麥奀雲吞麵世家 (威靈頓街)

營業中

休息中

我見到咁多喊樣, 覺得有些奇怪, 因為我覺得雲吞的蝦夠新鮮, 而且麵亦彈牙, 我幾滿意喎! 不過, 真的太貴(以份量計算)它的雲吞是原隻蝦, 食落新鮮, 相比附近有一間的雲吞像雷沙湯圓, 大而無味!

28元一細碗的雲吞麵~ 雲吞4粒傳統細細的~ 內裡半只蝦都叫新鮮~ 不過唔算好食囉~普通貨, 噤細細碗的~又無咩特別好食的地方~ 完全覺得唔值28元囉~ 應該唔有再去了....

試了云吞面和水餃麵云吞的確非常好吃, 聽講里面除了有脆脆的鮮蝦外, 還有木耳跟海底椰, 蝦餃很小, 但系很好味. 麵好. 可是很細碗. 真的很細很細碗. 所以價錢$28 的確有點貴,雖然很好味, 我也覺得不值. 值得一試可是不會經常吃了! 水餃麵也是很小碗, 也值得試 去到的時候, 他們剛開門, 還在包蝦餃跟水餃, 技術很精湛!很好吃,可是可能不會經常去吃了!

每每問道那裡吃雲吞最好~過半答案都是"食雲吞?! 梗係去麥奀啦"~這個對答~已經不知聽了多少個年頭~但小比始終一直沒有這個機緣~在周一的晚上路過~還沒吃飯~就雙雙步入這聞名已久的”細蓉老舖”師傅功架十足~撈麵湯麵牛腩雲吞~都只是一息間的事~店內沒有多少客人~店員叔叔早就站在身旁等候你的"柯打"~不好意思考慮得久~就要了碗淨雲吞與蝦子撈~看著師傅拋過兩三下手勢~看著那"摩打手"的時候~麵已經來了~銀銀細絲般的麵條沒有半點鹼味~吃得安心~重點在其豬油的獨特香氣~非其他鹽油所能代替~熱力令鋪面的蝦籽散盡咸香與油香在空中散步~呷一口麵~是爽也是香~其他的都非筆墨於字裡行間所能表達到~被大大粒雲吞洗腦的港人遇上傳統的嬌小雲吞..一口一口的大小~蝦肉比例均稱彈牙~唯湯底欠了點大地魚應有的淡香~也下了不少化合物似的~頭頂的波波玻璃燈實在令人懷念~是小時候每天躺在家地上都會望到的~本來各自修行靜靜的店舖被一群同胞突然劃破了~大包小包擾攘了好一陣~思路頓時被截斷了~是時候起行~繼續月滿抱"中"環

一朝早去, 得幾檯人, 除左細細粒的雲吞入面果半隻蝦好新鮮外, 麵同湯底食唔出同出面有大分別, 食滯果排去食最好, 因為唔夠攝牙縫

原本想在勝香園食午餐, 但是要排好長隊。 所以更改地方。 立即想起"蘇Good"裡面介紹過的麥奀記。 想去試試。去到這裡la。 好彩不要等位。 立即可以坐下來。 之後叫左碗雲吞麵。 不過見到電視節目裡介紹過就已經知道不會好大的一碗麵。 而28蚊一碗細細雲吞麵又覺得不值。 不過不妨試試la。食左第一淡。 覺得好普通。 無什麼特別的feel&味道。 我用左不夠2分鐘已經食左成碗雲吞麵la。 我唸我可以一次過食十幾碗呢種雲吞麵添。 有少少失望。 不過可能正宗掛。個環境都可以接受。 餐廳夠寬躺&舒服。

因晚上要去看劇，又想吃一點，到了中環，不如一嘗麥奀，有朋友已告知大不如前，但也要一試．七時多，人也不多．我們二人來了，先來雲吞牛腩麵，我就只要了牛腩麵，麵也是不多，與多間出名的麵店一樣，但那兒可算大一點點了．但牛腩只是普通，都算入味，剛好合格；麵就沒有特別，亦比不上之前去過的店，有點失望，看著好友的雲吞，也只是普通可過；湯底喝了，口喝得不得了，好像是味精湯，令我大打折扣．幸好蠔油介蘭就很爽．然而要90元離開，只吃得三樣，而且又不是很滿足，要此價真是有點過份．

湯呢, 蠻濃, 有鮮肉味, 及鮮蝦味. 比麥文記出色, 但有味精. 這碗麵, 最出色是湯底了, 其他就不值一提了.麵條, 很一般貨色, 機器打出來, 有鹼水味.最失色是雲吞, 雲吞皮淋晒, 蝦肉不新鮮, 有點霉. 更差的, 是蝦肉內有蝦殼.

