鴻星中菜 (已結業)

14 January 2007 (Sun) - 朋友結婚太耐之前啦，都唔記得有乜好及唔好，但肯定唔係差，因為唔好既嘢會特別記得清楚，唯一記得係出餸出得好快，可能係Sunday既關係，啲waiter/waitress趕收工，所以爭啲食唔切！仲有記得裝修不俗，有啲好似水晶既裝飾喺牆上，睇落都幾大方！而且呢間鴻星既間格都還可以，係有兩圍會特別凹咗入去，其他都算四正！

20070302公司包了個房間，十幾圍的樣子，地方不算小，但隔音就一般般，聽得到隔壁另一公司在抽獎……另外，牆邊有棵碩大無比的柱子，如果不是司儀提醒，我都沒留意到那邊還有兩圍同事……想彈的還有鴻星的洗手間，可能人手不夠人客太多，根本清潔不及……彈了這麼多，也說點公道話吧，菜肴的味道普遍來講都還不錯，喜歡它的清蒸海上鮮：）大概公司也落了本，見到不少貴價貨，如鮑魚之類，可惜鬼佬多，並不是個個欣賞：）頓生暴殄天物之歎。別出新意的是當晚並非酒席而是散叫，不管效果如何，至少感覺上沒有那麼悶。比如一開始的六個冷碟，囊括燒肉、叉燒、海蜇、牛展等，精精緻致，樣樣俱全，很討好。甜品時間見到紅豆沙與生果，極之普通；搞笑的是隨後跟了一碟西餅拼盤（大概是照顧鬼佬吧），賣相與味道卻都是上佳，不知是鴻星自家出品，還是去附近酒店的自助餐席上端了一份呢：）紅白二酒都清掉了幾箱，擾攘之間已是十一點。曲終人散。電梯處的人龍足有近二十分鐘才散盡，一面等，一面回看大紅錦簇的“鴻星”門口，怎麼說呢，好壞參半吧：）

新年前訂了鴻星銀盆盆菜(沒有鮑魚那種)，價錢為498,4-5人份數，為到百幾蚊一個人，價錢比起出面的都算貴貴地(不要和百家、大尾篤果d比囉)。佢地有分買盆菜卷(事先俾左錢)，或者phone order，當日去到至俾錢，拎貨前一日再confirm。不知是否因為未俾錢既關係，本身說好了五點半拿盆菜，五點半都未夠就有人打來追問係咪真係要個盆菜.... 我估佢係有客想即時買，又無貨所以睇下會否有人放飛機。過左四個字又打來追過，過份。到朋友取了貨回來，發覺貨不對辦。我訂的是沒有鮑魚的盆菜，佢就俾左有鮑魚(仔)但貴一半的給我的朋友，由於並非本人親身去拎，朋友就不知就裡地拎了一個貴夾唔抵既盆菜返去，返到去先發覺就不能回頭，無理由拎返去架。佢無可能落錯單，因為我之前兩次打去confirm時間地點，佢地兩次都自己講得出我係訂左498(非鮑魚價錢)的銀盆盆菜。講真佢地無晒貨就應該誠實一點，問客人會否要d材料明貴點的盆菜，rather than無啦啦塞左俾人，人地都唔知咩事，好似搶咁。仲有，盆菜的質數會係值400元左右，份量是四至五個人吧。不過要吃埋飯先夠囉。那些鮑魚應該是麪粉造的，最少質感似，真失敗，豬皮

鸿星给我们的印象就是石头鱼，做很多游客生意，卓头及创意水准比食物质量来的高，价钱偏贵。已经约有年多没有去过，今天早上经过，便进去看看食物水准有没有改变。点心纸上面有些点心用了拇指公仔写着“必食”，于是便叫了其中两个。卖相是挺好的。“石头鱼脆脆卷”使用脆桨包着石头鱼粒，炸成很松化的样子，食上口也是很松化的。“越式脆虾肠粉”更是一个创新电心，使用肠粉皮包着刚用脆皮浆包着炸的虾。可惜得很，鸿星还是要维持着一贯作风，中看不中吃。吃完一块脆脆卷及一块肠粉后，已经非常‘漏‘，尤其是那个脆脆卷，里面充满了mayonnaise。其他的点心也不特别好味。较好的还是那两碟伴桌的花生脆鱼仔和XO 酱而已。

