鴻圖樓

營業中

休息中

見啲人呢排成日分享好多唔同嘅多國菜皆因冇得去旅行但係食完一排之後發覺其實港式菜始終最合自己口味呢日去到觀塘就決定去鴻圖樓點一份情懷燒鵝燒肉飯鵝汁一咬就流晒入嘴🤤皮嘅肉汁鎖緊係肉質裡面相當之入味燒肉外皮香脆 調味不會太鹹外脆內軟好有層次叉燒油雞飯雞肉嫩滑無比做到皮香肉嫩嘅誘惑口感叉燒切得厚而不柴半肥瘦程度剛剛好些微燶邊香脆可口如果你都為咗今晚食乜而煩惱不妨一試鴻圖樓尤其是燒味飯那種香港味道獨一份，絕對無二

收工堂食時段已過，晚餐冇咩idea可以煮D嘜，索性外帶個燒味飯最快捷實際，近近地去附近既鴻圖樓。燒味飯雙併夠豐富，一份叫燻蹄併燒肉，另一份叫切雞併燒鴨，回家共享交換餸食，變成我的夢幻四併燒味組合切雞肉質鮮嫩，唔會斬得太細件多碎骨，撈下葱油薑蓉食開胃晒！燒鴨皮脂肪唔算特別厚，仲幾油亮，連皮食有D油香感先至最好味，送一口飯充滿正能量夾片燻蹄肉送甜豉油飯食，外皮晶瑩軟滑，切件size夠均一，中心位幾煙韌又夠咸香。香脆燒肉冇得彈，金黃爆脆既皮層，加埋夾層軟綿脂肪，超好味

因為得半個鐘頭食飯，是但到公司附近買盒叉燒飯速食。有成年冇幫趁過，記憶好似都可以。到叫我張飛咁我去拎啦，同個阿姐講，唔該俾D薑蔥容。個阿姐回我話 ，又唔早講我冚咗個盒你先講！喂，第一你唔叫冧吧我點知盒飯係我㗎，第二我又點知你冇外賣薑容兜，要打返開個盒筆入去呀？筆羮薑都好似好大工程重要俾說話客聽，係今時今日做飲食真係趕客。返到公司打開盒飯食咗兩啖就掉咗，應該係我食過最乾最柴最冇味叉燒。唔知係咪轉左手，冇下次。

昨天幫襯外賣，發現管理層及樓面轉了新面孔，又有個着晒新潮西裝嘅老細打於里一齊，心想這間酒樓有新氣象。等了一個鐘頭，仍然未有攞到外賣，跟住要求取消攞返錢，一句對不起都聽不到，收銀：「先生，我己經入咗機，我點樣幫你取消張單啊？」我覺得他都說得對，因為入了機，是不可能reset的。而且等了一個鐘頭不是什麼大問題。同時也見到很多客人在等食物，零晒頭。我也不明白，有了新面孔，又有新的點心紙，客人為什麼會不喜歡呢？當時我冇選擇，因為已經沒有時間在等候，我也不想令到酒樓難做唯有轉身離開。在這裏特此說一聲對不起酒樓。白白賺了我$200 ，這間酒樓一定會賺很多錢。

觀塘有一座鴻圖樓🏠，地下嗰層係茶餐廳，二樓係酒樓，3樓就打麻雀🀄️。我哋就去咗酒樓嗰層食下點心，除咗點心仲有唔同嘅嘢食，我哋叫咗個雙拼，有白切雞同叉燒，點心叫咗燒賣同蝦餃🥟，仲有個大臘糯米飯🍚。幾樣野整體來講都唔錯，食得飽之餘，兩個人只係百五蚊左右，相當抵食。個蝦餃幾好食，但啲皮就略為有啲厚身，糯米飯幾大碟，臘腸味幾濃。服務員嘅態度都好好，雖然安排有少少混亂。地方又夠大，坐得舒服，當日中午去食都算多人👌。