12/08/2008 咁岩過開海,到兩點幾都未食野,於是就同女朋友來呢間上過電視既麵舖喇!食左之後先知道咩叫做好食既雲吞麵,湯底清得來味好濃,d蝦好新鮮,皮又夠薄,麵又爽!唯一既唔好就係貴左d,廿八蚊一碗仔!@_@~~

11-OCT-08 2:25PM一個人黎到中環爬格仔,第一站先去食個雲吞麵熱身. 雖知價錢高企, 仍想一賭其風采.雲吞麵是我預期中的細蓉size. 4粒雲吞隱藏在碗底, 一口一個, 每粒都是有一隻鮮蝦, 很爽口, 沒有多餘豬肉夾雜, 口感不算是豐富, 至在夠鮮味.麵質個人而言一般, 爽是爽, 吃不到有鹼水味已合格, 奈何差點韌度, 未知是否不是竹昇麵之故? 湯底倒是清澈, 但更愛"永華"的鯊魚骨湯. 如要在這裡填飽肚, 每人一百是必須的. 怪不得時下年青人寧願去茶餐廳了~下一站, 泰昌.

細蓉唔該.甜到極的上湯, 頂多四箸的爽口銀絲細蛋麵, 四粒內含彈牙鮮蝦的薄皮雲吞. 一碗無可挑掦的雲吞麵, 廿八蚊就買得到, 何以言貴?人年紀大了, 雖則胃納百川的戰力絲毫不減, 但自知有損健康, 故不再發"可以食十碗就好喇"之類的春秋大夢. 能懂"少吃多滋味"才真是歎!

聽過麥奀呢個大名，但一直未有去食過。有日經過就即管去試下。叫左碗雲吞麵，嘩，勁，未見過咁細碗的雲吞麵，「這就是要$28的雲吞麵?」一睇已經暈得一陣陣。食落去，都ok的，但雲吞4粒，都係一口雲吞，蝦好鮮，幾好味，但老實講，同我樓下11蚊碗的其實分別唔大囉。d麵，my god，真係食3啖已經食完，結果係連湯飲埋都好似無野落肚咁。5分鐘食完...好一間呃鬼佬的食店，以後唔會去，或者發左達都會去，但要叫3碗先夠。

八月十二日(星期二)因為蔡san講過香港要吃真丕的雲吞麵就要到麥奀記!為食的我們當然要吃吃了!門面裝潢簡單,看下去是傳統的小店!如麥文記!還記得小時侯,媽媽想帶我去麥文記呢!麥文記的雲吞細細的,但麵卻好吃得很!我也不算太好鹼水麵,但也覺得好吃呢!今次到麥奀記也希望有過之而無不及呢!細蓉兩碗!果然是麥"不大"記的"細"蓉,比的式還要的式,但如果好好吃也不錯!先吃雲吞,覺得除了外形比較少之外,真的沒特別!!一些不出名的小店,也能夠吃到這樣的質素!麵也令我失望!麵少得很!出名!?就要少些,才妗貴?????麵也普通!可能我不懂得欣賞,沒有蔡san的境界呢!!!!!!!如此價錢...如此的質素............所以,都是自己試過先可信,每個人的口味不同!老公叫的牛腩河!牛腩尚可,所以只可以給ok

上次和男朋友來吃麵, 各叫了一碗雲吞麵, 湯充滿魚香,鮮甜又很清, 好好飲。不過碗麵實在太細碗, 要叫多一碟蝦子撈麵, 蝦子真係好香, 麵又彈牙, 好食過澳門手信街果間麵鋪。而且佢碗付送既湯, 同雲吞麵既湯好唔同, 更鮮甜更香濃, 好似加左好多蝦子去煮出來一樣! 難怪要賣成四十蚊一碟!! 男友連連叫好..佢話間鋪頭係佢媽咪以前後生食過, 帶佢來食...到我地呢代水準仲好好...上次仲見到容祖兒來食麵..!!不過真係好貴lor..

星期日下午到中環閒逛, 路過"麥奀", 之前未試過, 就入去試試招牌雲吞麵.雲吞好味,蝦爽又鮮味,麵夠彈牙.不過好細碗, d 麵食一兩啖已經冇晒,雲吞四粒, 細細粒, $28, 食完好似冇野落肚咁, 要去第二度再食其他野...侍應問我地要唔要汽水 (一罐$12) & 油菜 ($20) ? 我地兩樣都唔要, 之後d 侍應態度較差, 未食完就已經走過來收碗 & 抹檯!!! 好失望 ~