通常都係去尖沙咀同灣仔兩間鴻星多，有時真係幾激氣，自從試過時代廣場呢間覺得比另外個兩間好所以今日中午又嚟呢到飲茶。不知道鴻星甚麼時候開始一個籠裝一隻小籠飽($20)咁樣上枱，賣相起碼比海都好多，味道同以前一模一樣，不是太好食也不是難食；市橋白賣($24.8)，懷舊點心，以前沒吃過，幾得意，味道像魚肉燒賣？煎蘿蔔糕($18.8)，預左佢會差過陶源但都唔錯喎，明明記得揀左普通蝦腸，唔知邊個搞錯，總之變了這個越式脆蝦腸粉($28)，樣子有Ｄ似炸兩，味道還可以。流沙飽($24.8)，幾好。好過富東，潮州粉果，韮王好多，切得好大粒，都可以。基本上，沒有一樣食物較其他食店優勝，但又沒有差過人，以咁嘅價錢係咁嘅地段算係叫做抵食過同在時代廣場的其他幾間廣東菜館。

公司食飯去了這兒.裝修得幾靚, 很多partition, 很多燈, 有d cyber feel. 講番野食, 其實都係去飲果d 餸菜. 但味道和份量甚至賣相, 總是很普通, 和環境不相襯.

昨天放半日假跟外婆到這裡食下午茶, 時間約兩時多,門口聚集了一班等位的食客,但不到三分鐘便有枱了可能就是平日的關係,準備上班的一大群藍白領食客都要離開了,但這間分店的面積可不算小呀! 我們的位置是在廳內的,都算靜,坐也算得上舒服呢!如果是卡位更好呢!隨後便點了這些點心:1) 皮蛋叉燒酥: 無咩味道,好淡,完全食唔出有皮蛋味呢!但眼見有皮蛋架噃! 好在無咩油!2) 上海蟹粉小籠包: 好貴但超好食,連d湯同埋d醋都特別好味!貴野真係無得頂! 3) 鳳尾蝦多士: 好好味呀!好耐無食過呢款食品啦! 而且一d都唔油膩!凍左都咁好食呀!4) 燒賣: 初時打算會幾好食,點知最差就係呢個,又係無咩味!同埋無燒賣的味道呢! 呢個係最差的點心!下次一定會再試其他款不同的點心!

上星期日睇完早場, 好想去飲茶, 見鴻星門口冇人等位, 諗住冇死啦, 點知都要得15分鐘, 但最激氣原來入面仲有好多位, 唔明點解唔比人入去...???入番正題, 點心味道一般, 賣相OK.- 企鵝餃: 賣相幾特別, 蝦膠餡.- 石頭魚餃: 一般...冇咩驚喜!- 奄春蛋燒賣: 貪佢夠懷舊.- 叉燒腸: OK.- 棉花糖白兔: 唔係太甜, 外形好可愛!兩個人飲左$160, 好似比較貴.

昨日同女友去食通天鴻星吃黃油蟹。當晚菜單：老火湯、黃油蟹、黃油蟹粉小籠包、雲南小蝦嫩豆腐、清炒涼瓜。 老火湯（內有豬骨、蘿卜），雖不知是什麼名，但煲得火候好好，湯味濃郁。 黃油蟹是晚餐的亮點，蟹肥多膏脂，蟹肉飽滿，通體的油脂，入口頓感甘、香、軟、滑。蟹肉不算好滑，也遠不及陽澄湖大閘蟹來的鮮美。 黃油蟹粉小籠包實在是平常，不值得試。小籠包雖多黃油蟹粉，但與豬肉的油混在一起後，絲毫不覺好吃。口感也十分平常。我更想念上海城隍廟南翔饅頭店的蟹粉小籠包。 雲南小蝦嫩豆腐，其實是蝦皮豆腐，中間摻了些海蝦仁。與雲南美食大相徑庭，冠以雲南二字，不知是為什麼？　　

