麗園 (已結業)

剛買了蟶子三餸飯, 很開心好大條, 但原來一撥開D粉絲, 成pat屎在蟶子上面,這間舖的廚師沒有清除內臟就給別人吃,簡直是沒有常識,蟶子還一陣臭味,即是立即掉去.十分恐怖,不再幫襯😡😡😡

我見到網上面話荃灣麗園有海鮮$45超抵食，我就走去排埋一份，我去到條隊都排到轉曬灣，啲人多到😮‍💨不過都值嘅，因為真係好抵，我一盒一個餸，今次我買左兩盒炒蜆，兩盒椒鹽蝦，一盒辣酒煮花螺，一盒長腳蟹同一條鹽焗烏頭，今日返到屋企太多盒啦，所以就用碟裝住嚟影相俾大家睇😆首先講吓個蜆先：味道係夠味，炒得好食嘅，但係我自己就覺得喊咗啲，如果減返啲鹽就Perfect啦🤣長腳蟹：我就覺得乾得滯，味道方面可以講無咩特別，所以我唔會考慮回購，除非轉第二個煮法☺️椒鹽蝦：呢個都好味，啲蝦都係新鮮蝦炒，無咩特別可以介紹，但椒鹽蝦係值得回購嘅😋辣酒煮花螺：呢個味道都唔錯，可能我食得辣啦，我就覺得如果辣啲就好啦，但係都係好味嘅，而且仲食到有酒味😋最後就係要推介一下條鹽焗烏頭，呢條魚就唔係$45果啲小菜，但係大家如果鍾意食魚就一定要試吓，佢條魚真心好食，而且果啲黃油都漏出嚟，啖啖肉，加埋黃豆醬無得頂👍所以今次嘅購物體驗係超值，盒盒都大大盒，而且仲係$45盒，排咁耐都係抵，但抵過自己煮。

一間好似墨魚🦑咁嘅鋪頭呀 麗園 ! 荃灣打冷! 收多錢！亂咁收錢㗎呢間⚫️店嚟㗎大家真係睇路椒鹽鮮魷🥢Menu就$98 埋單就話係大牌$200 但份量就完全唔覺有多😹烏頭🐟唔好食 但同枱有一個fd好鐘意食西檸雞🍋酸過你屋企支醋 一上菜係酸到乸口乸鼻 損埋條👅咩滷味拼盤 全部唔好食最好食係居然係碟$70蚊嘅蒜蓉菜心 🥬🥬😅個避風塘茄子🍆都好味得呢兩樣係好多食份量就唔見有多 同其他碟菜一樣 都係少藍妹33 黑啤38Total就一個數 但係收錢收齊頭數 收多錢 人均150 但食唔飽 最嬲係見後生？ 就當水魚咁樣亂咁收錢仲大聲夾惡 恐嚇我哋：咁你而家想點呀😹😹😹

滷水鵝片首先份量唔少，呢個價錢黎講真係估唔到，味道方面，鵝肉甘香，肉質彈口，肥膏同肉嘅比例恰到好處韭菜豬紅豬紅份量好多，每舊豬紅都大大粒，唔會用韭菜佔大部份，豬紅食落仲好彈牙，湯底味道濃郁，韭菜完全可以吸收精華小炒王除左鑊氣夠之外，我幾欣賞佢加入左白飯魚，令整個菜式更加香口，送啤酒一流🍻

一向都係叫小菜，今次只打冷，叫咗幾樣嘢白飯魚煎蛋-呢味餸喺屋企由細食到大，都知道白飯魚唔平，但佢用其他不知名魚毛代替白飯魚，不能接受蠔仔粥-蠔殼同沙都唔少，而且有腥臭味生腸拼墨魚-生腸入口即溶，只需用條脷輕輕力顏一顏佢，而且仲有好過份嘅豬味，連我呢啲平時食豬腸要求有豬腸味、食羊肉要求有羶味嘅人都訂唔順，墨魚一般冇特別總括嚟講，小菜ok，打冷no way

韭菜豬紅夠熱， 雖然是雞紅但也入味。鹹菜門鱔 味道濃郁，好下飯，唯溫度實在太冰冷了，可惜。大眼雞，在雪櫃拿出來似的，雖有魚味，但肉質很硬呢。。。。是日宵夜400。。。有點貴。

這間飯店很多元化，有打冷、小菜及火鍋提供，單看菜牌的款式已多得花多眼亂。食物質數屬街坊水準而已。砵仔雞蛋焗魚腸是我較喜歡的懷舊菜，現在已很少餐廳供應這菜式，魚腸是熱辣辣的帶少許苦味，而面層的雞蛋焗得香口，再加一點點糊椒粉，真是太美味了。椒鹽二魚(九肚魚、魷魚)，份量比我想像中多，粉漿不太厚，但我略嫌太乾身，九肚魚及魷魚味道有點淡，但靠炸蒜頭的重口味也幫不了多少。滷水鵝片不過不失的，$130份算是便宜了，味道正正常常沒有太大驚喜，如果能多幾片更佳。

