鳳城1954 (MegaBox)

營業中

休息中

Book左6點，8點交枱6點入座6點十五分鐘落單7點未話未上得其中一樣仲要話冇要改蠔油上我算。坐到7:35只係食得兩碟離晒譜。下次唔會再食我book早時間就係想早啲食完早啲走經理又話人多隔離幾枱遲黎都食完每碟上完要等30分鐘

Happy Friday 午餐同同事慶生，好耐冇飲茶，一於食中式去鳳城一定要食兩樣野，脆皮炸子雞同西米布甸炸子雞絕對有保證，皮脆肉嫩，雞味重有肉汁鮑汁鳳爪，係唔夠淋，但d汁好香加咗魷魚多一份海味嘅鮮牛仔骨陳村粉， 睇落好似好咸但食落又剛剛好，牛仔骨有幾塊淋但有幾塊有筋混醬腸粉，做型win， 而我哋嘅主角就係混醬蜜汁火腿配包，好少見呢款點心，好特別，蜜汁火腿味道好配個包仔一齊食叉燒包，🐷做型好得意，立即變咗一個唔普通嘅叉燒包咸水角，又係可愛做型🥕🥕🥕甜品杏仁茶同西米布甸杏仁茶，好香有杏仁味但唔重西米布甸，外皮有d QQ彈彈有d奇怪，內心好滑好香吉士味，加埋小小蓮蓉，完美總括食物味道係好，加上得意做型有分加同事唔知用邊度訂位有9折

鳳城酒家嘅點心 灌湯餃最出名佢嘅灌湯餃係好好食 味道份量夠而且仲好足料但其他點心可以用難食嚟形容睇menu覺得點心嘅名好特別點心嚟到嘅時候擺盤好靚 睇落都好精緻好特別當然價錢亦比一般嘅點心貴啦但係…….估唔到春卷竟然係凍而且淋 一啲都唔脆😖三個好可愛嘅包都係凍 入面仲要冇流心對啲點心真係好失望 但由於太多人嘅關係Staff都忙到唔得閒 都冇諗住叫佢地換過籠但勝在環境好光猛 地方夠大 一啲都唔逼一家大細去食的確係夠曬闊落希望可以改善下食物質素 控制點心時間

好耐無嚟鳳城飲茶了，今日行開megabox就嚟食下，排隊都要差唔多半粒鐘了，入到去睇餐單見好多點心都幾特別了，就點咗牛肉球，牛仔骨同腸粉試下😋全部都真係唔錯，仲有好多想試

三點三，下午茶，想試吓食港女下午茶，見到佢門口有個三層架嘅下午茶餐，叫做「伍肆點聚」，感覺好特別，於是一枝箭就衝左入去試啦呢個餐平日一至五就$98兩位星期六日及公眾假期就$168兩位都係下午兩點到五點供應第一層係三個包，原本以為三個都係豬仔包原來另外嗰兩個係心心眼🤣分別係熔岩流沙包青趣奶皇子豬嘜叉燒包第二層係蝦餃燒賣分別係櫻花蝦燒賣彩虹鮮蝦餃最後一層鹹甜點分別係小鳳伊人甘筍鹹水角彩棉香芒布甸原本都以為食完會好快肚餓，會好快食晚餐，結果食完都幾飽下，唔鍾意西式下午茶嘅都可以試吓呢個中式嘅下午茶，感覺更加特別有趣

歌嚟睇傢俬發現呢度原來有間咁唔錯嘅中餐廳，好多傳統特色小菜，真係驚為天人。呢個龍蝦汁腐皮卷，腐皮真係掛住d湯汁 真係好正啊！而且 內涵十足！可愛嘅鹹水角喺蘿蔔嘅造型好得意呀。當然一定要叫哩個特色嘅小菜，炸左嘅灌湯餃真係好傳統號特色啊。黎個夾包都好有特色，甜甜地嘅蜜汁再加上金華火腿，夾埋哩個軟軟嘅包真係好好食呀。抵食之選 68蚊竟然咁鬼大肉 仲有下邊嘅陳村粉同呢個啲醬汁好夾阿仲有哩個一蟹3食，炸到脆卜卜，炸蟹鉗小朋友最愛，啖啖肉！好彈牙！ 蟹蓋 釀蟹肉 好鮮味 好味！

