鴻圖樓

營業中

休息中

有日經過觀塘，見到呢間茶餐廳出邊掛住好大個二拉架，望兩間就嘩然左一聲：咁～平～就毫不猶豫斬料返屋企加餸，真係做爛市既價錢！你睇吓個餐單就會知佢特定左每日既燒味雙味款式，當日我去到，係叉燒配香妃雞！望住師傅斬，已經覺得好足料，拎上手更感到物超所值！依家講吓個味道先，叉燒要咗半肥瘦，一個字，正！叉燒汁唔咸，肥瘦得宜，送飯一流。另外半隻香妃雞份量驚人，餐廳都毫不吝嗇俾咗好多薑蓉，雞肉嫩滑但略嫌肥左小小，但89蚊有咁既份量同味道，真係超祗！

原本呢度啲蝦餃好好味晶瑩剔透裏邊仲有馬蹄好爽口點知頭先我未夠07:00去買佢俾咗啲可能蒸左成晚嘅我甩晒皮 但係我好記得我入餐廳裏面攞我杯茶走嘅時候見到阿姐推車仔打開一龍龍嗰啲蝦餃係好靚嘅 唔知點解外賣部要咁樣對我😢其實佢啲雞扎裏面真係用魚肚唔係用豬皮 而且出面塊腐皮好林好好味 唔會好似有啲酒樓好硬根本就唔係腐皮係紙皮 佢嘅燒賣冇乜特別不過不失 冇乜香味 冇蟹子茶走沖得幾香滑 但係如果你係連點心買套餐啲阿姐會點到你暈陀陀 入去交飛交完飛後會叫你出去等 點知等完又要入返去攞 完全冇系統嘅一個部門 出邊叫外賣又要叫人入餐廳攞 不過如果唔係點喎入去兩次我都唔會見到佢其他蝦餃係咁靚 但係俾啲爛嘅我 總結蝦餃係值得回購 畢竟而家已經好少蝦餃會落筍或者馬蹄呢啲嘢 但係買之前真係要及清楚佢係咪比冇甩皮靚樣嘅你 仲有雞扎都好值得再食 因為除咗腐皮夠林 同裏面嗰塊真係魚肚之外 個豬肚都好爽口

慣例週末飲茶,指定動作,這間酒樓座位不算多，所以坐得比較密，但勝在非常抵食，所以雖然逼少少，但都會繼續光顧。最好味的就是雪映叉燒包，甜度、鹹度剛剛好，天衣無縫，非常惹味，是會食過返尋味的點心.春風得意腸超好食，外軟內脆，好似炸兩咁，但佢好食過炸兩，這款點心其他酒樓食唔到，所以一定要嚟試下，好好味。雞扎好入味，我鍾意佢包得好紮實，唔會一夾就散曬，又夠曬入味。雞包仔好飽滿， 夠曬足料，絕不欺場。我食馬拉糕會留到最後，當正甜品咁，成為一個美好嘅結尾，回味。

最近天氣太熱 個個同事吾想行太遠 於是來左呢到食，原來呢到午餐 吾一定飲茶 （大鄉里出省）見到有個酸菜魚好吸引 價格底食。叫左呢個好野味呀 真係 7個人食如果可以酸D仲好 個底好多菜 有青瓜 蓮藕 羅卜 金菇娃娃菜 腐皮蜜椒雞中翼 必叫好食到暈

今晚一家6人去吃飯，媽媽提議去鴻圖樓食酸菜魚。$268生魚大大煱，個湯底超好味，我飲了兩碗，生魚好白滑又爽口，而且份量超多，一家人食都好夠。同場仲有啲精選特惠菜色，我地點了薑蔥美國筒蠔，蒸原隻鮑魚。

今日一行四人一齊食lunch, 吾知食咩好，最後決定再去鴻圖樓飲茶，蜜椒雞翼係必叫之選，見到之前未見過既點心，鮮蒸魚肉卷，所以叫來試下，上枱後，不論外相及味道都吾會再有下次。

