鳳城1954 (MegaBox)

營業中

休息中

服務員態度極差服務員態度極差服務員態度極差一家人去食個晚飯，叫個好似經理既白頭呀叔黎幫手（係你呀）攞多隻碗俾小朋友，就話你要咁多碗做咩，整到佢地啲碗污糟晒，要佢地洗。之後攞隻碗黎西口西面，你咁既服務態度叫人點會再嚟幫襯你呀。咁大間餐廳提供多一隻碗俾小朋友都有問題？ 問題係我正常使用隻碗，怕啲碗碟污糟就唔好開門做生意嗎，叫你老闆將啲碗碟表起佢。千祈唔好俾人用。食到成肚氣，我唔會再黎呢間野受氣，不會再幫襯。完。

黎過食幾次，每次都高水準，次次黎小朋友都要食🐷豬豬造型包🐷一籠有三件$46佢哋好鐘意。再會食好大碗招牌鳳城炒飯$158炒飯又係差唔多次次黎都會叫，呢個炒飯好足料👍🏻而且炒到粒粒分明大人小朋友都爭住食！但今次想推介嘅係🍲魚湯龍躉泡飯👅$178我好鐘意，魚湯真材實料，飲落好順喉～～完全唔係味精湯🤭成鍋泡飯有個火坐住🔥所以天氣凍嘅時候，食呢個熱辣辣嘅龍躉泡飯，真係最明智嘅選擇😍🍍波蘿咕嚕肉$148個汁唔會太酸，味道恰到好處，而且炸到外脆內軟，雖然咬開落都見到啲豬肉幾肥下🤣但係好味道都忍唔住食多咗幾舊🥹🤭🐂牛仔骨陳村粉$68陳村粉出面已經好難有得食…….呢個好似係香港差不多絕跡嘅菜式,所以每次嚟我都會叫呢個食😌呢個都好好食😋整體嚟講，我都好推薦大家食呢間，環境又坐得舒服，而且我每次嚟，無論係食午市點心、還是晚飯小菜⋯⋯品質都做得好好🫶🏼

嚟到假期屋企人話呢間野好好食想一齊嚟飲茶食夠$400有免費泊車3個鐘咁就嚟試下啦～因為交通唔太方便既關係，呢到假期反而無乜人，都係平日番工日子既人多所以食飯時間去到都唔洗等位春風得意腸$53腸粉入面係蝦春卷，脆口又好食，蝦肉飽滿安格斯霸王$53即係安格斯牛肉既腸粉，牛肉好滑嫩，配埋佢哋啲豉油好好食牛肝菌腐皮卷$42入面係啲菇，點甜辣醬食，好match好好食宮廷紅棗糕$39比我想像中好食，口感煙韌，微微紅棗味，奶香味比較重彩虹鮮蝦餃$52入面蝦好夠多，但味道比較普通無咩驚喜櫻花蝦燒賣$42味道都係普通，同一般酒樓食嘅差唔多胡椒豬肚雲吞湯$42呢個價錢嚟講，我覺得都算抵食，雲吞有三粒，個湯都整得好好食，好有奶香味嘅胡椒豬肚湯，落咗啲白果古法灌湯餃$42本身啲湯係喺個餃入面，但穿左所以咁🤣好足料，好似食翅咁，但味道比較淡總體嚟講間野都好食既，下次會再想試其他野

之前曾經食過覺得唔錯^o^ 所以諗住再次光顧可惜風光不再 看到貴店剛開門打算入內搵位，但晨早流流門口職員的服務就已經可以體現到貴公司差劣既服務態度 詢問位置之時 表現出一臉不耐煩🙄🙄🙄 我們寧願馬上離開光顧其他餐廳！

我老闆成日去帶我哋去鳳城食，佢成日都話鳳城好味平靚正咁平時中午都會嗌點心俾佢食嘅，佢自己就最鍾意食蟹粉豆苗餃啦鳳城水餃啦仲有蝦多士咁今日呢就加咗多咗一碟龍蝦伊麵俾我哋食嘩好好味龍蝦超級大牙同埋個伊麵好香加咗芝士味應該咁另外啦，員工都好好啦，同埋嗌咗個腸粉我自己就覺得一般般 但係就另外嗌咗個豬仔包用咗豬仔嘅樣，我覺得好可愛同埋都幾好食咁另外嗌咗啲正常都食到嘅點心啊炸粉果啊蝦餃啊鹹水角啊同埋魚皮嗰啲我都覺得不過不實咁主要係我老闆好鍾意食

