麗園 (已結業)

今日屋企唔煮飯就去咗呢間小廚醫肚，呢間小廚有一連幾間舖，而其中部分舖位就在路邊，適合D唔喜歡侷促及喜歡打邊爐（包括食煙）既人須然有幾個舖位但都人山人海，好不容易咁揾都張枱，好快咁叫咗幾個小菜，先黎煎炸餅，新鮮熱辣好鬆化，仔都幾多，味道稍淡DD，不過配上豆板醬及魚露就夠哂味喇再來沙拉骨，食入口就已經覺得好好味， 排骨醃得非常入味而味道相當好，除咗排骨都幾多之外仲有好多菠蘿，配合沙律醬食好開胃最後係啫啫芥蘭，一放底已經覺得好香，食落就覺得味道好濃郁而且相當有鑊氣幾個小菜都好好味但和一般大排擋有同樣的通病，就是環境衞生麻麻，在飯局中發覺米奇2次在枱底中散步走過

呢晚即興約食飯, 四個人最好就打冷架喇~去到荃灣路德圍, 唔知邊間好, 求其就入左去呢間叫麗園既打冷。我地叫左個湯、韮菜豬紅、滷水拼盤、金銀蛋菜。韮菜豬紅 - 一個字形容就可以了>鹹!!!!!!!!!!!!滷水拼盤 - 幾樣野食落都唔多掂, 有一陣怪味咁....至於個湯同埋個菜相比之下算係正常架喇........食完呢一餐好想講一句: 麗園無下次

住荃灣咁耐，經過好多次，但未試過，見無咩人就試一次。首先點了窩方魚肉碎粥，方魚件件都要吐骨，煎得唔夠脆，唔香難食，粥水太多，稀到飲水咁!沙拉骨，呢個叫最正常，但個樣唔多得，個沙拉醬尚叫ok。呢個鹵水併盤係三十幾年來食過最差既，生腸苦過dede，明顯係用野“拿”完，但過水唔清，老豆做呢行，佢話應該係哥士的或鹼水過唔清，同職員講，佢話生腸唔多唔少都會苦，但我食左咁多年得呢一次苦囉!!成碟併盤8成都係大豆芽.....

荃灣一向也有不少的餐廳今日去朋友屋企，到了午餐時間就叫外賣啦咁我就試左份炒烏冬，看餐單就覺得份野好抵，有湯有飲料但是當我打開盒子時我嚇到了份量真係超多，但是油是多到可以將佢倒出來再煮一道菜哇媽呀嚇死人感覺吃了一口會立即長胖一樣個老火湯係青紅蘿蔔豬骨湯，但係又幾鮮甜WO感覺熬左好奈，真係唔錯不過總括而言，份烏冬實左太油啦，除左油，都唔係好食到咩味我寧願份量少D，都唔想咁油

今晚一行六人,打冷就最好,可以叫多幾款唔同既野食!第一round我地就叫咗蠔餅,蠔仔粥,椒鹽九吐魚,啫啫芥蘭,炒蜆,鵝片併墨魚。叫了啤酒,邊食邊吹水。KO完第一round,大家仲意猶未盡。決定再加多幾味小菜!最黎埋單$804,以份量同味道黎講唔錯。環境都乾淨,唔會感覺污穢。至於服務態度,呢種潮式打冷你想點?!我覺得唔太差!!

今晚放工後見餓，路經路德圍 雖入夜但仍食肆林立，求其簡左間打冷就坐低。叫左枝大啤，幾味打冷例牌菜。 蠔仔粥，豬紅，滷水拼盤，白菜仔。算是不過不失，份量取勝，全部大大碟。但味道一般，滷水拼盤全無 滷水味可言，不落醋伴吃的話，完全冇味。。咁既環境咁既質素只能說一般大排檔宵夜貨色。唯一可取是夠大碟吧。

把幾火，叫左個椒鹽鮮魷，咸到離晒譜，然後叫個女職員埋黎幫我地換，之後見到碟野，仲話返我地食到碟野咁！態度勁劣！！！之後幫我地換碟野，專登勁玩野落勁少椒鹽！唔會再去呢間野！！！

