新年流流粉絲約我去做邊青~我緊係即到LA!!!
粉絲話睇報紙有優惠,所以萬物錯過…我地一行6人,第一次黎呢到打邊爐,
入到去餐廳好細,間左几間房,最大的房可以坐到12人,長方枱,每張枱放兩個電爐,
更有獨立房可以坐8 個人~睇落唔錯,我地要求坐獨立房,服務員話我地唔夠8人..
坐下點湯底~粉絲就拎左張報紙出黎比服務員示有優惠,原來都有D限制,
一定要有6個人先有個’’撈起’’(前菜)送,一定要有6個人先可以用$1 叫半磅三文魚刺身
又一定要有6個人先可以點兩個湯鍋同送一個海鮮拼盆…果然係 ‘6頂記’~
OK LA…由於一入坐就開始計時,我地用最快的速度去落單
重點當然係要點兩個推介湯底LA .仲點左其他配料…
湯未上,好多配料已經黎到,有數款的牛肉同蔬菜, 張枱好細,中間仲要放兩個鍋,
唯有自行將同類的夾埋一碟,慳返D位…諗住放多D野.
牛肉款式唔算多~豬同羊就更少,可翻點的只有牛柳粒,其他款式D色澤好似唔係太新鮮,
令人冇想再點的意慾,丸類情況冇乜特別,一般街市買到的丸
報紙上稱聲可以任點的羊同鹿肉就唔見出現過喺張點菜紙上,
問服務員,佢話羊同鹿肉係冇得點的..加錢都冇,只係湯低先有 (吓…唔係呀化~!)
又等左陣都未見個湯黎,想追問,但係好難搵到服務員, 服務員這東西係只有佢拎野比你時你先會見到佢一面,其他時間想見都唔易.所以有乜野就要喺珍貴的一刹那同佢講晒~仲希望佢記得..
終於湯鍋黎了~
羊腩湯 – 好正~又夠大鍋~~好有羊羶味~中意食羶的人有福了~感覺真係好似喺農場聞到D黑草山羊的味道,鍋入面好多羊肉~舊舊都好大件~又有肥膏~勁保暖~!重點係佢真係只有羊湯味,唔見冇加其他葯材去煲,做到個原汁原味的效果~我地每人至少可似食到1.5件羊肉~真係正~
鹿肉湯 – 相比羊肉鍋就失色好多~香味唔夠突出,而且鹿肉只有4,5件~大細比羊肉細一D,入口好淋,鹿肉湯底本身加左少少葯材一齊煲,其實唔講都真係分唔到佢係乜野肉,就好似係淋左的豬肉,加上加左几件粟米一齊煲.感覺更似豬骨煲..
之後點的食物都唔係好新鮮,已經唔諗住有驚喜,但求合理.
魭魚片, 魭魚頭 – 朋友食到有微量的發泡膠味,似有還冇若隱若現,佢估計可能係存放喺發泡膠做的盒入面,所以會有咁既異味..令人唔係咁想食,但係唔點魭魚又冇乜野海鮮值得點,唉…試過點左第二款,但黎到都係呢一款,唉…
手打魚滑.蝦滑等食品每次點佢都只會比兩粒墨魚丸大小的份量,少得可憐..兩下手勢就搞掂,我地落單時已經自行加大份量,但佢地仍然係比一小份.唉~~
炸魚皮,又細又粹又硬~每一片都唔會大得過一張八達通,好似有心比人整欄咁,唉~有冇搞錯…
豆製品同蔬菜算係唔錯的出品,至少D菜冇黃冇爛,尚算新鮮.可能已經冇得差~
齊6人送大禮 ->’’撈起’’(前菜) – 似係日式冷麵,由麵條,蛋絲,蘿蔔絲,菜絲,三只隻甘蝦同三片疑似鮑魚片的東西撈埋一齊,配以奇妙的醬汁,何以奇妙?因為好難食得出D汁係乜野味..要講既話就好似係加左少少醋的沙律醬,浠浠地又酸酸地,感覺好怪..呢份大禮的份量,6個人大約每人可以分到一小啖,真係多謝晒~新年都係囉個意頭姐~明白的…
價值$1的半磅三文魚刺身 – 一共每人可以分到唔夠兩片~唯有有人食少片LA.出品唔係太好,冇乜魚香味,超級一般的貨式. 新年都係囉個意頭姐~明白的…
海鮮拼盆 – 由落單到上枱足足一個鐘,追左4,5次,服務員可以每次都同我地講’師夫執緊’’材料未齊’…最後的作品普通得唔記得影相…記憶中有生蚝,青口,鮑魚,魚蛋,..唉~真係食左都唔記得有乜野.. 新年都係囉個意頭姐~明白的…
好快兩個鐘過去,服務員會喺早十五分鐘黎同我地講 last order但係佢地仍然會好慢地落單同好慢地上菜,之後會同你講: 你食唔晒會唔會加錢加鐘..如唔會就夠鐘立即要離開…唉…
題外話/補充資料：
烚下烚下期間有位年輕的財神走入黎大派糖果同大抽利是~稱聲有大量現金奬的利是~最多可達現金 $1000~人人份可以每人抽一封~~我地几個當然放下筷子全力支持LA..結果係我地每人得到現金 $10利時同兩粒糖~MR 財神仲要我地抽完即場拆利是向住CCTV笑一下以茲證明…新年都係囉個意頭姐~明白的…
作為小女人~相信報紙優惠其實係好自然的事~我地無憾咁作出呢次嘗試,但一定絕對保證唔會有下次,仲會提點身邊的朋友新年前後小心一點…
經過今次,相信可見將來都唔會有下次,但願未來日子,佢地可以有所進步~~真心的!!
(以上食評乃用戶個人意見 , 並不代表OpenRice之觀點。)
影片