話說男家某位女性長輩要飲茶，晨咁早，９點到茶樓。雖說不遠，但也不近，就在美亞廚具那邊再過一條街。來到茶樓就座，座位之間比較擠迫，稍為肥少少就會有點困難。　而所有食物都已放在枱面了！果個長輩話：食完呢批，再點第二批。　蟹子燒賣皇　　外形飽滿，大大件，味道鮮美，只是餡料有多件肥膏粒。　這不是春卷　　非平常春卷的包法，所以春卷皮夠脆身，清新不油膩。　　　黃金蒸土魷　　啡色魷魚，不似漂白水浸出來的魷魚。口感爽脆彈牙，配惹味咖哩，正！　　　　香煎蝦米腸粉　黃金比列不多，不算很焦香。如果可以煎至金黃色就好了！　　　家鄉炒米粉　　絲絲分明不油膩。鹹度適中，仍嚐到米粉的原味，整體很清新。　　　糯米雞　　糯米難消化，所以令人誤以為好襟食，食後不易肚餓。其實糯米除了難消化，還偏濕，易令人筋骨酸痛。自己才不會冒險呢！　還是把糯米雞留給果位長輩享用。　　　鐵觀音茶　　無茶香，没有茶應有的醇味，只感到澀味。喝了一口，心照！　　　消滅第一批食物後，看到鄰枱客人點了蛋散，所以心動想來一份蛋散。奈何，果位＜跟自己無任何血緣關係＞的男家長輩竟然阻止，又話貴又話剩，話得果二件唔抵食。　原來自己真係＜蛋散＞，連ORDER一

收到朋友call 約飲茶，頓覺頭痕。正如我之前的食評，講飲茶，公司附近實在冇乜平，靚，正嘅選擇，諗起舊年裝修過的鴻圖樓，就過來踩下場。12點來到，已經半滿。麻甩大叔同OL都有，地方細比較逼，只能夠搭檯。拿拿聲揾點心紙睇，廿零三拾蚊個點心，唔太平，其實都預咗。見午市有個點心拼盆(六款)，問侍應知道一款點心有兩件。好，得兩條友，費事諗啦，要個A拼盆(蒸)先! 另加一個煲仔飯。點心拼盤好快上嚟，有D睇頭，頂爆籠咁滯。個流沙包"流"㗎(我意思係"流心"個流，唔係話佢"流料"丫)其他點心味道都唔錯，食完已經半飽。跟住就來鳳爪排骨飯($38)。夠大煲，夠熱。呢度原來星期一至五有免費自助生菓同糖水(今日係紅荳沙)。飲午茶有飯後果都係第一次。總算揾到個似樣少少嘅飲茶地方，希望佢保持水準啦!下次有人call 飲茶吹水就唔洗咁頭痕。

今日約左朋友食lunch, 有人話想飲茶，就選擇了觀塘鴻圖樓，皆因佢向觀塘飲茶黎講都算吾貴，食物味道都吾錯，佢係一間較為舊式既茶樓，1樓、2樓係飲茶的，2樓全部都係房，雖然前排裝修過，但環境仲感覺到舊舊地。今次我們一行四人book左2樓既房點了煎蓮藕餅、燒賣、鳳瓜，义燒腸、菜芯，煎薄餐、义燒包、椒鹽豆腐、同埋必食既蜜椒雞翼，沒有一碟吾好食，賣相又ok。每間房都有專責的姐姐跟進有沒有漏單等服務，上菜速度都吾算雬，下次會繼續幫襯。

呢晚因為夜晚要去Studio，忙碌過後 完成手頭上要完成既任務，又已經到食晚飯既時間了。中菜會係今晚既選擇，想想附近有什麼好吃。位於工廠區 選擇不多，見到呢間酒樓燈光通明 決定試試看。位於一樓 坐位也算寬落，也寧靜 挺舒服。點了數款小菜 其中有：黃金蝦🦐`炸子雞🐥`啫啫芥蘭🌿`蒸海魚🐟。 近期大熱既咸蛋哥。真係好咸香 蝦也新鮮，配搭出黎真係好好吃 忍唔住食左好多隻呢。推薦❤️ 皮脆肉嫩，想不到工廠區既酒樓也做得不錯。望落 賣相也是吸引呢。 食中菜 又點少得點菜。啫啫煲上既菜，一般都較惹味。有蝦乾`蒜頭`醬炒既芥蘭，喜歡濃味的一定愛。 最後廣東人食飯 鐘意食魚。魚蒸得宜，剛熟不老而且很滑 都是技巧呢。連同薑蔥豉油一同下飯，真的可以食多碗飯呀。..想不到在工廠大廈，也有一間醫肚既好選擇。