今日溜冰後餓到打哂鼓，又唔想食咁普通既野，結果就比另一半捉左去食High Tea🫣一講High Tea 以為係西式，去到原來係中式😳可能當日係平日啦 餐廳唔多人 坐得好舒服Tea set有抹茶流沙包、叉燒包、奶皇包、蝦餃、燒賣、鹹水角、鳳梨酥、芒果布甸加錢叫了一碟乾燒伊麵另外仲加多左一個西米焗布甸

星期六中午時間去食 要等幾張枱環境都闊落好坐 但點心認真麻麻地$78得6件嘅大良炸鮮奶，係咸嘅，入面仲有啲葱？可能我孤陋寡聞食開甜版，呢款同我認知嘅炸鮮奶真係有啲出入而且只係微暖，炸得太油，搞唔掂食咗一件都唔想再食三式炸物 $42 呢款一落單完無耐就上菜，即係整定嘅，咁當然唔係熱辣辣啦味道都係正常發揮咁，個叉燒酥入面有啲芒果茸幾特別包羅萬有 $50可以試哂三款包，造型都cute流沙同綠茶包都好流沙～唔錯不過綠茶嗰款就真係綠茶味嚟，唔係抹茶 如果奶味重返啲應該仲好食彩虹蝦餃都ok最後，等咗勁耐先上嘅 炸粉果追咗幾次單啲姐姐好似都冇點幫我跟咁😅呢款就終於係熱嘅炸物啦，但唔試都無損失，無乜特別總結：五款點心埋單$320，食第二間/第樣嘢好似開心啲

[ 鳳城1954 ]之前同屋企人去過主打傳統順德菜嘅鳳城酒家食飯，而今次嚟到megabox行街之餘，仲去咗呢間鳳城1954品嘗新派順德菜🤤✿ 金皮炸子雞 🐔$188/半隻呢款係鳳城招牌菜，炸子雞炸得外脆內嫩。✿ 招牌鳳城炒飯 $138炒飯飯底口感清爽，粒粒分明，乾身唔油膩，材料跟揚州炒飯差不多，有蝦、叉燒、蛋&蔥，但仲加埋番茄粒，質感較濕潤，容易入口，特別開胃好味。✿ 包羅萬有😆$50溶岩流沙包、青趣奶黃子&豬嘜叉燒包各一個。菜式加入小朋友喜歡嘅動物元素，點心外形討喜，而青趣奶黃子入面係流心抹茶，抹茶味非常濃，相當特別。✿ 美肌3.6桃膠奶凍 $39呢款糖水非常足料，有蓮子、桃膠、杞子、龍眼、紅棗，好味又養顏🧏🏻‍♀️🧏🏻‍♀️✿ 彩棉芒果布甸 $39呢款凍食甜品外貌好靚，有色彩繽紛嘅綿花糖係面，下邊喺甜甜嘅芒果布甸🥭芒果肉都幾甜😋😋總結🫦餐廳將傳統順德特色小菜改良，而且用餐環境簡約舒適，係品嘗順德菜嘅好體驗👍🏻✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿鳳城1954地址：九龍灣宏照道38號MEGABOX 7樓6號鋪電話：39052299✿✿✿✿✿✿✿✿✿✿✿✿✿✿✿✿✿✿✿✿✿✿

今天午飯時候，一行三人，來到這間鳳城1954， 點這裏的招牌鳳城炒飯， 飯炒得非常乾身，蝦亦相當新鮮及大隻，沒有油膩的感覺，份量也很足，供四人吃也可以。還有金皮炸子雞半隻，送到的時候，已經聞到炸子雞的香味，大家忍不住立時夾了幾塊，所以相片是在吃了幾塊之後才拍的。 雞皮炸得非常脆口，肉質也很鮮嫩，烹調技術很好。魚湯魚腐浸菜苗，清清淡淡，不過不失。最後，當然要吃這店的西米焗布甸， 外皮韌韌的，蓮蓉餡料香滑份量又夠，有些甜，未完可接受。總的來說，這是一頓不錯的午餐。

