鴻圖樓

營業中

休息中

鴻圖樓 (觀塘).收工發現觀塘工業區有一幢富麗堂皇，原來係一間中菜廳，睇完個餐牌都幾有興趣於是就入左去食！.薑蔥新鮮鮑魚雞煲.有四隻鮑魚開半，薑蔥雞件份量好多，又夠惹味.紅燒魚香玉子豆腐.非常滑溜嘅玉子豆腐再煎咗一層薄薄嘅外層，咬開入邊又熱又軟另外配埋魚香肉碎，伴飯一流！.咕嚕雞蝦球.咕嚕雞蝦球，入邊有四隻蝦，全部都好爽口證明夠新鮮。另外仲有好多雞球，全部都係炸完再加入酸甜汁！ 又係一個伴飯好餸菜.鴻圖樓 (觀塘)觀塘鴻圖道30號1-2樓

鴻圖樓 (觀塘)📍觀塘鴻圖道30號1-2樓有時行下觀塘海濱長廊都會經過呢間古色古香既酒樓。今日夜媽媽行過見到, 俾佢出面裝修同燈飾吸引左。就決定行入去食啦!!!😎😎呢間酒樓係openrice都有列明係川菜🌶️. 呢排凍返都係食下辣野暖下個身先2人晚餐點左2個主食同1個湯。份量十分足夠。所以都冇再叫白飯哈哈🍲 姬松茸螺頭燉竹絲雞($198):作為一個’’湯煲’’ 叫返個燉湯飲下先, 一打開蓋,超足料。而且湯係好清甜, 飲下飲下2個人都每人飲到4-5碗。下次多人D飲都得呢!🐥 辣子雞($138)上菜仲係熱辣辣, 粒粒都大大舊唔乾身.辣度岩岩好唔會係’死辣’盍過本來雞肉既味, 唔會係炸粉好厚食到唔想食個種。🐟水煮龍躉斑片($238)：龍躉斑片個皮真係好好食, 係滿滿骨膠原. 魚片好厚身呢個價錢有甘既質素都好好。配料又多有寬薯粉、萵筍片、大豆芽同雲耳～又中意辣同魚既朋友, 真係一定要試！！#中菜 #小菜 #觀塘 #晚餐 #鴻圖樓

鴻圖樓番新完畢唔少人過嚟打咭話有cyber punk feel靚唔靚我識條鐵，但型就一定型紅色夠曬搶fo，遊客應該會嚟影相樓下茶記，樓上茶樓兩者都係非常之可以代替香港嘅美食嚟呢度好過去玩激光劍（我估）茶樓格局都好有年代感但要手推點心車就難啲，始終地方有限一至日都有下午茶時段經濟啲可以晚圍用膳茶錢$12一位，茶夠熱幾鍾意佢用小茶壺，可以keep住飲熱嘅茶小點$14.8至頂點$33.8下午茶點心紙款式都幾多點心腸粉甜品炒粉麵飯全部都有點心出品唔hea，大粒又胞滿蝦餃同鮮蝦菠菜餃係必食晶瑩剔透又爆曬涵😋飲茶唔少得叫燒賣啦好大粒，一人兩粒已經飽左🙈春風得意腸係嫩滑同香脆嘅合體竹碳奶黃流沙包奶黃幾好冇太甜亦夠流心蜜汁奶蛋酥呢款茶樓經典甜品買少見少甜到入心，肥胖又邪惡偶爾為之都仲可以嘅服務好周到，加水加茶超快手與其懷念舊時好時光不如過嚟飲番餐茶珍惜而家仲擁有嘅美好

觀塘街坊又搵到好嘢食啦！！呢間老細跑步經常都經過，但係真係未試過……上次朋友話晚餐抵食夾大件，今晚就同老細嚟試下！聽個部長話有幾個菜仲未出菜單，問我哋試唔試？？又食唔食最大惡極～一於就試下啦！！🐂水煮安格斯牛柳粒：今日MVP～份量大唔在講，配料又多，味道一流！！雖然係水煮，但唔會覺得油冧冧，牛柳粒非常軟滑，亦都好香牛味。下面仲有寬薯粉、萵筍片、大豆芽同雲耳～呢一煲，真係一定要試！！👍🏻👍🏻🐟五柳香煎黃立倉：呢味真係比較少見～黃立倉上枱大大條，仲煎到卜卜脆～十分香口！！個五柳汁酸酸甜甜，有好多酸瓜絲，配埋甘筍絲，十分脆口又惹味！🥰🦐生汁明蝦球：蝦球大大個，圓碌碌～炸到脆卜卜～裹上薄薄嘅沙律醬，香口得嚟又幾清新，上台果陣仲出曬煙添！😋🌿蒜蓉蝦醬炒通菜：調味恰當，唔會太鹹，蝦醬味夠香，但係又炒得好嫩～最重要係份量非常多！！😂🥰👍🏻相信佢午飯時間一定座無虛設～因為以今時今日嘅經濟狀況，星期一晚飯時段，竟然仲返到枱～真係勁！！佢樓上仲有鵲局小菜，真係返工放工一條龍服務呀！！😂😂👍🏻