睇落係平凡既茶餐廳羊腩煲又好似冇乜人推介但個人覺得呢度既羊腩煲可以encore再encore🤤🤤🤤同過唔同既朋友黎都表示冇介紹錯羊腩煲好大份兩個人食好飽要加多個飯 撈汁最岩🎈羊腩炆得幾淋支竹已經入哂味其他配料都係perfect match係菜可以多啲架但單嗌既菜比較貴🥱個煲煮耐左個汁越黎越濃果個味道好吸引❤️但都係烚下烚下mode既食物近期都係唔可以食啦希望遲下可以再食啦😷

今日經過門口見到有三餸飯，佢個午餐牌都好多野簡，A-D有炒粉麵，1-9有9款餸，其中簡3款餸，有個例湯，一罐可樂。外賣都係$41！其他店舖食個炒飯加飲埋杯凍飲都$48啦！所以對於係荃灣區食晏就黎講都算平！飯餸味道不錯👍🏻飯盒夠大盒。一定會再幫襯！

話說，帶住小朋友去食，因為小朋友唔鍾意自己坐，鬧情緒要抱，哩間有得坐外面，就係因為唔想嘈到人所以坐外面食哩間但有個員工咩都唔知，見個小朋友喊，就走埋黎話我點做人阿媽，又話唔識湊就搵人湊啦我覺得態度真係有問題，咁都關你事？跟住又黎錯幾次野食，無叫既又擺落黎咁有個菜食左陣，跟住又拎多個黎，話哩個菜先係我地枱，但兩個菜就咁望都係一樣，咁就問佢有咩分別，如果係一樣唔洗換佢話唔知有咩分別嫁，但枱號唔係你地，我話但我食過喇喎，佢就話好過錯啦，跟住就交換左... （咁食過果碟唔知佢有無拎到去原本張枱喇）拿拿臨食完就走，好耐無寫食評，但真係唔寫唔得！好受氣好差既一餐，絕不再幫親！

凍冰冰除左打邊爐，打冷都係個好選擇平時係荃灣最常幫襯嘅打冷檔係路德圍嘅呢間麗園，貪佢一定有位。同平時一樣叫左好香口嘅蠔餅，唔知師傅係咪重手左少少，落左大量炸粉，上枱時仲以為自己叫錯左大大份，夾極都食唔倒一粒蠔另外叫左一個雜拼加鵝片（$148，唔加鵝片平$40），大大份，有豆腐，墨魚，鵝腸，豬耳，大腸等等，如果唔食立立雜雜嘅其實可以叫番鵝片。卤水味幾香，適合配啤酒最後加個通菜，不過不失，不過油膩左少許。小店黎講其實都覺得佢幾貴，。

同女友天寒地凍地食雞煲打邊爐，附近黎講價錢比起附近商舖唔算平。質素只可以話正常水平。見食品無乜特別驚喜，只可以話地點交通方便，時間幾夜都得。如果食小菜小炒還可以過到關

今天天氣寒冷就諗住打邊爐,路經這間店舖見有邊爐打便坐下,這個晚餐惡夢就開始了,湯底得2款選擇,火煱配料勁小又貴,最後是旦叫了鮮雞件,魚皮餃和蘿蔔三樣,已經要$242三樣野到齊湯底都未到,而且賣相很差,之後湯底到了但個爐煲極都唔滾,還熄火幾次,我諗住搬去隔離枱冇咁大風就比個男職員呼喝唔得,態度極差,最後我把三樣配料倒哂落去冚蓋煲熟快快食哂走人,這食店不論食物,招呼態度,都係2個字"垃圾",以後都不會來!

1)滷水鵝片ok..都算大碟! 但滷水汁可以再濃味啲!2)上菜時睇顏色已經知道..嗰韭菜豬紅唔夠味! 3)紅腸拼墨魚片味道一般! 而且用咗好多芽菜戰高高啲餸..造到個效果好似好大碟!4)沙嗲金菇肥牛粉絲煲都可以..真係好大煲! 兩個人都食唔曬! 整體食物質素覺得一般, 無咩驚喜! 唯一可取係出菜速度算快!!價錢方面似乎set得太高! 兩個人叫咗四個餸加埋...食咗成$600. 大排當格局自助午餐價錢既收費..真係唔太值!!

和媽媽及男友宵夜, 在路德圍走呀走, 最後選了麗園. 三寶是我至愛, 其實很難做到不好吃的, 這裡OK.滷水雜錦, 鵝肉非常入味又嫩滑, 很美味. 韮菜豬紅又是必點, 少許辣, 很暖胃. 蠔餅很脆, 略嫌多油. 價錢不貴, 會再來的