在沙田宜家傢俬逛過後，沒下一站的頭緒，於是再次遊車河。跳上巴士，付上幾元，半小時後便到荃灣了。然後在附近飄來飄去，順便看看今晚食乜好﹖荃灣食肆眾多，但由於不是太肚餓，所以都沒什麼興致去尋幽探勝。記得友人說過曾在荃灣的明記打冷，很好的，於是我便提議去打冷吧。之不過最終在麗園落腳，友人話這間出品比明記更好，我有得食便成，去邊間都無什麼所謂。我只懂跟著友人走，見到他有正門不入而是轉去第二處，然後停在一間鋪的小門前，門前招牌是xx士多，剛好有店員從小門出來，對方問我們幾多位﹖友人報上人數之後他叫我們入去，正好有張二人枱，於是便坐下。入面地方極細，這裡放有兩大兩細的枱，我見到有人從樓上下來，原來樓上還有一層﹗相信很多食客也知架步，入來後就自動波上去，上落自如。由於地方好淺窄，無論食客和店員的出出入入我都要縮起身子，實在不方便﹗之後店員好快手奉上熱茶和碗筷，我們將用具洗淨後，便拿起一頁兩版的餐牌來看。餸菜款式都有不少，打冷﹑小炒，海鮮﹑內臟，肉類﹑素菜，水煮，椒鹽，基本上的都齊全。價錢方面都算公道，除了小部份的海鮮類是時價，其他都定了價位，有數得計。打冷的話我最一定會食韭菜豬紅$35，有半個湯碗的

剛去完睇燈，晚飯時間到了，本來想帶家人去上次話好正的荃勝食，但係呀媽已經坐抵左 哈哈哈!!!!!!!!!!不過見都好多人食，心諗試下都好喎!於是一家人坐抵啦!!!!唉..................惡夢開始了!蠔餅:真係不知所謂，唔應該叫蠔餅，應該叫粉餅，粉多過蠔，失敗!啫啫雞煲:上枱果一刻，都以為好好食，點知用筷子一夾，已經見底，份量超級少而且超級咸，真係咸到無朋友! 失敗鹵水鵝片:唯一一可以叫做，食得落口。但係份量少價錢貴。腐乳通菜:本人真係未食過一味咁既"腐乳炒通菜"，完完全全係一PAT野，D菜肯定放左好耐，食落口係好似咬緊PAT野，我吐左出黎! 我真係無言!基本上餐飯真係無點食過.....於是我地就比錢走人。只能夠話:多人食都未必好!!!!!媽咪話: 真係自已煮都無咁嬲!老豆話: 坐抵先果個又係妳自已!我地2個小朋友: 不如去食個糖水把啦!!!!

31-12-2012It was my 1st time to dine @ 麗園 with my friend. From the outside of the restaurant, you can clearly see the cooks making the dishes as there are big windows surrounding the restaurant. The food looked quite good and so we went in, but when we sat down to eat, we were totally disappointed - it was just an awful bad dinner！We finally ordered 3 dishes. 嗜嗜雞煲：the chicken was unbelievably salty, and the texture was really hard, not easy for us to swallow...鹵水鵝腸：the goose intestine came cold