中國菜中，粵菜系有分廣州菜、潮州菜、客家菜及順德菜。當中順德菜，又名鳳城菜，是中菜的佼佼者。順德魚農產品富庶，再加上在中國歷史上自南宋時代經濟活動已經非常活躍，加上人文薈萃、文化發展迅速，順德菜亦因而盛名。鳳城酒家是香港享負盛名的順德菜館，已有數十年歷史，除了傳統的菜色外，還會推陳出新，不時推出時令菜譜，例如最近的大閘蟹、蛇羮等，不過筆者還是最愛傳統的菜色。今餐有點心，包括蟹粉豆苗餃及鳳城水餃，小菜有1954蝦多士、大良炸鮮奶及蜆芥鯪魚球，主食有牛仔骨陳村粉，而甜品是西米焗布甸。蟹粉豆苗餃絕不欺場，大大隻的餃子，用料十足，不過蟹粉不算太多。鳳城水餃也是大大隻的，不過由於水餃在市場上實在太多，未見有特別的驚喜。1954蝦多士是以每件計，麵包上的蝦是完隻蝦，十分新鮮彈牙。大良炸鮮奶是必食的，因為已經不是很多酒樓會提供，這裏的炸鮮奶是鹹食，鮮奶饀有些䓤，炸皮非常鬆化。蜆芥鯪魚球略嫌魚肉的彈牙力一般，但蜆芥汁不算太鹹，而且有成隻的蜆肉，十分滿足。牛仔骨陳村粉黑椒味濃，與陳村粉一起食洽到好處。西米焗布甸也是必食的，在市場上也不算多見，布甸內有蓮蓉，但甜度適中，就算已經吃得飽飽的，也不會覺得太膩。

今晚同朋友搵個地方食下飯傾下計 ，咁岩行過， 等佐15分鍾就入得..入到職員有禮招呼帶位， 座位寬闊很方便我們傾偈，食物方面， 夠晒特色，打卡一流， 上菜速度適中， 今晚叫咗爆羔大閘蟹非常好食，仲有蟹粉小籠包，非常Juicy，喺入面全部都係蟹粉湯😋⋯⋯記得小心燙口..仲有炸蟹鉗，入面真係有蟹肉，識食一定要食懷舊蛋白杏仁茶…而家好少地方有得食，呢個真係一定要試，甜度適中，仲會有合桃酥，下次一定會再黎！唯獨是唔方便去廁所在酒樓外面

與時並進的款式同口味，主打菜款為「順德菜」。圖片入面係酒樓為左打入「下午茶」時段而推出的點心，記憶中佢都恒常化左。豬包好似係叉燒包？順德菜的特色，就係工序多。簡單黎講就係手工款。一定要係老師父先做到，隨著未來愈黎愈多老師父退休，只會愈黎愈難食到。鳳城就係不停地創新，希望可以企得穩，繼續係未來做到落去。呢方面係好難好難既，疫情對佢地的打擊都好大。🍳食物質素：非常好。真心好好食。不過價錢亦的確係比普通的茶樓高少少。我覺得係好值既。如果唔係成日去飲茶，偶然去一次我覺得絕對ok。🍴推薦搭配：真係可以隨便叫都好食。我影出黎的呢幾款全都係好食既，去到果時睇心情叫就得。🪑環境座位：MegaBox呢間好大，唔洗怕無位坐。🚗交通：MegaBox💰人頭費：150~200左右