星期日嘅觀塘工業區水靜鵝飛，唯獨呢間外型突出嘅鴻圖樓坐無虛席。午飯時間一位難求，眼見客人都係附近老街坊。📌香芋燒腩卷老一輩嘅人都會食過，當年為了飽肚，以燒豬腩肉加上芋頭做成包卷。呢到還原當年味道，醬汁香濃，香而不膩。📌鵪鶉蛋燒賣又一款懷舊點心，坊間少有，原隻鵪鶉蛋放係燒賣上面蒸，特別又滲透肉香。📌鮮炸粟米餅外面點心都以鯪魚位居多，呢個粟米餅加入魚魚香煎，薄薄一層腐皮包裹，酥脆有粟米粒粒咬口，創新又好味。📌四寶滑雞扎必叫傳統點心，足料入味，大大件雞肉吸盡湯汁。📌至尊蝦餃皇大大隻蝦餃，皮薄餡靚，蝦餃皮透薄晶凝，一籠四件，絕對抵食。📌香濃芋絲餅🌟推薦🌟芋頭控必食之選，一絲絲芋頭，組合成一大件芋餅，以五香粉調味，加入蝦米，煎得香脆可口，每口充斥著芋香，比芋頭糕更好食。假日下午茶1:45起，點心更抵食👍🏻全部即叫即做，非工場交貨現成點心，但上菜速度都唔慢。

鴻圖樓 (觀塘).觀塘牛頭角嘅工業區被呢座鴻圖樓震懾，外面睇一幢好似宮庭式建築！. ▪️鴻圖燒鵝半隻▪️.見到係招牌菜式，四個人叫左半隻食下果然本身已經好有味，燒鵝皮脆仲有啲鵝油香. ▪️海皇生菜包▪️.個生菜包非常可愛，用牙籤篤住成個小山丘咁，生菜包有蝦粒，肉碎，.▪️新鮮龍躉魚茸羹 ▪️.精緻嘅菜式，炸得酥脆嘅鱔再淋上雪梨汁就會減輕膩感，仲有淡淡桂花香！.📌 鴻圖樓 (觀塘)觀塘鴻圖道30號1-2樓.環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️

薑蒜鹹到嘔，食完都懷疑人生，亂收費，之前跟餐飲品先3蚊，而家跟餐凍熱飲都要收14蚊。建議買之前問清楚幾錢，門口貼果幾張紙都唔啱。燒味幾正宗，不過真係太貴唔抵食，仲要自取

因为去晚了没有点心了，就去1F点的1388四人餐，简直难吃到不行，鲍鱼鹅掌：鲍鱼很腥很硬，鹅掌很咸。蚌肉炒西芹：中规中矩，不难吃。清蒸东星斑：鱼不新鲜且很咸.鱼翅羹：全是硬的碎翅和肉丝，很腥.乳猪拼盆：本来该最早上的菜，追了30分钟都没上，最后端上来全是凉的没办法吃，叉烧很咸很骚，乳猪凉了也不脆了。躺在过去的功劳簿上吃老本的饭店，不知道还能活多久，写在这里希望大家避雷，早上的手工点心没有吃到，但是也不会再来。

重點劣跡：收多錢，賣單前最好自己計一計。叫了三個餸，兩個人，但是計多你一位茶位，計埋+1嘅話，會收多你$15，一時冇計清，淨係收回茶位$13，即係比多兩雞🙄，嗯😐，給人感覺做生意唔多老實啊！當晚晚市人比較少，樓面員工服務質素可以。以工廈酒樓來說，整體性價比不錯，加上新裝修，環境可以，但其他桌的食客質素就是比較喧嘩😵‍💫地點比較格攝，感覺交通不便。說一下食物：三個餸的質素都達中上標準。龍蝦雖然比較細隻，但見師傅有用心整過，味道好味🤤。$138京蔥炒牛肉調味可以，但有三四片是包含非常難以咀嚼的牛筋。$88咕嚕肉味道適中，食材亦都可以。$88

