麥當勞 (新都城中心二期)

營業中

休息中

呢個朱古力脆皮雪糕一出，每次經過都見到排長龍，好誇張，搞到我都好想試。今日經過見到又有返，條龍唔算長，就試吓。有雲呢拿，朱古力，朱古力扭紋三種口味選擇。我揀了朱古力味，首先個脆皮薄薄的幾脆，味道都濃，唔會好甜，個雪糕筒好鬆脆。見到嚟緊又有個新產品會出，到時又唔知會唔會又一條龍呢？😎

新都城2期麥當奴，由經理或店員，尤其咖啡服務員，面帶仇容，像是極為辛勞！令客人亦無心再度購買其他食物！經理更向在埸客人大聲呼叫查詢是否購物未取，實質只因近於關店時間; 店内更將部分燈光熄掉，服務就是這樣。

今日中午同屋企人食完午飯，行左一陣商場，不過就冇乜野要買，突然諗起上次麥當勞有張coupon未用，就提意去麥記，咁好彩又好快揾到位，就買D野食下坐下。WeChat Pay麥當勞優惠至10月8日，得番兩日咋，我地今日分開消費左三次，因為只要消費金額滿HK$20，就可以扣除現金券，另外之前仲有張$2 coupon，最後把本來$72的食物，只係用左$50🤣🤣實在太抵了。不過話時話，呢間麥當勞又真係幾快手快腳，落完單唔係等好耐就有餐攞啦！真係超級快！

平時都好少食麥當勞，但試咗依個D24榴槤麥旋風之後就真係要上嚟寫一寫食評，因為實在太好味啦一向鍾意榴槤嘅我當然要食濃味嘅，叫咗40蚊，即係加一球榴槤肉嗰隻。 加一球嘅榴槤肉會分開畀，用一個膠盒仔另上。但係可以環保就環保D，所以就叫佢直接加咗落個雪糕度，廢事用多一個膠盒。一食落口就有一陣好濃香嘅榴槤味，完全唔係化學整出嚟好假榴槤味。榴槤嘅甜味同個雪糕好夾，食真啲仲會食到榴槤絲，證明真材實料。但食到最後就真係有啲漏了，因為杯麥旋風都真係甜到漏，而且四十蚊一個都唔係平，小食多滋味啦。

D24榴槤麥旋風呢股期間限定嘅熱潮，引嚟好多人都趁熱鬧排長龍。$25杯(已包一球榴槤蓉)，追加榴槤蓉有兩個選擇，加$15多一球，加$30就有兩球。但榴槤呢味嘢，唔係個個都受，我就鍾意嘅😍所以都唔執輸試吓先。我就只係加咗$15要多一球，店員會將呢球分開裝嘅，如果嫌唔夠味嘅話，食嘅時候可以將另一球加埋入去，又或者唔加落雪糕，留返嚟搽麵包🤣我就選擇加埋，鍾意食榴槤嘅梗係食濃厚啲啦。但係點解唔加多球呢，係因為聽講三球啲味同二球差不多，所以無加。榴槤味果然好濃，好幼滑，仲食到一絲絲嘅榴槤肉，口感一流😋😋

上次出榴連麥旋風第一日已經冇晒, 想食都食唔到, 老M仲要比人插, 今次佢將功補過(應該入夠貨)再出多一次榴連麥旋風!!今日係第一日, 我都唔算瘋狂, 放左工返屋企差唔多成7點先去到新都城, 都仲有得賣!!不過條龍就誇左小小, 成20幾人排隊, 一個雪糕屋企3-4個姐姐係度賣榴連麥旋風, 其實都幾好笑, 我都係淺嘗左呢個最少榴連既麥旋風 $25。榴連味係足夠既, 無論係味道同嗅覺都滿足到小小啦, 吊到引, 其實都唔使加DOUBLE/TRIBLE榴連，因為我食左半杯都覺得有點’’流’’, 同埋偏甜左小小, 我都係試一試既心態, ENCORE就唔會啦, 要食就去買真榴連啦!! 哈!!

路過mcdonald, 見到大大張poster $10有茶餐，仲要係呢期promo梗 ge黑松露醬薯條 加一杯細汽水我最鍾意就係個甜酸燒烤醬 每次都要額外加 食完立即醒神晒 飲埋杯可樂 人都精神晒

新出既士多啤梨味系列最近鋪天蓋地咁宣傳，一直好有興趣想試，今日行經麥當勞又唔太飽終於有機會一試。 $12既士多啤梨味新地窩夫筒配有夾心餅作裝飾，好鐘意雪糕由夾心餅去到窩夫筒成個都係粉紅色，連雪糕筒既包裝紙都係士多啤梨造型，超可愛，即時少女心爆發，同佢合照左幾張相~士多啤梨味其實冇乜果味，同飲草莓牛奶差不多，個人比較鐘意士多啤梨醬既味道，如果可以落埋醬就開心好多喇。 窩夫筒好夠脆好香口，好食過普通版既雪糕筒好多。

