同我講法。以前第一款黑椒漢堡，只有一層牛肉，後來推出出個雙層牛肉🥩🥩黑椒漢堡🍔，到咗今日就定型一定係雙層牛肉，呢個其實係一個正確選擇。因為雙層牛肉額外的牛肉味及口感，先可以carry到濃濃的黑椒汁😙。不過女仔嘅就會覺得太heavy了😧。一打開包裝紙，就會湧出香溢的黑椒味。今期汁液又濃又黑，唔會太稀釋。所以唔會好似以前咁樣，多到啲汁成手係💦😰，反而係啱啱好👋🏻。不過，如果你去果間麥當勞🤡，唔係啱啱煮熱個汁比你，係放咗好耐凍左，咁就「恭喜🍾️」你了，你嗰個包係垃圾👻。今期黑椒唔會太咸，所以唔錯，不過重點係唔夠辛辣。以前黑椒汁可以直沖味蕾👅，擴大你的味覺神經，對味道變得敏感，因此辣得非常過癮。依點有侍改善😕。整體而言，以小丑麥當勞袋來說，覺得唔錯，可以食多一次，不過就唔會日日食了。

麥當勞大大啖脆脆黑椒漢堡套餐....個包就無乜特別既如果同以前比較但係加左啲脆脆粟米片上去加左重口感不過真係好睇整果個人心情因為如果佢將啲黑椒汁落喺脆脆上面淋晒就唔方好食🤷🏻‍♂️至於包shakeshake粉有驚喜喎😮😮真係幾有龍蝦(味精)味而且感覺上大包過平時啲粉就算大薯條都shake得夠均勻至於杯青蘋果茶以麥記水準既話係高質青蘋果味都幾突出下面仲有幾粒罐頭生果粒算有誠意啦值得一試既👍🏻—

我最愛既黑椒漢堡番黎喇！每次一出都要即刻去食！今次叫番傳統既配碎洋葱粒，個黑椒汁整得好夠辣夠惹味，但係我咬唔到洋葱粒，揭開個包，得四分一個角落有既…差咁啲咬口另一樣我急不及待想試既龍蝦湯味係shake shake粉，食落都有啲似龍蝦湯既味道，但偏甜，始終都係BBQ蜜糖同紫菜味無得輸！

見又出左阿華田相關食品就好想去試 上次柯華田雪都好令人著迷 呢個ova-tine千層蛋糕一啲都唔hea 比足料 雖然每層可以再薄少少 但係濃味可以搭救 本身未諗過咁好食 所以有啲驚喜 下次都會再食

每隔大概數個月 麥當勞也會推出shake shake粉供食客配上薯條食用 而這次推出了全新的明太子味 個人覺得這調味粉味道確確實實不錯 它不是只有鹹味令薯條更香口 大家可試

前幾日係麥當勞15蚊優惠紅豆冰同埋脆香雞翼麥當勞嘅紅豆冰我都係第一次飲, 但係估唔到佢竟然咁有水準! 只可惜就係叫佢小冰都會好多冰, 令到紅豆冰嘅味道淡咗, 奶同埋紅豆嘅比例我覺得唔錯, 都唔算係伏, 佢嘅紅豆甜甜地我幾滿意, 只可惜等候時間實在太耐了!