waitress啲服務好唔掂!! 讓我舉例說明之:事件1食魚翅, waitress無俾醋, 問佢攞醋, 佢竟然答我"呢味餸唔跟醋架!" 跟住就走開去. 我唯有再問第二位waitress攞醋. 5分鐘後,終於有醋食魚翅喇!事件2食小籠包, waitress分菜時, 將5隻小籠包弄穿(一圍只得12隻), 其實係分到第5隻我已經無眼睇落去~事件3食魚, 當我用隻碟放好一件魚,食緊之際,個waitress硬將我隻碟收走~ 我當時係未食完架, 最後都有俾隻新碟我嘅~ (服務效率期高)事件4食完所有餸菜, waitress收啲用過嘅碟時, 竟然將啲是醬油倒瀉左去我隻手臂和手袋~ (太有效率, 完全係趕收工, 當時只係10:10pm左右)唉! 數住咁多先啦! 散場時, 每位賓客都有表示不滿. 即是好多圍枱嘅waitress服務都係咁上下~ 各位如果係度擺酒,請考慮清楚!

尋日一行三人到此飲茶做lunch,叫了流沙包, 腸粉, 煲仔飯, 鳯爪等等.味道都ok,其實無乜特別.因為三個人, 又無特別叫貴野食, 所以二百零蚊落樓.無話差, 無話好, 不過又唔覺得好好

兩星期前跟朋友到鴻星飲下午荼, 吃了一碟(8件)的"炸兩腸粉", 收$38 (+10%), 可能是近母親節加了價(平日好像只是$14)...本來也是件小事, 但最不滿意是那落單服務員的態度, 因為剛落單還不到兩分鐘, 發現特別加價的炸兩, 想要取消, 但一個瘦瘦的女服員立刻說order 已弄好, 不可退.(她又沒有去check 單, 怎知道已弄好.) 更離譜的是剛巧鄰座也點了相同的炸兩腸粉, 她便硬把人家的先給我們. 送點心的不知是什麼回事, 就在我們桌前跟她argued 說不是我們的... 吵了好一會. 最後還是把那碟腸粉送回鄰座, 過一會才送上我們order 的一客.

有一day要請客吃飯, 因為在喜來登開會, 星期六晚去了尖東華源的鴻星. 貪佢就腳. 也沒有限budget. 看了圖畫要了個魚套餐, 因為有八折, 原價一千實收八百云云. 好像很抵. 但旗袍小姐唔俾我, 硬要幫我寫一張一千的菜單.任她寫, 不讓我看菜牌. 她寫的菜都唔好食. 條魚細得很. 埋單收了千四. 我覺得莫名其妙, 貨不對版. 有做水魚讓她拑住搶的感覺. 但有朋友在塲, 不能爭拗,破壞氣氛掃興. 但我肯定以後都不去任何一間鴻星了.

25/5(四) 11am返工前同男友到食通天飲茶,本想去"鍾菜"(12點前點心6折),但要等位,唯有退而求次到此處.11點去到眼見只得4-5臺客,相信同價錢及服務有著密切關係!星期一至五12:45前埋單大中小點$12.8,$5茶芥,$2前菜但其他小菜超點價錢照舊$28/$38.大中小點大約得20款左右,選擇不多,辟穀後胃的空間極之有限,我地只點了4款點心:皮蛋豬骨粥(豬骨系豬肉碎),妙醬琵琶豆腐(4小粒普通琵琶豆腐),蒸腊味蘿蔔糕(不覺有蘿蔔味,腊肉油膩但欠缺鮮味),橫行蟹將軍(蝦粒,冬菇,生菜絲作餡).全部味道沒啥特別,份量的骰,服務不見得好,侍應有點狗眼看人低,見我地並非富貴師奶/阿叔便不太理睬.唯一可取之處是環境比一般酒樓寬敞乾淨得多!(但食通天的中菜館普遍亦是環境較佳)$71埋單,不值重臨!

點心味道一般。但他們有梳乎厘供應，有多種味道選擇，做得不錯呀！我吃過原味及朱古力味。