士多啤梨味新地窩夫筒HK $10雪糕口味可以揀士多啤利味或扭紋，雪糕上有一塊 Bourbon 士多啤梨夾心餅。士多啤梨味新地比想像中好味。平時食士多啤梨嘅產品最怕會係好藥水味，但係依個士多啤梨味新地冇藥水味，士多啤梨味亦五會好假。不過只係 $10 嘅雪糕就五好想像士多啤梨味好濃郁。最估五到係連個窩夫筒都係粉紅色。McDonald’s 甜品站

I love cheese so when McDonalds came out with the Quattro Cheeseburger with 4 slices again I had to get it.The burger was a little different from the product picture and would have tasted better if they arranged it like the picture with cheese slices in between the beef instead of 2 cheese slices on the bottom and top of the burger.It was definitely delicious with the extra cheese and sauce especially the white cheese as it is tastier.THE ONLY THING THAT RUINED IT WAS THE TEMPERATURE, THE BURGER

麥當勞今期新推介：北海道三文魚系列今晚買左個外賣餐：北海道三文魚 牛堡套餐 $36.3 配薯條 加$3 凍檸茶 個紙盒好靚！打開個包，真係有啲失望，第一個反應都係「真係同相差好遠好遠」唉，不過其實都預左！哈！講返個包：最底開始係三文魚堡，牛堡，生菜，洋蔥，千島醬（好似係）。唔中意食生菜，洋蔥，千島醬都可以係落單度click走！因為我唔係係櫃枱買，所以可以慢慢揀！👍🏻👍🏻個三文魚堡又幾好味喎，平時熟左三文魚有機會腥腥地，佢又冇！ok唔錯！牛堡其實都冇咩特別，同三文魚味都夾到🙂🙃🙃薯條今次就唔得啦，去麥當奴食薯條真係要講緣份，唔係次次都好味，今次啲薯條又硬又凍！（雖然我叫外賣，其實都係5分鐘路程）不過佢冇比漏茄汁已經好安慰🤣🤣🤣整體黎講個新包係冇咩特別既，不過未試過都可以一試！

今天補OT鐘，可以早兩小時走。最高興的是這一個月以來，我只有今天可準時收工。為了紀念這麼意義重大的一天，我當然要吃個下午茶仔慶祝一下。而抹茶控當然要試試M記新出的抹茶系列啦。.Oreo朱古力中杯$27，挺意想不到的味道。尤其是最上層滿有oreo的甜香，喝著喝著又會飲到抹茶的香醇。而杯旁的oreo餅比市面上的來得薄，但一樣美味。.紅豆抹茶千層蛋糕+$17，最底層的是海綿蛋糕，上面才是真正的抹茶千層。抹茶味不算濃郁，忌廉亦不夠香滑，好在有許多紅豆搭夠。.如有機會，真想嚐嚐她新推出的抹茶撻😝.

好耐冇睇戲, 見呢排壞蛋獎門人上映, 一於趁星期日睇番場入場前,決定去一去麥當勞,試下佢地為迷你兵團而設既套餐我嗌左個傻蛋孖牛漢堡餐, 上面有個迷你兵團既樣,都幾得意個包本身有D 一醬汁,連埋蛋同牛一口咬落去既, 係真係幾爽牛肉感覺同平時食開既BIG MAC, 足三兩用既牛肉唔同, 感覺比較嫩口~整體黎講, 值得試下呢個新包老婆就嗌左呢個, 芝喳喳芥末漢堡, 個名幾盞鬼 ,食落又點呢?主要由芥末, 芝士, 雞肉組成初頭有D 驚芥末會太HEAVY, 影響個包既味道, 但一食就將呢個疑慮一掃而空本人覺得呢個包比傻蛋孖牛仲好食, 絕對好食題外話,杯波羅特飲都唔錯, 加4蚊就有,不妨一試~

相信大家都知M記新推出左一條Oreo Line等草根妹妹帶住冒險精神去試下新口味先Iced Oreoccino（M size）$26 下午茶時間即刻衝去試，Order左Iced Oreoccino，可以睇到上面有好多Oreo碎碎+cream+一片薄Oreo呢杯飲品其實係用牛奶做Base，整體飲落都算smooth 新口味唔算伏唔太中意咖啡 或者係Oreo控嘅人可以去試下不過今次佢落咗好多好多冰，所以飲到最尾如終會變淡左

今次揀左💁🏻意式香軟包🍞脆香雞腿🍗芝味蘑菇🍄唔知點解今次舊雞好似怪怪地佢食落好似麥樂雞個啲"假雞"👀但佢應該係"真雞"黎架喎😕------------------------------值得一讚既係汁同蘑菇都夠多啖啖都食到爽口既蘑菇😋不過芝味蘑菇係配安格斯牛肉多啲😛------------------------------自選選擇如下👇🏻👅包🍞小麥圈 法式甜包 意式香軟包👅肉🍖安格斯牛肉 香烤雞腿 脆香雞腿👅汁🍯清新田園 狂惹火辣 芝味蘑菇