未食到已經味道已經一肚氣到走左!!下午茶時段唔係太多人，比起其他酒樓服務員尚算足夠。入坐左15 分鐘冇人理過我地,連問飲咩茶都冇。最後有個呀姐見到先問，同俾茶我地。我地好快連隨就俾埋落單紙。再等左15分鐘覺得奇怪點解連落單紙都冇。就問d 呀姐，究竟有冇落到單？ 呀姐就唔耐煩咁答"唔係冇人理你，你遞咗紙就得啦",轉個頭個呀姐走黎又問我哋落咗邊張紙嘅單😥佢再走返去收銀處。。。我哋見唔對路，就走過去收銀處問個阿叔，個疑似經理嘅阿叔，惡返我哋轉頭話：落咩單呀" 超唔好脾氣。最後我哋決定唔食就走!鳳城價錢相對其他酒樓偏貴，但服務態度好好好差。根本唔需要俾錢買難受。

入座之後，睇到入邊冇乜人。 坐咗15分鐘都冇人比茶我。 想搵個人落單都難，五六個員工行行企企。 落完單過咗15分鐘，想問啲嘢食嚟未，佢仲串返我轉頭。 原來我張單一路都冇落過。 態度惡劣，唔會再嚟

星期日朝早，唔算太多人，5分鐘唔洗可入座！今次黎鳳城主要想食反懷舊炸粉果同蝦多士….可惜…味道差價錢貴…伏爆！1） $30一件蝦多士，完全無蝦味！唔好食！2） 炸粉果， 入面嘅料完全同以前食開嘅唔一樣，全部係又實又無味嘅蝦，皮唔夠酥脆，可以講幾難食！浸粉果嘅湯似室溫清水，無味！3）蝦餃- 又係炸粉果嘅概相同料， 50幾蚊4粒，荀都無一粒！又係唔爽又無鮮味！難食！4）咸水角 - 得個樣，黎到係唔熱，咬落成口油！啲餡料都幾難食！5）牛肉腸粉- 勁難食，皮厚，牛肉用炒牛河嘅牛肉片，又咸又唔好食，唔知食緊咩…6） 麻椒魚皮- $70幾蚊，又係是但到送比你都唔想食， 魚皮一塊黏住一塊，又碎濕濕，應該放左一段時間，只係食到麻辣醬味…極度懷疑佢嘅點心係批發反黎，以咁嘅價錢，我食公x點心重好…

鳳城點心都算精緻得來，價錢相宜。點心大多係新潮有造型，而且耐唔耐重會換下款，好多都好打卡able，一家大細同小朋友一齊尼飲茶一定好開心。味道都係非常唔錯，做得好過一般酒樓，環境碗碟都乾淨，食得更放心！

到咗話冇位，跟住叫你等30分鐘，跟住之後俾你一張兩個人都坐唔落嘅枱叫你三個人坐，佢當你乞兒，一樣比咁多錢係俾啲咁嘅枱你，坐簡直係乞兒餐廳，唔使比錢咩？咁正垃圾餐廳，佢同你講坐就坐就冇得坐，超級唔尊重客人酒樓

非常差的一次體驗滿心歡喜和家人一起來食晚上7點坐低，到9點還沒上齊菜已經催趕多次，平均15分鐘先來一道菜全場只有四位服務員完全無服務可言菜色味道一般，細份炸物完全不及格六碟餸裡面一個粉漿打天下不值得黎食

今日同家人一齊黎到九龍灣，這邊都好多嘢食選擇；我媽媽鍾意飲茶，所以我哋選了這間酒樓！估唔到有驚喜！😍😍😍環境都幾舒服，乾淨明亮，早去未午餐時段都幾休閑點心選擇唔算多，但款式好特別又可愛造型，好味又得意😍（豬豬叉燒包）軟軟的包配叉燒餡又唔會太甜炸物（春卷、腐皮卷、鹹水角）3個炸物各有特色，我個人覺得春卷最好食，蝦爽皮脆口😎點心拼盤這個又是一籠包了不同款式點心，彩虹蝦餃蝦幾大隻，燒賣我試了一粒（魚乾那件）爽口的口感，滿滿的材料，我媽話紅棗糕唔會好甜；奶黃包的心心樣阿囡爭住食🤣🤣🤣（煎蘿蔔糕）都唔錯，不過咸了點（芝麻糕）彈牙，喜歡配了椰絲花生，口感更豐富（魚鬆炆米粉）這個好適合媽媽同阿囡，唔會乾身、多汁、魚鬆多又香，配了脆肉瓜粒，唔錯