收工好夜 喺附近是但搵啲嘢食🥲所以就入咗呢間茶記度搵嘢食 入邊都有好多唔同種類 有小菜有打邊爐 🤩我哋好頹好攰所以就是但叫咗個快餐 快快食完返屋企😪😪- 咖喱牛腩飯 $55 + $8 老火湯好多舊牛腩 牛腩煮到好林咖喱汁好香濃 如果加多幾條菜會更正 🤤個例湯好大碗 ！ 好夠味 唔會太咸 今日嗰個應該係 眉豆花生蓮藕豬展湯 - 傳統臘味飯 $49 + $3 凍檸茶入邊應該有 臘腸 潤腸 臘鴨髀 臘肉 超多臘味🤣分量超多 好充料 簡直係大分夾抵食🤩

話說我係觀塘返工都返左好多年，每日食lunch 都會煩食咩好，今晚經開觀塘路過呢間我流下不少腳毛既餐廳，我曾經早、午、晚都係食佢！早餐買點心食，中午食三餸飯，夜晚食燒尾飯😂😂😂貪佢平、靚.正！今晚經過唔餓都食個飯懷念下😂最緊要懷念佢杯凍奶茶，茶香夠滑👍🏻，味道唔錯我叫左我最愛我燒尾飯，燒鴨併燒肉，燒肉皮冇得輸，脆卜卜另外叫左個枝竹炆羊腩飯，一人份量黎講都唔算少，起碼6、7舊羊肉，又有東菇，枝竹，馬蹄，抵食

有間茶餐廳 之前去counter 比錢啦 佢會叫我自己去水吧比飛啦 但係個水吧佬倒完落紙杯度唔會幫我蓋蓋 唔會比膠袋糖匙羹我要自己整既跟住要再行去點心嗰邊俾飛咁今次我就再行去counter度俾錢佢就叫我出門口直接比點心counter（次次做法都唔同）跟住我就行出去啦 同佢講要早餐叉燒腸 然後佢話嗰個唔係早餐 我話你寫住早市外賣點心套餐咁都唔係早餐？ 跟住佢話咁你食乜嘢 我就話咪講咗叉燒腸（好大聲 因為真係嬲）佢就話 得啦得啦得啦然後明明係收$25蚊 我比$26佢就收晒我26 我問佢係熱飲加錢？佢話係要收26 跟住我睇到張單 24加1 外賣 我就行去拎點心嗰邊唔該下次呢張單寫清寫楚 25蚊收人26蚊都話明係外賣點心套餐 都要額外加一蚊盒錢🙄🙄🙄🙄🙄😯😯😯

12-11-2021 上星期五約了朋友吃飯，點了幾個小茶，其中一個小茶是他們推廣的蒸蝦，海報推為大約有半斤。但上到碟只有果幾隻。我朋友心裡滿不是味兒就向經理質問這碟是什麼問題，經理就說：這個推廣的是為一份。但朋友用手指海報上為半斤一份。經理就賴皮說，和你取消這張訂單，和補充一句，你唔食大把人會食。心聽到一偏怒火。跟本就是不符合商標條例，他海報指明是半斤，出來是數隻一你，認真講一句上不到抬。還有叫的其它小菜，其中一個燒臘拼盤…像餸頭餸尾！做生意不是這樣做！左呃又騙！離譜！

一家人食飯，分咗兩枱坐，所以有迷你版乳豬，乳豬皮好脆，雖然有啲肥芝士澳洲龍蝦伊麵，龍蝦好甜，熱辣辣好食，最重要喺龍蝦差唔多算係拆晒肉，舊肉好容易食😌😌😌😋😋😋炒西芹唔會好咸，但帶子有啲假蒸蟹鉗代替炸蟹鉗，係健康啲，不過冇咁好食個翅有啲咸條魚就蒸得好，好爽滑！鮑魚唔算大隻，稔稔怪怪的，不好吃；鵝掌可以，入味炸子雞個外貌好得，皮薄，好脆👍🏻👍🏻👍🏻加唔到張相，另外上載炒飯OK，起碼乾先，粒粒分明，但係啲蝦好細隻好搞笑黃金糕唔係好甜，薑汁糕煙煙韌韌紅豆沙冇陳皮味，啱我😛生果好靚好甜🥰呢間每碟份量都好大好足，以前都嚟過遲啲有機會再影過大大碟嘅俾大家睇☺️☺️