我琴日帶媽咪,呀婆同呀女(BB)去megabox既分店食午餐,當時入坐係13:32,一坐底冇幾耐張枱就有隻曱甴爬過,我叫媽咪即刻拍死佢,之後叫侍應抹枱因為我呀公係順德人,所以呀婆食咗好多年順德菜我先帶佢嚟試下,點知佢不停話唔好食我地叫咗呢d野：煎釀鯪魚 d肉梅,條魚好腥炸鮮奶 點解係咸既?仲有蔥(大良炸鮮奶係甜)蟲草花燉竹絲雞湯 好咸順水魚湯龍躉泡飯 d魚好細粒,好小,有骨有鱗,又凍灌湯餃 一般咸水角 ok煎蘿蔔糕 ok豬嘜叉燒包 ok杏仁茶 第二樣嚟到,由熱變凍(正常甜品最後出)最後埋單800幾

一早在網上訂了位，11時多不用等位已可以入坐。今天安排了坐在窗口位，以Megabox高樓層為賣點，遠眺九龍灣的景色，心情暢快！經討論後點了7道點心，每款點心都各有特色：首先上菜的是 <<龍蝦湯鮮竹卷>>，龍蝦湯頗鮮味，鮮竹卷又是吸湯之味，入口甘香！其後的 <<黑松露野菌餃>> 及 <<鳳城水餃>> 均不錯。<<黑松露野菌餃>>香濃菇菌味再添黑松露香味。<<鳳城水餃>> 亦含大隻的蝦肉作餡料，鮮甜無比，非常足料！煎炸組合登埸！蘿蔔絲酥餅、咸水角、香芒叉燒酥都很香口。特別是叉燒酥添加了芒果蓉，非常解油膩！<<安格斯霸王>> 及 <<金藏牛肉球>>，同樣是牛肉，卻有兩種食法，非常可口！最後，以 <<鮑魚燒賣>> 作結！大顆又足料的鮑魚燒賣，為一餐「飲茶」畫上完美句號！總結：點心質素不錯！中等價位，坐位闊落舒服，窗口景氣一流！

見到咁多好評就嚟試下…. 叫哂啲得意精緻造型嘅點心…. 最後中大伏係良野雞卷、炸鮮奶！油到不得了都算，個炸雞卷係有浸油益味… 英文寫係豬做，但其實係一舊粉包住紅色蠟腸去炸… 好難食！ 炸鮮奶我認知係甜嘅，但佢呢舊入面有啲蔥、鹹鹹地冇乜味，又係油到爆。包點可愛但味道一般，埋單$388…. 場地熱、嘈吵、外圍商場地方涼過裡面… 位同位中間窄…. 試一次打卡可以，但唔會再嚟食*餐後油到kam kam聲，要即刻飲齋啡同茶清下…

鳥籠入邊嘅點心有流沙包鳳梨酥燒賣布甸等等，味道都可以，如果呢個價錢同埋用嚟打卡嘅話咁食物質素唔算太着重係可以嘅，好食既。另外腸粉都OK，係個陳村粉個排骨鹹咗少少，但係配埋無味既陳村粉嚟食，都可以。總體都係滿意既。值得一讚係佢個燒賣真係好大粒，食哂4粒都飽😬😬

高級粵菜一九龍灣鳳城在九龍灣MegaBox食肆林立，餐廳們要做到客似雲來絕不容易，用客似雲來來形容鳳城，就絕不為過，今天我這個饞嘴的人，又要再到鳳城吃個飽。首先點了我最愛的燒雞，這兒的燒雞一向皮薄，皮下沒有皮下脂肪，肉質細嫩的，皮脆脆的，有點像吃薯片。上次我試過這兒的水餃，也是很不錯的，今天的水餃也是皮薄，餡料足，很大件。還有伴食的生菜也十分爽口。今天試了新菜式，就是涼瓜炒鴨片，涼瓜很爽口，厚肉，但不會苦，反而很清甜可口，鴨片嫩滑，味道剛好。甜品方面，我們點了芒果布甸及桃膠奶凍。在這炎熱的夏天，芒果布甸透心涼，又香又滑，又有芒果肉，好味。我自己比較喜歡桃膠奶凍，因為桃膠，蓮子，各式豆類，我覺得很養生口，很有營養，真好，又好味，又有益。我們都很滿意今晚的菜式，大家相約中秋節前後再來一聚。❤️鳳城1954 (MegaBox) (九龍灣)九龍灣宏照道38號企業廣場5期MEGABOX7樓6號鋪#hkfoodie#beautifulcuisines#kolhk#foodstagram#nomnom#lifestyle#finedining#香港好去處#打卡#吃貨#美食日記#香港美食#美食推薦#相機