雖然唔係堂食，但係都要講：畀咗一斤燒肉錢，之後覺得好似唔足秤，所以自己走咗去公秤磅到秤下，結果發現連埋個盒先得十一兩，事後好聲好氣搵佢理論仲要大聲夾惡，連唔好意思都冇句，有圖有真相，畀埋佢睇都搞到好似我想屈佢咁個燒味部員工係咁大大聲問我：”係咁你想點呀？想要返幾多錢呀？”畀返個差價我嗰陣又好大聲咁話：”嗱！我畀返你！畀返你！“我先唔理你係咪真係磅錯定係呃人，你哋啲態度咁惡劣就一定唔啱先唔該你哋改善下啲員工對待客人嘅態度先，否則啲嘢食幾好味都冇用

星期日的中午同朋友去飲茶雖然位於工廠區但人流都算多，食物質素幾好的👍🏻但係我地13:05 落咗7款點心，入單只有5款…😔等咗大半個鐘出得四款點心個鳳爪追咗兩次都冇出比我地都未試過四個人食但枱面得四款點心 埋單仲平過M記😰😰等咗1個半鐘 想食都唔想食 最後就取消咗了😂難得星期日放假 就浪費咗成粒鐘等食飯…服務質素同出餐時間真的有待改善…… 😅😅🙏🏻

今日返工經過觀塘搵來搵去都唔知有咩好食跟住見到路口有間餐廳個名好有霸氣叫鴻圖樓所以一於去試吓入到去嗰時五點幾下午茶又未到晚巿時間有啲尷尬 唔知有咩好叫諗住食燒味比較穩陣估唔到都有啲伏餐牌如上已經無叫下午茶餐 驚佢份量好少 唔夠飽以為會好穩陣 點知叫貴嗰個餐原來份量都係少得驚人如果以成人食量來計一定唔夠飽其實成隻碟好的骰我Zoom 埋左影好似好大碟咁飯量得半碗 而且仲要凍 有少少硬生米好似唔係飯煲𢳂出嚟咁叉燒不過不失 唔係半肥瘦係全瘦肉 有少少燶邊不過接受到燒肉就麻麻 皮唔脆 死鹹又係好似擺咗好耐咁整體來講好唔抵死服務又麻麻 環境又唔乾淨張枱黐立立 都唔抹唔會回頭再幫襯囉

(自費食評) OK好味的點心特色煲仔飯系列：鳳爪排骨飯 $45即叫即製，需時大約15分鐘至20分鐘。這個煲仔飯適合2人至3人一起享用。因為份量比較大，而且又非常足料。它的味道十分美味，飯造到很乾身，不會太濕或太淋不過沒有飯焦(特) 原隻鮮蝦腸。傳統酒樓的賣相。它的鮮蝦十分大隻，腸粉皮也不會太粗皮，吃得過(頂) 上湯銀針粉拼水餃有四粒大大的水餃，銀針粉也足料，也很滑身。水餃皮薄足料懷舊仿翅餃。懷舊點心，現在很少酒樓有了。美味不錯。(頂) 至尊蝦餃皇，大大粒內含十分足料的蝦肉，十分有咬口，正黑松露小籠包。麻麻地，太厚皮，太粗皮，不太濃黑松露味

10月23日星期日，揾食肥華諗住在工廠區内嘅呢間酒楼飲早茶會有一個較寧静的環境可以同靚媽嘆番個假日早茶，但事與願違此酒楼在假日嘅早市，原來係高朋滿座，客似雲來顧客必須要自行揾位及與其他茶客搭枱共食，而此店楼面員工亦有人手不足情況，肥華和靚媽揾到座位坐低後大約十多分鍾才有侍應幫你擺位，開咭及開茶幸好此店嘅食物質素可說不俗，雖没有評價特高的食物但整體都有B級水評，更有七八十年代屋村茶楼味道，令肥華和靚媽都有兒時食物感覺，可惜此店嘅衛生環境亦與當年屋村茶楼不遑多讓，肥華和靚媽應該唔會再光顧嘞

平時lunch呢到都好多人等外賣。因為都有好多款既選擇，而且夠快。曾經試過lunch既蒸肉餅係幾好食的。而家收工已經無堂食為方便快捷，又黎左鴻圖樓叫左個三餸飯供應時間 18:00-20:30pm三餸飯 $48四餸飯 $51有湯或飲品乾扁四季豆蒸肉餅，用汁撈飯係最正生炒骨, 但酸酸甜甜，幾好味份量都足夠，同埋味道都唔錯。款式仲有其他餸，有蒸水蛋，炒蓮藕，燒肉炒菜心，炒苦瓜等等，加加埋埋都有12款餸左右。👍🏻👍🏻👍🏻