上星期約媽媽到荃灣晚飯，最初大家都沒有頭緒吃什麼好，二人在路德圍兜了好幾圈，最終決定去未食過的麗園打冷。麗園店子不大，室內只夠放幾張小檯，所以店方在室外廣闊的路德圍行人通道上，也放上好幾張大圓檯。露天用餐，真夠打冷風味！兩人點了三小菜一粥，真豪氣！現在逐一介紹一下：芽菜豆卜 $25，普通不過的潮州冷盤，用來送飯送粥一流，芽菜爽口而豆卜吸汁，簡單好味！煎蠔餅 $55，兩塊厚厚份量十足！蠔餅，師傅炸得香脆，不過粉漿較多，還好蠔肉也不少。蠔肉每粒都有吋半大，且味道不腥。不過我們人少，幹掉兩塊實在熱氣非常！金牌蠔仔肉碎粥 $35 (碗)，另有 $60 (窩)，不過一碗份量，經已足夠我們兩人分到三、四碗，蠔仔粥的蠔較蠔餅的更為大粒，且味更鮮！加了肉碎令粥味更甜，當然味精是會有，但不重手，最少吃罷不口喝呢。啫啫雞煲 $55，明顯是點多了！不過雞煲上檯時，雞件加上蔥、蒜等配料爆得香氣飄然，使得我和媽媽即使飽得肚撐，也夾了幾件來吃。豬潤、雞和配料味道惹味，不過肉類都給煮過火，肉質吃落有點鞋，且雞件骨多肉小，感覺唔抵食。看食評大多是差評，但我吃過後覺得都不是想像中差，下次可以再去！

心血來潮想食蠔仔粥和打冷, 所以相約朋友去荃灣搵間打冷店食飯!!!! 點知......原來多人食都未必好!!!!!先來一個蠔仔粥.....結果超咸!!! 咸到不想食!!! 好在只叫了一碗!!!! 佢一碗的份量都幾多, 我地三個人分都每人有兩碗仔!蠔餅就不過不失啦!!! 鵝腸墨魚豆腐拼盤都係非常一般!!! 鵝腸無味和質感較硬!!!! 唔夠爽口!!炒通菜和炒蜆都係普通貨色!!!真係揀錯地方!!!!!

星期六晚朋友帶我們來吃晚飯,原來是潮州菜,我們點了5個最普通的潮州菜式 : -煎蠔餅很難吃,粉多但極少蠔, 煎九肚魚,腥的, 南乳炸雞翼,不知是什麼味,潮式拼盤是可以的但有點咸。以為坐室內比坐室外好,因為有冷氣,怎知道一樣熱,附近還有一枱客人在打邊爐,熱上加熱, 而且座位又迫,匆匆吃完便走人。

今日(14-4-2012 Sat) 去附近攞窗簾布,已經12:30pm,天氣熱兼肚有啲肚餓,於是走到附近坐低食o野,路過見呢間午餐都只係$28.00,就入去食啦,由於我拎住兩袋o野,咁o岩有二人卡位,o岩我喇.我要鹹魚蒸肉餅飯,加$2.00飲凍檸水.好快有一碗粟米青紅蘿蔔豬骨畀我,顏色係青綠色,飲落,味道好清甜,冇味精好舒服,想叫亞姐畀多碗我.然後凍檸水同食物都到o黎,好,食o野喇.肉餅鬆軟,真係一半肥豬肉一半瘦肉,好送飯.而唔大件o既鹹魚同樣好送飯,食到最後都唔夠飯o黎送添.而杯凍檸水呢,好大杯,檸檬亦唔少,而且冰唔多,不過糖水多o左啲,甜o左啲.不過可惜o既係,個卡位食正冷氣機o既風,吹凍晒啲o野,否則呢餐會幾完美.

星期日八時多, 見到路德圍的路邊坐滿了幾十枱客人, 其門如市, 本是有點期望的, 可惜現實相去甚遠先來的黑椒牛仔骨, 吃一口竟然炒燶了, 向老闆反映換上另一碟新的但新的一碟味道也不好, 茨汁太杰, 牛仔骨也被梳打粉弄得太腍而無味了例牌的瀨尿蝦尺寸小是預計之中, 但端上的時候只是微暖, 大打折扣, 椒鹽亦太少不夠惹味, 尚好細小的瀨尿蝦肉算是鮮甜$110的避風塘炒蟹只有三隻蚊型奄仔, 炸蒜過於濕身, 整體失去了避風塘炒的惹味體型細小的蟹加上蟹肉十分舔殼, 起上來甚是吃力整餐飯豆腐魚雲湯是最出色的, 清淡之餘有陣陣魚雲的鮮甜, 正好中和另外幾道熱氣的食物其他食物都不如人意, 心想下次兩口子只點個湯配個白飯應該會更為享受