+$10 當紅炸子雞/半隻兩個人食就叫得🤤👍🏻即叫即炸骨頭都炸到透晒塊皮炸到甘香加埋係用幼齡雞外脆！內嫩！其實店家係賺到咩錢..😂真係蝕晒比客 ❤️襯有得食快d去幫襯🤤👍🏻糖醋生炒骨用左蜜桃黎炒 本身都係酸甜加埋蜜桃🍑香真係好襯送飯一流薑汁炒芥蘭未食過薑絲係可以唔辣口但有薑味好神奇加左乾貨大隻蝦乾芥蘭仲要勁脆身食晒💯最後一碗飯兩個人食飽得濟😂下次會再幫襯太抵🐥店家太瘋狂$10半隻炸子雞真係好抵食.....

同同事去開附近去飲茶，一開始個點心已經有曱甴，換完隔冇耐你一碟炒飯又有多隻！侍應換完就算數，態度又差，永遠唔會再食！其他嘢食又難食，我去茶餐廳求其叫碟頭飯都一定好食d，不知所謂。

今朝起身突然好想飲茶，跟住就約咗朋友，然後佢suggest 左依間。我上網一search 見到d 相，心都離一離點解啲食物相似茶餐廳多過飲茶，仲覺得個fd 玩野跟住黎到先知，原來佢地下個層的確係茶餐廳，一樓就係茶樓（好彩姐，嚇得我🤣但茶樓行嘅路線都比較舊式，佢個裝修冇咩問題，環境都OK乾淨但係呢，攞位就唔係人帶你去嗰種，而係你自己好似m 記等位咁，邊度有枱你自己坐落去🤪食到一半個陣有另外兩個人突然之間坐咗落我地個枱。如果介意依d 嘅人真係唔可以黎e 間🤣餐牌選擇都ok,算係抵食平價類型💰叫左啲野食，上菜速度唔算快，但食完都唔會趕你走。不過食食下有d 熱☀️我拎左部風扇仔出黎吹🌬見到都有其他一兩枱客人用跟佢d 餐牌撥扇🤣

2021.5.29 （六）$70係觀塘搵食【工作】既我，見到餐牌話每2日轉1次【供應時間下午1:45至3:30】，最適合我本人唔使日日轉餐廳【又曬又熱最緊要此茶餐廳 --＞座位多】，仲可以每日食不同款式既超平美食。最開心係配合到我彈性午餐時間。$31 燒乳鴿拼鹹蛋飯+熱飲半隻乳鴿入味，影完相仲熱【窩心】，喜出望外既係鹹蛋竟然漏油及鬆化$39 鮮茄煙肉煎蛋飯+熱飲平凡既飯名，不平凡既味道。煎到燶邊，估佢唔到既煙肉無咩肥，加埋鮮茄，竟然係健康美食。原來執到寶【午市驚喜有你份，每日10份咋】要鄭重提一下《員工服務態度》一流，可以作為茶餐廳界的典範不得不提白飯口感煙韌

今日去個朋友去佢屋企食飯，冇乜理由兩手空空，行過見到呢間酒樓，居然$89有兩個斬料，收銀姐姐話四點先至交來，保證滿意。今日星期五，孖寶套餐是燒腩仔同埋油雞，但係油雞啱啱賣晒，所以變咗白切雞。現在咁困難嘅環境之下，$90都唔使有兩個燒味外賣，其實真係好抵，幫到好多有需要幫助嘅人。味道方面唔好有要求，燒肉其實就冇乜味道，而且嗰啲皮有少少淋嘅感覺，如果拎嚟做豆腐火腩飯應該好好多。白切雞正正常常，唯一嘅缺點就係，師傅切得好大舊，如果細小小就好好多。夜晚返屋企，如果要斬料嘅話可以諗一諗，但係唔好期望好食，但亦都唔係差，總之明白一分錢一分貨的道理就可以。