一班同事相約食烤魚，由於一樓進行裝修，到二樓食飯最好是預先訂枱。這個川式烤魚不能獨食，因為最少要叫半條，一個人應該吃不下半條吧！而且二樓基本上是獨立房間用饍的。烤魚是預先炸熟，愛吃魚皮的不能錯過，配上少量蔬菜，大豆芽，豆腐，芋絲藏在魚下，再加上辣椒，花椒調味，一大盤川式烤魚上菜了。烤魚是用 gas 爐上的，全程都可以襯熱食，這點很重要。麻辣度是可以選擇的，我們點的是麻辣，小辣，平常只能吃少少辣的我，這個味道是能接受的。除烤魚外，我們還點了酸魚和數個點心，味道也是不錯的。

假日在工業區內參加活動， 活動完結後係時候食嘢， 假日工廠區大部份餐廳都休息沒開門，舊式酒樓就試試吧！ 很久很久以前嚟過食雀局飯，抱著一個抵字去食就絕無問題。劃點心睇睇價錢，大中小點均一$18.8。找回兒時灼菜的油鹽水香。油立立令掛在每條菜上。很久沒見的叉燒酥。可能小食，有感好味到想要多一碟。有點舊味道的鵪鶉蛋燒賣，鵪鶉蛋口感較硬。煙韌軟軟紅棗糕，質地好痴筷子。夠薄皮多料腸粉，叉燒好重手。極脆口粟米餅。脆口得嚟小油先勁!👍啲待應姨姨全部有咁上下年紀，笑容滿面，有講有笑!

今日好趕時間，所以路過就入嘅茶餐廳。諗住快餐冇嘢分享，但係.....原來星期日，同公眾假期係加一服務費，入嚟之前睇唔到，坐低咗就冇走到，冇乜招呼之餘，埋單要自己行出去畀錢，點解要收加一?!我的快餐：葡汁豬扒火腿飯，葡汁冇咩椰香同咖哩香味，只有顏色， 基本上個汁裝到有蔬菜就有菜食，但係呢碟祇有一片薄紅蘿蔔，得塊皮嘅紅椒，青瓜，火腿係薄同細，大約係豬扒一半嘅大細，豬扒唔淋囉。本來想飲碗中湯，但係要加八蚊，冇飲咯。朋友的午餐：咖喱牛筋腩飯，咖喱小香，冇辣味，牛筋牛腩都淋。

第一次！真係第一次買燒味飯加薑蓉要加錢！WTH？！明明係叉鴨飯，俾個酸梅醬都要問先有，唔會有下次囉。BTW，鴻圖樓嘅叉燒多數係瘦叉，會乾小小。燒鴨撞正係髀位，大啖肉，不過都係乾咗少少。但HKD31喺觀塘區係抵嘅。美咪指數：6.5/10抵食指數：7.5/10

今日 Happy Firday﹐ 約埋一大班同事去嘆茶。位置鴻圖道近巧明街，由地面至三樓是食肆。 我們在二樓飲茶， 酒樓比較傳統及舊式， 二樓間格很多小房間， 供客人打雀局用的， 在午市時段，大概有8位左右， 打電話訂枱， 酒樓可以安排房間， 一班同事可高談闊論，亦不怕騷擾其他食客或被其他食客聲浪騷擾， 很不錯。 食物種類很多很多， 有各式點心， 小菜， 碟頭飯。可惜酒樓有點舊。 其中有碟蜜椒雞中翼， 得不錯。 即點即炸， 脆卜卜， 雞肉香軟， 再加蜜糖辣椒汁， 唔太辣架， 好惹味呢!